ភ្នំពេញ៖ ទោះលទ្ធផលមិនដូចការរំពឹងទុក ក៏ក្រុមរថយន្ត OFF ROAD កម្ពុជាទាំងអស់ទទួលយកពីការខិតខំប្រឹងប្រែង ពីការប្រកួតរថយន្ត OFF ROAD គម្រប់ខួប២០ឆ្នាំ កាលពីពេលថ្មីនេះ ។ នេះជាការបញ្ជាក់របស់លោក ញឹម សុវណ្ណារ៉ូ សមាជិកក្រុម រថយន្ត OFF ROAD កម្ពុជា ក្រោយបញ្ចប់ការប្រកួត នៅទីក្រុងកាឆាណាក់បូរី ប្រទេសថៃ ។ លោក ញឹម សុវណ្ណារ៉ូ បន្ថែមថា ក្រុមយើងជោគជ័យ ទោះបីយើងមិនបានចំណាត់ថ្នាក់ល្អ ក៏ប៉ុន្តែសម្រាប់ចំណាប់អារម្មណ៍ខ្ញុំ ការប្រកួតទាំង៣ថ្ងៃ ក្នុងចំណោម៨ជុំ នៅវគ្គផ្តាច់ព្រ័ត្រ គឺធ្វើបានល្អ ។ លោក បន្តថា យើងអាចទទួលបានចំណាត់ថ្នាក់តាមការគ្រោងទុកពីលេខ១ ដល់លេខ៥ ប្រសិនបើមិនមានបញ្ហាបច្ចេកទេសរថយន្ត ធ្វើអោយមិនបានបញ្ចប់នៅជុំទី១ បញ្ហានេះយើងក៏មិនបន្ទោសអ្នកណាទេ ដោយសារយើងមិននៅក្នុងម៉ាស៊ីនទេ ប៉ុន្តែវាជាបទពិសោធន៍ថ្មីមួយទៀតសម្រាប់ក្រុម ។ សមាជិកក្រុម រថយន្ត OFF ROAD កម្ពុជារូបនេះ បានបង្ហាញអារម្មណ៍រីករាយ ចំពើការគាំទ្រពីឯកឧត្តមប្រធាន ឯកឧត្តមប្រធានកិត្តិយស និងលោកឧកញ្ញ៉ា…

លោក ហេង សុខឃន ប្រធានសហព័ន្ធកីឡាឃីតបុកស៊ីង និងជាអគ្គលេខាធិការ សហព័ន្ធកីឡាប្រដាល់គុនខ្មែរ បានបង្ហើបប្រាប់អ្នកយកព័ត៌មានទូរទស្សន៍អប្សរា ក្នុងបទសម្ភាសន៍ផ្តាច់មុខ កាលពីពេលថ្មីៗនេះថា សហព័ន្ធកីឡាឃីតបុកស៊ីង និងសហព័ន្ធកីឡាគុនខ្មែរ ដែលឯកឧត្តម ឧត្តមសេនីយ៍ឯកតែមម៉ឺន ជាប្រធាន កំពុងស្នើរសុំភាគីប្រទេសជប៉ុនបញ្ជូនកីឡាការិនី២រូបទៅហ្វឹកហាត់រយៈពេលវែងនៅប្រទេសជប៉ុន ដើម្បីពង្រឹងអភិវឌ្ឍសមត្ថភាពត្រៀមប្រជែងដណ្តើមមេដាយជូនកម្ពុជាក្នុងព្រឹត្តិការណ៍កីឡាស៊ីហ្គេម លើកទី៣២ ឆ្នាំ២០២៣ ដែលកម្ពុជាធ្វើជាម្ចាស់ផ្ទះ។ លោកថា កីឡាការិនី២រូប សហព័ន្ធគ្រោងបញ្ជូនទៅនេះ គឺកីឡាការិនីមួយរូបជាកីឡាការិនីរបស់សហព័ន្ធកីឡាឃីតបុកស៊ីង និងមួយរូបទៀតជាកីឡាការិនីនៅក្នុងសហព័ន្ធកីឡាប្រដាល់គុនខ្មែរ។ លោក អះអាងថា តាមការគ្រោងទុកកីឡាការិនីទាំងពីររូបនេះ នឹងទៅហ្វឹកហាត់រយៈពេលវែងរហូតដល់ស៊ីហ្គេម ឆ្នាំ២០២៣ទើបត្រឡប់មកវិញ។ ប្រធានឃីតបុកស៊ីងបានគូសបញ្ជាក់បន្ថែមថា ក្រៅពីប្រទេសជប៉ុន ក៏មានប្រទេសជិតខាងកម្ពុជាដូចជាប្រទេសថៃ និងវៀតណាមក៏កំពុងរង់ចាំជួយកម្ពុជា ប៉ុន្តែកម្ពុជាកំពុងតែពិចារណាក្នុងការបញ្ជូនទៅធ្វើការហ្វឹកហាត់។សូមរំលឹកថា ក្នុងព្រឹត្តិការណ៍កីឡាស៊ីហ្គេម លើកទី៣១ នៅប្រទេសវៀតណាមក្នុងឆ្នាំ២០២២ ឃីតបុកស៊ីងកម្ពុជា ដណ្តើមបានមេដាយសរុប៥គ្រឿង មេដាយមាស១គ្រឿង ប្រាក់៣គ្រឿងនិង សំរិទ្ធ១គ្រឿង៕ អត្ថបទ៖ ជាវ ចន្ធូ

លោក ម៉ុន សុខជា អតីត កីឡាករវាយកូនគោលជម្រើសជាតិជើងឯកឆ្នាំ២០២០ និងជាអគ្គលេខាធិការរងសហព័ន្ធកីឡាវាយកូនគោលកម្ពុជា ក្នុងឱកាសឡើងធ្វើបទបង្ហាញ កាលពីពេលថ្មីៗនេះ បានបង្ហាញនូវក្តីបារម្មណ៍លើបច្ចេកទេស និងបទពិសោធន៍ ការប្រកួតសម្រាប់កីឡាករកម្ពុជា ក្នុងព្រឹត្តិការណ៍ស៊ីហ្គេម លើកទី៣២ ឆ្នាំ២០២៣ ដែលកម្ពុជាធ្វើជាម្ចាស់ផ្ទះ ។ ខណៈដែលបទពិសោធន៍ដឹកនាំកីឡាករចូលរួម២លើកក្នុងព្រឹត្តិការណ៍ប្រចាំតំបន់ដ៏ធំនេះ លោក សង្កេតឃើញថា កីឡាករជម្រើសជាតិកម្ពុជា ស្ទើបទពិសោធន៍ ការចូលរួមប្រកួតលើឆាកអន្តរជាតិ បានបង្កលក្ខណៈឲ្យកីឡាករតាំងអារម្មណ៍មិនបានល្អ ដោយសារតែភាពភ័យខ្លាចពេលចូលទីលានប្រកួតជួបកីឡាករអន្តរជាតិ។ លោក អគ្គលេខាធិការរង ខាងលើ បានលើកឡើងទៀតថា ដើម្បីព្រឹត្តិការណ៍កីឡាស៊ីហ្គេម លើកទី៣២ ឆ្នាំ២០២៣ ដែលជាព្រឹត្តិការណ៍ជាប្រវត្តិសាស្រ្តរៀបចំជាលើកដំបូងនៅកម្ពុជាទទួលបានមេដាយស្របតាមយុទ្ធសាស្រ្តរបស់CAMSOCជូនសហព័ន្ធកីឡាវាយកូនគោលនោះ លោក បានស្នើសុំឲ្យភាគីពាក់ព័ន្ធទាំងអស់មានការសម្របសម្រួលបញ្ជូនកីឡាករជម្រើសជាតិកម្ពុជាទៅប្រកួតនៅក្រៅប្រទេសឲ្យបានច្រើន ដើម្បីបង្កើនបទពិសោធន៍ និងដកស្រង់បច្ចេកទេសថ្មីៗ ប្រែក្លាយចំណុចខ្វះខាតអភិវឌ្ឍសមត្ថភាពទៅជាកីឡាករសក្កានុពលក្នុងការប្រជែងមេដាយ។ ទន្ទឹមជាមួយគ្នានេះដែរ អគ្គលេខាធិការរង រូបនេះបានស្នើសុំជាពិសេស ដល់ទីលានហ្គាឌេនស៊ីតធី ដែលជាទីលានប្រកួតនៅស៊ីហ្គេម ឆ្នាំ២០២៣ ពេលដែលកម្ពុជាទទួលធ្វើជាម្ចាស់ផ្ទះ សូមផ្តល់ជូនកន្លែងសម្រាប់កីឡាករវាយកូនគោលកម្ពុជាជម្រើសជាតិហ្វឹកហាត់ឲ្យបានច្រើន ព្រោះ វានឹងជួយឲ្យកីឡាករកម្ពុជាសិក្សាស្គាល់ពីភូមិសាស្រ្តច្បាស់ពីទីលានរបស់ខ្លួន ដើម្បីយកប្រៀបឈ្នះលើកីឡាករបរទេសពេលការប្រកួតជាក់ស្តែង។ គួររំលឹកថា ស៊ីហ្គេមលើកទី៣១ នៅប្រទេសវៀតណាម កាលពីអំឡុង ខែ មិថុនា ថ្មីៗកន្លងទៅនេះ…

ភ្នំពេញ៖ ឯកឧត្តម នាយឧត្តមសេនីយ៍ គៀត ច័ន្ទថារិទ្ធ ប្រធានសហព័ន្ធកីឡាវាយកូនឃ្លីលើតុកម្ពុជាមានប្រសាសន៍ថា បើមិនជោគជ័យលើការប្រកួត ប៉ុន្តែការរៀបចំកមឲ្យចាញ់គេ ពីការប្រកួតកីឡាស៊ីហ្គេម លើកទី៣២ ឆ្នាំ២០២៣ គឺជាកិត្តិយដ៏ធំធេងសម្រាប់ជាតិ ។ នេះជាការលើកឡើងរបស់ឯកឧត្តមប្រធាន ក្នុងឱកាសបិទវគ្គបណ្តុះបណ្តាលហ្វឹកហ្វឺនបច្ចេកទេសកីឡាវាយកូនឃ្លីលើតុកម្រិតអន្តរជាតិ សម្រាប់អាជ្ញាកណ្តាលថ្នាក់ជាតិ ឆ្នាំ២០២២ ពីលោកស្រី Rachel DL Ramos ដែលជាចៅក្រមអាជ្ញាកណ្តាលអន្តរជាតិ នៃសហព័ន្ធកីឡាវាយកូនឃ្លីលើតុអន្តរជាតិ (ITTF) នៅទីស្នាក់ការគណៈកម្មាធិការជាតិអូឡាំពិកកម្ពុជា (NOCC) កាលពីល្ងាចថ្ងៃទី៣១ ខែសីហា ឆ្នាំ២០២២។ ឯកឧត្តម គៀត ច័ន្ទថារិទ្ធ បានបញ្ជាក់ថា ការលើកឡើងខាងលើមិនមែនមានន័យថា ក្រុមកីឡាករ កីឡាការិនីវាយកូនឃ្លីលើតុកម្ពុជា គ្មានសមត្ថភាពនោះទេ គឺពួកគេកំពុងខិតខំហ្វឹកហាត់ ទាំងកម្លាំង បច្ចកទេស ដើម្បីសម្រួចគោលដៅ ត្រៀមប្រជែងដណ្តើមមេដាយ ពីព្រឹត្តការណ៍កីឡាស៊ីហ្គេម ២០២៣ ជាប្រវត្តិសាស្រ្តដំបូងនៅកម្ពុជា ។ ដូច្នេះការងារចំពោះមុខ សហព័ន្ធបានប្រឹងប្រែងពង្រឹងគុណភាពអត្តពលិក ធ្វើយ៉ាងណាដណ្តើមបានមេដាយជូនជាតិ គឺជាជោគជ័យមួយ ។ ប្រសិនបើមិនដណ្តើមបានមេដាយទេ គឺត្រូវតែទទួលបានជោគជ័យមួយទៀត គឺការរៀបចំឲ្យចាញ់គេ ដើម្បីលើកកម្ពស់កិត្តិយស…

