លោក ពៅ ហុក តំណាងកីឡាសាកលវិទ្យាល័យអាស៊ីអឺរ៉ុប ស្នើរឲ្យមន្ដ្រីគណៈកម្មការរៀបចំ បំភ្លឺ រឿងបាត់លុយ ប្រាក់រង្វាន់លើវិញ្ញាសាមួយចំនួន ក្នុងព្រឹត្តិការណ៍កីឡានិស្សិតឧត្តមសិក្សា និងមធ្យមសិក្សាបច្ចេកទេស ឆ្នាំ២០១៨ ដែលបានបញ្ចប់ការប្រកួត កាលពីថ្ងៃទី២៧ ខែកញ្ញាកន្លងទៅ ព្រោះលោកឃើញភាពមិនប្រក្រតីលើវិញ្ញាសាមួយ ពាក់ព័ន្ធនឹងវិញ្ញាសាប៉េតង់វាយយកពិន្ទុបុរស-នារី ដោយចែងក្នុងបទបញ្ជារួម គឺមេដាយមាស ១ ទទួលបានប្រាក់រង្វាន់ ៦០ម៉ឺនរៀល, មេដាយប្រាក់ ១ ទទួលបាន ៤០ម៉ឺនរៀល និងមេដាយសំរឹទ្ធ ១ ទទួលបាន ២០ម៉ឺនរៀល ខណៈពេលបើកបានត្រឹមពាក់កណ្ដាលប៉ុណ្ណោះ ។ ឆ្លើយតបនឹង តំណាងសាកលវិទ្យាល័យអាស៊ីអឺរ៉ុប លោក ដួង មាសចំរើន ប្រធាននាយកដ្ឋានអប់រំកាយ និងកីឡាសិស្ស-និស្សិត នៃក្រសួងអប់រំ យុវជន និងកីឡាបានបញ្ជាក់ថា ការបែងចែក ប្រាក់រង្វាន់សម្រាប់កីឡាកម្រិតឧត្តមសិក្សានេះ គឺអនុវត្តទៅតាមប្រកាសអន្ដរក្រសួង ត្រង់ប្រការ ការប្រកួតកីឡាថ្នាក់ជាតិ ដែលបានចែងមេដាយមាសទទួលបាន ៣០ម៉ឺនរៀល, មេដាយប្រាក់ ២០ម៉ឺនរៀល និងមេដាយសំរឹទ្ធ ១០ម៉ឺនរៀល ។…

លោក Christopher Grant តំណាងក្រុមហ៊ុន ELITE SOCCER COACHING បញ្ជាក់ថា កម្មវិធីប្រកួតបាល់ទាត់ Football For Change ធ្វើឡើងដើម្បីផ្តល់ឱកាសឲ្យយុវជនថ្នាលនៅតាមអង្គការផ្សេងៗ បានបញ្ចេញសមត្ថភាព និងទេព្យកោសល្យ យកទៅចូលរួមហ្វឹកហាត់ ជាមួយគ្រូបង្វឹកមានលក្ខណៈស្តង់ដារ ប្រកបដោយវិជ្ជាជីវត្រឹមត្រូវ សម្រាប់ត្រៀមការប្រកួតនានា។

ខ្សែប្រយុទ្ធ Harry Kane របស់ក្លិប Tottenham បញ្ជាក់ថា រូបគេបានឈានដល់កម្រិត កាន់តែប្រសើរហើយ។ Harry Kane សង្ឃឹមថា ថ្ងៃណាមួយ រូបគេនឹងអាចរកគ្រាប់បាល់បានច្រើនលើស Messi ដែរ” ។  កីឡាករវ័យ២៥ឆ្នាំ ជួបគ្នាជាមួយ Messi នៅក្របខណ្ឌ Champions League ពេលក្រុម Tottenham Hot Spurs ប៉ះ Barcelona ក្នុងពូល B នៅកីឡដ្ឋាន  Wembley។ សូមបញ្ជាក់ថា ខ្សែប្រយុទ្ធ Harry Kane មានកំណត់ត្រាស៊ុតបញ្ចូលទីច្រើនជាង គេក្នុង ការប្រកួតក្របខណ្ឌ Premier League ២ដង ក្នុងចំណោម៣រដូវកាលចុងក្រោយនេះ និងបាន ឈ្នះពានរង្វាន់ស្បែកជើងមាសនៅ World Cup ក្នុងប្រទេសរុស្ស៊ី៕

