(ភ្នំពេញ)៖ ការប្រកួតសិស្សបឋមសិក្សាថ្នាក់ជាតិឆ្នាំ២០២៣ ដែលរៀបចំដោយក្រសួងអប់រំយុវជននិងកីឡា សម្រាប់ប្រភេទកីឡាវាយបានបញ្ចប់ ដោយមន្ទីរអប់រំយុវជននិងកីឡាខេត្តកណ្តាលនិងមន្ទីរអប់រំយុវជន និងកីឡាខេត្តត្បូងឃ្មុំ ប្រជែងដណ្តើមបានមេដាយមាសច្រើនជាងគេក្នុងចំណោម ៨មន្ទីរអប់រំយុវជននិងកីឡាចូលរួម ។ ឯកឧត្តម ធិន សៅ អគ្គហិរញ្ញ សហព័ន្ធកីឡាវាយសីកម្ពុជា បានបញ្ជាក់ឲ្យដឹងថា សម្រាប់ប្រភេទកីឡាវាយសី ការប្រកួតសិស្សបឋមសិក្សាថ្នាក់ជាតិឆ្នាំ២០២៣ មានមន្ទីរអប់រំយុវជននិងកីឡារាជធានីខេត្តចូលរួមចំនួន៨ សរុបកីឡាករកីឡាការិនីចំនួន៧៣នាក់ក្នុងនោះកីឡាការិនី២៨នាក់ ។ ឯកឧត្តម បានបញ្ជាក់ថា ការប្រកួតដែលដំណើរការអស់រយៈពេល៣ថ្ងៃ មានកិច្ចសហការយ៉ាងល្អ ពីប្រធានប្រតិភូ គ្រូបង្វឹក និងកីឡាករកីឡាការិនីទាំងអស់ ។ពួកគេបានបញ្ចេញអស់កម្លាំងកាយចិត្ត គោរពនូវវិន័យ បទបញ្ជាបច្ចេកទេសបានត្រឹមត្រូវ ពិសេស អាជ្ញាកណ្តាល ចៅក្រម ប្រកាន់ភ្ជាប់នូវភាពយុត្តិធម៌ មិនលំអៀង ទើបជំរុញឲ្យការប្រកួតប្រព្រឹត្តិទៅដោយភាពរលូនតាំងពីពេលចាប់ផ្តើមរហូតបញ្ចប់នាពេលនេះ។ ឯកឧត្តម កុលល សុវណ្ណវិសាល អនុប្រធានសហព័ន្ធកីឡាវាយសីកម្ពុជា បានមានប្រសាសន៍ថា លទ្ធផលនាពេលនេះ បង្ហាញពីភាពរីកចំរើននៃវិស័យកីឡាវាយសីនៅកម្ពុជា ហើយ ការប្រកួតសិស្សបឋមសិក្សាថ្នាក់ជាតិនេះ បានបើកផ្លូវបន្ថែមមួយទៀតនៃជំហានឆ្ពោះទៅមុខរបស់កីឡាវាយសីកម្ពុជា ដើម្បីជ្រើសរើសយកថ្នាលល្អៗមកបណ្តុះបណ្តាលជាកីឡាករកីឡាការិនីមានទេពកោសល្យខ្ពស់ក្នុងពេលអនាគត។ជាមួយគ្នានោះ ឯកឧត្តម អនុប្រធាន ក៏បានជំរុញលើកទឹកចិត្តដល់កីឡាករកីឡាការិនីជ័យលាភី និងអ្នកដែលពុំទាន់ដណ្តើមបានមេដាយក្តី សូមកុំបង្អង់ត្រូវដាក់ចិត្តហ្វឹកហាត់ឲ្យបានទៀងទាត់ជាប្រចាំ ដើម្បីអភិវឌ្ឍខ្លួនក្លាយជាកីឡាករកីឡាការិនីមានសិទ្ធផលខ្ពស់។ ទន្ទឹមនោះ ឯកឧត្តម…

(ភ្នំពេញ)៖ ក្រុមកីឡាវាយកូនបាល់កម្ពុជាបានធ្លាក់ចេញពីកៅអីគ្រុបទី៣ចុះមកកាន់គ្រុបទី៤ នៃព្រឹត្តិការណ៍ DAVIS CUPវិញ បន្ទាប់ពីបេសកម្មប្រកួតប្រជែងប្រមាណជាមួយសប្តាហ៍ នៅប្រទេសស្រីលង្កា បានរងបរាជ័យ ។ ថ្លែងប្រាប់អ្នកព័ត៌យកមាន នាកន្លែងហ្វឹកហាត់ លោក ជា ពៅ អគ្គលេខាធិការរង និងជាអ្នកដឹកនាំក្រុម និង កីឡាករ ឃ្លាំង ពន្លក ដែលចូលរួមក្នុងព្រឹត្តិការណ៍ DAVIS