ភ្នំពេញ៖ ឯកឧត្តម វ៉ាត់ ចំរើន អគ្គលេខាធិការ នៃគណៈកម្មាធិការជាតិរៀបចំការប្រកួតកីឡាស៊ីហ្គេម លើកទី៣២ ឆ្នាំ២០២៣ (CAMSOC) ដឹកនាំកិច្ចប្រជុំបច្ចេកទេសជាមួយមន្ត្រីបច្ចេកទេស៣៩សហព័ន្ធកីឡាជាតិ ត្រៀមសម្រាប់គោលដៅស៊ីហ្គេម លើកទី៣២ ឆ្នាំ២០២៣ នាល្ងាចថ្ងៃទី៣១ ខែសីហា ឆ្នាំ២០២២ នៅទីស្នាក់ការគណកម្មាធិការជាតិអូឡាំពិកកម្ពុជា ។ ឯកឧត្តម វ៉ាត់ ចំរើន បានបញ្ជាក់ថា ការត្រួតពិនិត្យឡើងវិញនូវវឌ្ឍនភាពការងាររបស់សហព័ន្ធកីឡាជាតិទាំងអស់ បានឯកភាពគ្នាផ្ទៃក្នុង ផ្នែកលើយុទ្ធសាស្ត្របច្ចេកទេស តាមប្រភេទកីឡាជំនាញនីមួយៗ បន្ទាប់ពីទទួលបានការណែនាំដ៏ខ្ពង់ខ្ពស់ពីសម្តេចពិជ័យសេនា ទៀ បាញ់ ប្រធានគណៈកម្មាធិការជាតិ CAMSOC ក៏ដូចជា ឯកឧត្តមបណ្ឌិត ថោង ខុន អនុប្រធានអចិន្ត្រៃយ៍ CAMSOC។ ឯកឧត្តម បន្តថា ដើម្បីជួយជំរុញឲ្យសហព័ន្ធជាតិនីមួយៗទទួលបានគោលការណ៍ច្បាស់លាស់ ក្នុងការត្រៀមរៀបចំការប្រកួតឲ្យទទួលបានជោគជ័យ ត្រូវស្វែងរកឧត្តមភាពមេដាយ ក្នុងការប្រកួតនៃប្រភេទកីឡានីមួយៗ នឹងយក ឧបសគ្គណាខ្លះដែលជាបញ្ហាប្រឈម ដើម្បីដាក់ជូនសម្តេចពិជ័យសេនា ទៀ បាញ់ ក្នុងកិច្ចប្រជុំធំ នាខែក្រោយនេះ ដើម្បីឲ្យសហព័ន្ធទទួលបាននូវអនុសាសន៍ដ៏ខ្ពង់ខ្ពស់បន្ថែម យកទៅអនុវត្តផែនការយុទ្ធសាស្ត្រ ឆ្ពោះទៅធ្វើម្ចាស់ផ្ទះ ស៊ីហ្គេម លើកទី៣២…

សិក្ខាកាមដែលជាគ្រូឧទ្ទេសប្រចាំវិទ្យាស្ថានជាតិអប់រំកាយនិងកីឡាចំនួន៣០រូប បានយល់ដឹងពីគន្លឹះនៃការបង្រៀនថ្នាក់បរិញ្ញាបត្រសម្រាប់មុខវិជ្ជាអប់រំកាយនិងកីឡាទៅកាន់គរុនិស្សិតកាន់តែច្បាស់និងមានគុណភាពស្តង់ដារបន្ថែមទៀត ក្រោយពីឆ្លងកាត់សិក្ខាសាលាវគ្គបំប៉នគ្រូឧទ្ទេសអប់រំកាយ ដែលរៀបចំដោយអង្គការក្រៅរដ្ឋាភិបាលបេះដូងមាស