ភ្នំពេញ៖ លោក ស៊ន អេលី ស្ថាបនិកកម្មវិធីប្រដាល់គុនខ្មែរអលស្តារ ជាគ្រូបង្វឹកក្លឹបប្រដាល់គុនខ្មែរនាយដ្ឋានអង្គរក្ស បានបញ្ជាក់ប្រាប់អ្នកព័ត៌មាន កាលពីពេលថ្មីៗនេះថា កីឡាករគុនខ្មែរដែលអាចជួយឲ្យខ្លួនល្បីល្បាញនៅលើវិថីគុនខ្មែរបាន លុះត្រាតែកីឡាករគោរពឲ្យបាននៅវិន័យក្លឹបស្តាប់តាមការណែនាំរបស់គ្រូបង្វឹក និងជាពិសេស ត្រូវមានវិន័យចំពោះខ្លួនឯងឲ្យបានម៉ឹងម៉ាត់និងម៉ត់ចត់បំផុត។ ប៉ុន្តែជាក់ស្តែង កីឡាករគុនខ្មែរ នាពេលបច្ចុប្បន្នមួយចំនួន លោក សង្កេតឃើញថា ឲ្យតែមានឈ្មោះបោះសំឡេងល្បីបន្តិចបន្តួចស្រាប់តែធ្វើខ្លួនមិនមានវិន័យតែម្តង ដោយអ្នកខ្លះទៅផឹកគ្រឿងស្រវឹង លេងល្បែងចោលការហ្វឹកហាត់ ខណៈអ្នកខ្លះទៀតឈានទៅប្រើប្រាស់គ្រឿងថែមទៀតផង។ កក្តាទាំងនេះ លោកថា ជាការបំផ្លាញខ្លួនឯងតែម្តង។ ជាមួយគ្នានេះ ក្លឹបប្រដាល់របស់លោក គឺផ្តោតសំខាន់លើការគោរពវិន័យ បើពុំនោះទេនិងត្រូវរងការពិន័យមិនឲ្យប្រកួតទៅតាមទំហំសកម្មភាពដែលបានប្រព្រឹត្តខុស។ សូមបញ្ជាក់ថា លោក ស៊ន អេលីត ត្រូវបានអ្នកនិយមគាំទ្រគុនខ្មែរស្គាល់ថា ជាគ្រូប្រដាល់ម្នាក់ដែលមានមហិជ្ជៈតាខ្ពស់ក្នុងវិស័យគុនខ្មែរទាំងការដឹកនាំក្លឹប និងការដឹកនាំសិស្សប្រកប ដោយភាពម៉ឺងម៉ាត់និងច្បាស់លាស់។ មួយវិញទៀត ប្រធានក្លឹបនាយករដ្ឋានអង្គរក្សខាងលើក៏ជាស្ថាបនិកកម្មវិធីប្រដាល់មួយដ៏ធំនៅកម្ពុជាមួយផងដែរ។ដែលមានអ្នកតាមដាននិងអ្នកទស្សនារ៉ាប់ម៉ឺននាក់ គឺកម្មវិធីប្រដាល់គុនខ្មែរអលស្តារ ហើយមកទល់បច្ចុប្បន្នកម្មវិធីនេះ ដំណើរការបាន៤វគ្គមកហើយ ខណៈវគ្គទី៥ នឹងមានវត្តមាននៅពេលខាងមុខនេះ៕ អត្ថបទៈ ជាវ ចន្ធូ

