ក្លិប Real Madrid បន្តឈរនៅលេខ៤ នៅ La Liga ក្រោយស្មើជាមួយ Villarreal២:២ កាលពីយប់មិញ។ ពី២គ្រាប់របស់ Santi Cazorla នៅនាទី៤ និងនាទី៨២ ឯ២គ្រាប់ក្រុមស្តេចស រកបានដោយ Benzema នៅនាទី៧ និង Raphael Varane នៅនាទី២០ លទ្ធផល ២:២ ក្នុងជំនួប La Liga សប្តាហ៍ទី១៧។ ដូច្នេះ Real នៅតែស្ថិត ក្នុងចំណាត់ថ្នាក់លេខ៤ ពីក្រោមក្រុម Barcelona ៧ពិន្ទុ ក្រោយក្រុមលេខ២ Atletico Madrid ៤ពិន្ទុ និងក្រុមលេខ៣ Sevilla ២ពិន្ទុ៕

លោកឧកញ៉ា ស្រី ចាន់ថន បានបង្ហើបថា លោកគ្រោងនឹងសាងសង់សង្វៀនប្រដាល់ដ៏ធំមួយ ដែលអាចផ្ទុកអ្នកទស្សនាបានរាប់ពាន់នាក់ នៅក្នុងតំបន់អភិវឌ្ឍន៍ 7NG ស្ថិតនៅក្នុង ឃុំវិហារសួគ៌ ស្រុកខ្សាច់កណ្តាល ខេត្តកណ្តាល។ លោកឧកញ៉ាបន្តថា គម្រោងនេះអាចហើយរួចរាល់ត្រឹមចុងឆ្នាំ២០១៩ ឬក៏ដើមឆ្នាំ២០២០ ដែលសង្វៀនកម្រិតអន្តរជាតិនេះ សាងសង់លើទំហំផ្ទៃដី១ម៉ឺនម៉ែត្រការ៉េ និងអគារស្នាក់នៅ ហ្វឹកហាត់របស់កីឡាករមានទំហំ៤ពាន់ម៉ែត្រការ៉េ។ លោកឧកញ៉ា បញ្ជាក់ថា សម្រាប់សង្វៀនកម្រិតស្តង់ដារអន្តរជាតិមួយនេះ និងបម្រើដល់ការប្រកួតប្រដាល់គុនខ្មែរ ប្រដាល់សកល និងវ៉ៃដាក់ទ្រុងផងដែរ។ គម្រោងទាំងនេះ គឺលោកបង្កើតឡើង ដើម្បីរួមចំណែកលើកស្ទួយអភិវឌ្ឍវិស័យកីឡាប្រដាល់នៅកម្ពុជា។ សូមបញ្ជាក់ថា សង្វៀនប្រដាល់ដែលលោក ឧកញ៉ា ស្រី ចាន់ថន គ្រោងសាងសង់នៅក្នុងតំបន់អភិវឌ្ឍន៍ 7NG ជាសង្វៀនប្រដាល់កម្រិតស្តង់ដារដែលយកលំនាំតាមប្រទេសថៃ ដែលនៅជុំវិញសង្វៀន និងអគារស្នាក់នៅ ហ្វឹកហាត់របស់កីឡាករ មានខនដូ ផ្សារទឹក មន្ទីរពេទ្យ និងកន្លែងកម្សាន្តមួយចំនួនផ្តល់ភាពទាក់ទាញដល់ភ្ញៀវជាតិ និងអន្តរជាតិ៕    

