អគ្គលេខាធិការសហព័ន្ធខ្មែរកីឡាហែលទឹក លោក ហែម គីរី បានជំរុញឲ្យក្លឹប និងសមាគមទាំងអស់បង្កើតក្រុមបាល់ទឹកឲ្យបាន  ដើម្បីជំរុញវិញ្ញាសាថ្មីមួយនេះឲ្យមានការផុសផុល និងបង្កើនសក្តានុពល ត្រៀមប្រកួតប្រជែងលើឆាកអន្តរជាតិ នាពេលខាងមុខ ការថ្លែងបែបនេះធ្វើឡើងក្នុងពីធីបិទវគ្គបណ្ដុះបណ្ដាលគ្រូបង្វឹកបាល់ទឹក នៅគណៈកម្មាធិការជាតិអូឡាំពិកកម្ពុជា កាលពីម្សិលមិញ ។ វគ្គបណ្តុះបណ្តាលនេះ ទទួលបានការជួយឧបត្ថម្ភទាំងស្រុង ពីសហព័ន្ធកីឡាហែលទឹក អន្តរជាតិ មានសិក្ខាកាមចំនួន២០រូបចូលរួម មកពីសមាគមកីឡាហែលទឹកក្រសួងមហាផ្ទៃ ក្រសួងសេដ្ឋកិច្ច និងហិរញ្ញវត្ថុ ក្រសួងសាធារណការណ៍ និងដឹកជញ្ជូន ខេត្តត្បូងឃ្មំ បាត់ដំបង កំពង់ចាម ខេត្តកណ្ដាល និងសៀមរាប និងមានគ្រូឧទ្ទេសសញ្ជាតិជាតិ គុយ បា គឺលោក Alexander dela Celda Brokina  សិក្សាលើទ្រឹស្ដី និងអនុវត្តន៍ផ្ទាល់។ លោក Alexander  dela Celda Brokina  ដែលជាគ្រូឧទ្ទេស បានវាយតម្លៃខ្ពស់ចំពោះសិក្ខាកាមទាំងអស់ គឺមានការយកចិត្តទុកដាក់ចំពោះវគ្គនេះ ហើយលោកសង្ឃឹមថា ពួកគេនឹងយកចំណេះដឹងពីវគ្គនេះ ទៅចែករំលែកដល់ក្លឹប និងសមាគមន៍របស់ខ្លួន…

ក្រោយពីមានការបង្ហោះសុំអន្តរាគមន៍ទាក់ទងនឹងប្រាក់រង្វាន់ អង្គភាពអគ្គនាយកដ្ឋានកីឡា និងខេមរៈសហព័ន្ធកីឡាកាយវប្បកម្ម និងលំហាត់ប្រាណ ក្រោមអធិបតីភាព ឯកឧត្តម សុខ សប្បាយណា អនុរដ្ឋលេខាធិការក្រសួងអប់រំ យុវជន និងកីឡា ដើម្បីពន្យល់អំពីគោលការណ៍ និងនីតិវីធី ដែលមាន ចែងនៅក្នុងអនុក្រឹត្យ លេខ ៥៣២ អនក្រ.បក ចុះថ្ងៃទី២៥ ខែវិច្ឆិកា ឆ្នាំ២០១៣ និងប្រកាសអន្តរក្រសួងលេខ ៧១៦ សហវ.ប្រកចុះថ្ងៃទី០៧ ខែកក្កដា ឆ្នាំ២០១៥ ក្នុងការផ្តល់ប្រាក់រង្វាន់កម្រិតជាតិ អន្តរជាតិ និងគោលការណ៍ពិសេសរបស់រាជរដ្ឋាភិបាលជូនដល់ជ័យលាភី ជៀសវាងការយល់ច្រឡំពីសាធារណជន។ ក្រោយពីពិភាក្សាគ្នារួចមក ភាគីទាំងពីរបានយោគយល់គ្នា ដោយខេមរសហព័ន្ធកីឡាកាយវប្បកម្ម និងលំហាត់ប្រាណ ក៏បានយល់ច្បាស់អំពីគោលការណ៍ និងនីតិវិធី ក្នុងផ្តល់ប្រាក់រង្វាន់ និងសន្យាថា ធ្វើការបកស្រាយតាមរយៈប្រព័ន្ធបណ្តាញទំនាក់ទំនងសង្គម Facbook និងផេករបស់សហព័ន្ធខ្លួនជូនសាធារណជនវិញនូវការយល់ច្រឡំនេះ ហើយខេមរសហព័ន្ធកីឡាកាយវប្បកម្ម និងលំហាត់ប្រាណ ស្នើសុំឱ្យពាំនាំការស្នើសុំរបស់គាត់ទៅថ្នាក់ដឹកនាំក្រសួងអប់រំ យុវជន និងកីឡា ក្នុងការស្នើសុំប្រាក់រង្វាន់ពិសេស។ ជាមួយគ្នានេះ ឯកឧត្តម សុខ សប្បាយណា មានប្រសាសន៍ថា នឹងពាំនាំការស្នើសុំនេះទៅជូនថ្នាក់ដឹកនាំក្រសួងអប់រំ…

ក្លិប C G A និងទីលានវាយកូនហ្គូល Royal Cambodia បានសហការគ្នាបង្កើតព្រឹត្តិការណ៍ប្រកួត ដើម្បីចូលរួមអភិវឌ្ឍន៍វិស័យកីឡាមួយនេះ ឲ្យមានការផុសផុល និងរីកចម្រើនបន្ថែមទៀត នៅកម្ពុជា។ នេះជាការបញ្ជាក់រួមគ្នាពីតំណាងក្លិប C G A និងតំណាងទីលានវាយកូនហ្គូល Royal Cambodia Club កាលពីម្សិលមិញ នៅលើទីលាន Royal Cambodia។ លោក ញ៉ាញ់ ខែន នាយកអភិវឌ្ឍន៍មុខជំនួញ ក្រុមហ៊ុន CHIP MONG GROUP CO ,LDT បានមានប្រសាសន៍ថា ដោយមើលឃើញអ្នកលេងកូនហ្គូល នៅកម្ពុជា នៅមានតិចតួចនៅឡើយ ដូច្នេះ លោកចង់យកព្រឹត្តិការណ៍ប្រកួតនេះ ជាការផ្សព្វផ្សាយ ដើម្បីចូលរួមលើកកម្ពស់វិស័យកីឡាកូនហ្គូល ឲ្យមានការរីកចម្រើន។ ចំណែកឯ ប្រធានក្លិប C G A  ឯកឧត្តម ឯក វន្ឌី មានប្រសាសន៍ថា ក្នុងឆ្នាំ២០២៣…

បើតាមអ្នកជំនាញ ស៊ីហ្គេម បញ្ជាក់ថា ព្រឹត្តការណ៍ស៊ីហ្គេមលើកទី៣២ នាឆ្នាំ២០២៣ អាចចំណាយថវិការង្វង់២០០លានដុល្លាសហរដ្ឋអាម៉េរិក នេះជាការបញ្ជាក់ពី ឯកឧត្តម វ៉ាត់ ចំរើន អគ្គលេខាធិការគណៈកម្មាធិការ ជាតិអូឡាំពិកកម្ពុជា ថ្លែងបានប្រាប់អ្នកសារព័ត៌មាន ក្រោយបិទបញ្ចប់កិច្ចប្រជុំគណៈកម្មាធិការជាតិរៀបចំការប្រកួតកីឡា ស៊ីហ្គេម លើកទី៣២ ឆ្នាំ២០២៣ ហៅកាត់ថា (CAMSOC) នាពេលកន្លងមក ។ ឯកឧត្តមបានលើកឡើង ពីគម្រោងថវិកាដែលបានចំណាយរៀបចំកីឡាស៊ីហ្គេម របស់ប្រទេសផ្សេងៗគ្នា ដើម្បីជាបទពិសោធន៍ ពីខ្ទង់ចំណាយខុសគ្នាអាស្រ័យទៅលើស្ថានភាពជាក់ស្តែង