ក្រុមបាល់បោះសកលវិទ្យាល័យ អាស៊ីអឺរុបផ្នែកបុរស បានយកឈ្នះក្រុមវិទ្យាល័យហ៊ុន សែន តាខ្មៅ ក្នុងលទ្ធផល ៨០:៥១ នៅទីលានមជ្ឈ មណ្ឌលជាតិហ្វឹកហ្វឺនកីឡា ក្នុងពហុកីឡដ្ឋានជាតិ សម្រាបការប្រកួតវិលជុំក្នុងពូលនៃព្រឹត្តិការណ៍បាល់បោះ ជើងឯកយុវជនអាយុក្រោម២៣ឆ្នាំ ប្រចាំឆ្នាំ២០១៨ ដោយប្រកួតថ្ងៃបើកឆាកបានយកឈ្នះ ក្រុមខេត្តសៀមរាប ម្តងរួចមកហើយ។ ក្រុមបាល់បោះសាកលវិទ្យាល័យ អាស៊ីអឺរុបធ្វើបានយ៉ាងល្អ ក្នុងការប្រកួតទាំង៤វគ្គ ក្នុងនោះ នៅវគ្គទី១អាស៊ីអឺរុបយកឈ្នះ ក្រុមវិទ្យាល័យហ៊ុនសែនតាខ្មៅ ក្នុងពិន្ទុ ១៩ទល់១៥, វគ្គទី២ ពិន្ទុ៣៤ទល់២៩, វគ្គទី៣ ពិន្ទុ ៥១ទល់៤១ និងវគ្គទី៤ ដែលជាវគ្គចុងក្រោយ អាស៊ី អឺរ៉ុបឈ្នះក្នុងពិន្ទុសរុប ៨០ទល់៥៥។ លោក ពៅ ហុក ប្រធានប្រតិភូកីឡាសាកលវិទ្យាល័យ អាស៊ីអឺរុប បានបញ្ជាក់ថា ជ័យជម្នះ២ប្រកួតជាប់ៗគ្នារបស់សកលវិទ្យាល័យ អាស៊ីអឺរ៉ុបនាពេលនេះ អាចជឿជាក់បានថា ក្រុមរបស់លោកនឹងឆ្លងផុតពីវគ្គជម្រុះក្នុងពូល ព្រោះនៅពេលនេះក្នុងពូល«B»ក្រុមអាស៊ីអឺរ៉ុបកំពុងស្ថិតនៅលំដាប់ពិន្ទុនាំមុខគេក្នុងចំណោម៤ក្រុម។ សម្រាប់ការប្រកួតវិលជុំក្នុងពូលនេះអាស៊ីអឺរ៉ុប នៅសល់១ប្រកួតទៀតដែលត្រូវជួបជាមួយក្រុមវិទ្យាល័យ ហ៊ុនសែនផ្សារដើមថ្កូវ ដែលជាក្រុមខ្សោយជាងគេក្នុងពូល ដូចនេះលោករពឹងខ្ពស់ថាក្រុមអាស៊ីអឺរ៉ុបថានឹង ឡើងទៅវគ្គពាក់…

នៅសល់តែ១ថ្ងៃទៀតបណ្ណោះ ពិធីបុណ្យសមុទ្រ នឹងឈានចូលមកដល់ ហើយក្នុងនោះ កីឡាជំនាញ និងកីឡាកំសាន្តដែលគណៈកម្មជាតិអូឡាំពិកកម្ពុជា គ្រោងនឹងរៀបចំសម្តែងអបអរសាទរនៅក្នុងពិធីបុណ្យសមុទ្រនេះដែល ក៏បានត្រៀមលក្ខណៈរួចរាល់ហើយ សម្រាប់បង្ហាញមហាជនទស្សនា ក្នុងពិធីបុណ្យសមុទ្រ នៅខេត្តកោះកុងឆ្នាំនេះ។ ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា ថ្លែងប្រាប់អ្នកសារព័ត៌មាន គ្រាដែលឯកឧត្តម ចុះពិនិត្យមើលទីតាំងកន្លែង ប្រកួតកីឡា និងចូលរួមកិច្ចប្រជុំអនុកម្មការរៀបចំពិធីបុណ្យសមុទ្រ លើកទី៧ ជុំទី២ នៅខេត្តកោះកុង។ ឯកឧត្តមអគ្គលេខាធិការ បញ្ជាក់ថា បុណ្យសមុទ្រឆ្នាំនេះ គណៈកម្មាធិការជាតិអូឡាំពិកកម្ពុជា បានដាក់បញ្ចូលកីឡាចំនួន១២ប្រភេទដើម្បីធ្វើការប្រកួត ហើយអត្តពលិកកីឡាទាំងអស់ បានត្រៀមខ្លួនរួចរាល់ហើយ ដើម្បីបង្ហាញឲ្យមហាជន បានទស្សនា។ ឯកឧត្តមបន្ថែមថា ចំពោះកីឡាទាំង១២ប្រភេទនេះ មានកីឡាជំនាញ និងកីឡាបែបកំសាន្ត ចែកចេញជាពីប្រភេទ គឺកីឡាលើទឹក និងកីឡាលើគោក ដោយមានកាចូលរួមពីអត្តពលិកមកពីខេត្តត្រាត ប្រទេសថៃផងដែរ។ សូមបញ្ជាក់ថា ព្រឹត្តិការណ៍បុណ្យសមុទ្រ លើកទី៧ ឆ្នាំ២០១៨ នៅខេត្តកោះកុងនេះ មានប្រភេទកីឡា១២ ចូលរួមលេង និងសម្តែង…