Cristiano Ronaldo ឈ្នះពានរង្វាន់ Globe Soccer Awards ឯលោក Didier Deschamps ឈ្នះពានគ្រូបង្វឹកល្អ ចំណែកក្រុម Atletico Madrid ត្រូវបានជ្រើសរើសជាក្លិបល្អបំផុត។ កម្មវិធីនេះបានប្រារព្ធធ្វើនៅក្រុងឌូបៃ កាលពីម្សិលមិញ ហើយនេះជាពានរង្វាន់កិត្តិយសកំពូលសម្រាប់ឆ្នាំ២០១៨។ ពានរង្វាន់របស់ Cristiano Ronaldo គឺរូបគេឈ្នះពានរង្វាន់គ្រាប់បាល់ល្អដែលគេធ្វើបានពេលប៉ះក្លិបបច្ចុប្បន្នកាលឆ្នាំមុនដែរ មិនមែនជាពានរបស់គេ នៅ Juventus នោះទេ ។ គួររំលឹកថា តីតកីឡាករ Ronaldo Nazario, Fabio Capello និង Zvonimir Boban ក៏ធ្លាប់ទទួលបានផងដែរ៕

ក្លិបស្ដេចស Real Madrid បានចុះកុងត្រាយកកីឡាករវ័យក្មេង Mohamed Mizzian ពីក្លិប Melila លេងនៅក្របខណ្ឌ Second Divisio B ដែលគ្មាននរណាស្គាល់ ក្នុងពិភពបាល់ទាត់។ Barcelona ត្រូវបានគេដឹងថា បានចាប់អារម្មណ៍លើទម្រង់លេងរបស់យុវជនម្នាក់នេះ ហើយគ្រោងចុះកុងត្រាយកដែរ ប៉ុន្តែ កីឡាករវ័យ១៨ឆ្នាំរូបនេះត្រូវបាន Real Madrid ទាក់ទងបាន ហើយដំបូងក្លិបត្រឹមធ្វើលក្ខណៈខ្ចីជើងមួយរដូវកាលនេះសិន និងចង់ជម្រើសទិញដាច់ពេលកុងត្រារបស់គេជាមួយ Melilla ដល់ទីបញ្ចប់។ Mizzian ធ្លាប់មានបទពិសោធន៍លេង នៅកីឡដ្ឋាន Santiago Bernabeu រួចទៅហើយដោយរូបគេបង្ហាញទម្រង់លេង ក្នុងពានរង្វាន់ Copa del Rey ជើងទី២ជាមួយ ស្ដេចស កាលពីថ្ងៃទី០៦ធ្នូហើយ ការបង្ហាញទម្រង់លេងនេះ ធ្វើឲ្យក្រុមអ្នកតាមដានជើងកីឡាកររបស់ក្លិបចាប់អារម្មណ៍។ តាមពិតទៅ Real Madrid សឹងតែទិញបាននៅពេលឆាប់ៗនេះជាផ្លូវការហើយ ប៉ុន្តែដោយសាររូបគេប្ដូរភ្ញាក់ងារ ទើបធ្វើឲ្យកិច្ចព្រមព្រៀងត្រូវពន្យាពេល សិនតែដឹងតែបានមក…

អគ្គលេខាធិការរងសហព័ន្ធកីឡាការ៉ាតេកម្ពុជា លោក ឡាច ច័ន្ទដារ៉ា ថ្លែងបញ្ជាក់ក្រោយបញ្ចប់កិច្ចប្រជុំបច្ចេកទេសនាព្រឹកមិញ នៅសាលហ្វឹកហាត់សហព័ន្ធកីឡាការ៉ាតេ ក្នុងសាកលវិទ្យាល័យភូមិន្ទភ្នំពេញថា ការប្រកួតកីឡាការ៉ាតេជ្រើសរើសជើងឯកថ្នាក់ឆ្នាំ២០១៨នេះ សហព័ន្ធបន្ថយបរិមាណ នៃការចូលរួម ប៉ុន្តែបង្កើនគុណភាពអត្តពលិក ស្របតាមអនុសាស្រ្តរបស់ ឯកឧត្តម អគ្គបណ្ឌិតសភាចារ្យ អូន ព័ន្ធមុន្នីរ័ត្ន ប្រធានសហព័ន្ធកីឡាការ៉ាតេកម្ពុជា។ អគ្គលេខាធិការរងរូបនេះ បន្តថា ជើងឯកថ្នាក់ជាតិនេះ ចំនួនក្លិបដែលធ្លាប់ចូលរួមប្រមាណជាជាង៣០ក្លិប ត្រូវបានកាត់បន្ថយមកត្រឹម១៥ក្លិប ដើម្បីកាត់បន្ថយបរិមាណចូលរួម បង្កើនគុណភាពអត្តពលិកវិញ។ លោកបញ្ជាក់ថា សហព័ន្ធធ្វើដូច្នេះ ក្នុងន័យកាត់បន្ថយការចំណាយថវិកាច្រើន ប៉ុន្តែបង្កើននូវបរិមាណគុណភាព ដោយអោយក្លិបនីមួយជ្រើសរើសកីឡាករ កីឡាការិនី ដែលមានគុណភាពចូលរួមប្រកួតប៉ុណ្ណោះ ស្របតាមអនុសាសន៍ របស់ប្រធានសហព័ន្ធកីឡាការ៉ាតេកម្ពុជា ឯកឧត្តមអគ្គបណ្ឌិតសភាចារ្យ អូន ព័ន្ធមុន្នីរ័ត្ន ម្យ៉ាងទៀតងាយស្រួលឲ្យសហព័ន្ធចម្រាញ់ជ្រើសរើសបានកីឡាករកីឡាការិនីល្អៗ បញ្ចូលជាក្រុមជម្រើសជាតិ ឬយុវជនថ្នាល សម្រាប់ហ្វឹកហាត់ ត្រៀមស៊ីហ្គេម ឆ្នាំ២០១៩ នៅប្រទេសហ្វីលីពីន និងពង្រឹងត្រៀម ស៊ីហ្គេម លើកទី៣២ នាឆ្នាំ២០២៣ នៅកម្ពុជា។ លោក ឡាច ច័ន្ទដារ៉ា បញ្ជាក់ទៀតថា ព្រឹត្តិការណ៍ជើងឯកថ្នាក់ជាតិឆ្នាំនេះ យើងត្រូវពង្រឹងគុណភាពអត្តពលិកអោយខ្លាំងជាងមុន ដើម្បីត្រៀមស៊ីហ្គេម…

សកលវិទ្យាល័យអាស៊ីអឺរ៉ុប បានផ្តល់ថវិកាលើកទឹកចិត្តដល់អត្តពលិករបស់ខ្លួនដែលឈ្នះមេដាយពីការប្រកួតកីឡានិស្សិត ក្របខណ្ឌអាស៊ាន លើកទី១៩ នៅមីយ៉ាន់ម៉ា។ លោក ពៅ ហុក គ្រូកីឡាសកលវិទ្យាល័យអាស៊ីអឺរ៉ុប មានប្រសាសន៍ថា កីឡាករ កីឡាការិនីចំនួន៨នាក់ លើ៣ប្រភេទកីឡា ដែលទៅចូលរួមប្រកួតព្រឹត្តិការណ៍ខាងលើនេះ រួមមាន៖ អត្តពលកម្ម៣នាក់ មានកីឡាករ ប៉ែនសុខគង់ ឈុន ប៊ុនថន និងកីឡាការិនី ឌួងស្រីភាព។ ផ្នែកហែលទឹក៣នាក់ មានកីឡាករ លឹម កែវឧត្តមុ , ហែម ប៉ុច និងប្រភេទកីឡាប៉េតង់មាន២នាក់គឺ កីឡាករ ឡាយ ទិត្យមករា និងកីឡាការិនី ស្រៀង សុរ៉ាឃីម ។ ជាលទ្ធផលមានតែវិញ្ញាសាកីឡាប៉េតង់ទេ ដែលដណ្តើមបានមេដាយ គឺកីឡាការិនី ស្រៀង សុរ៉ាឃីម