(ភ្នំពេញ)៖ ឯកឧត្តម សរ សិទ្ធិ រដ្ឋលេខាធិការក្រសួងមាហាផ្ទៃ និងជាប្រធាន​សហព័ន្ធ​កីឡាសូហ្វតិន្នីសកម្ពុជា បានថ្លែង នៅក្នុងពិធីវគ្គបណ្តុះបណ្តាល មន្រ្តី​បច្ចេកទេស និង​អាជ្ញាកណ្តាល ថ្នាក់ជាតិ កីឡាសហ្វតិន្នីស នាព្រឹកថ្ងៃទី៧ ខែ កក្តដា ឆ្នាំ២០២៤ថា អាជ្ញាកណ្តាលត្រូវប្រកាន់ភ្ជាប់នូវចំណុចកណ្តាលមិនលម្អៀងទៅកាន់ភាគីខាងណាមួយឡើយ ទោះភាគីនោះជាបងប្អូន ឬមិត្តភ័ក្តិក៏ដោយ។ ធ្វើជាអាជ្ញាកណ្តាល​ត្រូវប្រកាន់​ភ្ជាប់នូវក្រមសិល៍ធម៌ និងយុត្តិធម៌ ក្នុងការកាត់ក្តីប្រកបដោយវិជ្ជាជីវៈ។ ឯកឧត្តម បានគូសបញ្ជាក់ទៀតថា​ មន្រ្តីអាជ្ញាកណ្តាលត្រូវតែអភិវឌ្ឍសមត្ថភាពរហូត​ដើរឱ្យទាន់ការវិវឌ្ឍនៃប្រភេទកីឡារបស់យើង មានន័យថា អាជ្ញាកណ្តាលត្រូវ​បន្ថែម​ចំណេះ​ដឹងថ្មីជានិច្ចពីមួយឆ្នាំទៅមួយឆ្នាំ ព្រោះចំណេះនេះ យើងក៏មិនប្រកដថា យើងជាអាជ្ញាកណ្តាលកាត់សេចក្តីតែនៅក្នុងស្រុករហូតនោះទេ ពោលបើយើង​អភិវឌ្ឍ​ចំណេះបន្ថែមយើងក៏អាចឈានជើងទៅជាអាជ្ញាកណ្តាលអន្តរជាតិកាត់សេចក្តីការប្រកួតនៅក្រៅប្រទេសបានដែរ។ ព្រោះអាជ្ញាកណ្តាលដែលចូលរួមកាត់សេចក្តីការប្រកួត​អន្តរជាតិទាំងអស់បានកើតចេញពីការរៀនសូត្រដូចគ្នា អញ្ចឹងយើងប្រឹងប្រែង​រៀនសូត្រ​យើង​ក៏អាចក្លាយទៅជាអាជ្ញាកណ្តាលកម្រិតអន្តរជាតិបានដូចគ្នាដែរ។ ឯកឧត្តម រដ្ឋលេខាធិការ បានចាត់ទុកវគ្គបណ្តុះបណ្តាលនេះ ជាវគ្គដែលមានសារៈ​សំខាន់ជាការដុះខាត់ដើម្បីអភិវឌ្ឍបន្ថែមនូវចំណេះដឹងថ្មីៗជាមួយមេរៀនថ្មីៗល្អដែលគ្រូឧទ្ទេសបានធ្វើការបង្ហាត់បង្ហាញ។ជាការពិតទាំងមន្រ្តីបច្ចេកទេស​និងអាជ្ញាកណ្តាល​ត្រូវតែមានបទពិសោធន៍ខ្ពស់តាមកម្រិតស្តង់ដា ទើបអាចកាត់សេចក្តីក្នុងព្រឹត្តិការណ៍​ប្រកួតដោយភាពជឿជាក់។ហេតុដូចនេះហើ់យទើបសហព័ន្ធកីឡា​សហ្វតិន្នីសកម្ពុជា​បានដាក់នូវផែនការសកម្មភាពរបស់ខ្លួនក្នុងការអភិវឌ្ឍសមត្ថភាពមន្រ្តីបច្ចេកទេសនិងអាជ្ញាកណ្តាល