គណៈកម្មាធិការជាតិអូឡាំពិកកម្ពុជាបានរៀបចំវគ្គបណ្តុះបណ្តាលពិសេស ផែនការយុទ្ធសាស្ត្រអភិវឌ្ឍន៍កីឡាកម្រិតខ្ពស់ រយៈពេល២០ថ្ងៃពីថ្ងៃទី១២ ដល់ថ្ងៃទី៣១ខែធ្នូ ឆ្នាំ២០១៨ នៅទីស្នាក់ការរបស់ខ្លួន ដែលមានមន្ត្រីកីឡាមកពី៤៥សហព័ន្ធ។ ថ្លែងនៅក្នុងឱកាសវគ្គបណ្តុះបណ្តាលពិសេស នៅព្រឹកថ្ងៃអង្គារនេះ លោកវេជ្ជបណ្ឌិត ស្តើង ជា អនុគណៈកម្មការវេជ្ជសាស្រ្តកីឡាអមគណៈកម្មាធិការជាតិអូឡាំពិកម្ពុជាថ្លែងថា សិក្ខាសាលានេះត្រូវបានចែកចែញជា៣វគ្គ ដោយមានប្រធានបទខុសៗគ្នា ហើយក្រៅពីនេះនៅសល់ប៉ុន្មានថ្ងៃចុងក្រោយនឹងមានការសិក្សា ពីគោលដៅពីឆ្នាំ២០១៩តទៅធ្វើយ៉ាងណាដើម្បីអភិវឌ្ឍ គុណផលរបស់កីឡាករ កីឡាការិនី គ្រូបង្វឹកឲ្យកាន់ តែល្អប្រសើរឡើងបន្ថែមទៀត។ លោកបញ្ជាក់ថា វគ្គបណ្តុះបណ្តាលនេះគឺសំខាន់ណាស់ ក្នុងការបង្កើនចំណេះ ដឹងលើវិស័យកីឡាដល់សិក្ខាកាមដែលចូលរួមក្នុងវគ្គនេះ ដូច្នេះលោកស្នើឲ្យសិក្ខាសាមទាំងអស់ គប្បីត្រូវប្រឹងប្រែងយកចិត្តទុកដាក់រៀនសូត្រឲ្យបានល្អ ជាពិសេសគឺការគោរពវិន័យ គោរពពេលវេលាសិក្សាជាដើម ដែល សមាសភាព អ្នកចូលរួមនេះមានដូចជាមន្ត្រីគណៈកម្មការរៀបចំការប្រកួតកីឡាស៊ីហ្គេម (CAMSOK) លើកទី៣២ ឆ្នាំ២០២៣ និងមន្ត្រីសហព័ន្ធកីឡាជាតិនានា។ វគ្គបណ្តុះបណ្តាលពិសេសលស្តីពីផែនការយុទ្ធសាស្ត្រអភិវឌ្ឍន៍កីឡាកម្រិតខ្ពស់នេះបង្ហាត់បង្រៀនដោយ គ្រូឧទ្ទេសជំនាញការកីឡាកម្រិតខ្ពស់ គឺលោក Gunter Lange ជនជាតិអាល្លឺម៉ង់ ដោយយោងតាមកម្មវិធីសិក្សា គឺផ្តោតសំខាន់លើ ការយកចិត្តទុកដាក់ពិសេសលើកីឡា ដែលមានសក្តានុពល សម្រាប់ស៊ីហ្គេម លើកទី៣២ នាឆ្នាំ២០២៣ ខាងមុខ ការរក្សារចនាសម្ព័ន្ធឲ្យមាននិរន្តរភាព…