ក្លឹប Juventus 3:0  Young Boys នៅ Champions League ក្នុងពូល H។ ៣គ្រាប់របស់ក្លិបសេះបង្កង់ រកបានដោយ ខ្សែប្រយុទ្ធសញ្ជាតិអាហ្សង់ទីន Paulo Dybala ម្នាក់ឯង នៅនាទី៥ និង៣៣ ក្នុងតង់ទី១ និងគ្រាប់ទី៣ធ្វើសម្រេចនៅនាទី ៦៩  ជួយឲ្យ Juventus ឈ្នះ ៩ប្រកួតជាប់គ្នាគិតលើគ្រប់កម្មវិធី ។

  ខ្សែបម្រើប្រយុទ្ធ Paul Pogba បានប្រាប់មិត្តរួមក្រុមថា ប្រសិនបើលោក Jose Mourinho  នៅដឹកនាំក្លឹបបន្តទៀត រូបគេនិងចង់ចាកចេញពី Manchester United នៅខែមករាខាងមុខ ។ ជាមួយគ្នានេះ លោក Mourinho ក៏បានព្រមានខ្សែប្រយុទ្ធ  Alexis Sanchez ផងដែរ អាចមិនបានលេងរហូត ប្រសិបបើមិនពង្រឹងសមត្ថភាពឡើងវិញ ។គួររំលឹកថា មួយរយៈចុងក្រោយនេះ ទំនាស់រវាង Pogba និង Mourinho កាន់តែឈានទៅរកការប្រេះស្រាំ បន្ទាប់ពី Pogba សុំក្លឹបចាកចេញ ក្រោយអ្នកចាត់ការសញ្ជាតិព័រទុយហ្គាល់ បានដកតំណែងប្រធានក្រុមរង ៕    

ប្រធានសហព័ន្ធកីឡាវាយសីកម្ពុជា ថ្លែងក្នុងពិធីបិទការប្រកួតកីឡាវាយសី ដណ្តើមពាន់រង្វាន់ ប្រធានសហព័ន្ធ លើកទី៤ ប្រចាំឆ្នាំ២០១៨នេះថា ភារកិច្ចសំខាន់នាថ្ងៃខាងមុខ សហព័ន្ធកំពុងជំរុញយ៉ាងខ្លាំង ដើម្បីពន្លឿនការអភិវឌ្ឍលើកកម្ពស់សមត្ថភាព កីឡាករ កីឡាការិនីវ័យក្មេង ធ្វើយ៉ាងណាដណ្តើមមេដាយឲ្យបានយ៉ាតិច ២គ្រឿង ពីព្រឹត្តិការណ៍ ស៊ីហ្គេម ឆ្នាំ២០២៣ ដែលកម្ពុជាធ្វើជាម្ចាស់ផ្ទះ ។ ដើម្បីឆ្លើយដោយប្រសិទ្ធភាពនៅអ្វី ដែលគណៈកម្មការជាតិអូឡាំពិកកម្ពុជាដាក់ទិសដៅ ជូនសហព័ន្ធកីឡាវាយសីកម្ពុជា ។            ឯ ឧ លី កុសល ប្រធានសហព័ន្ធកីឡាវាយសីកម្ពុជា ថ្លែងថា សហព័ន្ធបង្កើនព្រឹត្តិការណ៍ប្រកួតជាច្រើន ដើម្បីផ្តល់ឱកាសឲ្យកីឡាករ កីឡាការិនី ចូលរួមប្រកួតប្រជែងបង្កើនការអភិវឌ្ឍសមត្ថភាពជម្រុញឆ្ពោះទៅរកគុណផលកាន់តែប្រសើរនាពេលខាងមុន ។            ដោយឡែកកីឡាការិនី កែ ពេជ្រឆរវី ចាប់ដៃគូជាមួយ ឈឿន ឆៃរី មកពីក្លឹបក្រសួងសេដ្ឋកិច្ច និងហិរញ្ញវត្ថុ ដណ្តើមបានចំណាត់ថ្នាក់លេខ១ លើវិញ្ញាសារមិនគិតអាយុ លើកឡើងថា ឆ្នាំនេះមានការប្រកួតប្រជែងខ្ពស់ជាងរាល់ឆ្នាំ ពីព្រោះដៃគូសុទ្ធសឹងមានសមត្ថភាពខ្ពស់ ប៉ុន្តែនាងប្តេជ្ញាថា និងបង្កើនការហ្វឹកហាត់បន្ថែមទៀត ទោះបីជាទទួលបានជ័យជំនះហើយក៏ដោយ ។ ដើម្បីអភិវឌ្ឍសមត្ថភាពកាន់តែល្អជាងនេះ ដើម្បីរក្សាសារតំណែងជើងឯកអោយបាន ។  សម្ភាសន៍…