រយៈពេល៣ថ្ងៃនៅវិទ្យាស្ថានជាតិអប់រំកាយនិងកីឡា។ នេះបើយោងតាម ការបញ្ជាក់ របស់ លោក កែវ សុចិត្រា អនុប្រធានអង្គការក្រៅរដ្ឋាភិបាលបេះដូងមាស ថ្លែង ប្រាប់ទូរស្សន៍ អប្សរា ក្រោយបិទបញ្ចប់ សិក្ខាសាលា កាលពីល្ងាចថ្ងៃទី៣១ ខែ សីហា ម្សិលមិញ ។ លោក កែវ សុចិត្រ បានគូសបញ្ជាក់ថា សិក្ខាសាលាមួយនេះ អង្គការក្រៅរដ្ឋាភិបាលបេះដូងមាសបានរៀបចំឡើង ក្នុងគោលដៅជំរុញឲ្យការបង្រៀនរបស់គ្រូឧទ្ទេសនៅវិទ្យាស្ថានជាតិអប់រំកាយ និងកីឡាកាន់តែមានគុណភាពខ្ពស់ឆ្លើយតបទៅនិងស្តង់ដារសម្រាប់ការបង្រៀនថ្នាក់បរិញ្ញាបត្រ។ អនុប្រធានរូបនេះ បានពន្យល់ថា សិក្ខាសាលាវគ្គបំប៉ននេះ សិក្ខាកាមដែលជាគ្រូឧទ្ទេសទាំងអស់បានជជែកពិភាក្សាវែកញែកគ្នា ជាមួយអ្នកជំនាញរបស់អង្គការក្រៅរដ្ឋាភិបាលបេះដូងមាស ដោយបង្ហាញនូវបញ្ហាប្រឈមនៃការបង្រៀនកន្លងមក និងជជែកពិភាក្សាគ្នារកគន្លឹះវិធីសាស្រ្តថ្មីៗធ្វើយ៉ាងឲ្យការបង្រៀនថ្នាក់កម្រិតបរិញ្ញាបត្រនៃមុខវិជ្ជាអប់រំកាយ និងកីឡាក្នុងវិទ្យាស្ថានជាតិអប់រំកាយនិងកីឡាកាន់តែមានគុណភាពល្អនៅពេលខាងមុខ។ លោក បានបញ្ជាក់ទៀតថា បន្ទាប់ពីជជែកពិភាក្សាជាមួយគ្នាយ៉ាងលំអិតក្នុងសិក្ខាសាលរយៈពេល៣ថ្ងៃនេះ សិក្ខាកាមដែលជាគ្រូឧទ្ទេសទាំងអស់បានយល់ដឹងកាន់តែច្បាស់ធ្វើឲ្យគុណភាពនៃការបង្រៀនរបស់ពួកគេឈានទៅរកកម្រិតគុណភាពខ្ពស់សម្រាប់ការបង្រៀនចែករំលែកទៅកាន់គរុនិស្សិត។ លោក តូ រិទ្ធីយ៉ា នាយកស្តីទី វិទ្យាស្ថានជាតិអប់រំកាយ និងកីឡា បានលើកឡើងថា សិក្ខាសាលាស្តីអំពី វគ្គបំប៉នគ្រូឧទ្ទេសអប់រំកាយ ដែលផ្តល់ជូនដោយអង្គការក្រៅរដ្ឋាភិបាលបេះដូងមានរយៈពេល៣ថ្ងៃនេះ បានផ្តល់ចំណេះដល់សិក្ខាកាមអំពីនិតិវិធីនៃការចងក្រងកម្មវិធីសិក្សា និងវិធីសាស្រ្តបង្រៀនមុខវិជ្ជាអប់រំកាយរបស់សកលវិទ្យាល័យNITTAIDAI ដើម្បីអាចឲ្យសិក្ខាកាមជាគ្រូឧទ្ទេសយកទៅអនុវត្តក្នុងការបង្រៀនប្រកបដោយគុណភាព…