ព្រឹត្តិការណ៍ប្រកួតកីឡាវាយកូនគោល ពានរង្វាន់សម្តេចតេជោ ហ៊ុន សែន លើកទី៣ ដែល គ្រោង និងរៀបចំធ្វើនៅទីលានកីឡាវាយកូនគោល តារាសាគរ ខេត្ត កោះកុង ដំណើរការប្រកួតផ្លូវការ នៅ ថ្ងៃទី១៥ ខែធ្នូ ឆ្នាំ២០១៨ខាងមុខនេះ ។ តាមការបញ្ជាក់ពី ឯ ឧ ជា បូរ៉ា ជាអគ្គលេខាធិការសហព័ន្ធកីឡាវាយកូនគោលកម្ពុជា បញ្ជាក់ ថា ការប្រកួតកីឡាវាយកូនគោល ពានរង្វាន់សម្តេចតេជោ ហ៊ុន សែន លើកទី៣ ឆ្នាំ២០១៨នេះ សហព័ន្ធ បានជ្រើសរើស ទីលានកីឡាវាយកូនគោល តារាសាគរ ដើម្បីអោយកីឡាករការិនីប្រកួតប្រែង ក្នុង គោលបំណងចូលរួមអបអរសាទរពិធីបុណ្យសមុទ្រ លើកទី៧ ដែលធ្វើឡើង នៅកោះកុង ។ ឯ ឧ អះ អាងថា ការប្រកួតនេះសហព័ន្ធបានទទួលការចុះឈ្មោះចូលរួមប្រកួតចំនួន៦០នាក់ ដែលកីឡាករ ភាគ ច្រើនជាមន្រ្តីជាន់ខ្ពស់ក្នុងជួរដ្ឋាភិបាល និងអង្គទូតប្រចាំកម្ពុជា ។ ឯ…

ជើងខ្លាំងទម្ងន់ធ្ងន់ Tyson Fury ជាមួយម្ចាស់ខ្សែក្រវាត់ Deontay Wilder ត្រៀមជួបគ្នាម្តងទៀត បន្ទាប់ពីស្ថាប័ន WBC សម្រេចរៀបចំការប្រកួតឡើងវិញ ។ កីឡាករអង់គ្លេស Fury និងកីឡាករអាមេរិក Wilder ដែលបានឈ្នះគ្រប់ប្រកួតមុនប៉ះគ្នា បានស្មើពិន្ទុគ្នាយ៉ាងចម្រូងចម្រាស និងរំភើបពេលប៉ះគ្នាលើកដំបូង កាលពីថ្ងៃសៅរ៍ទី១ ខែធ្នូ ឆ្នាំ២០១៨ នៅ Los Angeles។ ថ្វីបើ Wilder វាយឱ្យអាជ្ញាកណ្ដាលរាប់ Fury ក្នុងទឹកទី៩និងទី១២ក្ដី តែអ្នកមើលភាគច្រើនគិតថា Fury គួរតែឈ្នះការប្រកួត ។ចៅក្រមម្នាក់បានផ្ដល់ពិន្ទុឱ្យ Wilder ឈ្នះ ១១៥-១១១, ចៅក្រមម្នាក់ឱ្យ Fury ឈ្នះ១១៤-១១២ និងចៅក្រមម្នាក់ទៀតឱ្យស្មើគ្នា១១៣-១១១៣។ អ្នកទាំង២បានបង្ហាញជំហរចង់ជួបគ្នាម្ដងទៀតដើម្បីជម្រះបញ្ជី ខណៈ Fury ចង់ឱ្យការប្រកួតឡើងវិញធ្វើនៅក្នុងប្រទេសអង់គ្លេស  ។សូមបញ្ជាក់ថា ចំពោះសង្វៀន និងកាលបរិច្ឆេទ នៃការប្រកួត លើកទី២ រវាងកំពូលអ្នកប្រដាល់ទម្ងន់ធ្ងន់ខាងលើ នៅមិនទាន់ចេញជាផ្លូវការនៅឡើយទេ…

១គ្រាប់ នៅនាទី៣៤ របស់ Mohamed Salah បានធ្វើឲ្យ Liverpool យកឈ្នះ Napoli ១:០ ហើយបានកៅអីទៅវគ្គ១៦ក្រុមចុងក្រោយ ក្នុងនាមជាក្រុមលេខ២ នៃពូល C ខណៈលេខ១ ក្លឹប Paris Saint Germain Paris Saint Germain យកឈ្នះ Red Star ៤:១  Red Star  ។ ចំណែកឯ Napoli បានលេងពាន Europa League ។ ចំពោះ៣ពូលផ្សេងទៀតដែលបន្តទៅវគ្គ១៦ក្រុមចុងក្រោយ ក្របខណ្ឌ UEFA Champions League នោះ ពូល A មាន Borussia Dortmund និង Atletico Madrid , ពូល B Barceona…