ដើម្បីឱ្យពួកគាត់ទទួលបាននូវជំនាញបច្ចេកទេស​អាចឆ្លើយតបបាន​ទៅនិងកម្រិតប្រកួតប្រកបដោយប្រសិទ្ធិភាពក្នុងវិស័យកីឡាសហ្វតិន្នីសរបស់យើង។ ដោយឡែក ឯកឧត្តម យិត ភីរៈ អគ្គលេខាធិការ សហព័ន្ធកីឡាសូហ្វតិន្នីសកម្ពុជា បានបញ្ជាក់ឱ្យដឹងដែរថា វគ្គបណ្តុះបណ្តាលនេះពិតជាមានសារៈសំខាន់ណាស់ ក្នុងការលើកកម្ពស់សមត្ថភាព និងបង្កើនធនធានមនុស្ស លើផ្នែកមន្រ្តីបច្ចេកទេស និងអាជ្ញាកណ្តាលកីឡាសូហ្វតិន្នីស ដើម្បីកាត់សេចក្តីក្នុងការប្រកួត​ឱ្យមានភាព​សុក្រឹត្យ និងយុត្តិធម៌ និងត្រៀមចូលរួមចំណែកដឹកនាំការប្រកួត។ សូមបញ្ជាក់ថា…

(អូសាកា)៖ គណកម្មការបច្ចេកទេសព្រឹត្តការណ៍ប្រកួតម៉ូតូទឹក Asian Championship 2024 បានធ្វើការប្រជុំបច្ចេកទេសទាក់ទងនឹងលក្ខខន្តិក និងបទបញ្ជាការប្រកួតជូនដល់កីឡាករលើវិញ្ញាសា Endurance Open មុនការប្រកួតនារសៀលថ្ងៃទី៧ ខែមិថុនា ឆ្នាំ២០២៤ នៅទីលានប្រកួត Nishikinohama Park នាទីក្រុងអូសាកា ប្រទេសជប៉ុន។ លោក សាលី អូម៉ើត អគ្គលេខាធិការសហព័ន្ធកីឡាម៉ូតូទឹកកម្ពុជា បានឱ្យដឹងថា ការប្រជុំបច្ចេកទេសខាងលើសំខាន់ផ្តោតលើផ្លូវប្រណាំង កន្លែងដែលហាមឃាត់ ពេលវេលា និងវត្តមានកីឡាករ ហើយប្រសិនបើមិនចូលរួមប្រជុំគណកម្មការនឹងដកឬកាត់ពិន្ទុ។ អគ្គលេខាធិការខាងលើ លើកឡើងដដែលៗថា យើងរំពឹងខ្ពស់ថានឹងទទួលបានមេដាយ ប្រសិនបើម៉ូតូទឹកមិនមានបញ្ហាបច្ចេកទេស ពីព្រោះការប្រកួតលើវិញ្ញាសា Endurance Open ផ្តោតសំខាន់លើភាពធន់កីឡាករ និងម៉ាស៊ីន ហើយបើកីឡាករណាប្រណាំងបានច្រើនជុំជាងគេ ក្នុងថេរៈវេលា៤៥នាទីនោះទទួលបានពានតែម្តង ក្នុងចំណោម២ដំណាក់កាល។ សាលី ហ្វីលីន រហ័យនាម Golden Boy បង្ហាញបារម្មណ៍ថា រំពឹងខ្ពស់តែ១វិញ្ញាសា គឺវិញ្ញាសា Expert Runabout 1100 Stock ខណៈ ២វិញ្ញាសាផ្សេងទៀត គឺវិញ្ញាសា Endurance…

(ភ្នំពេញ)៖ សហព័ន្ធកីឡាវាយកូនបាល់កម្ពុជា ក្រោមការឧបត្ថម្ភគាំទ្រពីក្រសួងអប់រំ​យុវជន និងកីឡា បាននាំយកគ្រូឧទ្ទេស​ ដែលជាមន្រ្តីសហព័ន្ធកីឡាវាយកូនបាល់​អន្តរជាតិ ITFមកបណ្តុះបណ្តាលដល់គ្រូៗ និងកីឡាករវាយកូនបាល់រយៈពេល៣ថ្ងៃ ចាប់ពីថ្ងៃទី៣ដល់ទី៥ ខែ មិថុនា ឆ្នាំ២០២៤ សហព័ន្ធកីឡាវាយកូនបាល់ ក្នុងពហុកីឡដ្ឋានជាតិ។ លោក កាន់ ណាំវ៉ា គ្រូឧទ្ទេសកីឡាវាយកូនបាល់ITF បានឱ្យដឹងថា វគ្គបណ្តុះ​បណ្តាលនេះ គឺសម្រាប់អាជ្ញាកណ្តាលមានសារៈសំខាន់ណាស់ ព្រោះក្នុងវគ្គនេះ​បានបង្ហាត់ជំនាញអាជ្ញាកណ្តាល និងអាជ្ញាកណ្តាលធំស្តីអំពីច្បាប់ប្រើប្រាស់នៅក្នុង​ការប្រកួតកម្រិតអន្តរជាតិ។ សិក្ខាកាមដែលជាគ្រូបង្វឹកឆ្លងកាត់វគ្គនេះ ពួកគេអាចនាំយកចំណេះដឹងទៅអនុវត្តបាននៅក្នុងការប្រកួតកម្រិតអន្តរជាតិបានដូចជាការប្រកួតកម្រិតអន្តរជាតិក្មេងៗ ពិសេស គឺព្រឹត្តិការណ៍DAVIS CUP គ្រុបទី៤ ដែលកម្ពុជាទទួលធ្វើជាម្ចាស់ផ្ទះ នាខែ កក្តដា ឆ្នាំ២០២៤ខាងមុនេះ។ មិន​ត្រឹម​​តែប៉ុណ្ណោះទេ វគ្គនេះ គឺជួយឱ្យគ្រូៗដែលជាសិក្ខាកាមអាចបោះជំហ៊ានឈាន​ជើង​ចូលរួម​បានសម្រាប់ការប្រកួតកម្រិតអន្តរជាតិនានា ដែលរៀបចំនៅក្នុងតំបន់​អាស៊ី​អាគ្នេយ៍។ គ្រូបង្វឹកកីឡាវាយកូនបាល់មកពីខេត្តសៀមរាប លោក ដាន់ វ៉ាន់ ដែលជាសិក្ខាកាម បានថ្លែងលើកឡើងថា វគ្គបណ្តុះបណ្តាលនេះ គឺល្អខ្លាំងណាស់សម្រាប់គ្រូបង្វឹក ព្រោះវគ្គនេះ មិនមែនបណ្តុះបណ្តាលតែចំណេះដឹងអាជ្ញាកណ្តាលតែមួយមុខនោះទេ ពោ​ល វគ្គនេះ គឺបានបង្រៀនមានទាំងច្បាប់របស់កីឡាវាយកូនបាល់ និង​ចំណេះ​ដឹងពាក់ព័ន្ធការបង្ហាត់បង្រៀនផងដែរ។ដូច្នោះហើយ ឆ្លងកាត់វគ្គនេះ ខ្ញុំអាចនាំយក​ទៅចែករំលែកដល់សិស្សដែលជាកីឡាករកីឡាការិនីនៅខេត្តសៀមរាប។ សូមបញ្ជាក់ថា វគ្គបណ្តុះបណ្តាលអាជ្ញាកណ្តាល…

