ភ្នំពេញ៖ កត្តាធនធានមនុស្សជាផ្នែកដ៏សំខាន់ ដែលបង្ហាញពីចំណុចខ្វះខាតរបស់សហព័ន្ធខ្មែរអត្តពលកម្មស្ម័គ្រចិត្ត គឺកត្ដាធនធានមនុស្ស ត្រូវពង្រឹងបន្ថែម ដើម្បីសម្រួចគោលដៅរបស់ខ្លួន នេះការលើកឡើងរបស់លោក Oliver Scheer ជំនាញការអន្ដរជាតិ មកពីស្ថាប័នកីឡាអត្តពលកម្មពិភពលោក (World Athletics) បន្ទាប់ពីបានចូលរួមគម្រោងការអភិវឌ្ឍប្រព័ន្ធកីឡាជាតិ សម្រាប់កីឡាអត្តពលកម្ម ដែលជាគម្រោងក្រោមជំនួយឧបត្ថម្ភរបស់អង្គការសាមគ្គីអូឡាំពិក តាមរយៈគណៈកម្មាធិការជាតិអូឡាំពិកកម្ពុជា (NOCC) សហការជាមួយស្ថាប័នអត្តពលកម្មពិភពលោក និងសហព័ន្ធខ្មែរអត្តពលកម្មស្ម័គ្រចិត្ត ចាប់ពីថ្ងៃទី៦ ដល់ថ្ងៃទី១៣ ខែកញ្ញា ឆ្នាំ២០២២ នេះ។ អ្នកជំនាញរូបនេះ បានបញ្ជាក់ថា «អ្វីដែលយើងមើលឃើញ គឺកត្ដាធនធានមនុស្ស ដើម្បីធ្វើការជារួម និងការបង្កើតជាគម្រោង តែដោយសារយើងខ្វះធនធានមនុស្ស ធ្វើឲ្យគម្រោងពិបាកនឹងដំណើរការ។ ក្នុងនោះកម្រិតថ្នាលយើង មិនទាន់មានអ្វីច្បាស់លាស់។ ធ្វើអោយយើងមិនអាចមានលទ្ធផលល្អ។ ក្រោយពីបានវាយតម្លៃហើយ ក៏មើលឃើញថា ស្ថានភាពកន្លែងណាខ្លះ ដែលយើងត្រូវលូតលាស់បន្ថែម ហើយអ្វីខ្លះដែលយើងត្រូវបង្កើត ដោយសារជាការសម្រួចគោលដៅទៅថ្ងៃមុខ»។ លោក ប៊ុយ សុភ័ណ្ឌ ទីប្រឹក្សា NOCC បានបញ្ជាក់ថា គម្រោងខាងលើ ផ្ដោតសំខាន់លើ ២ចំណុច គឺទី១-ពាក់ព័ន្ធនឹងការរៀបចំប្រព័ន្ធនៃការបង្ហាត់របស់គ្រូបង្វឹក និងទី២-ការរៀបចំកែសម្រួល និងអភិវឌ្ឍ គ្រប់គ្រងរចនាសម្ព័ន្ធរបស់សហព័ន្ធ។…

ភ្នំពេញ៖ ឯកឧត្តម វ៉ាត់ ចំរើន អគ្គលេខាធិការ គណៈកម្មាធិការជាតិអូឡាំពិកកម្ពុជា បានផ្តាំផ្ញើរអត្តពលិកជម្រើសជាតិកម្ពុជាសរុប១៦១នាក់ លើ១២ប្រភេទកីឡា ថ្នាក់ដឹកនាំ គ្រូបង្វឹក ត្រៀមចេញទៅហ្វឹកហាត់រយៈពេលវែង នៅសាធារណរដ្ឋប្រជាមានិតចិន ត្រូវគោរពឲ្យបានជាដាច់ខាតនូវវិន័យ ក្រមសីលធម៌ សេចក្តីថ្លែថ្នូរជាតិ ក្នុងអំឡុងពេលហ្វឹកហាត់ ដើម្បីត្រៀមប្រជែងមេដាយ នាស៊ីហ្គេម លើកទី៣២ ឆ្នាំ២០២៣ ។ ឯកឧត្តម វ៉ាត់ ចំរើន តំណាងឯកឧត្តមបណ្ឌិត ថោង ខុន អនុប្រធានអចិន្ត្រៃយ៍ CAMSOC មានប្រសាសន៍ថា ការចេញទៅហ្វឹកហាត់ នៅចិន រយៈពេលវែងនេះ គឺជាការត្រៀមដំណើរឆ្ពោះទៅស៊ីហ្គេម ២០២៣ ប្រកបដោយភាពជឿជាក់ ។ គម្រោងការហ្វឹកហាត់នៅប្រទេសចិន គឺជាជំនួយឥតសំណងរបស់រដ្ឋាភិបាលចិន និងប្រជាជនជន ដែលជាមិត្តដែកថែបដ៏យូរអង្វែងរវាងកម្ពុជា និងចិន។ នេះជាសមិទ្ធផល នៃវិស័យកីឡាកម្ពុជា ដែលរដ្ឋាភិបាលចិនបានផ្តល់ជំនួយឥតសំណងនៃការសាងសង់ពហុកីឡដ្ឋានជាតិមរតកតេជោ និងជំនួយឥតសំណងលើការហ្វឹកហាត់របស់កីឡាករ កីឡាការិនីកម្ពុជា នៅប្រទេសចិន ដើម្បីស្វែងរកកម្រិតគុណភាពកាន់តែខ្ពស់ ក្រោមការអនុញ្ញាតពីរាជរដ្ឋាភិបាលកម្ពុជា និងរដ្ឋាភិបាលចិន។ ឯកឧត្តម ស្នើអោយអត្តពលិកទាំងអស់ ក្នុងអំឡុងពេលហ្វឹកហាត់ សូមត្រៀមខ្លួនឲ្យបានល្អ…

ភ្នំពេញ៖ ឯកឧត្តម ហឿង សុផុន អនុរដ្ឋលេខាធិការ នៃក្រសួងសង្គមកិច្ចអតីតយុទ្ធជន និងយុវនីតិសម្បទា បានថ្លែងក្នុងពិធីបើកការប្រកួតកីឡាស្ប៉េស្យាល់អូឡាំពិកថ្នាក់រាជធានី – ខេត្ត នៅខេត្តតាកែវ ថា ជនមានពិការភាព ជនមានពិការភាពបានចូលរួមគ្រប់សកម្មភាព ក្នុងសង្គមទាំងការចុះឈ្មោះបោះឆ្នោត និងឈរឈ្មោះជាបេក្ខជនបោះឆ្នោតការទទួលបានការគោរពសិទ្ធិ និងសេចក្ដីថ្លៃថ្នូរ ។ បានចាប់ផ្ដើមបើកការប្រកួតជាផ្លូវការហើយ ។ ឯកឧត្តម ហឿង សុផុន អនុរដ្ឋលេខាធិការ នៃក្រសួងសង្គមកិច្ចអតីតយុទ្ធជន និងយុវនីតិសម្បទា និងលោកឃ្លាំង ចន្ធូ អគ្គលេខាធិការគណៈកម្មាធិការជាតិស្ប៉េស្យាល់អូឡាំពិកកម្ពុជា បាន អញ្ជើញចូលរួមក្នុងពិធីបើកការប្រកួត នេះ ។ លោក ឃ្លាំង ចន្ធូ អគ្គលេខាធិការគណៈកម្មាធិការជាតិ ស្ប៉េស្យាល់អូឡាំពិកកម្ពុជា បានឲ្យដឹងថា ការប្រកួតនេះ មាន២ប្រភេទកីឡា គឺកីឡាអត្តពលកម្ម (វិញ្ញាសា៥០ម៉ែត្រ បុរស-នារី និងវិញ្ញាសា១០០បុរស-នារី) កីឡាបាល់ទាត់ (បុរស៥នាក់ម្ខាង) និងមានកីឡាករកីឡាការិនីសរុប៧៨នាក់ ។ លោក បញ្ជាក់ថា ការប្រកួតកីឡាស្ប៉េស្យាល់អូឡាំពិកថ្នាក់ខេត្ត ប្រចាំឆ្នាំ២០២២នេះ ធ្វើឡើងក្នុងគោលបំណងផ្តល់ឱកាសឱ្យក្រុមកីឡាករ កីឡាការិនី…

