ភ្នំពេញ៖ លោក ម៉ារ៉ា សុជាតិ អគ្គលេខាធិការសហព័ន្ធកីឡាប៊ីយ៉ា និងស្នុកឃ័រកម្ពុជា បានថ្លែងប្រាប់ទួរទស្សន៍អប្សរាថា ព្រឹត្តការណ៍កីឡាជាតិលើកទី៣ គឺឪកាសសម្រាប់អត្តពលិក និងមន្រ្តីបច្ចេកទេស ដុសខាត់សមត្ថភាព ត្រៀមព្រឹត្តការណ៍កីឡាស៊ីហ្គេម លើកទី៣ ឆ្នាំ២០២៣ ដែលកម្ពុជាធ្វើជាម្ចាស់ផ្ទះ ដោយជោគជ័យ។ លោក ម៉ារ៉ា សុជាតិ បញ្ជាក់ទៀតថា កីឡាជាតិលើកទី៣នេះ សហព័ន្ធបានដាក់៦វិញ្ញាសា ស្នុកឃ័រ ៤វិញ្ញាសា ប៊ីយ៉ាភូល ២វិញ្ញាសា អោយអត្តពលិកដែលមានសក្តានុពល២០នាក់ មកពីបណ្តារាជធានី-ខេត្តចំនួន៦ធ្វើការប្រកួតប្រជែង។ លោកអគ្គលេខាធិការ បន្តថា ការប្រកួតខាងលើនេះ នឹងអាចស្វែងរកកីឡាករល្អ មកបណ្តារាជាធានី-ខេត្ត ជ្រើសរើសយកមកធ្វើការហ្វឹកហាត់ពីគ្រូជំនាញរបស់សហព័ន្ធជាមួយក្រុមជម្រើសរើសជាតិ ត្រៀមស៊ីហ្គេម ឆ្នាំ២០២៣ និងការប្រកួតកម្រិតអន្តរជាតិធំៗ ជាពិសេសស៊ីហ្គេមបន្តបន្ទាប់ ដើម្បីដណ្តើមមេដាយ និងមោទកភាពជូនជាតិ។ សម្រាប់កីឡាជាតិនេះដែរ សហព័ន្ធបានត្រៀមទីតាំងចំនួន៣ គឺក្លឹបដែលមានកម្រិតស្តង់ដារចំនួន២ និងសណ្ឋាគារធំមួយ ជាមួយនឹងការរៀបចំយ៉ាងយកចិត្តទុកដាក់ ពីមន្រ្តីបច្ចេកទេស ចៅក្រម អាជ្ញាកណ្តាលរបស់សហព័ន្ធ ដើម្បីអោយការប្រកួតនេះ ទទួលបានជោគជ័យ។ នេះជាការបញ្ជាក់បន្ថែមរបស់លោក ម៉ារ៉ា សុជាតិ។ លោក បន្ថែមទៀតថា…

ភ្នំពេញ៖ ខ្សែប្រយុទ្ធឆ្នើមក្រុម ហង្សក្រហម Liverpool រកបាន៣គ្រាប់ នៅក្របខណ្ឌ Champions League ក្រោយយកឈ្នះក្រុមម្ចាស់ផ្ទះ Rangers ក្នុងលទ្ធផល ៧ទល់១ ។ ខណៈក្រុម Napoli កក់កៅអី១៦ក្រុមចុងក្រោយ បន្ទាប់ពីឆ្លងកាត់៤ប្រកួត ឈ្នះទាំង៤ មាន១២ពិន្ទុ នៅពូលA ។ ៧គ្រាប់របស់ហង្សក្រម រកបានដោយកីឡាករ Firmino Roberto ២គ្រាប់ Mohameh Salah ៣គ្រាប់ Darwin Nunez និង Harvey Elliott ម្នាក់មួយគ្រាប់ ស្របពេលដែលកីឡាករ Scott Arfield រកបានមួយគ្រាប់អោយក្រុម Rangers ។ លទ្ធផលបានធ្វើអោយក្រុមហង្សក្រហម ឈរលេខ២ មាន៩ពិន្ទុ ឆ្លងកាត់៤ប្រកួត ឈ្នះ៣ ចាញ់១ តាមពីក្រោយ Napoli ។ រីឯក្រុម Napoli បានកក់កៅអីវគ្ក១៦ក្រុមចុងក្រោយ ក្រោយ៤ប្រកួតឈ្នះទាំង៤ ឈរលេខ១…