(ភ្នំពេញ)៖ ឯកឧត្តម ជាម សុភា អគ្គលេខាធិការ សហព័ន្ធកីឡាវាយសីកម្ពុជា តំណាង ឯកឧត្តម លី កុសល រដ្ឋលេខាធិការក្រសួងការពារជាតិ ប្រធានសហព័ន្ធកីឡាវាយសីកម្ពុជា បានថ្លែងថា ក្លឹបកីឡាវាយសីTR HOPE ដែលមានមូលស្ថានស្ថិតនៅ ខេត្តព្រះសីហនុ បានកំពុងដើរតួនាទីបានយ៉ាងល្អក្នុងការបណ្តុះបណ្តាលផលិតធនធានបន្តវេនដ៏មានសក្កានុពលសម្រាប់អនាគត។ ការថ្លែងលើកឡើងរបស់អគ្គលេខាធិការ សហព័ន្ធកីឡាវាយសីរូបនេះ ក្រោយពិធីបិទការប្រកួតកីឡាវាយសីដណ្តើមពានរង្វាន់TR HOPE ឆ្នាំ២០២៤ ។ អគ្គលេខាធិការ យល់ឃើញថា ក្លឹបកីឡាវាយសី TR HOPE កំពុងក្លាយជាគំរូល្អ និងដើរមុនគេលើគំរោងអភិវឌ្ឍធនធានបន្តវេន ដោយមានការបណ្តុះបណ្តាលកីឡាករកីឡាការិនីវាយសីវ័យក្មេងៗមិនគិតថវិកា និងបានផ្តល់ឱកាសឱ្យពួកគាត់បានប្រកួតប្រជែងបញ្ចេញសមត្ថភាពបន្ទាប់ពីហ្វឹកហាត់ជាប្រចាំជាមួយក្លឹប។ចំណុចទាំងអស់នេះហើយ ជាការរួមចំណែកធ្វើឱ្យធនធានវាយសីមានការកើនឡើង និងមានសក្កានុពល ព្រោះបានទាក់ទាញឱ្យពួកគេចង់ហ្វឹកហាត់និងកសាងសមត្ថភាពបោះជំហានក្លាយជាកីឡាវាយសីអាជីព ។ ជាក់ស្តែងដូចជាការប្រកួតនាពេលនេះ ការប្រកួតមានលក្ខណៈទ្រង់ទ្រាយធំនិងស្តង់ដាអន្តរជាតិមានបណ្តាក្លឹបទូទាំងប្រទេសជាច្រើនមកចូលរួមក្នុងនោះក៏មានក្លឹមវាយសីមកពីអន្តរជាតិចូលរួមចំនួន៣ប្រទេសមានម៉ាឡេស៊ី ឥណ្តូនេស៊ី និងប្រទេសថៃផងដែរ។ធ្វើឱ្យការប្រកួតប្រជែងមានកម្រិតខ្ពស់បានធ្វើឱ្យកីឡាករកីឡាការិនីចាត់ការប្រកួតនេះដូចការប្រកួតនៅក្រៅប្រទេសដែរ ។ទាមទាអ្នកមានសមត្ថភាពខ្លាំងទើបឈានដល់ការទទួលជ័យជំនះដណ្តើមបានពានរង្វាន់ជូនក្លឹបបាន។ ឯកឧត្តម អគ្គលេខាធិការ បានទទូចឱ្យបណ្តាក្លឹបកីឡាវាយសីផ្សេងៗទៀត ងាកមកយកគំរូ និងដើរតាមលំនាំក្លឹបកីឡាវាយសីTR HOPE ដើម្បីរួមគ្នាបង្កើតធនធានកីឡាវាយសីបន្តវេនពោពេញដោយសក្កានុពល ដើម្បីផលិតធនធានល្អៗជូនសហព័ន្ធត្រៀមប្រកួតប្រជែងដណ្តើមយកជ័យជំនះមកជូនជាតិពីការប្រកួតនៅលើឆាកអន្តរជាតិ។ គួរឱ្យដឹងដែរថា ការប្រកួតកីឡាវាយសីពានរង្វាន់TR HOPE ប្រចាំឆ្នាំ២០២៤នេះ ដំណើរការរយៈពេល២ថ្ងៃ…