ភ្នំពេញ៖ សហភាពសហព័ន្ធយុវជនកម្ពុជា (ស.ស.យ.ក) បានប្រកាសថា នឹងរៀបចំការប្រកួតបាល់ទាត់ពានរង្វាន់ Soccer League លើកទី៧ ឆ្នាំ២០២៤ ដោយគ្រោង ចំណាយ ពេលប្រកួតយូរជាងមុនរហូតដល់ពីរខែ ពោល គឺចាប់ ពីថ្ងៃទី០១ ខែមិថុនា ដល់ថ្ងៃទី៣០ ខែកក្កដា ឆ្នាំ២០២៤ ខាង មុខ ខណៈរដូវកាលមុនប្រើពេលត្រឹមជាងមួយខែ ប៉ុណ្ណោះ ។ សេចក្ដីជូនដំណឹងបានបញ្ជាក់ថា សម្រាប់រដូវកាលថ្មី នៃពាន រង្វាន់ Soccer League លើកទី៧ នេះ ដូចគ្នាកាលពីឆ្នាំមុន ដោយមាន២ប្រភេទវិញ្ញាសា ។គឺវិញ្ញាសាបាល់ទាត់បុរស និង វិញ្ញាសាបាល់ទាត់នារី ដោយចាប់ផ្ដើមលក់ពាក្យ និងទទួល ពាក្យ ពីថ្ងៃទី២២ ខែមីនា រហូតដល់ថ្ងៃទី២០ ខែមេសា ឆ្នាំ២០២៤នៅអគារ The Kampus ខាងលិចស្ពាន អាកាស ក្បាលថ្នល់ រាជធានីភ្នំពេញ។ ប្រភពដដែលបន្តថា សម្រាប់ក្រុមដែលមានសិទ្ធិចូលរួមប្រកួត គឺជាក្រុមបាល់ទាត់ក្រសួង-ស្ថាប័ន, ស.ស.យ.ក…

(ភ្នំពេញ)៖ ក្នុងសន្និសិទសារព័ត៌មាន ប្រកាសរៀបចំទិវារត់ប្រណាំងអន្តរជាតិ ពាក់ កណ្តាល ម៉ារ៉ាតុងលើកទី៩ នៅខេត្តព្រះសីហនុ នាព្រឹកថ្ងៃទី១៨ ខែ មីនា ឆ្នាំ២០២៤ នៅអាគារ គណៈកម្មាធិការជាតិអូឡាំពិកកម្ពុជា ឯកឧត្តម វ៉ាត់ ចំរើន រដ្ឋលេខាធិការក្រសួងអប់រំយុវជន និងកីឡា និងជាអគ្គលេខាធិការ ជាតិ គណៈកម្មាធិការជាតិអូឡាំពិកកម្ពុជា បានលើកឡើងថា ការបង្កើតព្រឹត្តិការ ណ៍ ទិវារត់ប្រណាំងអន្តរជាតិពាក់កណ្តាលម៉ារ៉ាតុង នៅខេត្តព្រះសីហនុ ឡើង វិញ ក្រោយពីខក ខានអស់រយៈពេលប្រមាណជា៣ឆ្នាំ ដោយសារតែវិបត្តិជំងឺកូវិដ១៩ និងខកខាន ដោយសារ តែ ការជួសជុលហេដ្ឋារចនាសម្ព័ន្ធក្នុងខេត្តនោះ ឥលូវការរៀបចំជាថ្មី ដែលគ្រោងរៀបចំនឹង ធ្វើឡើងនៅថ្ងៃទី៧ ខែ មេសា ឆ្នាំ២០៤ ខាងមុខនេះ ក្រៅពីសប្បុរធម៍ ព្រឹត្តិការណ៍នេះ ជាការ ចូលរួមចំណែកបង្វែទស្សនៈទានឲ្យភ្ញៀវជាតិនិងអន្តរជាតិកាន់ តែចាប់ អារម្មណ៍លើខេត្ត ព្រះសីហនុដែលជាខេត្តអភិវឌ្ឍ។ លោកថា ការអភិវឌ្ឍគឺត្រូវទាញទាឲ្យមានការចូលរួមការការពារបរិស្ថានដែលជាអាយុជីវិត យើង ទាំងអស់គ្នា ដ្បិតនៅខេត្តព្រះសីហនុ មានសមុទ្រ…