វគ្គបណ្តុះបណ្តាល គ្រូបង្វឹកកីឡាបាញ់កាំភ្លើងកម្រិតមូលដ្ឋាន ដែលរៀបចំដោយសហព័ន្ធកីឡាបាញ់កាំភ្លើងកម្ពុជា ក្រោមការសហការជាមួយក្រសួងអប់រំ យុវជន និងកីឡា ប្រកាសបើកជាផ្លូវការ នៅសាលនាយកដ្ឋានកីឡា នៃពហុកីឡដ្ឋានជាតិ និងគ្រោងបញ្ចប់នាថ្ងៃទី៦ ខែតុលាខាងមុខ ។លោក គុជ វណ្ណៈ អគ្គលេខាធិការរង សហព័ន្ធកីឡាបាញ់កាំភ្លើងកម្ពុជា បានឲ្យដឹងថា  វគ្គបណ្តុះបណ្តាលគ្រូបង្វឹកកីឡាបាញ់កាំភ្លើងកម្រិតមូលដ្ឋាន មានសិក្ខាកាមចូលរួមចំនួន៣១នាក់ ក្នុងនោះមាននារី១០ នាក់មកពីកងទ័ពឆ័ត្រយោង៩១១ អង្គភាពប្រឆាំងភេវរកម្មអង្គភាពការពារអាកាស និងក្លឹប PPSC ដែលបង្រៀនដោយគ្រូឧទ្ទេស គឺលោក Thomas Bavet ។ លោក ចាត់ទុកថា វគ្គនេះមានសារៈសំខាន់ណាស់ សម្រាប់សហព័ន្ធ បង្កើននូវធនធានមនុស្ស ក្នុងការអភិឌ្ឍនវិស័យកីឡាបាញ់កាំភ្លើងកម្ពុជាឲ្យមានកាន់តែល្អប្រសើរ ។ វគ្គនេះសិក្សាលើជំនាញវិញ្ញាសាបាញ់កាំភ្លើងស្តង់ដារអូឡាំពិក ទាំងទ្រឹស្តី និងអនុវត្តជាក់ស្តែងនៅលើទីលាន ។លោក ម៉ិល កាដូ អគ្គនាយករង អគ្គនាយកដ្ឋានកីឡាបានណែនាំថា កីឡាបាញ់កាំភ្លើង គឺជាប្រភេទ កីឡាមួយលឿនរហ័សចាំបាច់អ្នកប្រើប្រាស់សម្ភារៈត្រូវតែមានការម្រុងប្រយ័ត្នខ្ពស់ និងអត់ធ្មត ក្នុងពេលអនុវត្ត ។ ក្នុងការការប្រកួតក្តី បើគ្មានបញ្ជាទេ កីឡាករមិនអាចធ្វើខុសពីលក្ខណៈនោះទេ គឺចុងកាំភ្លើងត្រូវតម្រង់ ទៅកន្លែងអនុញ្ញាត…

អតីតខ្សែប្រយុទ្ធនៃក្របខណ្ឌ Premier League កីឡាករ Victor Anichebe ដែលកំពុងលេងឱ្យក្លិបចិន Beijing Enterprises បានប្ដឹងក្លិបរបស់ខ្លួនទៅ សហព័ន្ធបាល់ទាត់ពិភពលោកពីបទកំណត់លទ្ធផលប្រកួត។ អតីតកីឡាកររបស់ក្លិប Everton, West Brom និង Sunderland វ័យ៣០ឆ្នាំ បានដាក់ពាក្យបណ្ដឹងទៅសហព័ន្ធបាល់ទាត់ពិភពលោក ក្រោយពីអះអាងថារូបគេត្រូវបានគ្រូបង្វឹកក្លិប Beijing Enterprises ប្រាប់ឱ្យ«លេងកុំប្រឹង» ចំនួន២លើក រួមទាំងក្នុងការប្រកួតទល់នឹងគូប្រជែងក្នុងតំបន់ផងដែរ។ ប៉ុន្តែក្លិប Beijing Enterprises បានច្រានចោលការចោទប្រកាន់របស់ Anichebe ហើយបានបញ្ឈរជើងគេមិនឱ្យប្រកួតរយៈពេល១ឆ្នាំ។

