បន្ទាប់ពីទទួលបានប្រជាប្រិយភាព និងទាក់ទាញអ្នកចូលរួមទស្សនាគាំទ្រយ៉ាច្រើន ឯកឧត្តម ស៊ុន ចាន់ថុល ប្រធានសហព័ន្ធខ្មែរកីឡាហែលទឹកបានបញ្ជាក់ថា ពានរង្វាន់កីឡាហែលទឹកតេជោសែន លើកទី៥ ឆ្នាំក្រោយ និងបង្កើនវិញ្ញាសារថ្មីបាល់ទឹកមួយទៀត ដើម្បីឲ្យវិស័យកីឡាហែលទឹកកាន់ តែមានសកម្មភាពផុសផុល ជាពិសេសបំផុសផ្នត់គំនិតយុវជន យុវនារីឲ្យចូលចិត្តលេង និងហ្វឹកហាត់កីឡាមួយនេះកាន់តែច្រើន ក្នុងន័យស្វែងរកធនធានកីឡាករ កីឡាការិនី ដែលមានសមត្ថភាពពិតយកមកហ្វឹកហាត់បំប៉នបន្ថែមត្រៀមការប្រកួតនានា ជាពិសេសព្រឹត្តិការណ៍ ស៊ីហ្គេម លើកទី៣២ នៅកម្ពុជា នាឆ្នាំ២០២៣។ ឯកឧត្តម បានវាយតម្លៃថា ការប្រកួតឆ្នាំនេះមានអត្តពលិកវ័យក្មេងច្រើនចូលរួមប្រជែង រីឯសិទ្ធផលវិញឃើញមានការរីកចម្រើនគួរឲ្យកត់សម្គាល់ជាងឆ្នាំកន្លងទៅ។ ឯកឧត្តម ជឿជាក់ថា ៥ឆ្នាំទៀត នៅពេលកម្ពុជាទទួលសិទ្ធិជាម្ចាស់ផ្ទះស៊ីហ្គេម អត្តពលិកហែលនឹងអាចឈ្នះមេដាយមិនខាន ដូច្នេះសូមកីឡាករ កីឡាការិនីទាំងអស់បន្តខិតខំប្រឹងប្រែងហ្វឹកហាត់បន្ថែមទៀត។ ចំណែកលោក ហែម គីរី អគ្គលេខាធិការសហព័ន្ធខ្មែរកីឡាហែលទឹក បានឲ្យដឹងថា ឆ្នាំនេះ គឺទទួលបានការគាំទ្រយ៉ាងខ្លាំង ដោយសហព័ន្ធបានបង្កើតកម្មវិធីសប្បាយៗ២ ខុសពីឆ្នាំមុនៗនោះ គឺទី១សហព័ន្ធបង្កើតវិញ្ញាសារប្រកួតបាល់ទឹកមិត្តភាពទី២ បង្កើតឲ្យមានការប្រគុំតន្ត្រីពីក្រុមល្បី។ អគ្គលេខាធិការរូបនេះបន្តថា ការប្រកួតហែលទឹកពានរង្វាន់តេជោសែនលើកទី៤ នេះចំនួនក្លិប និងអត្តពលិក ក៏មានចំនួនកើនឡើងដូចគ្នា ហើយសហព័ន្ធក៏បានបន្ថែមប្រាក់រង្វាន់ជ័យលាភីលើសពីឆ្នាំមុនៗដែរ ដើម្បីលើកទឹកចិត្តអត្តពលិកឲ្យខិតខំប្រឹងប្រែងហ្វឹកហាត់ និងប្រកួតប្រជែង។ ចំពោះលទ្ធផលវិញ ការប្រកួតកីឡាហែលទឹកពានរង្វាន់តេជោសែនលើកទី៤…