ភ្នំពេញ៖ លោក ជា សែនវិស្សុត អគ្គលេខាធិការសហព័ន្ធកីឡាសូហ្វតន្នីសកម្ពុជា បានអោយដឹងថា សហព័ន្ធបានបញ្ជូនអត្តពលិកវ័យក្មេង០៨រូប ចេញទៅបោះជំរំហ្វឹកហាត់ និងចូលរួមប្រកួតក្នុងព្រឹត្តិការណ៍កីឡាសូហ្វតិន្នីស The 2022 NH Nonghyup Bank Incheon Korea Cup International Soft Tennis Tournament រយៈពេល០៣សប្តាហ៍ នៅសាធារណៈរដ្ឋកូរ៉េ ដើម្បីពង្រឹងសមត្ថភាព និងទទួលបានពិសោធន៍ ក្រោយខកខានរយៈពេល២ឆ្នាំដោយសារវិបត្តិជំងឺកូវីត-១៩ ។ លោក ជា សែនវិស្សុត បន្ថែមថា ការចាកចេញពីទឹកដីកម្ពុជា កាលពីថ្ងៃទី៣១ ខែសីហា ឆ្នាំ២០២២កន្លងទៅ រួមមាន៖ កីឡាករ កាន់ សោភ័ណ្ឌ ,កីឡាករ ចន ម៉ាដា ,កីឡាករ សាយ សុចិត្រា ,កីឡាករ សំ ចាន់កាប៊ី ,កីឡាករ សយ សុធន់ ,កីឡាករ សម ដេវីដ ,កីឡាការិនី…

ភ្នំពេញ៖ការប្រកួតបាល់ទាត់ក្នុងសាលនារី ពានរង្វាន់វិទ្យាស្ថាន ខេមអេដ រដូវកាល ២០២២ បានបើកជាផ្លូវការ ដោយមាន៨ក្រុមចូលរួម ចែកចេញជា២ពូល ធ្វើនៅមជ្ឈមណ្ឌល Premium Sport Club រាជធានីភ្នំពេញ កាលពីចុងសប្តាហ៍កន្លងទៅ ក្រោយខកខានរយៈពេល២ឆ្នាំ ដោយសារវិបត្តិកូវីត-១៩ ។ លោក Cassey Barnet នាយកវិទ្យាស្ថាន ខេមអេដ ប៊ិសនីស ស្គូល បានមានប្រសាសន៍ថា ការប្រកួតបាល់ទាត់នារី ធ្វើឡើងក្នុងគោលបំណង ដើម្បីផ្តល់ឲ្យនិស្សិតជានារីទទួលបានអត្ថប្រយោជន៍ពីការលេងកីឡា ពីព្រោះបើប្រៀបធៀបកម្ពុជាទៅនឹងប្រទេសផ្សេងៗនារីដែលលេងកីឡានៅមានកម្រិតនៅឡើយ ។ លោក នាយកវិទ្យាស្ថាន ខេមអេដ បន្តថា ការលេងកីឡាជាក្រុម បានធ្វើអោយនិស្សិតទទួលបានបទពិសោធន៍ថ្មីបន្ថែមទៀត គឺធ្វើការជាក្រុម ចេះអនុវត្តយុទ្ធសាស្រ្តជាក្រុម ចេះគ្រប់គ្រងសម្ភាធ និងចេះតស៊ូខិតខំដើម្បីឈានដល់គោលដៅ ពីព្រោះពេលនិស្សិតទាំងអស់ពេលរៀនចប់ពួកគេ នឹងបន្តធ្វើការ ដូច្នេះបទពិសោធន៍ធ្វើការជាក្រុមនឹងធ្វើអោយមានភាពអត់ធ្មត់ និងទំនុកចិតខ្ពស់រហូតទទួលបានជោគជ័យ ។ លោក Cassey Barnet បន្ថែមថា ក្រៅគោលបំណងសំខាន់ខាងលើ និស្សិតវិទ្យាស្ថាន CamEd ក៏ទទួលបានសុខភាពល្អ កាយសម្បទាមាំមួន បញ្ញាវៀងវៃ…

