ថៃ៖ ក្រុមជម្រើសជាតិកីឡាទូកប្រពៃណីខ្នាតអន្តរជាតិរបស់កម្ពុជា សម្រាប់ការចូលរួមប្រជែងក្នុងការប្រកួតកីឡាទូកជើងឯកអាស៊ីលើកទី១៤ នៅប្រទេសថៃ ទទួលបានលទ្ធផលល្អច្រើនខុសពីការចូលរួមក្នុងការប្រកួតមុនៗកាលពីឆ្នាំកន្លងៗទៅ។នេះបើយើងតាមការបញ្ជាក់ ពីលោក គង់ សុភាព គ្រូបង្វឹកជម្រើសជាតិកីឡាទូកពីប្រទេសថៃកាលពីថ្ងៃទី២០ ខែ វិច្ឆិកា ឆ្នាំ២០២២។ លោក ថា ការប្រកួតកីឡាទូកជើងអាស៊ីលើកទី១៤ ដែលប្រទេសថៃធ្វើជាម្ចាស់ផ្ទះនេះ មានប្រទេសចូលរួមប្រកួតសរុបចំនួន១២ប្រទេស ដំណើរការប្រកួតចាប់ពីថ្ងៃទី១៩ ដល់ថ្ងៃទី២២ ខែ វិច្ឆិកា ឆ្នាំ២០២២។ គ្រូបង្វឹករូបនេះ បញ្ជាក់ថាទៀតថា សម្រាប់ កម្ពុជា បានបញ្ជូន ប្រតិភូ គ្រូបង្វឹក កីឡាករ កីឡាការិនី សរុបចំនួន៣៥ នាក់ ចូលរួមក្នុងបំណង ដក់ស្រងបច្ចេកទេស ដើម្បីប្រមូលពិសោធន៍ដែលទទួលបានពីការប្រកួត ត្រៀមរៀបចំខ្លួនឲ្យបានល្អ សម្រាប់ដំណើរឆ្ពោះទៅស៊ី ហ្គេមឆ្នាំ២០២៣ ដែលធ្វើឡើងនៅកម្ពុជា។ គ្រូបង្វឹកខាងលើ បានគូបញ្ជាក់ថា ក្នុងកាត់ការប្រកួតប្រជែងរយៈពេល២ថ្ងៃនេះ បើទោះបីក្រុមទូកកម្ពុជាពុំមានលទ្ធភាពដណ្តើមបានមេដាយនូវឡើយ។ តែកត់សម្គាល់ឃើញថា ក្រុមអត្តពលិកទូកកម្ពុជាមានការរីកចំរើនសមត្ថភាពខ្លាំង ដោយក្រុមកម្ពុជាបានឡើងដល់វគ្គផ្តាច់ព្រ័ត្រទាំងអស់និងមានលទ្ធភាពប្រជែងឈ្នះលើប្រទេសជាច្រើន។ហើយនេះក៏ជាសញ្ញាវិជ្ជាមានមួយបង្ហាញថា អត្តពលិកទូកកម្ពុជាមានសក្តានុពលឈានទៅដណ្តើមមេដាយបានពីការប្រកួតកីឡាស៊ីហ្គេម លើកទី៣២ ឆ្នាំ២០២៣ ដែលកម្ពុជាធ្វើជាម្ចាស់ផ្ទះ។ត្បិតជម្រើសជាតិដែលទៅចូលរួមប្រកួតក្នុងជើងឯកអាស៊ីលើកទី១៤នៅថៃ គឺជាជម្រើសជាតិ ដែលពុំធ្លាប់ចូលរួមកម្រិតអន្តរជាតិ។ សូមបញ្ជាក់ថា ព្រឹត្តិការជើងឯកអាស៊ីលើកទី១៤…

ភ្នំពេញ៖ តំណាងក្រសួងអប់រំ យុវជន និងកីឡាបានស្នើឲ្យមន្ត្រីបច្ចេកទេស អាជ្ញាកណ្ដាល និងចៅក្រមកីឡាវូស៊ូប្រឹងប្រឹងប្រែងដុសខាត់សមត្ថភាពរបស់ខ្លួនឲ្យមានគុណភាពល្អប្រសើរ ត្រៀមឆ្ពោះទៅទទួលធ្វើម្ចាស់ផ្ទះ ការប្រកួតកីឡាស៊ីហ្គេម លើកទី៣២ ឆ្នាំ២០២៣ ជាប្រវត្តិសាស្ត្រដំបូងនៅកម្ពុជា។ នេះជាការលើកឡើងរបស់លោក ប៉ែន វុទ្ធី អនុប្រធាននាយកដ្ឋានអប់រំកាយ និងកីឡានៃក្រសួងអប់រំ យុវជន