ប្រធានសហព័ន្ធកីឡាគុនល្បុក្កតោ ឯ ឧ ច័ន្ធ សារុន បានចាត់ទុកថា ការចូលរួមរបស់កីឡាករ កីឡាការិនី និងសមត្ថភាព បច្ចេកទេសមានការកើនឡើងខ្លាំង ការបញ្ជាក់នេះធ្វើឡើង ក្នុងពិធីបិទការប្រកួតកីឡាគុនល្បុក្កតោ ជ្រើសរើសជើងឯកថ្នាក់ជាតិ ប្រចាំឆ្នាំ២០១៨ នៅសាលកីឡា នៃសាកលវិទ្យាល័យភូមិន្ទភ្នំពេញ កាលពីយប់មិញ ។ តាមការបញ្ជាក់ពីលោក អ៊ូ តារា អគ្គលេខាធិការសហព័ន្ធកីឡាគុនល្បុក្កតោកម្ពុជា បានអោយដឹងថា ការប្រកួតជើងឯកថ្នាក់ជាតិឆ្នាំនេះ មានក្លឹប១៧ចូលរួម និងកីឡាករ កីឡាការិនីសរុប ១៥៣នាក់ ប្រកួតប្រចែងលើ៣វិញ្ញាសា គឺវិញ្ញាសា មេគុនទ្វាដៃ បុរសនារី វិញ្ញាសាសមប្រយុទ្ធ បុរស នារី និងវិញ្ញាសាប្រយុទ្ធបុរសនារី ។ ឯ ឧ ច័ន្ទ សារុន បានវាយតម្លៃខ្ពស់ចំពោះ ព្រឹទ្ធាចារ្យគុនល្បុក្កតោ ប្រតិភូ គ្រូបង្វឹក កីឡាករកីឡាការិនី ក្លឹបទាំង១៧ មកពីរាជធានី-ខេត្តទាំងអស់ ដែលបានធ្វើការប្រកួតប្រជែងបញ្ចេញនូវទេពកោសល្យ និងសមត្ថភាព ក្នុងការប្រកួតថ្នាក់ជាតិឆ្នាំនេះ…

ក្លឹបកីឡាបាល់បោះសាកលវិទ្យាល័យ អាស៊ីអឺរ៉ុប បានប្រកាសបញ្ជូនក្រុមបាល់បោះបុរសនារី របស់ខ្លួន ចូលរួមប្រកួតកីឡាបាល់បោះយុវជនអាយុក្រោយ២៣ឆ្នាំ ជ្រើសរើសជើងឯកថ្នាក់ជាតិ ប្រចាំឆ្នាំ ២០១៨ ដែលរៀបចំឡើងដោយសហព័ន្ធកីឡាបាល់បោះកម្ពុជា ដែលគ្រោងនឹងប្រកួតនាថ្ងៃទី១១ ធ្នូស្អែកនេះ នៅទីលានមជ្ឈមណ្ឌលជាតិហ្វឹកហ្វឺនកីឡាអគារថ្មី នៃពហុកីឡដ្ឋានជាតិ។ ថ្លែងនៅក្នុងសន្និសីទសារពត៌មាន,លោក ពៅ ហុក គ្រូកីឡា សាកលវិទ្យាល័យ អាស៊ីអឺរ៉ុបបានឲ្យដឹងថា សម្រាប់ព្រឹត្តិការណ៍នេះអាស៊ីអឺរ៉ុបនឹងបញ្ជូនកីឡាករ កីឡាការិនីចូលរួមប្រជែងមេដាយ ចំនួន២ក្រុម ជាមួយនឹងបណ្តាក្រុមបាល់បោះផ្នែកមកពីបណ្តាខេត្តនានាសរុបចំនួន៨ និងផ្នែកនារីមានចំនួន សរុបចំនួន៥ក្រុម ។ លោក បានបង្ហាញឲ្យឃើញនូវក្តីសង្ឃឹមខ្ពស់សម្រាប់វិញ្ញាសាផ្នែកបុរស ដែលអាចឈានដល់ ចំណាត់ថ្នាក់លេខ១ ឬលេខ២ ពីព្រោះថាក្រុមអត្តពលិកលើប្រភេទកីឡានីមួយៗកំពុងតែមានសក្តានុពលខ្ពស់ ដែលតែងតែឈ្នះមេដាយមាសជាច្រើននាពេលកន្លងមក ជាពិសេសគឺផ្នែកបាល់បោះនេះក៏អាស៊ីអឺរ៉ុបធ្លាប់ឈ្នះ មេដាយមាសនៃការប្រកួតជ្រើសរើសជើងឯកថ្នាក់ជាតិគ្រប់កម្រិតអាយុផងដែរ ។ កាលពីឆ្នាំមុនកីឡាករបាល់បោះអាយុក្រោម១៨ឆ្នាំក៏ឈ្នះមេដាយមាសដែរ ហើយសម្រាប់ការប្រកួតឈុតU23 ឆ្នាំនេះក៏លោកគ្រោងនឹង បញ្ជូនឈុតយុវជនU18 ទៅចូលរួមប្រកួតជាមួយឈុតU23ខ្លះៗដែរ ដែលនេះគឺជាគោលដៅបង្កើនគុនភាព បច្ចេកទេសឲ្យកាន់តែខ្លាំងក្លា។ តាមរយៈព្រឹត្តិការណ៍នេះនឹងជួយលើកកម្ពស់បន្ថែមក្នុងការអភិវឌ្ឍគុណភាព កីឡាករកីឡាការិនីបាល់បោះរបស់ខ្លួនឲ្យកាន់តែល្អប្រសើរបន្ថែមទៀត ជាពិសេសគឺជាចូលរួមចំណែកក្នុងការ ពន្លឿនបច្ចេកទេស ការអភិវឌ្ឍជាមួយសហព័ន្ធជាតិ ក៏ដូចជារាជរដ្ឋាភិបាលកម្ពុជា សម្រាប់ថ្នាលយុវជនរបស់ ខ្លួនឲ្យទទួលបាននូវសមិទ្ធផលជាផ្លែផ្កា…

សហភាពសហព័ន្ធយុវជនកម្ពុជាបានរៀបចំសន្និសីទសារពត៌មាន និងចាប់ឆ្នោតចែកពូល ដល់ក្រុមចូលរួមចំនួន៣១ កាលពីល្ងាចថ្ងៃអាទិត្យ ម្សិលមិញ នៅសណ្ឌាគារ រ៉េស៊ីដង់សុខាភ្នំពេញ ខណ្ឌជ្រោយចង្វារ រាជធានីភ្នំពេញ សម្រាប់ការប្រកួតដណ្តើមពានរង្វាន់ មិត្តភាពយុវជនអន្តរក្រសួង-ស្ថាប័ន លើកទី៦ រដូវ កាលថ្មី ២០១៨ ដែលគ្រោងនឹងបើកការប្រកួតជាផ្លូវការ នាថ្ងៃរសៀលថ្ងៃទី១៥ខែធ្នូ ខាងមុខឆាប់ៗនេះ នៅ ទីលាន Premium Sport Club ។ ឯកឧត្តម សុខ សប្បាយណា អនុរដ្ឋលេខាធិការ ក្រសួងអប់រំ យុវជន និងកីឡា និងជាប្រធានគណៈកម្មការរៀបចំការប្រកួតការប្រកួតដណ្តើមពានរង្វាន់ មិត្តភាពយុវជនអន្តរក្រសួង-ស្ថាប័នបានស្នើឲ្យកីឡាករ ដែលជាមន្ត្រីរាជការមកពីបណ្តាក្រសួងស្ថាប័ននានាគោរពឲ្យបាននូវវិន័យ ក្រមសីលធម៌ និងគោរពគោល ការណ៍លេងដោយយុត្តិធម៌ ដោយឈរលើស្មារតីសាមគ្គីភាព មិត្តភាពជាចម្បង ដើម្បីរួមគ្នាបង្កឲ្យព្រឹត្តិការណ៍ បាល់ទាត់មួយនេះទទួលបាននូវភាពជោគជ័យ។ ជាមួយគ្នានោះឯកឧត្តមក៏សូមឲ្យកីឡាករទាំងអស់កុំប្រើប្រាស់ ពាក្យសម្តីណាមួយដែលមិនសមរម្យ នៅពេលប្រកួត ដើម្បីរក្សាបានជាគំរូល្អក្នុងនាមជាមន្ត្រីរាជការផង និង ជាយុវជនល្អផង។ព្រឹត្តិការណ៍នេះទទួលបានភាពទាក់ទាញ និងការគាំទ្របានកាន់តែខ្លាំងឡើងៗពីមួយរដូវកាល ទៅមួយ រដូវកាល ដោយមានក្រុមចូលរួមបានកើនឡើងជាលំដាប់…