ទាំងស៊ីហ្គេម និងអាស៊ានប៉ារ៉ាហ្គេម សម្រាប់យកមកពិភាគ្សា ត្រៀមធ្វើការស្នើសុំទៅប្រមុខរាជរដ្ឋាភិបាលជាអ្នកសម្រេចចុងក្រោយ។ ទាក់ទងនឹងថវិកាចំណាយនៅ ស៊ីហ្គេម សម្តេចពិជ័យ សេនា ទៀ បាញ់ ជំរុញឲ្យបង្កើតអគ្គលេខាធិការដ្ឋាន ឬការិយាល័យ CAMSOC ឲ្យក្រសួងសេដ្ឋកិច្ច និងហិរញ្ញវត្ថុ ក្នុងការផ្តល់ថវិកាឲ្យបានឆាប់រហ័ស ដំណើរការទៅប្រកបដោយរលូន។ សម្តេចពិជ័យសេនា ក៏បានពន្លឿនដល់គ្រប់ភាគីពាក់ព័ន្ធការអនុវត្តផែនការមេ កីឡាស៊ីហ្គេម លើកទី៣២ ឆ្នាំ២០២៣ ដែលកំពុងតែមានពេលខិតជិតមកដល់ខាងមុខនេះ ក្រោយពីបញ្ចប់កិច្ចប្រជុំ សម្តេច…

ក្លិបតោខៀវ Chelsea ចែចូវគ្រូបង្វឹក សញ្ជាតិបារាំង  Zidane ដែលធ្លាប់ជួយ Real Madrid លើកពាន Champion League ៣ឆ្នាំជាប់ៗគ្នា និងប្រគល់ប្រាក់ ជាង ២០០លានផោន សម្រាប់ចំណាយ ប្រសិនបើយល់ព្រមមក Stamford Bridge។ ប៉ុន្តែតាមកាចុះផ្សាយរបស់ការសែត The Sunsports កាលពីថ្ងៃអង្គារ បញ្ជាក់ថា ក្រោយឈ្នះ Fulham  លោក Sarri គ្រូបង្វឹកក្លិបតោខៀវ Chelsea ថាគ្មានសំពាធអ្វីឡើយ។ លើសពីនេះគ្រូបង្វឹកអ៊ីតាលីរូបនេះ បានទាំងបញ្ជាក់ថា លោកបានធ្វើការពិភាក្សាគ្នាជាមួយនឹងអ្នកគ្រប់គ្រងក្លិប អំពីផែនការនាការដោះដូរកីឡាករនារដូវកាលខាងមុខ ទាំងដែលក្លិបកំពុងរងបម្រាមទិញចូលកីឡាករថ្មីរហូត ទៅដល់២រដូវកាលដោះដូរជាប់គ្នាផង និងឱកាសនៃការទទួលបានចំណាត់ថ្នាក់ Top4 នៅចុងបញ្ចប់រដូវកាលនេះផង៕ធ.ដ

យោងទៅតាមរបាយការណ៍ពី Ho Chi Minh City Sports បានឲ្យដឹងអំពីគម្រោងរបស់សហព័ន្ធកីឡាបាល់ទាត់វៀតណាម ត្រៀមទាក់ទងនាំយកខ្សែការពារកូនកាត់ វៀតណាម-បារាំង មកលេងឲ្យក្រុមជម្រើសជាតិរបស់ខ្លួននាពេលខាងមុខ។  Jason Quang-Vinh Pendant បានកើត នៅក្នុងប្រទេសបារាំង ដែលមានឪពុកគឺជនជាតិបារាំង និងម្តាយជាជនជាតិវៀតណាម។ បច្ចុប្បន្នកីឡាកររូបនេះកំពុងប្រកបអាជីពជាមួយក្លិប Sochaux-Montbéliard FC សមាជិក នៃលីគលំដាប់ទី២ បារាំង ។ ខ្សែការពារកូនកាត់នេះ ក៏ធ្លាប់ជាប់ឈ្មោះលេងឲ្យក្រុមជម្រើសជាតិបារាំងឈុត U16 និង U18 ជារួមផង ។ យ៉ាងណាក្តី កីឡាករវ័យ២២ឆ្នាំរូបនេះ ក៏ធ្លាប់បានបង្ហើបប្រាប់អ្នកសារព័ត៌មាន អំពីចេតនា ចង់បង្ហាញខ្លួនឲ្យជម្រើសជាតិម្ចាស់ជើងឯកតំបន់អាស៊ីអាគ្នេយ៍ឆ្នាំហ្នឹងផងដែរ ប៉ុន្តែបច្ចុប្បន្ន រូបគេកំពុងផ្តោតលើការជួយក្លិបឲ្យឡើងមកកាន់លីគកំពូលបារាំងជាមុនសិន។ ទាក់ទងនឹងទទួលកីឡាករកូនកាត់ចូលក្រុមជម្រើសរើសជាតិ វៀតណាមបានដាក់គោលដៅយកមេដាយមាសវិញ្ញាសាបាល់ទាត់បុរស ក្នុងព្រឹត្តិការណ៍ SEA Games លើកទី៣០ ២០១៩  នៅប្រទេសហ្វីលីពីន ចាប់ពីថ្ងៃទី៣០វិច្ឆិកា ដល់១១ ខែធ្នូឆ្នាំ២០១៩៕ធ.ដ

ក្លិបស្តេចសរ Real Madrid កំពុងជួបរដូវកាលដ៏អាក្រក់ បន្ទាប់ពីបរាជ័យជាប់គ្នាៗ ទាំងក្នុងស្រុក និងក្រៅស្រុក ដោយ៣ប្រកួតចុងក្រោយ ចាញ់ទាំង៣ នៅ La liga , Copa Del Rey និង Champions Leagues យប់មិញ។ ខ្សែការពារស្ដាំ Dani Carvajal របស់ក្លិប Real Madrid បាននិយាយថា វាជារដូវកាលដ៏ចង្រៃមួយ ក្រោយ Real ធ្លាក់ចេញពីពាន Champions Leagues ក្នុងវគ្គ១៦ក្រុមចុងក្រោយ ដោយសារថ្វីជើងរបស់ Ajax ក្នុងជើងទីពីរ ៤:១ សរុបទាំងពីរជើង ៥:៣ ។ បន្ទាប់ពីលក់ Cristiano Ronaldo រដូវកាលនេះ ក្លិប មិនទាន់រកកីឡាករណាជំនួសបាននោះទេ រួមទាំង Gareth Bale ជាដើម ។ មួយវិញទៀត…

ភាពជោគជ័យរបស់កីឡាករម្នាក់ៗ ទាល់តែផ្សារភ្ជាប់ជាមួយការអប់រំ នេះជាការលើកឡើងរបស់ ឯកឧត្តម នួន ផារ័ត្ន អភិបាលរងរាជធានីភ្នំពេញថ្លែងក្នុងពិធីបិទការប្រកួតកីឡាសិស្សមធ្យមសិក្សាជ្រើសរើសជើងឯករាជធានីភ្នំពេញ ឆ្នាំ២០១៨-២០១៩ កាលពីម្សិលមិញ។ ឯកឧត្តមបន្តថា អ្នកកីឡាពូកែក៏អាចក្លាយជាគ្រូពេទ្យ និងវិស្វករជំនាញបានដែរ ដូច្នោះការចាប់យកអាជីពកីឡា ក៏ត្រូវតែខិតខំក្រេបជញ្ជក់យកនូវចំណេះបន្ថែមលើជំនាញកីឡា ដើម្បីប្រែក្លាយជាបុគ្គលឆ្នើមជួយជ្រោងគ្រួសារ និងសង្គមនាពេលខាងមុខ ខណៈដែលបច្ចុប្បន្នប្រទេសយើងត្រូវការធនធានមនុស្សយ៉ាងច្រើន