ដណ្តើមបានមេដាយមាស១ និងប្រាក់២គ្រឿង។ លោកបន្តថា ដើម្បីបង្ហាញពីឆន្ទៈរបស់ថ្នាក់ដឹកនាំ និងឆន្ទៈកីឡាករ កីឡាការិនី ឲ្យមានក្តីរំពឹងខ្ពស់ ឈានទៅប្រកួតព្រឹត្តការណ៍នានានាពេលខាងមុខទៀត។ ឯកឧត្តម ឌួង លាង ប្រធានក្រុមប្រឹក្សាភិបាលសកលវិទ្យាល័យអាស៊ីអឺរ៉ុប ជានិច្ចជាកាលតែងតែលើកទឹកចិត្តទុកដាក់…

លោក អ៊ូ រតនា អនុប្រធានទី១ សហព័ន្ធកីឡាវ៉ូវីណាមកម្ពុជា បានបញ្ជាក់ថា ក្រោយពីសហព័ន្ធ អញ្ជើញ Grand Master ង្វៀង វ៉ាន់ជីវ ដែលជាប្រធានអាជ្ញាកណ្តាលពិភពលោក មកបង្ហាត់បង្ហាញពេលនេះ លោកសង្ឃឹមថា រាល់ការប្រកួតនិងមានការកាត់សេចក្តីដោយភាពសុក្រិតយុត្តិធម៌ ។ ការលើកឡើងធ្វើក្រោយពិធីបិទ វគ្គបណ្ដុះបណ្ដាលអាជ្ញាកណ្ដាល ចៅក្រមកីឡាវ៉ូវីណាម ក្រោមជំនួយកញ្ចប់ថវិការបស់ ក្រសួងអប់រំ យុវជន និងកីឡា ដោយមានការអញ្ជើញចូលរួមពីឯកឧត្តម ព្រហ្ម ប៊ុណ្ណយី ទីប្រឹក្សាក្រសួងអប់រំ យុវជន និងកីឡាកាលពីម្សិលមិញ នៅសាលប្រជុំនៃពហុកីឡដ្ឋានជាតិ ។ លោក អ៊ូ រតនា បានបញ្ជាក់ទៀតថា ចំពោះការប្រកួតនានា បើអាជ្ញាកណ្តាល ចៅក្រមធ្វើកាត់សេចក្តីច្បាស់លាស់ មានន័យថា ពួកគាត់កំពុងផ្តល់ភាពយុត្តិធម៌ដល់កីឡាករ កីឡាការិនី។ លោក អនុប្រធានសហព័ន្ធទី១រូបនេះ បន្តថា ស្របតាមគោលការណ៍អភិវឌ្ឍន៍វិស័យកីឡារបស់រាជរដ្ឋាភិបាល និងក្រសួងអប់រំ សហព័ន្ធក៏មានផែនការចង់ពង្រីកក្លឹបទៅតាមខេត្ត  និងបន្តជំរុញទៅតាមគ្រឹះស្ថានសិក្សាបន្តទៀត ក្រៅពីពង្រឹងសមត្ថភាព អាជ្ញាកណ្តាល…

កីឡាករអុកចត្រង្គមកពីបណ្តាក្លិបនានាទូទាំងប្រទេសដែលមានចំនួន១៤២នាក់នឹងត្រូវចូល រួមប្រកួតដណ្តើមពានរង្វាន់វិមាននយោបាយអនុស្សាវរីយ៍ឈ្នះឈ្នះនិងអបអរសាទរខួបលើកទី២០ នៃការបញ្ចប់ សង្រ្គាមស៊ីវិលនៅកម្ពុជា ជាមួយនឹងការប្រកួត និងសម្តែងរបស់ប្រភេទកីឡាជាច្រើនផ្សេងៗទៀត នាថ្ងៃទី២៨ ដល់ថ្ងៃទី៣១ ខែធ្នូ ឆ្នាំ២០១៨ នៅពហុកីឡដ្ឋានជាតិមរតកតេជោ។ ថ្លែងនៅក្នុងបទសម្ភាសន៍ លោក គុជ គឹមឡុង ប្រធានសហព័ន្ធកីឡាអុកចត្រង្គកម្ពុជា មានប្រសាសន៍ថា កីឡាករចំនួន១៤២នាក់មកទូទាំងប្រទេសនេះ នឹងធ្វើឲ្យកាន់តែមានភាពទាក់ទាញខ្លាំង ដែលកីឡាករទាំងនោះសិតតែជាស្តេចអុក ធ្លាប់ដណ្តើមបានម្ចាស់ជ័យលាភី និងមានកីឡាករថ្មីៗមួយចំនួន ដោយមានសមត្ថភាពខ្លាំងផងដែរ។ លោកប្រធានបញ្ជាក់ថា គណៈកម្មការបច្ចេកទេសនឹងចាប់ឆ្នោតចែកពូល និងប្រកួតជម្រុះស្វែងរកកីឡាករខ្លាំងៗចំនួន៦៤នាក់ ដើម្បីយកទៅប្រកួតនៅជុំបន្តបន្ទាប់ នៅក្នុងពហុកីឡដ្ឋានជាតិ មករតកតេជោ ទល់មុខវិមានឈ្នះឈ្នះ ដែលស្ថិតនៅសង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ។ ជាមួយគ្នានោះ លោកប្រធានសហព័ន្ធ បានចាត់ទុកថា ការចូលរួមរបស់កីឡាអុកចត្រង្គក្នុងព្រឹត្តការណ៍ដ៏អស្ចារ្យនេះ មិនត្រឹមតែបានបង្ហាញពីប្រភេទកីឡាប្រពៃជាតិខ្មែរ ជូនមហាជនទូទាំងប្រទេសប៉ុណ្ណោះទេ ប៉ុន្តែថែមទាំងប្រមូលបាននូវធនធានកីឡាករឲ្យកាន់តែសម្បូរបែបជាមួយនឹងការពង្រឹងគុណភាព និងលើកកម្ពស់ការអភិវឌ្ឍនៃប្រភេទកីឡាប្រពៃណីជាតិមួយនេះឲ្យកាន់តែរីកចម្រើន ក្នុងគោលដៅដ៏ចម្បងរបស់ខ្លួន គឺការត្រៀមខ្លួនឈានឆ្ពោះទៅដណ្តើមមេដាយ ក្នុងឋានៈជាម្ចាស់ផ្ទះព្រឹត្តិការណ៍កីឡាថ្នាក់តំបន់អាស៊ីអាគ្នេយ៍ ស៊ីហ្គេម លើកទី៣២ នាឆ្នាំ២០២៣ខាងមុខ ក្រោមការចង្អុលបង្ហាញ និងយកចិត្តទុកដាក់ខ្ពស់ពីគណៈកម្មាធិការ…

កីឡាករល្បីរបស់កម្ពុជា១៦នាក់ និងធ្វើការប្រកួតប្រដាល់គុនខ្មែរជើងឯកពិភពលោក និង Khmer Fight រយៈពេល៤ថ្ងៃចាប់ពីថ្ងៃទី២៨–៣១ ខែធ្នូ ឆ្នាំ២០១៨ នៅពហុកីឡដ្ឋានជាតិមរតកតេជោ ដើម្បីអបអរ ពិធីសម្ពោធវិមានអនុស្សាវរីយ៍ឈ្នះ-ឈ្នះ និងខួប២០ឆ្នាំ នៃនយោបាយឈ្នះ-ឈ្នះរបស់សម្ដេចតេជោ ហ៊ុន សែន នេះបើតាមការបញ្ជាក់ពី ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា សហការជាមួយសហព័ន្ធកីឡាប្រដាល់គុនខ្មែរ។ ឯកឧត្តមអគ្គលេខាធិការ បញ្ជាក់ថា កីឡាករដែលត្រូវបានជ្រើសរើសចូលរួមប្រកួតកម្រិតពិភពលោកនេះ សុទ្ធតែជាកីឡាករល្បីៗរបស់កម្ពុជា ដូចជា ឃីម ឌីម៉ា, ឡៅ ចិត្ដ្រា, ឡៅ ចន្ទ្រា, ចាន់ រតនា, ធឿន ធារ៉ា, រឿង សោភ័ណ្ឌ, ផល សោភ័ណ្ឌ, វង្ស ណយ, មឿន សុខហ៊ុច, ពេជ្រ ម្ទេសខ្មាំង, លាង ស៊ីពេជ្រ និងកីឡាករ ម៉ន សាម៉េត ជាដើម ដែលនឹងត្រូវប្រកួតជាមួយកីឡាករអន្តរជាតិ…

ប្រធានគណៈកម្មាធិការជាតិអូឡាំពិកកម្ពុជា ឯកឧត្តម ថោង ខុន បានស្នើឲ្យសហព័ន្ធកីឡាជាតិទាំងអស់ ចាប់ផ្តើមបណ្តុះបណ្តាលគ្រូបង្វឹកឲ្យបានច្រើន ការលើកឡើងនេះធ្វើឡើងគ្រាដែលឯកឧត្តម ដឹកនាំកិច្ចប្រជុំជាមួយក្រសួងអប់រំយុវជន និងកីឡា ព្រមទាំងសហព័ន្ធកីឡាជាតិទាំង៣៥ នៅព្រឹកមិញនេះ នៅទីស្នាក់ការគណៈកម្មាធិការជាតិអូឡាពិកកម្ពុជា ស្តីពីរបាយការណ៍វឌ្ឍភាព ត្រៀមធ្វើម្ចាស់ផ្ទះ ព្រឹត្តការណ៍កីឡា ស៊ីហ្គេម លើកទី៣២ នាឆ្នាំ២០២៣។ ឯកឧត្តម ថោង ខុន មានប្រសាសន៍ថា កន្លងមកនេះស្ថាប័នពាក់ព័ន្ធបានធ្វើកិច្ចការជាច្រើនដោយបានបង្ហាញនៅផែនការមេ កីឡាស៊ីហ្គេម និងបានដាក់ចេញនូវផែនការបណ្តុះបណ្តាលចៅក្រម គ្រូបង្វឹក កីឡាករ កីឡាការិនីថ្នាលដល់សហព័ន្ធកីឡជាតិនានា ដើម្បីធ្វើយ៉ាងណាដណ្តើមឱ្យបានមេដាយមាស នៅឆ្នាំ២០២៣។ ឯកឧត្តមបន្តថា សហព័ន្ធមួយចំនួននៅមិនទាន់រៀបចំផែនការរបស់ខ្លួននៅឡើយ ដែលនេះជាបញ្ហាប្រឈមដែលត្រូវត្រួតពិនិត្យ។ បច្ចុប្បន្នយើងអាចស្វែងរកការជួយឧបត្ថម្ភគាំទ្រ ក្នុងការជួយបណ្តុះបណ្តាលធនធានមនុស្ស ដូចជាដៃគូក្នុងតំបន់មាន សិង្ហបុរី ម៉ាឡេស៊ីជាដើម ហើយក្រៅពីនោះ នៅទ្វីបអាស៊ីក៏យើងអាចស្នើសុំលើផ្នែកបណ្តុះបណ្តាលធនធានបានដូចគ្នា មានមិត្ត ចិន ជប៉ុន កូរ៉េ និងទ្វីបអ៊ឺរ៉ុបផងដែរ។ ដូច្នេះសហព័ន្ធកីឡាជាតិទាំងអស់ ត្រូវរៀបចំផែនការស្នើសុំឲ្យបានត្រឹមត្រូវពីបណ្តាប្រទេសជាមិត្ត។ ឯកឧត្តមបញ្ជាក់ថា ដើម្បីបន្តធ្វើកិច្ចការនេះ…