ក្រុមណាហ្គាវើលបានឈ្នះពានជើងឯកលីគកំពូលកម្ពុជារដូវកាល២០១៨ បន្ទាប់ពីរកបានពិន្ទុច្រើនជាងគេ នៅក្នុងការប្រកួតបញ្ចប់សប្ដាហ៍ទី២២ ដែលក្រុមណាហ្គាវើលបានយកឈ្នះនៅ១ប្រកួត ចុងក្រោយជាមួយក្រុមអគ្គស្នងការដ្ឋាននគរបាលជាតិ ដោយលទ្ធផលបច្ចេកទេស ៦ទល់២ នៅពហុកីឡដ្ឋានជាតិ។ ក្រុមណាហ្គាវើលបានយកឈ្នះលើក្រុមអគ្គស្នងការដ្ឋាននគរបាលជាតិ ដែលយកឈ្នះក្នុងលទ្ធផល៦ទល់២ នោះគឺធ្វើសម្រេចដោយកីឡាករ Inui Tatsuro បានរកគ្រាប់បាល់បើកឆាកនៅនាទី២៦ ខណៈកីឡាករ Bisan George បានរកគ្រាប់បាល់៤គ្រាប់ម្នាក់ឯង គឺនៅនាទី៤៥+១,៥៨,៦១ និង៩០ និងកីឡាករ គួច ដានី បានរកគ្រាប់បាល់ចុងក្រោយនៅនាទី៦៧ ស្របពេលដែល២គ្រាប់របស់ក្រុមអគ្គស្នងការដ្ឋាននគរបាលជាតិ រកបានដោយកីឡាករ Suzuki Yuta នៅនាទី៦៣ និងកីឡាករ Oladipupo Abiodun Michael នៅនាទី៨៦។

កីឡាករ Lewis Hamilton ក្លាយជាជើងឯកប្រណាំងរថយន្ត Formula One ក្នុងកម្មវិធី Russian Grand Prix នៅប្រទេសរុស្ស៊ី នាំមុខលើតារាងជើងឯកពិភពលោក ៥០ពិន្ទុ ខណៈសល់៥ទីលាននឹងបញ្ចប់រដូវកាលនេះ។ លើទីលាន Autodrom ក្នុងទីក្រុង Sochi បេក្ខភាពការពារជើងឯក Hamilton មកដល់ ទីព្រ័ត្រមុនមិត្តរួមក្រុមសញ្ជាតិហ្វាំងឡង់ Valtteri Bottas និងគូប្រជែងដ៏សំខាន់កីឡាករអាល្លឺម៉ង់ Sebastian Vettel សមាជិកក្រុម Ferrari ដោយប្រើថិរវេលា១ម៉ោង ២៧នាទី និង២៥ ចុច១៨១វិនាទី ហើយឆ្លងកាត់១៦ទីលានកន្លងមក Hamilton មាន៣០៦ពិន្ទុនាំមុខដាច់៥០ពិន្ទុលើ Sebastian Vettel ដែលមាន២៥៦ពិន្ទុ ខណៈ Bottas លេខ៣មាន១៨៩ពិន្ទុ។ សូមបញ្ជាក់ថា នេះជាជ័យជម្នះលើកទី៧០ក្នុងអាជីពរបស់កីឡាករចក្រភពអង់គ្លេស Lewis Hamilton ដែលកំពុងស្ថិតលើផ្លូវដ៏ល្អទៅរកការគ្រងជើងឯក Formula One លើកទី៥របស់ខ្លួន ហើយឥលូវឈ្នះ២១លើកតាមពីក្រោយអតីតជើងឯក៧សម័យកាល Michael Schumacher ដែលបានឈ្នះ៩១លើកមិនធ្លាប់មានពីមុនមក៕ម.ន