CUP បានបង្ហាញអារម្មណ៍សោកស្តាយ ដោយសូមទោសទៅកាន់ប្រជាពលរដ្ឋកម្ពុជា និងអ្នកឧបត្ថម្ភគាំទ្រថា ក្រុមវាយកូនបាល់កម្ពុជាចូលរួមក្នុងព្រឹត្តិការណ៍ DAVIS CUPគ្រុបទី៣ នៅប្រទេសស្រីលង្កា លទ្ធផលដែលទទួបាន គឺធ្វើមិនបានល្អឡើយ ដោយក្រុមកម្ពុជា បានធ្លាក់មកកាន់គ្រុបទី៤វិញ ។ ទោះបីលទ្ធផលមួយនេះ បង្ហាញភាពអវិជ្ជមានសម្រាប់ក្រុមកម្ពុជាក៏ដោយ ក៏លទ្ធផលបរាជ័យនេះ មិនបានធ្វើឲ្យក្រុមកម្ពុជាបាក់ទឹកចិត្តឡើយ ពោលគឺក្រុមកម្ពុជា ប្តេជ្ញាបន្តខិតខំហ្វឹកហាត់អភិវឌ្ឍសមត្ថភាពប្រជែងដណ្តើមកៅអីត្រឡប់មកវិញឲ្យបាននៅឆ្នាំក្រោយៗទៀត។ អគ្គលេខាធិការរង និងជាអ្នកដឹកនាំក្រុមខាងលើ បានបង្ហាញការតាំងចិត្តខ្ពស់ថា សម្រាប់ព្រឹត្តិការណ៍កម្រិតពិភពលោកមួយនេះ លោក និងគ្រូបង្វឹក ជនជាតិដាណាម៉ាក់ លោក ប្រាយ អេនអាន់នីរ៉ូស និងខិតខំបង្វឹកឲ្យកីឡាករកម្ពុជាមានសមត្ថភាពខ្លាំងប្រកួតបានគ្រប់ស្ថានភាពទីលានទាំងលើដីនិងបេតុងក្រាលកៅស៊ូ។ សូមជម្រាប់ថា ព្រឹត្តិការណ៍DAVIS CUP…

(ភ្នំពេញ) ៖ សហព័ន្ធកីឡាវាយកូនគោលកម្ពុជា នឹងបញ្ជូនកីឡាករវាយកូនគោល៦រូបនិងថ្នាក់ដឹកនាំក្រុម២រូបទៅចូលរួមក្នុងការប្រកួតកីឡាវាយកូនគោលតំបន់អាស៊ីអាគ្នេយ៍ ដែលរៀបចំដោយសហព័ន្ធកីឡាវាយកូនគោលប្រទេសម៉ាឡេស៊ី នៅប្រទេសម៉ាឡេស៊ី ចាប់ផ្តើមការប្រកួតផ្លូវការពីថ្ងៃទី២១ដល់ថ្ងៃទី២៤ ខែ សីហា ឆ្នាំ២០២៣។ លោក ឧកញ៉ា ឡោក ដារិទ្ធ អ្នកដឹកនាំនិងគ្រប់គ្រងក្រុម បានបញ្ជាក់ឲ្យដឹងថា កីឡាករ៦រូបដែលត្រូវបានសហព័ន្ធជ្រើសរើសហ្វឹកហាត់ចូលរួមក្នុងការប្រកួតកីឡាវាយកូនគោលតំបន់អាស៊ីអាគ្នេយ៍ ដែលប្រទេសម៉ាឡេស៊ីទទួលធ្វើជាម្ចាស់ផ្ទះនេះ មានកីឡាករ អ៊ឹម រាហ៊ុល សាន ស៊ីដេត ឡាយ សំបាន រ៉ន កំណត់ យ៉េត សុធារក្ស និងកីឡាករ ប៊ុន ឡាយកនណាគ្រីត។ លោកថា សម្រាប់ពានរង្វាន់ការប្រកួតកីឡាវាយកូនគោលនេះ មាន៤វិញ្ញាសារួមមាន៖ កុមារ៉ាអាយុក្រោមអាយុ១៦ឆ្នាំ កុមារីក្រោមអាយុ ១៦ឆ្នាំ បុរសមិនកំណតអាយុ និងនារីមិនណត់អាយុ ហើយ សម្រាប់កម្ពុជា បញ្ជូនតែ២វិញ្ញសាទេ គឺ កុមារ៉ាអាយុក្រោម ១៦ឆ្នាំ ២នាក់ និងបុរសមិនកំណត់អាយុ ៤នាក់។ លោក ឧកញ៉ា បានគូសបញ្ជាក់ទៀតថា កម្ពុជាចូលរួមក្នុងការប្រកួតកម្រិតអន្តរជាតិនេះ មិនមែនត្រឹមតែដកស្រងបទពិសោធន៍នោះ គឺកីឡាករវាយកូនគោលកម្ពុជាយើងនឹងទៅប្រកួតប្រជែងដណ្តើមយកពាន…