ដើម្បីបង្កើនប្រជាប្រិយភាព និងទាក់ទាញអ្នកចូលរួមទស្សនាគាំទ្រ វិស័យកីឡាហែល ទឹកកាន់ តែផុសផុលដូចកីឡាបាល់ទាត់ ទៅថ្ងៃអនាគតនោះ សហព័ន្ធខ្មែរកីឡាហែលទឹក និងបង្កើតកម្មវិធី ប្លែក ចំនួន២ ក្នុងព្រឹត្តិការណ៍ប្រកួតកីឡាហែលទឹកពានរង្វាន់តេជោសែន លើកទី៤ នៅមជ្ឈមណ្ឌល កីឡាហែលទឹកតេជោសែន នៅឯខេត្តកំពង់ចាម នេះបើយោងតាមការបញ្ជាក់ពីលោក ហែម គីរី អគ្គលេខាធិការសហព័ន្ធខ្មែរកីឡាហែលទឹក ។          លោក អគ្គលេខាធិការ បន្តថា កម្មវិធីប្លែកចំនួន២ ដែលខុសពីឆ្នាំមុនៗនោះ គឺទី១-សហព័ន្ធបង្កើតវិញ្ញាសាប្រកួតបាល់ទឹកមិត្តភាព  ទី២- បង្កើតអោយមានការប្រគុំតន្រ្តីពីក្រុមល្បី ដើម្បីទាក់ទាញចិត្តអ្នកចូលរួមទស្សនាគាំទ្រ ។ អគ្គលេខាធិការរូបនេះ បញ្ជាក់ទៀតថា ការប្រកួតហែលទឹកពាន រង្វាន់តេជោ សែនលើកទី៤ នេះចំនួនក្លឹបចូលរួមកើនឡើង អត្តពលិកក៍មានចំនួនកើនឡើង ហើយ សហព័ន្ធក៍បានបន្ថែមប្រាក់រង្វាន់ ជ័យលាភីលើសពីឆ្នាំមុនៗដែរ ដើម្បីលើកទឹកចិត្តអត្តពលិកអោយ ខិតខំប្រឹងប្រែងហ្វឹកហាត់ និងប្រកួតប្រជែង ។           សូមបញ្ជាក់ថា ការប្រកួតកីឡាហែលទឹកពានរង្វាន់តេជោសែន លើកទី៤ ឆ្នាំ២០១៨នេះ ដំណើរ ការប្រកួតផ្លូវការរយៈពេល២ថ្ងៃ ចាប់ពីថ្ងៃទី១ ដល់ថ្ងៃទី២ ខែធ្នូ មានក្លឹមចូលរួមចំនួន៨…

ដោយសារតែកំណើន អ្នកចូលរួមរត់ក្នុងព្រឹត្តិការណ៍ពាក់កណ្តាលម៉ារ៉ាតុងអន្តរជាតិ អង្គរលើកទី២៣ បានកើនដល់ជាង១ម៉ឺន៧០០នាក់គិតត្រឹមរសៀលថ្ងៃទីសុក្រទី៣០ខែវិច្ឆិកាឆ្នាំ២០១៨នេះ  ធ្វើឲ្យគណៈកម្មការរៀបចំ និងអាជ្ញាធរក្រុងសៀមរាប សម្រេចបិទផ្លូវមួយចំនួន រយៈពេល២ម៉ោង ជាបណ្តោះអាសន្ន ដើម្បីបង្កលក្ខណៈងាយស្រួលដល់អ្នករត់ ក៏ដូចជាងាយស្រួលក្នុងការរៀបចំសណ្តាបធ្នាប់សាធារណៈនិងរបៀបរៀបរយជូន ដល់ប្រជាពលរដ្ឋនិងភ្ញៀវទេសចរ ។លោក សែម ផល្លា តំណាងក្រុមការងារ រៀបចំព្រឹត្តិការណ៍រត់ពាក់កណ្តាលម៉ារ៉ាតុងអន្តរជាតិអង្គរលើកទី២៣ និងជាប្រធានផ្នែកច្ចេកទេស បានថ្លែងប្រាប់ក្រុមអ្នកសារព័ត៌មាននារសៀលថ្ងៃនេះថា គិតត្រឹម ថ្ងៃនេះតួលេខអ្នករត់ដែលមានក្នុងដៃ គឺ១ម៉ឺន៧០០នាក់ ប៉ុន្តែចំនួននេះនូវមិនទាន់អាចធ្វើការសន្និដ្ឋានបានថាកើនបានប៉ុន្មានភាគរយនូវឡើយទេ ដោយរងចាំនៅព្រឹកស្អែកបន្តទៀត ។ លោកបញ្ជាក់ថា អ្វីទាំងនេះមិនចោទជាបញ្ជាក់ទេ អ្វីដែលយើងព្រួលបារម្មនោះគឺ រឿងសណ្តាប់ធ្នាប់ និងសុវត្ថិភាពតាមដងផ្លូវរបស់អ្នករត់ទៅវិញ ។ ដូច្នេះគណៈកម្មការនិង អាជ្ញាធរបានឯកភាពគ្នា សម្រេចធ្វើការបិទផ្លូវមួយចំនួន ដែលពាក់ព័ន្ធនិងផ្លូវរត់។ សូមជម្រប់ផងដែរថា ព្រឹត្តិការណ៍រត់ប្រណាំងអន្តរជាតិ ពាក់កណ្តាលម៉ារ៉ាតុងអង្គរលើកទី២២ កាលពីឆ្នាំ ២០១៧ មានរត់ប្រមាណជិត១ម៉ឺននាក់ ប៉ុន្តែឆ្នាំនេះបានកើនដល់ជាង១ម៉ឺន៧០០នាក់ ធ្វើឲ្យគណៈ កម្មការបង្ខខំចិត្តបិទ ការចុះឈ្មោះអ្នករត់ និង សុំការអនុញ្ញាតពីអាជ្ញាធរមូលដ្ឋាន ដើម្បីបិទផ្លូវរត់ ទាំងស្រុង រយៈពេល២ម៉ោង នាព្រឹកថ្ងៃអាទិត្យទី២ខែធ្នូឆ្នាំ២០១៨នេះ ៕  …

ក្រសួងមហាផ្ទៃដណ្តើមបានមេដាយច្រើនជាងគេ ក្នុងការប្រកួតកីឡាកាយសម្ព័ន្ធជ្រើសរើសជើងឯកថ្នាក់ជាតិឆ្នាំនេះ រីឯខេត្តកំពង់ឆ្នាំងលេខ២ ខេត្តក្រចេះលេខ៣ ខណៈសិទ្ធផលកីឡាករ កីឡាការិនី ក៏មានការរីកចម្រើន និងការកាត់សេចក្តីរបស់អាជ្ញាកណ្តាល ចៅក្រម ក៏បានកាត់សេចក្តីអនុលោមតាមច្បាប់អន្តរជាតិ ដែលសហព័ន្ធបាននាំយកច្បាប់អន្តរជាតិមកអនុវត្ត ដើម្បីជំរុញលើកកម្ពស់សិទ្ធផលកីឡាករការិនី ពិសេសគឺពង្រឹងធនធាន ចៅក្រម អាជ្ញាកណ្តាល ឆ្ពោះទៅស៊ីហ្គេមឆ្នាំ២០២៣ ដែលកម្ពុជាធ្វើម្ចាស់ផ្ទះ។ លោក ណយ ផាន់ណា អគ្គលេខាធិការសហព័ន្ធកីឡាកាយសម្ព័ន្ធកម្ពុជាបានបញ្ជាក់ថា ការប្រកួតឆ្នាំនេះ បានបញ្ចប់ទៅយ៉ាងរលូន និងមានការសហការគ្នាបានល្អ និងអត្តពលិកដែលបានចូលរួមមានការរីកចម្រើន។ លោកបន្តទៀតថា ដោយសារមានការបង្កើនប្រាក់រង្វាន់ជ័យលាភីទ្វេដងពីឯកឧត្តម បណ្ឌិត ថោងខុន ប្រធានសហព័ន្ធ បានជំរុញលើកទឹកធ្វើឲ្យកីឡាករការិនីខិតខំប្រកួតប្រជែងអស់ពីលទ្ធភាព ហើយសិទ្ធផលដែលកើតចេញពីការប្រឹងប្រែងរបស់ពួកគេ អំឡុងពេលប្រកួតប្រជែងនេះ វានិងក្លាយជាទម្លាប់មួយអោយពួកគេបន្តខិតខំប្រឹងប្រែងហ្វឹកហាត់ដើម្បី ជំរុញវិវឌ្ឍន៍សមត្ថភាពឈានទៅដណ្តើមជ័យលាភីឆ្នាំបន្តបន្ទាប់ទៀត។ ចំណែក ចៅក្រម អាជ្ញាកណ្តាល និងគណៈកម្មាការ ក៏បានបន្ថែមប្រាក់ឧបត្ថម្ភលើសពីឆ្នាំមុនៗដែរ ហើយចំពោះកីឡាករការិនី គ្រូបង្វឹក ដែលមកពីខេត្តត្រូវបានការឧបត្ថម្ភ ហូបចុកស្នាក់យ៉ាងសមរម្យ។ អគ្គលេខាធិការដដែលអះអាងថា សម្រាប់ព្រឹត្តិការណ៍ជើងឯកថ្នាក់ជាតិឆ្នាំនេះ សហព័ន្ធចាយថវិកាជាង២ម៉ឺនដុល្លារអាម៉េរិក លើប្រាក់រង្វាន់ជ័យលាភី ចៅក្រម អាជ្ញាកណ្តាល និងផ្គត់ផ្គង់លើការហូបចុក ស្នាក់នៅរបស់កីឡាករ កីឡាការិនី និងប្រតិភូមកពីបណ្តាខេត្ត។ ចំពោះប្រាក់រង្វាន់ជើងឯកឆ្នាំនេះ…

ការប្រកួតវគ្គផ្ដាច់ព្រ័ត្រពាន Copa Libertadores ជើងទីពីររវាងក្រុមខ្លាំងរបស់អាហ្សង់ទីនទាំង២ Boca Juniors និង River Plate និងធ្វើនៅកីឡដ្ឋាន Bernabeu ដែលជាដីរបស់ក្រុម Real Madrid។ ការប្រកួតរវាងក្រុមទាំងពីរត្រូវបានផ្អាកកាលពីសប្ដាហ៍មុន ដោយសារក្រុមអ្នកគាំទ្ររបស់ River Plate បានវាយប្រហារលើឡានក្រុងរបស់ក្លិប Boca Juniors។ មានកីឡាករមួយចំនួនបានរងរបួសដោយសារអម្បែងកញ្ចក់រថយន្ត មុនពេលក្រុមប៉ូលិសបាញ់ឧស្ម័នបង្ហួរទឹកភ្នែកបំបែកក្រុមអ្នកគាំទ្រ។ ការប្រកួតនឹងធ្វើនៅថ្ងៃទី៩ ខែធ្នូ ឆ្នាំ២០១៨ខាងមុខ នេះតាមការចុះផ្សាយពី The Sun កាលយប់មិញថា កាតាបានប្រជែងចង់ធ្វើម្ចាស់ផ្ទះរៀបចំការប្រកួតនេះ ដោយផ្ដល់១០លានផោនលេងក្នុងកីឡដ្ឋាន Khalifa International Stadium។ យ៉ាងណាក្ដីប្រធានក្លិប Real Madrid លោក Florentino Perez ត្រូវបានគេដឹងថាមានទំនាក់ទំនងល្អជាមួយប្រធានក្លិប Boca Juniors និង River Plate លោក Daniel Angelici និង Rodolfo D’Onofrio…

ក្រុម Arsenal បានយកឈ្នះ Vorskla Poltava របស់អ៊ុយក្រែនរហូត ៣:០ នៅ Europa League ក្នុងពូល E ដោយដាក់កីឡាករយុវជនវ័យក្មេងច្រើនកាលពីយប់មិញ។ ការប្រកួតនៅកីឡដ្ឋានទីក្រុងគៀវ ខ្សែប្រយុទ្ធវ័យ១៨ឆ្នាំ Emile Smith Rowe បានស៊ុតនាំមុខឲ្យ Arsenal នៅនាទី ទី១០ បន្ទាប់ពី Aaron Ramsey ទាត់បាល់១១ម៉ែត្រនាំមុខគ្រាប់ទី២ នៅនាទី២៧។ រួចនៅនាទី៤១ កីឡាករវ័យ១៩ឆ្នាំ Joe Willock បន្ថែមគ្រាប់ទី៣ ឲ្យ Arsenal។ លទ្ធផលនេះបានធ្វើឲ្យ Arsenal បានកក់កៅអី វគ្គ៣២ក្រុមចុងក្រោយ។ ចំពោះលទ្ធផលក្រុមផ្សេងៗទៀត Chelsea 4:0 Poak Thessaloniki , AC Milan 5:2 F91 Dudelange , Spartak Moscow 1:2 …