ដើម្បីប្រកួតប្រជែងជាមួយប្រទេសក្នុងតំបន់។ ឯកឧត្តមអភិបាលរង បន្ថែមទៀតថា កីឡា គឺជាផ្នែកសំខាន់មួយ ជួយឲ្យរាង្គកាយមួន បញ្ញាឈ្លាសវៃ និងសុខភាពល្អ ជាពិសេសជួយឲ្យយុវជន ជៀសឆ្ងាយពីគ្រឿងញាន និងអំពើឧបាយមុខផ្សេងៗដែលសង្គមស្អប់ខ្ពើម។ ដូច្នេះយុវជនត្រូវចូលរួមលេងកីឡាឲ្យបានច្រើន ក៏ត្រូវខិតខំរៀនសូត្រ ដើម្បីបំពេញចំណេះសម្រាប់ជួយខ្លួនឯង នាពេលអនាគត។ ជាមួយគ្នានេះ ឯកឧត្តមបានចាត់ទុក ការប្រកួតនាពេលនេះ គឺជាភាពវិជ្ជមានមួយ ធ្វើឲ្យវិស័យអប់រំកាយ និងកីឡា នៅភ្នំពេញ ក៏ដូចនៅកម្ពុជាដែរ។ សូមបញ្ជាក់ថា ការប្រកួតកីឡាសិស្សមធ្យមសិក្សាជ្រើសរើសជើងឯក រាជធានីភ្នំពេញ ឆ្នាំ២០១៨-២០១៩ ដំណើរការប្រកួតពីថ្ងៃទី២៧ ខែកុម្ភៈ ដល់ថ្ងៃទី៥ ខែមីនា ឆ្នាំ២០១៩…

ក្រុមបាល់ទះនារីមកពីវិទ្យាល័យសិលាមាស បានគ្រងតំណែងជើងឯកប្រចាំឆ្នាំ២០១៩ លើវិញ្ញាសាបាល់ទះនារី ក្រោយបំបាក់ក្រុមខ្លាំងមកពីវីទ្យាល័យជាស៊ីមសាមគ្គី ក្នុងវគ្គផ្តាច់ព្រ័ត្រការប្រកួតកីឡាសិស្សមធ្យមសិក្សាជ្រើស រើសជើងឯករាជធានីភ្នំពេញ នាព្រឹកថ្ងៃអាទិត្យម្សិលមិញ  ៣:១ ក្នុងលទ្ធផល ២៥:៩, ២២:២៥ , ២៥:២១. និង១៥:៩។ ទម្រាំឈ្នះតំណែងជើងឯកប្រចាំរាជធានីភ្នំពេញ ក្នុងឆ្នាំ២០១៩នេះ ក្រុមបាល់ទះនារីវិទ្យាល័យ សិលាមាស បានឆ្លងកាត់ការប្រកួតជាមួយក្រុមខ្លាំងចំនួន៨ប្រកួត ដោយក្នុងនោះមានទាំងវិទ្យាល័យច្បារអំពៅដែលជាអតីតក្រុមធ្លាប់យកឈ្នះខ្លួនកាលពីឆ្នាំមុនផងដែរ។ ក្រោយប្រជែងឈ្នះតំណែងជើងឯកប្រចាំរាជធានីភ្នំពេញ ជាលើកទី៧ កីឡាការិនីប្រធានក្រុមបានលើកឡើងថា ក្រុមបាល់ទះវិទ្យាល័យសិលាមាសបានហ្វឹកហាត់ត្រៀមខ្លួនជាច្រើនខែមកហើយ ដោយ ក្រុមខ្លួនមានមហិជ្ជតា ឈានទៅដណ្តើមពានទូទាំងប្រទេសបន្តទៀតមកជូនរាជធានីភ្នំពេញ។ ដោយឡែក លោក ម៉ុន សុខជា នាយកវិទ្យាល័យសិលាមាសមានប្រសាសន៍ថា ជោគជ័យ ដែលក្រុមបាល់ទះសិលាមាសទទួលបានជាក្រុមជើងឯក ប្រចាំរាជធានីភ្នំពេញនេះ គឺវាបានកើតចេញពីការខិតខំប្រឹងប្រែងហ្វឹកហាត់ជាមួយគ្រូបង្វឹកដោយឆន្ទៈមុះមុត និងការរួបរួមសាមគ្គីជាក្រុមទើបឈានទៅសម្រេចបានលទ្ធផលជោគជ័យបែបនេះ ។ លោក អះអាងទៀតថា សម្រាប់ការប្រកួតសិស្សមធ្យមសិក្សាជើងឯកទូទាំងប្រទេសនៅពេលខាងមុខ ដែលវិទ្យាល័យសិលាមាសតំណាងឲ្យក្រុមបាល់ទះនារីរាជធានីភ្នំពេញ លោកប្តេជ្ញានិងជម្រុញបង្កើនការហ្វឹកត្រៀមខ្លួនកាន់តែល្អជាងនេះបន្ថែម ទៀត ដើម្បីប្រជែងយកយកពានជូនឲ្យបានជូនរាជធានីភ្នំពេញ។ សូមបញ្ជាក់ថា ការប្រកួតកីឡាសិស្សប្រចាំឆ្នាំ២០១៩នេះ សាលាសិលាមាសបានបានបញ្ជូនសិស្សចំនួន៣ក្រុម ក្នុងនោះសិស្សបឋម១ក្រុមទទួលបានជើងឯករង់ការប្រកួតសិស្សបឋមសិក្សាជ្រើសរើសជើងឯកឆ្នាំ២០១៩។រីឯ ២ក្រុមដែលជាសិស្សអនុវិទ្យាល័យ និងសិស្សវិទ្យាល័យឈ្នះបានតំណែងជើងឯកទាំង២ក្រុម ក្នុងព្រឹត្តិការណ៍ប្រកួតកីឡាសិស្សមធម្យសិក្សារាជធានីភ្នំពេញ។ គួររំលឹកថា…

ព្រឹត្តិការណ៍កីឡាសិស្សមធ្យមសិក្សាជ្រើសរើសជើងឯកខេត្តកណ្តាល ប្រចាំឆ្នាំសិក្សា២០១៨-២០១៩ត្រូវ បានបញ្ចប់ដោយជោគជ័យបន្ទាប់ពីបានដំណើរការប្រកួតយ៉ាងសកម្មជាច្រើនថ្ងៃ លើ៥ប្រភេទកីឡាដូចជាបាល់ទាត់ បាល់ទះ បាល់បោះ អត្តពលកម្ម និងប៉េតង់ កាលពីល្ងាចថ្ងៃចន្ទម្សិលមិញ នៅកីឡដ្ឋានខេត្តកណ្តាល បន្ទាប់ពីគណៈកម្មការបច្ចេកទេសសម្រិតសម្រាំងបានម្ចាស់ជ័យលើ៥ ប្រភេទកីឡារួចរាល់ហើយនោះ។ លោក ពៅ វណ្ណា ប្រធានការិយាល័យកីឡានៃមន្ទីរអប់រំ យុវជន និងកីឡាបញ្ជាក់ថា ជ័យ លាភី លេខ១ ផ្នែកបាល់ទាត់បុរស ក្រុមវិទ្យាល័យ ហ៊ុន សែន សេរីភាព, លេខ១ផ្នែកនារី ក្រុមវិទ្យាល័យ ហ៊ុន សែន សិរីដីដុំ ។ ផ្នែកបាល់ទះ លេខ១ វិទ្យាល័យ ហ៊ុន សែន អង្គស្នួល ខណៈលេខ១នារី វិទ្យាល័យ ហ៊ុន សែន កំពង់កន្ទួត ។ ផ្នែកបាល់បោះបុរស-នារី ចំណាត់ថ្នាក់លេខ១ បានទៅលើ ក្រុមវិទ្យាល័យ ហ៊ុនសែនតាខ្មៅ ដូចគ្នា។ ចំពោះជ័យលាភី លើប្រភេទកីឡាប៉េតង់ចំណាត់ថ្នាក់លេខ១លើ វិញ្ញាសា៣ នាក់ទល់៣នាក់បានទៅលើក្រុមអនុវិទ្យាល័យព្រែកហូរ-១ ខណៈលេខ១វិញ្ញាសាវាយយកពិន្ទុ…