ក្លឹប Man City បានបន្តកិច្ចសន្យាថ្មីជាមួយខ្សែបម្រើវ័យក្មេង Phil Foden រយៈពេល៦ឆ្នាំទៀតជាមួយ ដោយទទួលបានថ្លៃនឿយហត់ ៣០,០០០ ផោនក្នុងមួយសប្ដាហ៍ ។ ធៀបទៅនឹងតារាឆ្នើមរបស់ក្លិប Raheem Sterling  ដែល ទើបបន្តកិច្ចសន្យាថ្មីក្នុងខែវិច្ឆិកាកន្លងទៅ Foden មានប្រាក់ខែតិចជាង១០ដង ពោលគឺ Sterling ទទួលបាន៣០០,០០០ផោនក្នុងមួយសប្ដាហ៍ដែលជាប្រាក់ខែខ្ពស់បំផុតនៅ Man City និងក្នុងចំណោមកីឡាករជនជាតិអង់គ្លេស ។ កុងត្រារបស់ Foden មានដាក់បញ្ចូលលក្ខខណ្ឌលើកទឹកចិត្តនិងរង្វាន់ជាច្រើនអាស្រ័យតាមគុណផលនិងសមិទ្ធផលជាក់ស្ដែងរបស់គេ ។ កីឡាករដែលដុះដាលចេញពីថ្នាលយុវជន Man City ផ្ទាល់មកទល់ពេលនេះបានចូលលេង១៣លើកសម្រាប់ក្រុមជើងឯក Premier League រួមទាំងការប្ដូរ ចូលអំឡុងពេលចាញ់ Chelsea ចុងសប្ដាហ៍មុនផងដែរ ៕

ក្រោយឆ្លងកាត់ការប្រកួត៥លើក ក្នុងពានរង្វាន់ប្រណាំងកង់ឡើងភ្នំ ឆ្នាំ២០១៨ ដែលធ្វើនៅទីលានប្រណាំង សង្កាត់ព្រែកលៀប សង្កាត់កោះដាច់ រាធានីភ្នំពេញ ភ្នំជៀល ខេត្តកំពង់ស្ពឺ ភ្នំបាសិតខេត្តកណ្តាល និងបញ្ចប់នៅលើភ្នំគីរីរម្យ ខេត្តកំពង់ស្ពឺ កាលពីចុងសប្តាហ៍កន្លងទៅ ។ អគ្គលេខាធិការសហព័ន្ធខ្មែរកីឡាទោចក្រយាន លោកឧកញ្ញ៉ា វង់ ខាន់ពៅ វាយតម្លៃថា វិញ្ញាសាកង់ភ្នំ ពីមួយឆ្នាំទៅមួយឆ្នាំកាន់តែមានការចូលរួមយ៉ាងផុសផុល ពីសំណាក់កីឡាករការិនី ក្នុងនោះសហព័ន្ធបានសម្លឹងឃើញ ការវិវឌ្ឍន៍សមត្ថភាពរបស់កីឡាករការិនីថ្នាលកាន់តែល្អប្រសើរឡើង ត្រៀមការប្រកួតកម្រិតអន្តរជាតិនានា ពិសេស ស៊ីហ្គេម នៅប្រទេសហ្វីលីពីនខាងមុខនេះ ។ ដោយឡែក លោក ម៉ៃឃ័រ តំណាងក្រុមហ៊ុន Khmer Beverages ដែលបានឧបត្ថម ក្នុងព្រឹត្តិការណ៍ប្រណាំងកង់ភ្នំ បានបង្ហាញជំហរថា នៅតែបន្តគាំទ្រព្រឹត្តិការណ៍មួយនេះ ដ្បិតចក្ខុវិស័យក្រុមហ៊ុន ចង់ចូលរួមជម្រុញអភិវឌ្ឍន៍វិស័យកីឡា នៅកម្ពុជា ។ គួរបញ្ជាក់ថា សហព័ន្ធខ្មែរកីឡាទោចក្រយានកម្ពុជា បានបង្ហាញក្តីសង្ឈឹមខ្ពស់ថា អត្តពលិកទាំង២វិញ្ញាសា ក្នុងនោះមាន វិញ្ញាសាកង់ភ្នំ…