ភ្នំពេញ៖ យោងតាមសេចក្តីជូនដំណឹងរបស់គណៈកម្មាធិការជាតិប៉ារ៉ាឡាំពិកកម្ពុជា បានឲ្យដឹងថា នៅក្នុងព្រឹត្តិការណ៍កីឡាជាតិលើកទី៣ ដែលរៀបចំដោយក្រសួងអប់រំយុវជននិងកីឡា ដែលប្រព្រឹត្តិទៅ នាអំឡុងខែ វិច្ឆិកា ឆ្នាំ២០២២ខាងមុខនេះ ប្រភេទកីឡាជនពិការចំនួន៧ បានអនុញ្ញាតឲ្យចូលរួមមានដូចជា៖ កីឡាវាយសី កីឡាអត្តពលកម្ម ហែលទឹក បាល់បោះរទះ បាល់ទះអងង្គយ ប៊ូស្យានិងកីឡាវាយកូនឃ្លីលើតុ។ប្រភេទកីឡាទាំង៧ខាងលើនេះត្រូវបានក្រសួងអប់រំយុវជននិងកីឡាដាក់បញ្ចូលក្នុងកីឡាជាតិជាលើកដំបូង ក្នុងគោលបំណងផ្តល់ឱកាសឲ្យអត្តពលិកកីឡាជនពិការ ក្នុងនោះមានមន្រ្តីបច្ចេកទេស គ្រូបង្វឹក កីឡាករកីឡាការិនីទាំងអស់បានពង្រឹងសមត្ថភាពតារយៈការប្រកួត និងរៀនសូត្រពីការរៀបចំការប្រកួតផ្សេងៗ ដើម្បីត្រៀមខ្លួនឆ្ពោះទៅធ្វើជាម្ចាស់ផ្ទះអាស៊ានប៉ារ៉ាហ្គេម លើកទី១២ ដែលកម្ពុជាធ្វើជាម្ចាស់ផ្ទះ។អាស្រាយហេតុនេះ សេចក្តីជូនដំណឹងខាងលើនេះ សូមជម្រាបដល់អាណាព្យាបាលបងប្អូនមានពិការភាពទាំងអស់ មេត្តាចុះឈ្មោះចូលរួមការប្រកួតឲ្យបានច្រើនកុះករតាមរយៈមន្ទីរអប់រំខេត្តនិងនិមួយ ឬធ្វើការទំនាក់ទំនងលេខាធិការដ្ឋានរបស់គណៈកម្មាធិការជាតិប៉ារ៉ាឡាំពិកម្ពុជា តាមរយៈលេខទូរទស័ព្ទ០១៦៦៦៦៨០/ ០១៥៩០១៥៤០ឬ០៩៨៧៤៧១២៣សម្រាប់ព័ត៌មានបន្ថែម។ការចុះឈ្មោះដោយភ្ជាប់មកជាមួយរូបថត៖4×6ចំនួន៨សន្លឹក អត្តសញ្ញណប័ណ្ណថតចម្លងចំនួន១ច្បាប់ និងកាតចាក់វ៉ាក់សាំងចំនួន១ច្បាប់។ចូលរួមគ្រប់ភាគីពាក់ព័តន្ធ័ជាចលកដើម្បីកសាងសក្តានុពលត្រៀមលក្ខណៈ ការប្រកួតកីឡាអាស៊ានប៉ារ៉ាហ្គេមលើកទី១២ នាឆ្នាំ២០២៣ដែលព្រះរាជាណាចក្រកម្ពុជាយើងមានមហាកេត្តិយសធ្វើជាម្ចាស់ផ្ទះ។សូមបញ្ជាក់ថា កីឡាជាតិលើកទី៣ គ្រោងរៀបចំពីថ្ងៃទី២១ ដល់ថ្ងៃទី៣០ ខែ វិច្ឆិកា ឆ្នាំ២០២២ ៕ អត្ថបទ៖ ជាវ ចន្ធូ

ភ្នំពេញ៖ ទិវារត់ប្រណាំងពាក់កណ្តាលម៉ារ៉ាតុងលើកទី២៧ នៅអង្គរវត្តដែលនឹងប្រព្រឹត្តិការណ៍ទៅនាថ្ងៃទី៤ ខែ ធ្នូ២០២២ នៅមុខប្រាទអង្គរវត្ត ខេត្តសៀមរាប ត្រូវបានឯកឧត្តម វ៉ាត់ ចំរើន អគ្គលេខាធិការ គណៈកម្មាធិការជាតិអូឡាំពិកកម្ពុជាវាយតម្លៃថា នឹងរួមចំណែកជួយឲ្យឲ្យកំណើនភ្ញៀវអន្តរជាតិ និងស្ថានភាពសេដ្ឋកិច្ចនៅក្នុងខេត្តទាំងមូលងើបឡើងវិញ ក្រោយពីវិបត្តិជំងឺកូវិដ១៩។

ភ្នំពេញ៖ សិក្ខាកាមដែលជាគ្រូបង្រៀនថ្នាក់បឋមសិក្សា គ្រូអប់រំកាយមធ្យមសិក្សាទុតិយភូមិ និង មន្រ្តីការិល័យអប់រំយុវជននិងកីឡា ចំនួន៥៦នាក់ មកពី៤ខណ្ឌ មាន ខណ្ឌជ្រោយចង្វា ខណ្ឌ៧មករា ខណ្ឌដូនពេញ និងខណ្ឌបឹងកេងកង បានបញ្ចប់សិក្ខាសាលាការសិក្ខាស្រាវជ្រាវថ្នាក់អប់រំកាយ ដែលរៀបចំអង្គការក្រៅរដ្ឋាភិបាលបេះដូងមានរយៈពេល៣ថ្ងៃ នៅវិទ្យាល័យព្រះស៊ីសុវត្ថ ដោយជ័យ ។

