ភ្នំពេញ ៖ ព្រឹត្តិការណ៍កីឡា “ស្រួង ភាវី ប៊ីយ៉ាការ៉ុម” ដែលរៀបចំឡើងដោយ ក្លិបប៊ីយ៊ា Lux98 ក្រោមកិច្ចសហការ ពីកីឡាការិនីឆ្នើមរបស់កម្ពុជា “ស្រួង ភាវី” និងមានការ គាំទ្រពីសហព័ន្ធកីឡាស្នូកឃ័រឬប៊ីយ៉ាកម្ពុជា មានអត្តពលិក នៅក្លិបប៊ីយ៊ា Lux98 ក្នុង ខណ្ឌ ច្បារអំពៅ រាជធានីភ្នំពេញ ដោយមានអត្តពលិក ចំនួន ៦ប្រទេស ចូលរួម ។ កញ្ញា ហេង ចាង ប្រធានក្លិបប៊ីយ៉ា Lux98 បានបញ្ជាក់ថា ការប្រកួតនេះ មានកីឡាករកីឡាការិនី ចំនួន ៣២នាក់ មកពី ៦ ប្រទេសចូលរួម ក្នុងនោះ មានមកពី ប្រទេសកូរ៉េខាងត្បូង វៀតណាម ហ្វីលីពីន ម៉ាឡេស៊ី បារាំង ព្រមទាំងកម្ពុជាដែលជាម្ចាស់ផ្ទះ ជាពិសេសទៀតនោះគឺកីឡាការិនី ដ៌ឆ្នើមរបស់កម្ពុជា ស្រួង ភាវី ក៏បានបង្ហាញខ្លួន ក្នុងការប្រកួតនេះដែរ ។…

ឯកឧត្តម ណយ ផាន់ណា អគ្គលេខាធិការសហព័ន្ធកីឡាកាយសម្ព័ន្ធកម្ពុជា បានបញ្ជាក់ថា ការប្រកួតជើងឯកពិភពលោក នៅជប៉ុន គឺជាការវាស់ស្ទង់សមត្ថភាពចុងក្រោយ របស់ក្រុមកីឡាករ-កីឡាការិនីជម្រើសជាតិកាយសម្ព័ន្ធកម្ពុជា ប្រភេទ Aerobic ទាំង៩រូប មុនស៊ីហ្គេមចាប់ផ្ដើមនាខែឧសភាខាងមុខនេះ។ ឯកឧត្តម ណយ ផាន់ណា បានឲ្យដឹងថា «ព្រឹត្តិការណ៍កម្រិតពិភពលោកនេះ គឺជាការត្រៀមលក្ខណៈសម្រាប់ការចូលរួមការប្រកួតព្រឹត្តិការណ៍ស៊ីហ្គេមនៅកម្ពុជាមកដល់ និងជាការពង្រឹងសមត្ថភាព បច្ចេកទេសអោយកាន់តែល្អប្រសើរ ដើម្បីក្តោបឪកាសដណ្តើមមេដាយជូនជាតិ។ ឯកឧត្តម សង្ឃឹមថា ព្រឹត្តិការណ៍ដ៏ធំមួយនេះ ជាការដកស្រង់បទពិសោធន៍មួយដ៏ល្អ ហើយយើងអាចវាយតម្លៃបានទៅលើការប្រកួត មុនស៊ីហ្គេមរបស់យើងតែម្ដង»។ ឯកឧត្តមអគ្គលេខាធិការ បានបន្តថា ព្រឹត្តិការណ៍កម្រិតពិភពលោកនេះ មានជាង១០ប្រទេសចូលរួម ចន្លោះពី១៥ ទៅ១៨ប្រទេស ក្នុងនោះ ក៏មានកីឡាករ កីឡាការិនីខ្លាំងៗកម្រិតពិភពលោក មកតំបន់អឺរ៉ុបចូលរួមដែរ។ ប៉ុន្តែទោះបីជាយ៉ាងណា កម្ពុជាត្រូវតែចូលរួមដើម្បីវាស់ស្ទង់កម្រិតសមត្ថភាពរបស់កីឡាករ-កីឡាការិនី។សូមបញ្ជាក់ថា ការចូលរួមប្រកួតជើងឯកពិភពលោក នៅជប៉ុននេះ កម្ពុជាបញ្ជូនកីឡាករ-កីឡាការិនី ចំនួន៩រូប ចៅក្រមអន្តរជាតិ ១រូប និងគ្រូបង្វឹកចំនួន ៣រូប។ កម្ពុជាបានដាក់គោលដៅ ជាមួយការប្តេជ្ញាចិត្តថា នឹងធ្វើយ៉ាងណាអាចឈានជើងចូលវគ្គផ្ដាច់ព្រ័ត្រឲ្យបាន ឬក៏ឈានយកមេដាយជូនជាតិផងដែ៕ ចាន់ វិចិត្រ