សៀមរាប៖ដោយការធ្វើដំណើរមកដល់ទឹកដីអច្ឆរិយៈនៃខេត្តសៀមរាប ព្រះរាជាណាចក្រកម្ពុជា នារសៀលថ្ងៃទី១៤ ខែមីនា ឆ្នាំ២០២៤ និង បានចាប់ផ្តើមប្រកួតនៅថ្ងៃទី១៥ ខែមីនា បេក្ខនារីជិត៣០០នាក់ មកពីប្រទេសនានានៅទ្វីបអ៉ឺរ៉ុបនៃកម្មវិធី រេដ អាម៉ាហ្សូន( Raid Amazones )បានឆ្លងកាត់នៅការប្រកួតយ៉ាងស្វិតស្វាញអស់ រយៈពេលបួនថ្ងៃមកហើយលើវិញ្ញាសារដូចជា រត់ជុំវិញតំបន់ប្រាសាទ ជិះទូកកានូ ជិះកង់និងរត់ដោយចាប់គ្នាជាក្រុមពី២ ទៅ៣នាក់ និង ថ្ងៃចន្ទនេះគឺការស្វែងរកកំណប់ដ៏ អស្ចារ្យ ក្នុងបរិវេណ ប្រាសាទតាព្រហ្ម ,ប្រាសាទបាយ័ន និងប្រាសាទអង្គរវត្ត។ សូមជម្រាបថា ក្នុងកម្មវិធីប្រកួតស្វែងរកកំណប់នៅប្រាសាទដ៏ល្បី របស់ ខ្មែរ គឺបេសកកម្មចម្បងបេក្ខនារីត្រូវស្វែងរកចម្លើយ ពី វប្បធម៌ ប្រវត្តិសាស្ត្រ នៅតាមប្រាង្គប្រាសាទ ព្រមទាំងការស្វែងរករូបចម្លាក់ និងផ្ទាំងរូបភាពដ៏ស្រស់ត្រកាលរបស់ប្រាសាទ អម ជាមួយកូន សៀវភៅតូចមួយដើម្បីជាការបំភ្លឺផ្លូវទៅរកកំណប់ដ៏អស្ចារ្យនោះ ។ វិញ្ញាសារនេះតម្រូវឱ្យអត្តពលិកនារីមានភាពវៃឆ្លាត និងមានចំណេះដឹង ច្រើនពីវប្បធម៌ និងប្រវត្តិសាស្រ្ដ របស់កម្ពុជាក្នុងការស្វែងរកចម្លើយ ។ គប្បីជម្រាបថា ខេត្តសៀមរាបបានក្លាយជាទីតាំងដ៏សំខាន់នៃការប្រកួត ព្រឹត្តិការណ៍កីឡាទេសចរណ៍ Raid Amazones លើកទី ២៥ចាប់…

(ភ្នំពេញ)៖ ការប្រកួតកីឡាសិស្សមធ្យមសិក្សាជ្រើសរើសជើងឯករាជធានីភ្នំពេញ ឆ្នាំសិក្សា២០២៣-២០២៤ ដែលបានដំណើរការប្រកួតអស់រយៈពេល៧ថ្ងៃ បានបញ្ចប់ការប្រកួតជាផ្លូវការ នាព្រឹកថ្ងៃទី១៧ ខែ មីនា ឆ្នាំ២០២៤ នៅទីលានបាល់ទាត់វិទ្យាល័យជាស៊ីមជ្រោយចង្វា ខណ្ឌ ឬស្សីកែវ ។វិញ្ញាសាបិទបញ្ចប់ចុងក្រោយដែលជាការប្រកួតវគ្គផ្តាច់ព្រ័ត្រ គឺវិញ្ញសាបាល់ទាត់ ដោយក្រុមបាល់ទាត់វិទ្យាល័យឥន្ទ្រៈទេវី បានក្លាយជាម្ចាស់ជើងឯក បន្ទាប់ពីយកឈ្នះលើក្រុមបាល់ទាត់សាលា សុវណ្ណភូមិក្នុងលទ្ធផល៣ទល់២។ លោក ស្រេង សេង ប្រធានការិយាល័យកីឡានៃមន្ទីរអបរំយុវជននិងកីឡារាជធានីភ្នំពេញ មានប្រសាសន៍ ឲ្យដឹងថា ការប្រកួតកីឡាសិស្សមធ្យមសិក្សាជ្រើសរើសជើងឯករាជធានីភ្នំពេញ ឆ្នាំសិក្សា២០២៣-២០២៤ បានដំណើរការប្រកួតជាផ្លូវការចាប់ពីថ្ងៃទី១១ ខែ មីនា សរុបមានរយៈពេល៧ថ្ងៃ ដោយធ្វើការប្រកួតលើ៦ប្រភេទកីឡា មានដូចជា៖ បាល់ទាត់ បាល់ទះ បាល់បោះ អត្តពលកម្ម ប៉េតង់ និងកីឡាវាយកូនឃ្លីលើតុ។ លោក បានគូសបញ្ជាក់ថា ការប្រកួតនេះ ការិយាល័យកីឡានៃមន្ទីរអប់រំយុវជននិងកីឡារាជធានីភ្នំពេញ បានរៀបចំឡើង ដើម្បីចំរាញ់ជ្រើសរើស កីឡាករកីឡាការិនីឆ្នើមៗតំណាងឲ្យរាជធានីភ្នំពេញ ត្រៀមចូលរួមការប្រកួតកីឡាសិស្សមធ្យមសិក្សាទូទាំងទូទាំងប្រទេសដែលរៀបចំដោយក្រសួងអប់រំយុវជននិងកីឡា នាពេលខាងមុខ។ លោក អ៊ុក ចន្ថា អនុប្រធានមន្ទីរអប់រំយុវជន និងកីឡារាជធានីភ្នំពេញ បានថ្លែងការកោតសសើរ ចំពោះប្រតិភូ តាមបណ្តាសាលារដ្ឋនិងឯកជន…

(ភ្នំពេញ)៖ កីឡាករកែវ រំចង់ ដែលអ្នកគាំទ្រគុន្មខ្មែរ ស្គាល់ច្បាស់ថា ជាអ្នកលេងគុនខ្មែរចិត្ត សឿង មកពីខេត្ត បាត់ដំបង គ្រោងនឹងឡើងសង្វៀន នៅក្នុងអំឡុង ខែ មីនា ឆ្នាំ២០២៤ ក្នុងកម្មវិធីប្រដាល់KKIF ។ ការបង្ហាញវត្តមានជាថ្មី ក្រោយបាត់មុខអស់រយៈ ពេលជាច្រើនខែ ដោយសា រតែរបួស អំឡុង ពេលប្រកួតនៅខេត្តសៀមរាប កាលពីឆ្នាំ២០២៣ អ្នកលេងចិត្ត សឿង កែវ រំចង់ បានបង្ហើប ថា នៅអំឡុង ខែមីនា រូបគាត់ នឹងត្រូវឡើងមួយប្រកួតជួប ជាមួយ កីឡាករបរទេស ក្នុងប្រភេទ ទម្ងន់៧៥គីឡូក្រាម។ អ្នកលេងគុនខ្មែរ ចិត្តសឿងរូបនេះ បានបញ្ជាក់ថា បច្ចុប្បន្នរូបគាត់កំពុងមានទម្ងន់ ៩០គីឡូ ក្រាម និងត្រូវការសម្រក១៥គីឡូក្រាម ដើម្បីឲ្យគីឡូនៅសល់៧៥គីឡូក្រាម។ រំចង់ អះអាង ទៀតថា ៧៥គីឡូក្រាមនេះ មិនមែនគោលដៅដែលខ្លួនបញ្ចប់នៃការបញ្ចុះគីឡូនោះទេ ពោល ការវិលមកកាន់អាជីពប្រដាល់គុនខ្មែរនេះវិញ គឺសម្រកឲ្យនៅសល់៦៦ឬ៦៧គីឡូក្រាម ដើម្បីត្រៀមជួបកីឡាករបរទេសខ្លាំងៗដែលជាតម្រូវការទីផ្សារប្រដាល់នៅកម្ពុជា…