ភ្នំពេញ៖ លោក វង្ស គឹមហួត ប្រធានក្រុម OFF ROAD VKH និងជាសមាជិកក្រុម OFF ROAD កម្ពុជា ថ្លែងបញ្ជាក់ក្រោយបញ្ចប់ការប្រណាំងរថយន្ត Off Road គម្រប់ខួប២០ឆ្នាំ (THE MAGNIFICENT TEN 2022 ) ខេត្ត កាឆាណាក់បូរី ប្រទេសថៃ ថា ក្រុមកម្ពុជាទទួលបានបទពិសោធន៍ច្រើន ទាំងបច្ចេកទេសការប្រណាំង បច្ចេកទេសរៀបចំកម្លាំងរថយន្ត ការរៀបចំទីលានប្រកួត និងលក្ខខន្តិកៈ ដើម្បីយកមកចែករំលែកនៅកម្ពុជា ។ លោក វង្ស គឹមហួត បញ្ជាក់ថា ការប្រណាំងកម្រិតអន្តរជាតិលើកនេះ ក្រុមកម្ពុជា ទទួលលទ្ធផលល្អប្រសើរ កឺ៣ក្រុម ក្រុម១១៧ លេខ១៣ , ក្រុម ១១៦ លេខ២៩ និងក្រុម១១៥ លេខ២៧ ក្នុងចំណោម៣៤ក្រុម សរុប១០៤រថយន្ត មកពី៤ប្រទេស មានឡាវ ម៉ាឡេស៊ី កម្ពុជា និងថៃ…

កម្ពុជា៖ ការប្រកួតកីឡាវ៉ូវីណាមជ្រើសរើសជើងឯកអាស៊ីអាគ្នេយ៍ ឆ្នាំ២០២៣ នឹងត្រូវធ្វើជាផ្លូវការនៅព្រះរាជាណាចក្រកម្ពុជា កំឡុងខែមីនា ឆ្នាំ២០២៣ បន្ទាប់ពីគណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍លើកទី៣២ (CAMSOC) អនុញ្ញាតជាគោលការណ៍។ យោងសេចក្តីជូនដំណឹងរបស់ CAMSCO សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានអនុញ្ញាតឱ្យសហព័ន្ធកីឡាវ៉ូវីណាមកម្ពុជា រៀបចំការប្រកួតកីឡាវ៉ូវីណាមជ្រើសរើសជើងឯកអាស៊ីអាគ្នេយ៍ ចាប់ពីថ្ងៃទី២៥ ដល់ថ្ងៃទី៣០ ខែមីនា ឆ្នាំ២០២៣ នៅរាជធានីភ្នំពេញ។ CAMSOC នៅបានឱ្យ សហព័ន្ធសាមីរៀបចំបទបញ្ជាការប្រកួតជាភាសាអង់គ្លេស សហការជាមួយគណៈកម្មការហិរញ្ញវត្ថុ និងផ្គត់ផ្គង់រៀបចំគម្រោងចំណាយ និងធ្វើរបាយការណ៍ជូន CAMSOC ក្រោយបញ្ចប់ការប្រកួត។ ឯកឧត្តម អ៊ូ រតនា ប្រធានសហព័ន្ធកីឡាវ៉ូវីណាមកម្ពុជា ធ្លាប់បានបញ្ជាក់ថា ការប្រកួតវ៉ូវីណាមអាស៊ីអាគ្នេយ៍នេះ ជាការត្រៀម និងវាស់ស្ទង់កម្រិតរបស់វ៉ូវីណាមកម្ពុជា ជាមួយបណ្តាប្រទេសក្នុងតំបន់ និងការឆ្ពោះទៅប្រកួស៊ីហ្គេម ២០២៣ កំឡុងខែឧសភា ឆ្នាំ២០២៣។ ប្រកួតឆ្នាំក្រោយនេះ វិញ្ញាសា៣០នឹងត្រូវដាក់ឱ្យអត្តពលិកវ៉ូវីណាមនៅអាស៊ីអាគ្នេយ៍ប្រកួតប្រជែង។ សូមរំលឹកថា ក្នុងការប្រកួតស៊ីហ្គេមលើកទី៣១នៅវៀតណាមនាពេលថ្មីៗនេះ វ៉ូវីណាមជាប្រភេទកីឡាដែលដណ្តើមបានមេដាយច្រើនជាងគេ ក្នុងនោះមាស៣គ្រឿង ប្រាក់ ២គ្រឿង និងសំរឹទ្ធ ៩គ្រឿង សរុប១៤គ្រឿង៕…

ប្រទេសថៃ៖ ការប្រណាំងរថយន្ត Off Road គម្រប់ខួប២០ឆ្នាំ (THE MAGNIFICENT TEN 2022 ) ខេត្ត កាឆាណាក់បូរី ប្រទេសថៃ បានបញ្ចប់ដោយជោគជ័យ ។ លោក ព្រំ រស្មី ប្រធានក្រុមខេមបូ 4×4 បានបញ្ជាក់ថា យើងទទួលបានបទពិសោធន៍ច្រើន ទោះលទ្ធផលមិនទទួលបានដូចការគ្រោងទុក តែពេញចិត្ត ដោយឈរលើ២១ក្រុម ក្នុងចំណោម៣៤ក្រុម សរុប១០៤រថយន្ត មកពី៤ប្រទេស។ លោក ព្រំ រស្មី បន្ថែមថា ការប្រណាំងថ្ងៃទី១ មាន៤ជុំ ក្រុម ១១៧ ឈរលេខ៣១ ដោយខកខានប្រកួត១ជុំ ថ្ងៃទី២ មាន២ជុំ ឈរលេខ១៨ និងថ្ងៃទី៣ មាន២ជុំ ទទួលបានចំណាត់ថ្នាក់លេខ១៣ ហើយប្រសិនបើមិនមានបញ្ហាបច្ចេកទេស នឹងទទួលបានចំណាត់ថ្នាក់ល្អ ពីលេខ៦ទៅលេខ៧។ ប្រធានក្រុមខេមបូ 4×4 រូបនេះ បានសរសើរក្រុម B M និងក្រុមគោព្រៃមណ្ឌលគីរី មានឆន្ទៈខ្ពស់ក្នុងការប្រណាំងកម្រិតអន្តរជាតិនេះ…

សមាគម បាល់ទះវិសាខា បានគ្រងតំណែងជើងឯកពាន់រង្វាន់ Ganzberg Special Volleyball League 2022 ដោយយកឈ្នះក្រុម បាល់ទះ ក្រសួង មហាផ្ទៃ ក្នុង វគ្គ ផ្ដាច់ព្រ័ត្រ ក្នុងលទ្ធផល ២ សិត ទល់០ (២៥-២៣,២៨-២៦)។ ចំណែកក្រុមចំណាត់ ថ្នាក់ លេខ៣វិញ បាន ទៅ ក្រុម រដ្ឋបាលរាជធានី ភ្នំពេញ ក្រោយ ឈ្នះ លើ ក្រុម PS Concrete ដោយ លទ្ធផល ២ សិត ទល់១ សិត (១៦-២៥,២៥-២២,១៥ -១១)។ លោក អាំង សិរីពិសិដ្ឋ អគ្គលេខាធិការ សហព័ន្ធ កីឡា បាល់ទះ កម្ពុជា បាន ចាត់ទុក ព្រឹត្តិការណ៍ប្រកួតមួយនេះ ជាសកម្មភាពមួយជួយជម្រុញមហាជនចូលរួមគាំទ្រការប្រកួតក្នុង ស្រុកកាន់តែច្រើន…