ប្រធានសហព័ន្ធកីឡាគុនល្បុក្កតោកម្ពុជា ឯកឧត្តមបណ្ឌិត ច័ន្ទ សារុន បានស្នើឲ្យសមាជិកប្រតិបត្តិសហព័ន្ធ ព្រឹទ្ធាចារ្យ កីឡាករ កីឡាការិនី ព្រមទាំង បណ្តាក្លិបនានាទូទាំងប្រទេស ត្រូវបន្តការខិតខំលើការអភិរក្ស និងអភិវឌ្ឍវិស័យកីឡាគុនល្បុក្កតោឲ្យកាន់តែល្អប្រសើរបន្ថែមទៀត ដើម្បីត្រៀមលក្ខណៈចូលរួមប្រកួត សម្តែងនៅលើឆាកអន្តរជាតិ ជាពិសេសគឺត្រៀមខ្លួន ក្នុងឋានៈជាប្រភេទកីឡាប្រពៃណីវប្បធម៌របស់ជាតិ នៅក្នុងព្រឹត្តិការណ៍កីឡា ថ្នាក់តំបន់អាស៊ាន ស៊ីហ្គេម លើកទី៣២ នាឆ្នាំ២០២៣ ខាងមុខ។ ឯកឧត្តមបានលើកឡើងបែបនេះ នៅក្នុងសន្និបាតបូកសរុបការងារ ឆ្នាំ២០១៨ និងទិសដៅអនុវត្តការងារ ឆ្នាំ២០១៩ កាលពីល្ងាចថ្ងៃទី៧ ខែធ្នូ ឆ្នាំ២០១៨ នៅទីស្នាក់ការគណៈកម្មាធិការជាតិ អូឡាំពិកកម្ពុជា។ ឯកឧត្តមបណ្ឌិត ច័ន្ទ សារុន បានបន្ថែមថា ក្នុងនាមជាម្ចាស់ក្បាច់គុនល្បុក្កតោ ដែលគ្រោងនឹងដាក់ឲ្យ ប្រកួតនៅក្នុងស៊ីហ្គេម ឆ្នាំ២០២៣នោះ គឺយើងត្រូវធ្វើយ៉ាងណាត្រូវប្រជែងមេដាយមាស ដោយមិនត្រូវឲ្យរបូត មេដាយមាសនោះឡើយ ព្រោះពេលនោះ កម្ពុជាគឺជាម្ចាស់ផ្ទះផង និងជាម្ចាស់ក្បាច់គុនប្រពៃណីមួយនេះផង ដូច្នេះគ្រប់សមាសភាពពាក់ព័ន្ធនៃវិស័យកីឡាគុនល្បុក្កតោ គប្បីត្រូវគិតគូក្នុងស្មារតីទទួលខុសត្រូវខ្ពស់ដើម្បីមុខ មាត់ប្រទេសជាតិផងដែរ។ នៅក្នុងរបត់ថ្មីនៃការអភិវឌ្ឍវិស័យកីឡានេះដែរ សហព័ន្ធកីឡាគុនល្បុក្កតោកម្ពុជា ក៏បានដើរតួនាទីយ៉ាងសំខាន់ ក្នុងចំណោមសហព័ន្ធកីឡាដទៃទៀត និងមិនខ្វះបាននៅក្នុងការដឹកនាំ គ្រប់គ្រង…

បន្ទាប់ពីសហការគ្នាដណ្តើមបានពាន ប្រណាំងរថយន្ត KHMER RALLY RAID 2018 ថ្មីៗនេះ អ្នកបើកបរ សំ ទិត្យមិនា និងជំនួយការអ្នកបើកបរ សេក ច័ន្ទដារ៉ា បានប្តេជ្ញាការពារតំណែងជើងឯក ឲ្យបាននៅឆ្នាំ២០១៩ ខាងមុខ។ អ្នកប្រណាំងដែលពោរពេញដោយបទពិសោធន៍ទាំង២ បានបញ្ជាក់ថា