ភ្នំពេញ៖ លោក ស្រ៊ុន លាង អគ្គលេខាធិការរងសហព័ន្ធកីឡាទូកកានូ និងរ៉ូអ៊ីងកម្ពុជា បានអោយដឹងថា ព្រឹត្តការណ៍កីឡាជាតិ លើកទី៣ ឆ្នាំ២០២២នេះ គឺផ្នែកមួយនៃផែនការយុទ្ធសាស្រ្ត របស់សហព័ន្ធកីឡាទូក ដុសខាតសមត្ថភាពអត្តពលិក និងមន្រ្តីបច្ចេកទេស ដើម្បីត្រៀមព្រឹត្តការណ៍កីឡាអាស៊ីហ្គេម លើកទី៣២ នាឆ្នាំ២០២៣ ដែលកម្ពុជាធ្វើជាម្ចាស់ផ្ទះ ។ការបញ្ជាក់អោយដឹងនេះធ្វើឡើងក្រោយបញ្ចប់ ការប្រកួតកីឡាទូកប្រពៃណីខ្នាតអន្តរជាតិ “ទូកនាគ” ទូកកានូ-កាយ៉ាក់ និងរ៉ូអ៊ីង ជ្រើសរើសជើងឯកថ្នាក់ជាតិ“ពានរង្វាន់សម្តេចក្រឡាហោម ស ខេង លើកទី៩ ឆ្នាំ២០២២” នៅខេត្តកំពត កាលពីពេលថ្មីៗកន្លងទៅ ។ លោក ស្រ៊ុន លាង បញ្ជាក់ថា កីឡាជាតិ លើទី៣ គឺជាផែនការយុទ្ធសាស្រ្តរបស់សហព័ន្ធកីឡាទូក ពីព្រោះមានកាប្រកួតច្រើន មានក្រុមកីឡាទូកច្រើនមកពីបណ្តារាជធានី ខេត្ត-ក្រុង និងក្រសួងស្ថាប័នចូលរួម ការបង្កើនសិទ្ធផលជូនអត្តពលិកក៏កាន់តែល្អប្រសើរ ជាពិសេសសម្រាប់កីឡាករថ្មី ដែលមិនធ្លាប់បានចូលរួមប្រកួតជាលក្ខណអន្តរជាតិ នឹងទទួលបានបទពិសោធន៍ បច្ចេកទេសថ្មី អាចពង្រឹងស្មារតី និងបន្សំខ្លួនពីការប្រកួតនេះ ។ លោក បន្តថា មន្រ្តីបច្ចេកទេសសហព័ន្ធ ក៏ដូចគ្នាគឺអាចពង្រឹងសមត្ថភាព ពីការកាត់សេចក្តីការប្រកួតផ្ទាល់…

ភ្នំពេញ៖ កីឡាករជនពិការប្រណាំងរទេះ វ៉ាន វ៉ុន ទទួលបានជោគជ័យថ្ងៃនេះ គឺកើតចេញពីឆន្ទៈ និងការខិតខំប្រឹងប្រែងជម្នះគ្រប់ឧបសគ្គ ដោយមិនគិតថា ខ្លួនមានពិការរភាព មិនអាចធ្វើអ្វីបាននោះទេ ប៉ុន្តែត្រូវស្វែងរកក្តីស្រមៃរបស់ខ្លួន។ កីឡាករជនពិការមានដើមកំណើតនៅស្រុកស្អាង ខេត្តកណ្តាល បានប្រាប់ទូរទស្សន៍អប្សរាថា ៖«កើតមកមានពិការរភាព មិនសប្បាយចិត្តទេ ដើរមិនរួច អត់មានរទេះជិះ ចង់ទៅណាមកណា គឺពិបាក ហើយចង់ជួយការងារពុកម៉ែ គឺត្រូវវារលើដី៤ទៅ៥គីឡូម៉ែត្រក៏មាន ដោយសារពេលពួកគាត់ដឹកគោ មិនបានអៀវខ្ញុំ»។ ក្រោយមកដើម្បីជួយសម្រាលបន្ទុកជីវភាពក្រុមគ្រួសារ វ៉ាន វ៉ុន បានសម្រេចមករៀននៅអង្គការមួយ ក្នុងមជ្ឈមណ្ឌលកៀនឃ្លាំង គឺរៀនជំនាញជួសជុលវិទ្យុ ម៉ាញ៉េ និងទូរទស្សន៍ រយៈពេល៦ទៅ៧ខែ។ ប្រធានអង្គការជនជាតិអូស្រ្តាលី បានបង្កើតការប្រកួតកីឡាជនពិការ មានកីឡាបាល់ទះ និងប្រណាំងរទេះ ក្នុងឆ្នាំ២០០៦ លោកក៏ទទួលបានឱកាសរៀនជំនាញផង និងហ្វឹកហាត់កីឡាផង។ ទោះបីជាយ៉ាងណា កត្តាជីវភាព លោកបានបោះបង់ចោលការសិក្សា និងបានត្រឡប់ទៅស្រុកកំណើតវិញ ដើម្បីបើកហាងជួសជុលវិទ្យុ ម៉ាញ៉េ និងទូរទស្សន៍ ប៉ុន្តែមិនទទួលបានជោគជ័យយតាមបំណងឡើយ។ ក្រោយមកលោកសុំម្តាយត្រឡប់មកលេងកីឡាវិញ និងបានចូលរួមប្រកួតជាញឹកញាប់តាមបណ្តាខេត្ត-ក្រុង ដូចជាខេត្តកំពង់ស្ពឺ បាត់ដំបង និងរាជធានីភ្នំពេញ ហើយតែងតែទទួលបានចំណាត់ថ្នាក់លេខ១ រហូតត្រូវជនជាតិអូស្រ្តាលី…