ភ្នំពេញ៖ លោកបណ្ឌិត ជ្រិន សុធា អគ្គលេខាធិការនៃខេមរសហព័ន្ធកីឡាតេក្វាន់ដូតំណាងឲ្យលោកបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា និងប្រធានខេមរសហព័ន្ធកីឡាតេក្វាន់ដូកម្ពុជា នាថ្ងៃទី៤ ខែកញ្ញា ឆ្នាំ២០២២នេះបានអញ្ជើញចូលរួមកម្មវិធី “Teakwondo Day” ដែលប្រារព្វធ្វើឡើងជារៀងរាល់ឆ្នាំនៅសាលតេក្វាន់ដូប៊ូយ៉ុង-ខ្មែក្នុងពហុកីឡដ្ឋានជាតិក្រោមការសហការខេមរសហព័ន្ធកីឡាតេក្វាន់ដូ និងបណ្ឌិត្យសភាតេក្វាន់ដូ។ លោក ឆយ យ៉ុងសុក តំណាងឲ្យបណ្ឌិត្យសភាតេក្វាន់ដូកម្ពុជាបាននិយាយថា កម្មវិធី “Teakwondo Day” ដែលមានកីឡាករ-កីឡាការិនី១៦៣នាក់មកពីក្លិបចំនួន១១រួមមានក្លិបតេក្វាន់ដូមិត្តភាព ក្លិបតេក្វាន់ដូហូណាសា ក្លិបតេក្វាន់ដូ សេរីភាព ក្លិបតេក្វាន់ដូព្រះច័ន្ទ ក្លិបតេក្វាន់ដូ NEW WORLD ក្លិបតេក្វាន់ដូ PSE ក្លិបតេក្វាន់ដូសាមគ្គី ក្លិបតេក្វាន់ដូ AAA ក្លិបតេក្វាន់ដូ O.P.I ក្លិបតេក្វាន់ដូ ខ្លា ស និងក្លិបតេក្វាន់ដូFreedom។ លោកបណ្ឌិត ជ្រិន សុធា បានមានប្រសាសន៍ថា ថ្ងៃនេះខេមរសហព័ន្ធកីឡាតេក្វាន់ដូ និងបណ្ឌិត្យសភាតេក្វាន់ដូរៀបចំកម្មវិធី “Teakwondo Day” ដែលប្រទេសមានប្រភេទតេក្វាន់ដូនៅទូទាំងពិភពលោកក៏រៀបចំកម្មវិធីនេះដែរ ហើយជាកម្មវិធីរម្លែកពីគុណតម្លៃកីឡាតេក្វាន់ដូប្រភេទកីឡាអូឡាំពិក និងការហ្វឹកប្រាណសម័យថ្មីជួយឲ្យយើងមានភាពរហ័សរហួនដោយមានកីឡាករ-កីឡាការិនី២០០ប្រទេសចំនួន៨លាននាក់មិនគិតអ្នកហាត់ដើម្បីសុខភាពឡើយ…

អបអរសាទរ កីឡាការិនី កាំង មុយនីន ទទួលបានមេដាយសរុប៤គ្រឿង ក្នុងនោះមេដាយមាស ៣គ្រឿង និងសំរឹទ្ធ១គ្រឿង លើប្រភេទវិញ្ញាសាហែលទឹកពាក់ជើងទានៃការប្រកួត Finswimming’s World Cup Round Swimming Pool 2022 នៅប្រទេសថៃ ដែលបញ្ចប់នៅល្ងាចថ្ងៃអាទិត្យ ទី៤ខែកញ្ញា ឆ្នាំ២០២២នេះ។ បើតាមការបញ្ជាក់ពីលោក ហែមថុន ពន្លឺ គ្រូបង្វឹកផ្នែកហែលពាក់ជើងទានៃក្រុមជម្រើសជាតិហែលទឹកកម្ពុជាបានអះអាងពីប្រទេសថៃមកថា ក្រុមជម្រើសជាតិកម្ពុជាដែលចូលរួមប្រកួតក្នុងព្រឹត្តិការណ៍នេះ សរុប៦នាក់ ក្នុងនោះ កីឡាករ៤នាក់ និងកីឡាការិនី២នាក់ ដោយដឹកនាំពីគ្រូបង្វឹកម្នាក់ លោក និងប្រតិភូដឹកនាំ លោក ហែម គីរី។ ព្រឹត្តិការណ៍នេះមាន១៦ប្រទេសចូលរួមប្រកួតប្រជែង ដោយមានកីឡាករ កីឡាការិនីសរុបចំនួន ២៣០នាក់៕ ចាន់ វិចិត្រ