ព្រឹត្តការណ៍ រត់ប្រណាំងចម្ងាយឆ្ងាយ នៅតំបន់អង្គរ លើកទី៤ ប្រចាំឆ្នាំ២០១៩ ឬ Ultra Trail លើចម្ងាយ១២៨គីឡូម៉ែត្រ ដែលគ្រោង នឹងធ្វើឡើងនៅទី១៩-២០ ខែមករា ឆ្នាំ២០១៩ ខាងមុខនេះ ធ្វើឡើងដើម្បីផ្សព្វផ្សាយតំបន់ទេសចរណ៍វប្បធម៌ ទៅកាន់ភ្ញៀវទេសចរជាតិ និងអន្តរជាតិ នេះជាលើកឡើងរបស់ ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា ថ្លែងនៅក្នុងសន្និសីទសារពត៌មាន នាព្រឹកថ្ងៃអង្គារនេះ នៅទីស្នាក់ការគណៈកម្មាធិការជាតិអូឡាំពិកកម្ពុជា ។ ឯ ឧ វ៉ាត់ ចំរើន បញ្ជាក់ទៀតថា គោលបំណងសំខាន់ៗរបស់ព្រឹត្តការណ៍កីឡាទេសចរណ៍នេះ រួមមាន៖ ទី១ គឺធ្វើការផ្សព្វផ្សាយ និងទាក់ទាញភ្ញៀវទេសចរណ៍ នៅក្នុងតំបន់ទេសរណ៍វប្បធម៌មួយនេះ ក៏ដូចជានៅព្រះរាជាណាចក្រកម្ពុជា ស្របតាមអនុសាសន៍ ណែនាំរបស់ឯ ឧ ថោង ខុន ប្រធានគណៈកម្មាធិការជាតិអូឡាំពិកកម្ពុជា ក្នុងការរៀបចំទិវាកីឡាទេសចរណ៍ឲ្យកាន់តែច្រើន និងទាក់ទាញទេសចរណ៍ឲ្យកាន់តែច្រើន ជាមួយនឹងព្រឹត្តិការណ៍ដទៃទៀត ដែលគេហៅថា ជាផលិតផលទេសចរណ៍ថ្មីៗបន្ថែមទៀត ។ ឯ…

ការប្រកួតកីឡាបាល់បោះយុវជន អាយុក្រោម២៣ឆ្នាំ ជ្រើសរើសជើងឯកថ្នាក់ជាតិ ដែលរៀបចំដោយសហព័ន្ធកីឡាបាល់បោះកម្ពុជា ប្រចាំឆ្នាំ២០១៨នេះ មាន១៣ក្រុមចូលរួម ក្នុងនោះបុរស៨ក្រុម និងនារី៥ក្រុម បានធ្វើពិធីបើកជាផ្លូវការ នៅសាលមជ្ឈមណ្ឌលជាតិ ហ្វឹកហ្វឺនកីឡា នៃពហុកីឡដ្ឋានជាតិ ។ អគ្គលេខាធិការ សហព័ន្ធកីឡាបាល់បោះកម្ពុជា លោក កៅ កាន់ណាលី បញ្ជាក់ថា ការប្រកួតឆ្នាំនេះ មានក្រុម១៣ចូលរួម ក្នុងនោះមានផ្នែកបុរស ៨ក្រុម ចែកជា២ពូល ដើម្បីស្វែងរក២ក្រុម ដែលមានពិន្ទុខ្ពស់ជាងគេ បន្តទៅវគ្គពាក់កណ្តាលផ្តាច់ព្រ័ត្រ និងផ្តាច់ព្រ័ត្រ ខណៈផ្នែកនារី មាន៥ក្រុមនឹងប្រកួតវិលជុំ ហើយក្រុមដែលមានពិន្ទុខ្ពស់ជាងគេ នឹងក្លាយជាក្រុមជើងឯកតែម្តង ។ លោក បន្តថា ចំពោះប្រាក់រង្វាន់វិញ ជើងឯក ទទួលបានពានរង្វាន់១ មេដាយមាស១៥គ្រឿង អមដោយប្រាក់រង្វាន់ ១លាន៥សែនរៀល, រងជើងឯក មេដាយប្រាក់១៥គ្រឿង អមដោយដោយប្រាក់រង្វាន់ ១លានរៀល និងលេខ៣ មេដាយសំរឹទ្ធ១៥គ្រឿង អមដោយទឹកប្រាក់ ៦០ម៉ឺនរៀល ។ …