ចំណុចសំខាន់ដែល ធ្វើឲ្យក្រុមលោកទទួលបានជោគជ័យ ចំណាត់ថ្នាក់លេខ១ ពីការប្រកួតកម្រិតអន្តរជាតិ ដែលរៀបចំដោយក្រុម KARA កម្ពុជា គឺកើតចេញពីការសហការគ្នាជាធ្លង់តែមួយ ក្នុងការបើកបរ និងការបង្ហាញផ្លូវដោយយកចិត្តទុកដាក់ពីជំនួយការអ្នកបើកបរ លើស្ថានផ្លូវឧបសគ្គ ដ៏ស្មុគស្មាញ។ ជាមួយគ្នានេះ កីឡាករទាំង២ ក៏បានថ្លែងអំណរគុណ ដល់អ្នកឧបត្ថម្ភដែលតែងតែជួយជ្រោមជ្រែងសម្រាប់ការចូលរួមប្រកួតប្រជែងវាស់ស្ទង់សមត្ថភាព ដើម្បីពង្រឹងបច្ចេកទេស ឈានឆ្ពោះទៅព្រឹត្តិការណ៍អន្តរជាតិធំនាខាងមុខ តំណាងឲ្យប្រទេសកម្ពុជា។ សូមបញ្ជាក់ថា ព្រឹត្តិការណ៍ប្រណាំងរថយន្ត KHMER RALLY RAID 2018 ដែលប្រកួតឆ្លងកាត់ខេត្តចំនួន៣ មានកំពង់ស្ពឺ ព្រះសីហនុ និងកំពតគឺជាការប្រកួតមួយ ដែលយកលំនាំស្តង់ដាការ ប្រកួត RALLY កម្រិតទ្វីបអាស៊ីមកអនុវត្ត ដើម្បីពង្រឹងសមត្ថភាព និងបច្ចេកទេសដល់ អត្តពលិក កីឡាយានយន្តកម្ពុជា៕ម.ន…

សហព័ន្ធកីឡាទូកក្តោងកម្ពុជាបានជម្រាបជូនដំណឹងជាផ្លូវការ ថ្មីៗនេះជូនដល់ក្លិប-សមាគម និងសាធារណជន ដែលស្នេហាកីឡាឲ្យបានជ្រាបថា ក្រោមគម្រោងថវិកាគាំទ្ររបស់ក្រសួងអប់រំ យុវជន និងកីឡា សហព័ន្ធកីឡាទូកក្តោងកម្ពុជានឹងរៀបចំការប្រកួតជើងឯកថ្នាក់ជាតិ ប្រចាំឆ្នាំរបស់ខ្លួន ដើម្បីពង្រីកគុណភាពអត្តពលិក និងពន្លឿនការអភិវឌ្ឍបន្ថែមទៀត ដែលនឹងប្រព្រឹត្តទៅចាប់ ពីថ្ងៃទី ១៤-១៦ ខែធ្នូ ឆ្នាំ ២០១៨ នៅខេត្តកោះកុង ក៏ដូចជាចូលរួមអបអរសាទរពិធីបុណ្យសមុទ្រ លើកទី៧ ជុំទី២ ដែលនឹងប្រារព្វធ្វើឡើង នៅខេត្តកោះកុង។ ចំពោះវិញ្ញាសារដែលដាក់ឲ្យប្រកួត រួមមាន៖ ១-វិញ្ញាសាទូកក្តោង  Windsurfing Sail 7.8M2 to 8.5M2 និង២-វិញ្ញាសា ទូកក្តោង Windsurfing Sail 4.0M2 to 6.5M2 ដែលការទទួលពាក្យចូលរួមប្រកួតចាប់ពីថ្ងៃ ផ្សាយដំណឹងនេះតទៅរហូតដល់ថ្ងៃទី ១៣ ខែធ្នូ ឆ្នាំ២០១៨ នៅទីស្នាក់ការសហព័ន្ធកីឡាក្តោងកម្ពុជា នៃអគារគណៈកម្មាធិការអូឡាំពិកកម្ពុជា ឬតាមទូរស័ព្ទលេខ ០៧៧ ៦៦១៦៥៩ និង ០១០ ២៧០១៧៨។ សហព័ន្ធកីឡាទូកក្តោងកម្ពុជាបានសម្តែងនូវអំណរគុណយ៉ាងជ្រោលជ្រៅជូនចំពោះ ឯកឧត្តម ហ្គោដុន ថាង…