អបអរសាទរកីឡាការិនី កាំង មុយនីន ទទួលបានជ័យលាភីមេដាយ ២គ្រឿង មាស ១គ្រឿង លើប្រភេទវិញ្ញាសា Women 400m Bifins និងសំរឹទ្ធ ១គ្រឿង លើប្រភេទ វិញ្ញាសា Women 50m Bifins ក្នុង ការប្រកួត Finswimming’s World Cup Round Swimming Pool 2022 នៅព្រះរាជាណាចក្រថៃ។ សមាគមកីឡាក្រោមទឹកប្រទេសថៃ (Association of Thailand Underwater Sports) បានអញ្ជើញសហព័ន្ធខ្មែរកីឡាហែលទឹក ទៅចូលរួមការប្រកួត Finswimming’s World Cup Round Swimming Pool 2022 ដែលនឹងប្រព្រឹត្តទៅចាប់ពីថ្ងៃទី០១ ដល់ថ្ងៃទី០៥ ខែកញ្ញា ឆ្នាំ២០២២ នៅខេត្តភូកេត ប្រទេសថៃ។ រហូតមកដល់ពេលនេះ ចំនួនមេដាយទាំងអស់ដែលកីឡាការីនីកម្ពុជាយើងទទួលបានចំនួន ០៤គ្រឿង ពីការប្រកួត នេះ រួមមាន…

ភ្នំពេញ៖ លោក ស្រ៊ុន លាង អគ្គលេខាធិការរងសហព័ន្ធកីឡាទូកកានូ និងរ៉ូអ៊ីងកម្ពុជា បានអោយដឹងថា សហព័ន្ធត្រូវការគណកម្មការបច្ចេកទេសជំនាញ ចំនួន ៥០នាក់ ដើម្បីត្រៀមព្រឹត្តការណ៍កីឡាអាស៊ីហ្គេម លើកទី៣២ នាឆ្នាំ២០២៣ ដែលកម្ពុជាធ្វើជាម្ចាស់ផ្ទះ។ការបញ្ជាក់អោយដឹងនេះធ្វើឡើងក្រោយបញ្ចប់វគ្គបណ្តុះបណ្តាលមន្រ្តីបច្ចេកទេសថ្នាក់ជាតិ លើកទី១ រយៈពេល៦ថ្ងៃ ដល់មន្រ្តីរបស់មន្ទីរអប់រំយុវជន និងកីឡា នៅមន្ទីរអប់រំយុវជន និងកីឡា ក្រុងកំពត ខេត្តកំពត កាលពីពេលថ្មីៗកន្លងទៅ។ លោក ស្រ៊ុន លាង បញ្ជាក់ថា តាមផែនការយុទ្ធសាស្រ្តរបស់សហព័ន្ធកីឡាទូកកានូ និងរ៉ូអ៊ីងកម្ពុជា ក្នុងឆ្នាំ២០១៩-២០២៣ ត្រូវគណកម្មការបច្ចេកទេសជំនាញចំនួន៧៥នាក់ សម្រាប់ស៊ីហ្គេម ឆ្នាំ២០២៣ និងការប្រកួតនានាទាំងជាតិ និងអន្តរជាតិ ប៉ុន្តែការងារបណ្តុះបណ្តាលកន្លងមកសហព័ន្ធបានធ្វើ៥លើករួចហើយ គិតមកដល់ពេលនេះយើងមានមន្រ្តីជំនាញជាង២០០នាក់ តែប្រតិភូសហព័ន្ធ កីឡាទូកអន្តរជាតិ លោក Dick Lim ប្រាប់ថា ត្រូវការអ្នកជំនាញត្រឹម៥០នាក់ គឺគ្រប់គ្រាន់ហើយ។ លោកអគ្គលេខាធិការង បន្តថា សម្រាប់គណកម្មការសហព័ន្ធកីឡាទូកអន្តរជាតិវិញ បានប្រាប់ថា ព្រឹត្តការណ៍កីឡាស៊ីហ្គេម ឬការប្រកួតកម្រិតអន្តរជាតិនានា ត្រូវការគណកម្មការជំនាញចំនួន២២នាក់ មកពីបណ្តាប្រទេសក្នុងតំបន់អាស៊ាន ជ្រើសរើសដោយសហព័ន្ធកីឡាទូកអន្តរជាតិ ក្នុងនោះប្រទេសខ្លះអាចយក៣នាក់…