ក្បួនដង្ហែព្រះអគ្គិជ័យកីឡា និងភ្លើងគប់កីឡាស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ នៅទីក្រុង យ៉ាំង ហ្គូន នៃសាធារណរដ្ឋសហភាពមីយ៉ាន់ម៉ា បានប្រព្រឹត្តទៅ និងបញ្ចប់ដោយរលូន ព្រមទាំងទទួលបានជោគជ័យ នៅព្រឹកថ្ងៃទី២១ ខែមេសា ឆ្នាំ២០២៣នេះ ដោយមានកីឡាករ-កីឡាការិនី និងមហាជនមីយ៉ាន់ម៉ា ចូលរួម និងរត់ដង្ហែប្រមាណ ១ ៥០០នាក់ ព្រមទាំងទទួលបានការសាទរយ៉ាងច្រើនកុះករពីពលរដ្ឋមីយ៉ាន់ម៉ា នៅតាមដងផ្លូវ។ ពិធីដង្ហែនេះ ធ្វើឡើងក្រោមវត្តមានឯកឧត្តម ហោ សារុន រដ្ឋលេខាធិការក្រសួងទេសចរណ៍ និងជាបេសកជនពិសេស CAMSOC ឯកឧត្តម ជុំ អង្គវិចិត្រ ឯកអគ្គរាជទូតកម្ពុជាប្រចាំមីយ៉ាន់ម៉ា និងឯកឧត្តម Minn Thein Zan រដ្ឋមន្ដ្រីសហភាពក្រសួងកីឡា និងជាប្រធានគណៈកម្មាធិការជាតិអូឡាំពិកមីយ៉ាន់ម៉ា និងលោក Tun Myint Oo អគ្គនាយកក្រសួងកីឡា និងកិច្ចការយុវជន ថ្នាក់ដឹកនាំតំណាងក្រសួងការបរទេស និងប៉ារ៉ាហ្គេមមីយ៉ាន់ម៉ា ឯកអគ្គរដ្ឋ/រាជទូតបណ្ដាប្រទេសក្នុងតំបន់ និងក្រៅតំបន់ ថ្នាក់ដឹកនាំតំណាងគណៈកម្មាធិការប្រជាជនទីក្រុងយ៉ាំងហ្គូន ផងដែរ។ APK

ភ្នំពេញ៖ កីឡាករ កីឡាការិនីជនមានពិការភាព កីឡាអត្តពលកម្ម ទទួលបានសម្ភារកីឡា ពីក្រុមហ៊ុន Active People’s Microfinance ក្រុមហ៊ុន Eiko Sports ក្រោមការសម្របសម្រួលពីអង្គការក្រៅរដ្ឋាភិបាលបេះដូងមាស និងគណៈកម្មាធិការជាតិប៉ារ៉ាឡាំពិកកម្ពុជា នាព្រឹកថ្ងៃទី២០ ខែមេសា ឆ្នាំ២០២៣ ក្នុងពហុកីឡដ្ឋានជាតិអូឡាំពិកកម្ពុជា សម្រាប់ហ្វឹកហាត់ត្រៀមព្រឹត្តការណ៍អាស៊ានប៉ារ៉ាហ្គេម លើកទី១២ នាខែមិថុនាខាងមុខនេះ។ កញ្ញា Yoneyama Haruka មន្ត្រីរដ្ឋបាល និង គម្រោងអង្គការក្រៅរដ្ឋាភិបាលបេះដូងមាស បានមានប្រសាសន៍ ចាប់តាំពីឆ្នាំ២០១៧ គណៈកម្មាធិការជាតិប៉ារ៉ាឡាំពិកកម្ពុជា និងអង្គការក្រៅរដ្ឋាភិបាល បេះដូងមាស បានសហការរៀបចំព្រឹត្តិការណ៍ប្រកួតកីឡាអត្តពលកម្មជនពិការកម្ពុជាប្រចាំឆ្នាំ ហើយក្នុងឆ្នាំ២០១៨ គ្រឹះស្ថានមីក្រូហិរញ្ញវត្ថុ អាក់ទីវភីភល ភីអិលស៊ី បានក្លាយជាម្ចាស់ឧបត្ថម្ភធំសម្រាប់ការប្រកួត។ តែដោយសារឆ្នាំនេះ កម្ពុជាបានក្លាយជាម្ចាស់ផ្ទះរៀបចំព្រឹត្តិការណ៍ស៊ីហ្គេម លើកទី៣២ និងអាស៊ានប៉ារ៉ាហ្គេម លើកទី១២ ការប្រកួតកីឡាអត្តពលកម្ម ត្រូវលុបចោល ក្រុមហ៊ុនបានលើកទឹកចិត្ត ឧបត្ថម្ភនូវឯកសណ្ឋានកីឡាដល់សហព័ន្ធកីឡាអត្តពលកម្មជនមានពិការភាព ដើម្បីអាចប្រើប្រាស់សម្រាប់ការហ្វឹកហាត់ប្រចាំថ្ងៃ និងការប្រកូតអន្តរជាតិចំនួន៨០ឈុត ជំនួសការប្រកួតវិញ។ កញ្ញា Haruka បន្តថា ក្នុងនោះ ក្រុមហ៊ុន…

