នៅសណ្ឋាគារ កែបបេ នារសៀលថ្ងៃទី២៣ ខែសីហា ឆ្នាំ២០២២នេះ មានរៀបចំពិធីបើកវគ្គបណ្តុះបណ្តាលគណៈកម្មការរៀបចំការប្រកួតកីឡាទ្រីយ៉ាត្លុង ក្រោមអធិបតីភាព លោកជំទាវ ម៉ក់ សុវណ្ណស៊ីថា សមាជិកសភាមណ្ឌលភ្នំពេញ និងជាអនុប្រធានសហព័ន្ធកីឡាទ្រីយ៉ាត្លុង កម្ពុជា លោក ព្រុំ គន្ធិ អភិបាលរងខេត្ត តំណាងដ៏ខ្ពង់ខ្ពស់ ឯកឧត្តមបណ្ឌិត សោម ពិសិដ្ឋ អភិបាលខេត្តកែប និងលោក vijitr Sittinawin ប្រធានសហព័ន្ធកីឡាទ្រីយ៉ាត្លុងថៃឡងដ៍ និងជាប្រធានស្តីទី សហព័ន្ធកីឡាទ្រីយ៉ាត្លុងអាស៊ី ។

ប្រទេសថៃ- ក្រុមរថយន្ត OFF ROAD កម្ពុជា ចំនួន៣ក្រុម ស្មើរនឹង៩រថយន្ត បានមកដល់ខេត្ត ត្រាត ប្រទេសថៃ កាលពីម្សិលមិញដោយសុវត្តិភាព ត្រៀមចូលរួមព្រឹត្តការណ៍ប្រណាំងរថយន្ត OFF ROAD គំរប់២០ឆ្នាំ នៅខេត្តកាន់ឆាណាក់បុរី ដែលគ្រោងចាប់ផ្តើម ថ្ងៃទី២៥ ខែសីហា ឆ្នាំ២០២២ ។

ភ្នំពេញ-គណៈកម្មាធិការជាតិស្ប៉េស្យាល់អូឡាំពិកកម្ពុជា បានរៀបចំវគ្គបណ្តុះបណ្តាលសុខភាពសហគមន៍ នៅស្វាយរៀង កាលពីថ្ងៃទី២១ ខែសីហា ឆ្នាំ២០២២ ដើម្បីបន្តដំណើរការអភិវឌ្ឍចលនាកីឡាជនបញ្ញាខ្សោយ ដោយអប់រំសុខភាព និងបញ្ចៀសឲ្យផុតពីការរើសអើង ក្នុងសហគមន៍។

សមាគមកីឡាកីឡាគ្រីឃីតកម្ពុជា នៅព្រឹកថ្ងៃទី២០ ខែសីហានេះ បានរៀបចំការប្រកួតមិត្តភាពកីឡាតេន្នីសគ្រីឃីតអន្ដរជាតិ រវាងក្រុមកីឡាតេន្នីសគ្រីឃីតកម្ពុជា និងឥណ្ឌា នៅកីឡដ្ឋានខេត្តកណ្ដាល ។

លោក នូ ចំរើន អគ្គលេខាធិការ សហព័ន្ធខ្មែរកីឡាទោចក្រយានបានបង្ហាញនូវក្តីសង្ឃឹមខ្ពស់ជាងគេ សម្រាប់ការឈានដល់កម្រិតមេដាយ លើវិញ្ញាសាកង់ភ្នំ ក្នុងចំណោមវិញ្ញាសាកង់ភ្នំ-កង់គួក សរុប៩វិញ្ញាសា។បច្ចុប្បន្ន ក្រុមជម្រើសជាតិកង់ភ្នំ និងកង់គួកកម្ពុជាមានចំនួន១២នាក់ ក្នុងនោះកីឡាករ ៨នាក់ និងកីឡាការិនី៤នាក់ ក្រោមការបង្វឹកពីគ្រូបង្វឹក៤នាក់ ដែលកំពុងបន្តបោះជំរុំហ្វឹកហាត់នៅតំបន់ឧស្យានភ្នំគូលែន ស្ថិតនៅស្រុកបន្ទាយស្រី ខេត្តសៀមរាប។

សហព័ន្ធកីឡាប្រដាល់សកលកម្ពុជាត្រៀមបញ្ជូនកីឡាករ ២រូប និងគ្រូបង្វឹក ១រូប ចូលរួមការប្រកួត Syed Kadir Boxing Championship 2022 នៅប្រទេសសឹង្ហបូរី ដែលនឹងប្រព្រឹត្តទៅចាប់ពីថ្ងៃទី៩ ដល់ ១១ ខែកញ្ញា ខាងមុខនេះ ។

ភ្នំពេញ៖ ក្រុមជម្រើសជាតិនារីហុកគីកម្ពុជា ទើបតែបញ្ចប់ការប្រកួតជើងឯកហុកគីនារី ក្នុងសាលអាស៊ី (Women’s Indoor Hockey Asia Cup 2022) គឺលើវិញ្ញាសាហុកគី ក្នុងសាល (Indoor Hockey) នៅប្រទេសថៃ ដែលប្រកួតពីថ្ងៃទី០៨ ដល់ថ្ងៃទី១៥ ខែសីហា ឆ្នាំ២០២២ ។

ភ្នំពេញ៖ លោកស្រី ហង្ស ស៊ីម៉ន អគ្គលេខាធិការសហព័ន្ធកីឡារាំកម្ពុជា បានបញ្ជាក់ថា សហព័ន្ធកីឡារាំ បានត្រៀម១៤វិញ្ញាសា សិតសឹងជាវិញ្ញាសាសក្តានុពល សម្រាប់ត្រៀមដណ្តើមមេដាយពីស៊ីហ្គេម នៅកម្ពុជា ក្រោយកំណត់ទិសដៅ និងមានផែនការច្បាស់លាស់ ។

ភ្នំពេញ៖ថ្លែងក្រោយបញ្ចប់ទិវារត់ប្រណាំងម៉ារ៉ាតុងអន្ដរជាតិ ចក្រភពខ្មែរ លើកទី៧ ឆ្នាំ២០២២ ដែលបានបញ្ចប់ដោយជោគជ័យ កាលពីពេលថ្មីៗកន្លងទៅនេះ លោកសែម ផល្លា នាយកប្រតិបត្តិម៉ារ៉ាតុងបានបង្ហើបអោយដឹងថា គណៈកម្មាធិការរៀបចំព្រឹត្តិការម៉ារ៉ាតុង បានសហការជាមួយគណៈកម្មាធិការជាតិអូឡាំពិកកម្ពុជា (NOCC) គ្រោងនឹងរៀបចំព្រឹត្តិការណ៍កីឡាទេសចណ៍ពីរទៀតនាអំឡុងខែធ្នូ ចុងឆ្នាំ២០២២ នឹង អំឡុងខែមេសា ឆ្នាំ២០២៣ ខាងមុខ ។

ភ្នំពេញ៖ សហព័ន្ធកីឡាវ៉ូវីណាមកម្ពុជា បានប្រកាសសេចជូនដំណឹងដល់បណ្តាក្លិបក្រោមចំណុះត្រៀមខ្លួនដាក់ពាក្យសុំសិទ្ធិចូលរួមក្នុងការប្រកួតជ្រើសរើសជើងឯកថ្នាក់ជាតិ ដែលរៀបចំដោយក្រសួងអប់រំយុវជននិងកីឡា ចាប់ពីថ្ងៃទី១៧ ដល់ ១៩ ខែកញ្ញា ឆ្នាំ២០២២។