និងកីឡាបានលើកឡើង នៅក្នុងឱកាសបើកវគ្គបណ្តុះបណ្តាលមន្ត្រីបច្ចេកទេស អាជ្ញាកណ្ដាល ចៅក្រមកីឡាវូស៊ូ ដំណើរការពីថ្ងៃទី១០ ដល់ថ្ងៃទី១៨ ខែវិច្ឆិកា ឆ្នាំ២០២២ នៅវិមានពហុកីឡដ្ឋានជាតិ រាជធានីភ្នំពេញ។ តំណាងក្រសួងអប់រំ យុវជន និងកីឡារូបនេះបានចាត់ទុកថា វគ្គនេះពិតជាមានសារសំខាន់ណាស់ ក្នុងការដុសខាត់សមត្ថភាពមន្ត្រីបច្ចេកទេស អាជ្ញាកណ្តាល និងចៅក្រមកីឡាវូស៊ូ សម្រាប់បម្រើដល់ការប្រកួតជាតិ និងអន្តរជាតិនាពេលខាងមុខ។ ជាពិសេស គឺការប្រកួតកីឡាជាតិលើកទី៣ ពីថ្ងៃទី២១-៣០ ខែវិច្ឆិកា ឆ្នាំ២០២២ និងការប្រកួតកីឡាស៊ីហ្គេម លើកទី៣២ ដែលនឹងដំណើរការជាផ្លូវការពីថ្ងៃទី៥-១៧ ខែឧសភា ឆ្នាំ២០២៣។ នេះជាការបង្ហាញពីការខិតខំរបស់សហព័ន្ធ ដើម្បីរៀបចំវគ្គបណ្តុះបណ្តាលបញ្ជ្រាបចំណេះដឹងថ្មីៗជាលក្ខណៈអន្តរជាតិដល់មន្ត្រីថ្នាក់ជាតិ នាពេលនេះ។ ជាមួយគ្នានេះ ប៉ែន វុទ្ធី បានស្នើសុំឲ្យសិក្ខាកាមទាំងអស់ខិតខំក្រេបជញ្ជក់យកចំណេះដឹងនិងចំណេះធ្វើពីគ្រូឧទ្ទេសឲ្យបានល្អប្រសើរ ដើម្បីយកទៅអនុវត្តការងារ ក្នុងនាមជាមន្រ្តីរៀបចំការប្រកួត…

ខេត្តកំពត៖ ការប្រកួតទូកប្រពៃណីខ្នាតអន្តរជាតិ ក្រោមគំនិត្យផ្តួផ្តើម របស់ឯកឧត្តម ម៉ៅ ធនិន អភិបាល នៃគណៈអភិបាលខេត្ត កំពត ដើម្បីអបអរសាទរពិធីបុណ្យអុំទូក សំពះព្រះខែ និងអកអំបុក បានដំណើរការប្រកួតជាផ្លូវការហើយ កាលពីរសៀលថ្ងៃ ទី៦ ខែ វិច្ឆិកា ឆ្នាំ២០២២ ដោយទាក់ទាញប្រជាពលរដ្ឋនៅមូលដ្ឋាន ភ្ញៀវជាតិ និងអន្តរជាតិចូលទស្សនារាប់ពាន់នាក់។ ឯកឧត្តម អ៊ឹង ឆាយ អភិបាលរង ខេត្ត កំពត បានបញ្ជាក់ឲ្យដឹងថា ក្រោមគំនិត្យផ្តួចផ្តើមពីឯកឧត្តម ម៉ៅ ធនិន អភិបាលខេត្ត កំពត បានចង្អុលបង្ហាញឲ្យក្រុមការងារខេត្ត កំពត ទាំងអស់ រៀបចំពិធីបុណ្យអុំទូក សំពះព្រះខែ និងអកអំបុក ប្រារព្ធធ្វើទៅតាមប្រពៃណីជាតិ។ ជាក់ស្តែងការរៀបចំ គឺមានរយៈពេល៣ថ្ងៃ ដោយការប្រកួតទូកមានរយៈពេល២ថ្ងៃ ពីថ្ងៃទី៦-៧ ប្រណាំងទូក និងថ្ងៃ៨ ប្រារព្ធពិធីបណ្តែតប្រទីប សំពះព្រះខែ និងអកអំបុក។ ឯកឧត្តម អភិបាលរង មានប្រសាសន៍ទៀតថា សម្រាប់ទូកដែលចូលរួមប្រកួត គឺជាប្រភេទទូកប្រពៃណីរបស់ខ្មែរយើងមាន២៦ទូកស្មើរ១៣គូ ប្រកួតដោយ១គូអុំចំនួន២ជើងជ្រើសរើសទូកមានថេរៈវេលាលឿន…