រដ្ឋលេខាធិការក្រសួងមហាផ្ទៃ ឯ ឧ ហ៊ុយ វណ្ណៈ តំណាងសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ជំរុញអោយអត្តពលិករបស់អង្គភាព ដណ្តើមមេដាយពីឆាកអន្តរជាតិអោយបាន ដើម្បីលើកកម្ពស់មោទនភាពជាតិ ការបញ្ជាក់នេះគ្រាដែល ឯ ឧ ចុះជួបសំណេះសំណាលជាមួយគ្រូបង្វឹក និងកីឡាករ ជិត២០០នាក់ ក្នុងអង្គភាពកីឡាក្រោមចំណុះក្រសួងមហាផ្ទៃ និងបានប្រគល់ថវិកា លើកទឹកចិត្តផងដែរ ។ ក្នុងពិធីសំណេះសំណាលនេះដែរ ឯ ឧ ហ៊ុយ វណ្ណៈ បានថ្លែងកោតសរសើរ គណៈគ្រប់គ្រងកីឡាទាំង២៩អង្គភាពរបស់ក្រសួងមហាផ្ទៃ ពិសេសគ្រូបង្វឹក កីឡាករ កីឡាការិនីទាំងអស់ ដែលបានខិតខំរហូតដណ្តើមបានមេដាយជាច្រើន ទាំងលើឆាកជាតិ និងអន្តរជាតិ ។ ឯ ឧ បន្តថា ក្រោមការដឹកនាំ និងឧបត្ថម្ភពីសំណាក់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ទើបធ្វើអង្គភាពកីឡាក្រសួងមហាផ្ទៃ មានការរីកចំរើនលើគ្រប់វិស័យ មានហេដ្ឋារចនាសម្ព័ន្ធ ដូចជាអាគារមជ្ឈមណ្ឌលហ្វឹកហាត់ដ៏ធំ ជាលក្ខណៈស្តង់ដាអន្តរជាតិ ។ …

វីរបុរសបាល់ទាត់សាធារណរដ្ឋអៀរឡង់ Robbie Keane និងជាអតីតកីឡការក្លិបហង្សក្រហម បានប្រកាសចូលនិវត្តន៍ ពីអាជីពបាល់ទាត់ហើយ។ Keane វ័យ៣៨ឆ្នាំ រកបាន៦៨គ្រាប់ពីការចូលលេង១៤៦ប្រកួត សម្រាប់ក្រុមជម្រើសជាតិសាធារណរដ្ឋអៀរឡង់ ពីឆ្នាំ១៩៩៨ដល់២០១៦ ធ្វើឱ្យគេក្លាយជាម្ចាស់កំណត់ត្រាចូលលេងច្រើនដងជាងគេ និងរកគ្រាប់បាល់បានច្រើនជាងគេសម្រាប់ប្រទេសនេះ។ នៅក្លិបអាជីពវិញ ខ្សែប្រយុទ្ធរូបនេះរកបាន៣២៥គ្រាប់ពី៧៣៧ប្រកួតសម្រាប់១០ក្លិបផ្សេងគ្នាក្នុងអាជីព។ ក្នុងនោះមាន ក្លិប Wolverhampton Wanderers ឆ្នាំ១៩៩៧ ក្លិប Coventry City ឆ្នាំ១៩៩៩ ក្លិប Inter Milan ២០០០-០១។ នៅរដូវកាល ២០០១-០២ គេលេងឱ្យ Leeds United និងក្លិប  Tottenham ឆ្នាំ២០០២រហូតដល់២០០៨។ ក្លិប Liverpool ឆ្នាំ២០០៨-០៩ តែបន្ទាប់មកក៏ត្រលប់មក Tottenham វិញ ។ យ៉ាងណាក្ដី រយៈ ពេល២រដូវកាលនៅ Spurs គេមិនសូវបានលេងទេ និងត្រូវបានបញ្ចេញឱ្យ Celtic ខ្ចីក្នុង…