ភ្នំពេញៈ យុវជន ជា កុកម៉េង បានក្លាយជាបេក្ខាភាពក្រុមសាលាបាល់ទាត់បឹងកេត ត្រៀមចេញទៅចូលរួមប្រកួតពានរង្វាន់យុវជន (COPA BELLMARE U11 PILOT INTERNATIONAL TOURNAMENT នៅប្រទេសជប៉ុន ក្នុងខែឧសភាខាងមុខនេះ។ នេះបើយោងតាមផេកផ្លូវការរបស់ក្លឹបបាល់ទាត់បឹងកេត។ យុវជន ជា កុកម៉េង បានអោយដឹងថា មុននឹងក្លាយជាកីឡាយុវជនថ្នាលរបស់ក្លឹបបាល់ទាត់បឹងកេត រូបគេធ្លាប់ហ្វឹកហាត់នៅក្លឹបសូទីឡូអង្គររបស់លោកគ្រូ ហុង ដា រយៈពេល២ឆ្នាំ ក្នុងឆ្នាំ២០១៦ រហូតដល់ឆ្នាំ២០១៩ តែដោយសារវិបត្តិកូវីត-១៩ ត្រូវបានបិទខ្ទប់ការពារការរីករាលដាលជំងឺសកលមួយនេះ ធ្វើខកខានហ្វឹកហាត់រយៈពេល២ឆ្នាំ។ ទើបតែក្នុងខែកុម្ភៈ ឆ្នាំ២០២០ កុកម៉េង ក៏បានសម្រេចចូលហ្វឹកហាត់ជាមួយសាលាបាល់ទាត់បឹងកេត មកដល់បច្ចុប្បន្ន ក្តោបបានឪកាសក្លាយយុវជនជម្រើសរបស់ក្លឹបល្បីឈ្មោះមួយនេះ ឈានទៅបង្ហាញខ្លួនលើឆាកអន្តរជាតិ។ យុវជនវ័យ១១ឆ្នាំរូបនេះ បានបញ្ជាក់ថា និមិត្តរូបគឺកីឡាករសញ្ជាតិព័រទុយហ្គាល់ Cristiano Ronaldo ឯក្តីស្រម៉ៃចង់លេងអោយក្លឹបបឹងកេត និងក្លាយជាកីឡាករជម្រើសជាតិ រីឯក្លឹបនៅក្រៅប្រទេសគឺ Buriram United របស់ប្រទេសថៃ ចំនែកក្លឹបនៅអ៉ឺរ៉ុប ដូចជា Manchester United ។ គួរបញ្ជាក់ថា យុវជន ជា…

ដឹកនាំដោយឯកឧត្តម ហោ សារុន បេសកជនពិសេសតំណាងគណៈកម្មាធិការជាតិ CAMSOC បានធ្វើដំណើរដល់ប្រទេសមីយ៉ាន់ម៉ា ដោយសុវត្ថិភាព ជាមួយនឹងការទទួលស្វាគមន៍ពី ឯកឧត្តម ជុំ អង្គវិចិត្រ ឯកអគ្គរាជទូតកម្ពុជាប្រចាំប្រទេសមីយ៉ាន់ម៉ា ព្រមទាំងឯកឧត្តម U Htay Aung អភិបាលខេត្តរ៉ងហ្គូន 🇲🇲 ព្រះអគ្គីជ័យកីឡា ក៏ត្រូវបានដង្ហែយកទៅតម្កល់ទុកនៅស្ថានទូតព្រះរាជាណាចក្រកម្ពុជា ប្រចាំនៅប្រទេសមីយ៉ាន់ម៉ា រួចរាល់ផងដែរ ដើម្បីត្រៀមធ្វើពិធីដង្ហែព្រះអគ្គិជ័យកីឡា និងរត់ភ្លើងគប់ ជាផ្លូវការនៅថ្ងៃទី២១ ខែមេសា ឆ្នាំ២០២៣៕ ប្រភព Camsoc