លោក ពៅ ហុក ប្រធានផ្នែកលក់ និងទីផ្សារផលិតផល STARBALM ថ្លែងនៅអាកាសយាន្តដ្ឋានអន្តរជាតិភ្នំពេញនៅព្រឹកថ្ងៃសៅរ៍នេះ ក្រុមហ៊ុនដូនពេញម៉េនតហ្វាម ដែលនាំចូលនៅផលិតផល STAR BALM បានឧបត្ថម្ភសម្ភារប្រើប្រាស់មួយចំនួន និងថវិកា ដើម្បីជាមធ្យោបាយ ក្នុងការធ្វើ ដំណើរទៅប្រកួតព្រឹត្តិការណ៍ Standard chartered Singapore Marathon 2018 នៅសិង្ហបូរី។ ក្រុមហ៊ុនដូនពេញម៉េតហ្វាម ដែលនាំចូលនៅផលិតផល STAR BALM មិនត្រឹមតែឧបត្ថម្ភ វិស័យកីឡា ប៉ុណ្ណោះទេថែមទាំងចូលរួមលើកកម្ពស់សុខភាពកីឡាករ កីឡាការិនី និងអ្នកលេងកីឡាផងដែរ ជាពិសេសនោះ បានរួមចំណែកអភិវឌ្ឍន៍វិស័យកីឡាជាតិ និងបំផុសឲ្យប្រជាពលរដ្ឋខ្មែរ ចូលរួមលេងកីឡា ដើម្បីសុខភាពផងដែរ។ ដោយឡែកកីឡាការនី ហេង ម៉េងជូ និងកីឡាករ ម៉ាវីរ៉ូ បង្ហាញក្តីសប្បាយរីករាយ ក្រោយទទួលបានការឧបត្ថម្ភពីផលិតផល STAR BALM ទៅចូលរួមព្រឹត្តិការណ៍កម្រិតអន្តរជាតិ លើកដំបូង ខណៈកីឡាមួយនេះពុំធ្លាប់ទទួលបានការឧបត្ថម្ភពីមុនមកនោះ ហើយពួកគេបានជំរុញលើកទឹកចិត្តឲ្យកីឡាករការិនីដទៃទៀត ត្រូវខិតខំប្រឹងប្រែងហ្វឹកហាត់ ដើម្បីទទួលយកឱកាសដូចពួកគាត់។ គួរបញ្ជាក់ថា ព្រឹត្តិការណ៍ Standard chartered Singapore Full…

Unai Emery អ្នកចាត់ការទូទៅ Arsenal បានប្រាប់ Matteo Guendouzi ឲ្យទៅកាត់សក់ចេញបន្ទាប់ពីកីឡាករសក់វែងរូបនេះត្រូវ Fellaini ទាញសក់ឲ្យដួលកាលពីថ្ងៃពុធ ។ Fellaini បានចាប់ទាញសក់  Guendouzi ក្នុងការប្រកួតដែល Manchester United ស្មើគ្នា ២-២ ជាមួយ Arsenal នៅ Old Trafford។ អាជ្ញាកណ្ដាល Andre Marriner បានឃើញចំពោះហេតុការណ៍នោះតែមិនបានពិន័យកាតអ្វីទេដល់កីឡាករសញ្ជាតិបែលហ្សិកដែលបង្កកំហុស។ គួររំលឹកថា លោក Emery គ្មានប្រតិកម្មអ្វីធ្ងន់ឡើយក្រោយចប់ការប្រកួត  ប៉ុន្តែបុរសសញ្ជាតិអេស្ប៉ាញបាននិយាយបែបលេងសើចថាកូនក្រុមរបស់លោកគួរតែទៅកាត់សក់ឲ្យខ្លីដើម្បីកុំឲ្យហេតុការណ៍នេះកើតម្ដងទៀត៕