(ភ្នំពេញ)៖ ក្រុមបាល់ទះនារីសាលាGVAបានគ្រងជើងឯកបាល់ទះនារី ទាំងថ្នាក់ អនុវិទ្យា ល័យ និងវិទ្យាល័យ ខណៈផ្នែកបាល់ទះបុរសវិទ្យាល័យឈ្នះជើងឯករង ការប្រកួតកីឡា សិស្ស មធ្យមសិក្សាជ្រើសរើសជើងឯករាជធានីភ្នំពេញ ឆ្នាំ២០២៣-២០២៤។ ក្រុមបាល់ទះនារីអនុវិទ្យាល័យGVAបានក្លាយជាជើងឯក ដោយបានយកឈ្នះលើក្រុម បាល់ ទះ នារី ផារ៉ាហ្គេនវគ្គផ្តាច់ព្រ័ត្រ ក្នុងលទ្ធផល៣សិតទល់និង០ជាមួយពិន្ទុ ២៥ ទល់ ១២.២៥ទល់២៣ និង ២៥ ទល់ ១៦ ។ខណៈដែលបាល់ទះនារីសាលា GVA ថ្នាក់ វិទ្យា ល័យ បានក្លាយជាជើងឯក ដោយយកឈ្នះលើក្រុមបាល់ទះដុនបូស្កូក្នុងលទ្ធផល ៣សិត ទល់០ ជាមួយពិន្ទុ ២៥ ទល់ ៧, ២៦ ទល់ ២៤, និង ២៥ ទល់ ១៤។ បន្ទាប់ពីគ្រងដំណែងជើងឯកបាល់ទះនារីទាំងអនុវិទ្យាល័យ និងវិទ្យាល័យ លោក ម៉ុន សុខជា នាយកសាលាGVA បានថ្លែងគូសបញ្ជាក់ថា លោកពិតជាមានមោទនភាពណាស់ ចំពោះជោគ ជ័យក្លាយជាជើងឯកដែលក្រុមបាល់ទះនារីសាលារបស់លោកនាំយកឲ្យ…

សៀមរាប៖កាលពីរសៀលថ្ងៃទី១៤ ខែ មីនា ឆ្នាំ២០២៤ ក្រុមកីឡារត់ប្រណាំង Raid Amazones លើកទី៤ មកពីបណ្តាប្រទេសនិយាយភាសារបារាំង ចំនួន២៧៦នាក់ បានជួបជុំគ្នានៅខេត្តសៀមរាប ។ លោក Debanne ប្រធាន ក្រុមហ៊ុនZBO បានលើកពីគោលបំណងនៃកីឡារត់ប្រណាំង ក្នុងការលើកកម្ពស់សិទ្ធិអំណាចរបស់ស្ត្រីតាមរយៈកីឡា Raid Amazones និង ផ្តល់ឲ្យស្ត្រីពីមជ្ឈដ្ឋានចម្រុះនូវឱកាសមួយ ដើម្បីជម្រុញដែនកំណត់របស់ពួកគេនៅក្នុងទីតាំងកម្រ និង អសកម្មនៅទូទាំងពិភពលោក ។ អភិបាលរងខេត្ត លោក យុន លីនណេ បានសម្តែងនូវមនោសញ្ចេតនារីករាយ យ៉ាងក្រៃលែង ចំពោះការរៀបចំព្រឹត្តិការណ៍កីឡារត់ប្រណាំង Raid Amazones លើកទី៤ ក្នុងខេត្តសៀមរាប ។ លោកបានបញ្ជាក់ថា ព្រឹត្តិការណ៍កីឡារត់ប្រណាំងឆ្លងកាត់ ឧបសគ្គ (Raid Amazones) ដ៏មានប្រជាប្រិយភាព មួយរបស់ពិភពលោក ដែលបានរៀបចំឡើងចាប់តាំងពីឆ្នាំ២០០១ ក្នុងគោលដៅដើម្បីពង្រឹងសិទ្ធិអំណាចរបស់ស្ត្រី ក្នុងវិស័យកីឡា ដោយបានសង្កត់ធ្ងន់យ៉ាងខ្ជាប់ខ្ជួននូវភាពក្លាហាន ក្នុងការតស៊ូអត់ធ្មត់របស់អត្តពលិកនារី ។ លោកបានបន្តទៀតថា ក្នុងឆ្នាំ២០២៤នេះ គឺជាលើកទី៤នៃព្រឹត្តិការណ៍កីឡារត់ប្រណាំងឆ្លងកាត់ឧបសគ្គ ។កីឡា…