ភ្នំពេញ ៖ ក្រោយបញ្ចប់កិច្ចប្រជុំពិសេស ក្រោមអធិបតីសម្តេចពិជ័យសេនា ទៀ បាញ់ ឧបនាយករដ្ឋមន្រ្តី រដ្ឋមន្រ្តី ក្រសួងការារជាតិ និងជាប្រធាន CAMSOC-CAMAPGOC ដើម្បីត្រួតពិនិត្យរបាយការណ៍រួម និងបច្ចុ ប្បន្ន ភា ព ការងារឆ្ពោះទៅដំណើរការរៀបចំព្រឹត្តិការណ៍ស៊ីហ្គេម និង អាស៊ានប៉ារ៉ាហ្គេម នាព្រឹកថ្ងៃទី១៨ ខែមេសា ឆ្នាំ២០២៣ ឯកឧត្តម វ៉ាត់ ចំរើន អគ្គលេខាធិការ CAMSOC-CAMAPGOC មានប្រសាសន៍ថា អ្វីដែលទទួលបាន ជាអនុសាសន៍ដ៏ខ្ពង់ខ្ពស់តាមរយៈសម្តេចពិជ័យសេនា ទៀ បាញ់ គឺ សម្តេចតេជោ ហ៊ុន សែន នាយករដ្ឋមន្រ្តី បានសម្រេចថា ប្រតិភូកីឡាមកពីបណ្តាប្រទេសទាំងអស់ មកចូលរួមស៊ីហ្គេម និងអាស៊ានប៉ារ៉ាហ្គេម នៅកម្ពុជា ត្រូវបានលើកលែងការបង់ថវិកាចំនួន ៥០ដុល្លារក្នុង ១នាក់សម្រាប់ ១ថ្ងៃ ដែលប្រតិភូទាំងអស់ត្រូវបង់ជូនភាគីកម្ពុជាធ្វើជាម្ចាស់ផ្ទះ ។ ឯកឧត្តមអគ្គលេខាធិការ បន្តថា អនុសាសន៍របស់សម្តេចតេជោនេះ បានធ្វើឲ្យក្រុមការងារ និងប្រជាជនកម្ពុជារំភើបរីករាយ កក់ក្តៅ និងមានមោទនភាពដ៏អស្ចារ្យសម្រាប់ការទទួលធ្វើជាម្ចាស់ផ្ទះ។…

ភ្នំពេញ ៖ កីឡាបាល់ទះ វិញ្ញាសាបុរសក្នុងសាលបានចាប់ឆ្នោតជ្រើសរើសពូលឡើងវិញ បន្ទាប់ពី ហ្វីលីពីន ស្នើសុំចូលរួម ក្រោយថ្ងៃចុះបញ្ជីគ្រប់ប្រភេទកីឡា ត្រូវបានបិទទ្វា នៅក្នុងព្រឹត្តិការណ៍កីឡាស៊ីហ្គេមលើកទី៣២ ធ្វើឡើងក្នុងឆ្នាំ២០២៣ នៅរាជធានីភ្នំពេញ ខណៈម្ចាស់ផ្ទះកម្ពុជា ស្ថិតក្នុងពូល A ជាមួយម្ចាស់មេដាយមាសឆ្នាំចាស់ឥណ្ឌូណេស៊ី សិង្ហបុរី និងហ្វីលីពីន ។ ក្រោយចាប់ឆ្នោតលើកទី១ ដែលធ្វើឡើងនៅថ្ងៃទី០៥ ខែមេសា ឆ្នាំ២០២៣ កន្លងទៅ ស្រាប់តែហ្វីលីពីន បានទទូចឱ្យកម្ពុជា បន្ថែមវិញ្ញាសាបាល់ទះបុរសក្នុងសាលរបស់ខ្លួន បើទោះជាដឹងខ្លួនថា ផុតកាលបរិច្ឆេទ នៃការចុះបញ្ជីទៅហើយក្ដី។ រំលង១ថ្ងៃគណៈកម្មាធិការជាតិរៀបចំកីឡាស៊ីហ្គេម និងអាស៊ានប៉ារ៉ាហ្គេមឆ្នាំ២០២៣ បានផ្ញើលិខិតឆ្លើយតបទៅកាន់ហ្វីលីពីន ថា សម្រាប់កម្ពុជា នឹងជួយសម្របសម្រួល ករណីប្រទេសជាសមាជិកអាស៊ានផ្សេងទៀតលើសពី៥ ប្រទេសយល់ព្រម ។ រហូតដល់ថ្ងៃទី១១ ខែមេសា ឆ្នាំ២០២៣ ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា បានបញ្ជាក់តាមលិខិតទៅកាន់សហព័ន្ធកីឡាបាល់ទះកម្ពុជាថា ប្រទេសអាស៊ានចំនួន៥ បានឯកភាពឱ្យដាក់បញ្ចូលក្រុមបាល់ទះបុរសហ្វីលីពីន ក្នុងការប្រកួតស៊ីហ្គេមឆ្នាំ២០២៣នេះ រួមមានកម្ពុជា មីយ៉ាន់ម៉ា ថៃ ប្រ៊ុយណេ សិង្ហបុរី…