Joe Gomez ខ្សែការពារដ៏សំខាន់របស់ Liverpool អាចអវត្តមានប្រហែល៦ខែដោយសាររបស់បាក់ឆ្អឹងជើងឆ្វេង ក្នុងការប្រកួតទល់នឹង Burnley កាលពីថ្ងៃពុធ។ កីឡាករសញ្ជាតិអង់គ្លេស ត្រូវប្ដូរចេញត្រឹមនាទី២៣ ក្រោយប៉ះទង្គិចគ្នាក្នុងប្រកួតដែល Liverpool យកឈ្នះ ៣ទល់នឹង១។ របួសនេះត្រូវអ្នកចាត់ការ Jurgen Klopp របស់បន្ទោសលើទីលានដែលមានសភាពស្ងួតពេក ដូច្នេះការឈូសយកបាល់អាចបង្កគ្រោះថ្នាក់ដល់កីឡាករ។ យ៉ាងណាលោក Sean Dyche អ្នកចាត់ការរបស់ Burnley បានសរសើរកីឡាករ Ben Mee ថាពិតជាឈូសបានល្អ។ Gomez វ័យ២១ឆ្នាំគឺជាកីឡាករជម្រើសទី១របស់ក្លិបហង្សក្រហម ដោយបង្ហាញខ្លួនបាន១៣លើកក្នុង១៥ប្រកួតរដូវកាលនេះ៕

អគ្គនាយក្រុមហ៊ុនជេតគ្រុប ប្រកាសថានឹងចាយថវិកាប្រមាណជា៤ម៉ឺនដុល្លារអាម៉េរិកសម្រាប់ទ្រទ្រង់ដល់ការរៀបចំប្រដាល់គុនខ្មែរ និងប្រដាល់សកលជ្រើសរើសជើងឯកថ្នាក់ជាតិឆ្នាំ២០១៨ នៅលើតំបន់អភិវឌ្ឍន៍ 7 N G។ លោកឧកញ៉ា ស្រី ចាន់ថន អគ្គនាយក្រុមហ៊ុនជេតគ្រុប បានប្រកាស នៅក្នុងសន្និសិទសារព័ត៌ មានស្តីពីការរៀបចំការប្រកួតកីឡាប្រដាល់គុនខ្មែរ និងប្រដាល់សកលថ្នាក់ជាតិឆ្នាំ២០១៨ នារសៀល ថ្ងៃទី៥ ខែធ្នូម្សិលមិញថា ក្រុមហ៊ុនជេតគ្រុប គ្រោងចំណាយថវិកាចំនួន៤ម៉ឺនដុល្លារ ក្នុងការទ្រទ្រង់លើការរៀបចំរយៈពេល៦ថ្ងៃ ទីតាំងប្រកួត សន្តិសុខការពារសុវត្ថិភាពដល់កីឡាករការិនី និងប្រតិភូ លើការហូបចុកស្នាក់នៅ និងទឹកភ្លើងជាដើម នៅលើទឹកដីតំបន់អភិវឌ្ឍន៍ 7NG ។ លោកឧកញ៉ា បន្ថែមថា ការដែលក្រុមហ៊ុនជេតគ្រុប ឧបត្ថម្ភដល់ព្រឹត្តិការណ៍មួយនេះ ជាបន្តបន្ទាប់ ក៏ព្រោះតែក្រុមហ៊ុនចង់រួមចំណែកជួយលើកស្ទួយវិស័យកីឡាប្រដាល់គុនខ្មែរ ដើម្បីស្វែងរក កីឡាករការិនីល្អៗ ដែលមានសមត្ថភាពពិតៗ ឆ្ពោះទៅប្រជែងដណ្តើមមេដាយជូនប្រទេសកម្ពុជា នៅស៊ីហ្គេម ឆ្នាំ២០២៣។ ឯកឧត្តម តែម ម៉ឺន ប្រធានសហព័ន្ធកីឡាប្រដាល់គុនខ្មែរ បានសម្តែងនូវការថ្លែងអំណរគុណដល់ លោកឧកញ៉ា ស្រី ចាន់ថន អគ្គនាយកក្រុមហ៊ុនជេតគ្រុប…