ភ្នំពេញ៖ លោក Raja Randhir Singh ប្រធានស្តីទីក្រុមប្រឹក្សាអូឡាំពិកអាស៊ី (OCA) បានផ្ញើលិខិតថ្លែងអំណរគុណឯកឧត្ដម ថោង ខុន រដ្ឋមន្ដ្រីក្រសួងទេសចរណ៍ និងជាប្រធានគណៈកម្មាធិការជាតិអូឡាំពិកកម្ពុជា (NOCC) ដែលបានដឹកនាំ និងរៀបចំមហាសន្និបាតក្រុមប្រឹក្សាកីឡាអូឡាំពិកអាស៊ី លើកទី៤១ ប្រកបដោយភាពជោគជ័យ និងការចងចាំដ៏ល្អ សម្រាប់ប្រតិភូអាស៊ី និងថ្នាក់ដឹកនាំចលនាអូឡាំពិកអន្ដរជាតិ ដែលបានចូលរួមព្រឹត្តិការណ៍នេះកាលពីដើមខែតុលាកន្លងទៅ។ យោងតាមលិខិតរបស់ប្រធានស្ដីទី OCA ដែលបានផ្ញើជូនលោករដ្ឋមន្ដ្រី ថោង ខុន ខាងលើ បានបញ្ជាក់ថា «សូមទទួលយកការគោរពដ៏ជ្រាលជ្រៅល្អបំផុតពីខ្ញុំ ក្នុងឱកាសនេះ ខ្ញុំសូមថ្លែងអំណរគុណឯកឧត្តម រួមទាំងមិត្តរួមការងារក្នុងគណៈកម្មាធិការជាតិអូឡាំពិកកម្ពុជា ដែលបានរៀបចំកម្មវិធីមហាសន្និបាតក្រុមប្រឹក្សាអូឡាំពិកអាស៊ី នៅរាជធានីភ្នំពេញ ទទួលបានជោគជ័យ»។ ដោយមហាសន្និបាតអូឡាំពិកអាស៊ី បានធ្វើឡើងក្នុងលក្ខណៈមួយ ដែលមានជំនាញវិជ្ជាជីវៈច្បាស់លាស់ ការទទួលបដិសណ្ឋារកិច្ចយ៉ាងល្អឥតខ្ចោះជូនដល់ប្រតិភូកីឡាក្រុមប្រឹក្សាអូឡាំពិកអាស៊ី។ ប្រតិភូទាំងអស់ បានទទួលនៅការចង់ចាំដ៏អស្ចារ្យក្នុងការអញ្ជើញមកចូលរួមក្នុងមហាសន្និបាតនេះ។ ខ្ញុំសូមជូនពរឲ្យឯកឧត្តម ទទួលបានជោគជ័យក្នុងការងារ និងសម្រេចបានលទ្ធផលល្អ និងស្នាដៃធំៗបន្ថែមទៀត ក្នុងការរៀបចំការប្រកួតកីឡាស៊ីហ្គេម នៅកម្ពុជានាពេលខាងមុខ»។ សូមរំឮកថា មហាសន្និបាត OCA លើកទី៤១ នៅកម្ពុជា បានប្រព្រឹត្តទៅ កាលពីថ្ងៃទី០១-០៥ ខែតុលា…

ក្រុមតោខៀវ Chelsea និងមេឃខៀវ Man City សិតតែទទួលបានជ័យជំនះដូចគ្នា កាលពីយប់មិញ នៅក្របខណ្ឌ Uefa Champions League ។ ក្រុម Chelsea បានយកឈ្នះ ក្រុម A C Milan ក្នុងលទ្ធផល ៣ទល់០ រកបានដោយកីឡាករ Wesley Fofana នៅនាទីទី២៤ , Emerick Aubameyang នៅនាទីទី៥៦ និងកីឡាករ Reece James នៅនាទីទី៦១ លទ្ធផលនេះ ធ្វើអោយក្រុមតោខៀវឈរលេខ២ នៅពូល E មាន៤ពិន្ទុ ឆ្លងកាត់៣ប្រកួត ឈ្នះ១ ស្មើ១ ចាញ់១ ខណៈក្រុម FC Salzburg ឈរលេខ១ មាន៥ពិន្ទុ ៣ប្រកួតដូចគ្នា ឈ្នះ១ ស្មើ២ ។ រីឯក្រុម មេឃខៀវ Man City…