ការចរចាកុងត្រាថ្មីរបស់ David de Gea កន្លងទៅបានជាប់គាំងធ្វើឲ្យមានមន្ទិលសង្ស័យថាជម្រើសជាតិអេស្ប៉ាញវ័យ២៨ឆ្នាំ អាចចាកចេញទៅកាន់ Juventus ឬ Paris Saint-Germain។ ប៉ុន្តែពេលនេះ De Gea បានបើកជម្រើសសម្រាប់ក្លិប ហើយ Manchester United ក៏មិនបោះបង់ក្នុងការបញ្ចុះបញ្ចូលឲ្យគេបន្តកុងត្រារយៈពេលវែងដែរ។ អ្នកចាំទី de Gea បានឆ្លើយតបទៅ United ប្រសិនបើក្លិបផ្ដល់កុងត្រារយៈពេល៥ឆ្នាំ ជាមួយទឹកប្រាក់៣៥ម៉ឺនផោន ក្នុងមួយសប្ដាហ៍ស្មើនឹង Alexis Sanchez នោះគេនឹងបន្តនៅ Old Trafford ។ De Gea ធ្លាប់បដិសេធសំណើរបស់ United ផ្ដល់២៧,៥ម៉ឺនផោនក្នុងមួយសប្ដាហ៍ ដោយចង់កើនលើសនេះស្មើនឹងប្រាក់បៀវត្សរ៍របស់ Sanchez។ ប្រសិននិយាយមិនត្រូវរ៉ូវគ្នា Man Utd អាចបង្ខំចិត្តលក់ De Gea ក្រោយចប់រដូវកាលនេះ ជៀសជាងឲ្យគេដើរចេញដោយមិនបានមួយរៀលនៅឆ្នាំ២០២០។ សូមបញ្ជាក់ថា កិច្ចសន្យារបស់អ្នកចាំទីខាងលើនឹងអស់នៅរដូវក្ដៅក្រោយ ហើយគេអាចនឹងចរចាជាមួយក្លិបបរទេសផ្សេងនៅខែមករាខាងមុខ។ យ៉ាណាក្ដី…

អត្តពលិកសមាគមកីឡាសកលវិទ្យាល័យអាស៊ីអឺរ៉ុប៨នាក់ លើ៣ប្រភេទកីឡា ក្នុងចំណោម៦ប្រភេទកីឡា ដែលក្រសួងអប់រំយុវជន និងកីឡាសម្រិតសម្រាំងបាន នឹងទៅចូលរួមប្រកួតកីឡានិស្សិតក្របខណ្ឌអាស៊ានលើកទី១៩ នៅប្រទេសមីយ៉ាន់ម៉ា នាខែធ្នូខាងមុខនេះ។ ក្នុងសន្និសីទសារព័ត៌មាន ព្រឹកថ្ងៃទី២៩ ខែវិច្ឆិកា នេះនៅសកលវិទ្យាល័យអាស៊ីអឺរ៉ុប លោក ពៅ ហុក គ្រូទទួលបន្ទុកផ្នែកកីឡារបស់សកលវិទ្យាល័យអាស៊ីអឺរ៉ុប គូសបញ្ជាក់ថា កីឡាករកីឡាការិនីរបស់ខ្លួនចំនួន៨នាក់ លើ៣ប្រភេទកីឡាត្រូវទៅចូលរួមប្រកួតក្នុងព្រឹត្តិការណ៍នេះ រួមមាន៖ អត្តពលកម្ម៣នាក់ មានកីឡាករ ប៉ែនសុខគង់ ឈុន ប៊ុនថន និងកីឡាការិនី ឌួងស្រីភាព។ ផ្នែកហែលទឹក៣នាក់ មានកីឡាករ លឹម កែវឧត្តម-ហែម ប៉ុច និងប្រភេទកីឡាប៉េតង់មាន២នាក់គឺ កីឡាករ ឡាយ ទិត្យមករា និងកីឡាការិនី ស្រៀង សុរ៉ាឃីម។ លោក ពៅ ហុក អះអាងថា លើកនេះក៏ដូចជាបណ្តាឆ្នាំមុនៗដែរ អាស៊ីអឺរ៉ុបតែងតែយកចិត្តទុកដាក់ និងឧបត្ថម្ភគាំទ្រយ៉ាងពេញទំហឹងក្រោមការជំរុញពីឯកឧត្តម ឌួង លាង ប្រធានក្រុមប្រឹក្សាភិបាល សកលវិទ្យាល័យអាស៊ីអឺរ៉ុប ដើម្បីលើកទឹកចិត្តដល់អត្តពលិករបស់ខ្លួន។…