(ភ្នំពេញ)៖ ឯកឧត្តម ជា បូរ៉ា រដ្ឋមន្ត្រីប្រតិភូអមនាយករដ្ឋមន្ត្រី និងជាអគ្គលេខាធិការ សហព័ន្ធកីឡាវាយកូនគោលកម្ពុជាមានប្រសាសន៍ថា ការបណ្តុះបណ្តាលកីឡាករកីឡា ការិនី ថ្នាល ជាគោលបំណងចម្បងរបស់សហព័ន្ធកីឡាវាយកូនគោលកម្ពុជា គឺមានគោល ដៅច្បាស់លាស់ ក្នុងការស្វែងរកធនធានកីឡាករ កីឡាការិនីវ័យក្មេងៗដែលល្អៗ ចេញពី ថ្នាលយុវជនឱ្យក្លាយជាកីឡាករ កីឡាការិនីវាយកូនគោលកម្រិតអាជីព ដើម្បីត្រៀមឆ្ពោះ ទៅ ទទួលរៀបចំធ្វើម្ចាស់ផ្ទះ ការប្រកួតកីឡាយុវជនអាស៊ី (Asian Youth Games) លើកទី៥ នាឆ្នាំ២០២៩។ នេះជាការគូសបញ្ជាក់របស់ឯកឧត្តម នៅក្នុងឱកាសអញ្ជើញចុះពិនិត្យវឌ្ឍនភាពនៃការហ្វឹក ហាត់ របស់យុវជន និងកុមារថ្នាល នៅទីលានហ្វឹកហាត់កីឡាវាយកូនគោល The K Ground ស្ថិតនៅខណ្ឌឫស្សីកែវ រាជធានីភ្នំពេញ នៅថ្ងៃទី០៧ ខែមេសា ឆ្នាំ២០២៤ ដោយមានការចូលរួមគាំទ្រលើកទឹកចិត្តពីអាណាព្យាបាលផងដែរ។ ឯកឧត្តម អះអាងថា កាលពីពេលមុនៗ យើងជ្រើសរើសកីឡាករ ដែលហ្វឹកហាត់ខ្លួនឯង ដែលល្អៗយកមកបំប៉នបច្ចេកទេសន្ថែមចូលរួមក្នុងក្រុមជម្រើសជាតិកម្ពុជា។ ប៉ុន្តែឥឡូវនេះ ជាគោលបំណងធំរបស់យើងតែម្តង គឺជ្រើសរើសចេញពីថ្នាលយុវជន ដើម្បីបណ្តុះបណ្តាលពួកគាត់ឱ្យក្លាយជាកីឡាករអាជីព នាថ្ងៃខាងមុខ។ ក្នុងដំណើរត្រៀមឆ្ពោះទៅរកគោលដៅធ្វើម្ចាស់ផ្ទះ កីឡាយុវជនអាស៊ី…

(ភ្នំពេញ)៖ ការប្រកួតកីឡាវាយសីជ្រើសរើសជើងឯកថ្នាក់ជាតិឆ្នាំ២០២៤ ដែលរៀបចំឡើង ក្រសួងអប់រំយុវជននិងកីឡាក្រោមកិច្ចសហការជាមួយសហព័ន្ធកីឡាវាយសីកម្ពុជា បានដំណើរការប្រកួតជាផ្លូវការ នាព្រឹកថ្ងៃទី០៤ ខែ មេសា ឆ្នាំ២០២៤ ដោយមានមន្ទីរអប់រំរាជធានីខេត្តចូលរួមចំនួន ១០ សរុបកីឡាករកីឡាការិនីចំនួន ៨៤នាក់ ។ ឧត្តម សេនីយ៍ទោ ជាម សុភា អគ្គលេខាធិការសហព័ន្ធកីឡាវាយសីកម្ពុជា បានគូសបញ្ជាក់ថា នេះជាឆ្នាំទី៣ហើយនៃដំណើរការប្រកួតកីឡាសិស្សបឋមសិក្សាជ្រើសរើលជើងឯកថ្នាក់ជាតិ ដែលការប្រកួតនេះ បានរួមចំណែកយ៉ាងច្រើនក្នុងការផលិតនូវធនធានវ័យក្មេងសម្រាប់សហព័ន្ធកីឡាវាយសីយកមកបណ្តុះបណ្តាលក្នុងដំណើរឆ្ពោះទៅត្រៀមព្រឹត្តិការណ៍អន្តរជាតិនានា។ អគ្គលេខាធិការ សហព័ន្ធខាងលើ បានពន្យល់ទៀតថា កីឡាករកីឡាការិនីដែលជ្រើសរើសចេញពីការប្រកួតសិស្សបឋមពីរលើកកន្លងមក ពួកគេគឺបានបណ្តុះបណ្តាលក្លាយជាកីឡាករកីឡាការិនីល្អៗត្រៀមសម្រាប់ការប្រកួតអន្តរជាតិនានា ដោយផុតអាយុក្នុងការប្រកួតយុវជនអាស៊ីហើយ តែដោយឡែក សម្រាប់សិស្សបឋមឆ្នាំ២០២៤នេះ កីឡាករកីឡាការិនីដែលមានសមត្ថភាពនិងទេពកោសល្យពួកគេមានឱកាសច្រើនក្លាយជាកីឡាករថ្នាលរបស់សហព័ន្ធហ្វឹកហាត់អភិវឌ្ឍសមត្ថភាពត្រៀមចូលរួមកីឡាយុវជនអាស៊ីក្នុងឆ្នាំ២០២៩ ដែលកម្ពុជាទទួលធ្វើជាម្ចាស់ផ្ទះ។ អគ្គលេខាធិការរូបនេះ បានបន្ថែមទៀតថា ចាប់តាំងពីកីឡាវាយសីបានដាក់បញ្ចូលទៅក្នុងសាលារៀន សង្កេតឃើញថា ការចូលរួមប្រកួតប្រជែងក្នុងការប្រកួតកីឡាវាយសីសិស្សបឋមសិក្សាជ្រើសរើសជើងឯកថ្នាក់ជាតិ មានមន្ទីរអប់រំយុវនិងកីឡា រាជធានីខេត្តចូលរួមផុសផុលច្រើន។ សូមបញ្ជាក់ថា ការប្រកួតកីឡាសិស្សបឋមសិក្សាជ្រើសរើសជើងឯកថ្នាក់ជាតិ ឆ្នាំ២០២៤នេះ នឹងបញ្ចប់ជាផ្លូវការនៅថ្ងៃទី៨ ខែ មេសា ឆ្នាំ២០២៤ ។ ដោយឡែកសម្រាប់ប្រភេទកីឡាវាយសីនឹងបញ្ចប់ការប្រកួតរបស់ខ្លួននៅថ្ងៃទី៦ ខែ មេសា ឆ្នាំ២០២៤៕ រូបភាព និងអត្ថបទ៖ជាវ ចន្ធូ

(ភ្នំពេញ)៖ សមាភាពកីឡាករកីឡាការិនីកីឡាទូក ដែលឆ្លងកាត់ការធ្វើតេស យ៉ាងយក ចិត្ត ទុកដាក់ ក្រោមអនុសាសន៍ណែនាំពីឯកឧត្តម អភិសន្តិបណ្ឌិត ស សុខា ប្រធានសហព័ន្ធ កីឡា ទូកកានូនិងរ៉ូអ៊ីងកម្ពុជា បានប្រកាសជាផ្លូវការ គឺមានបេក្ខភាព ២៦រូប បានជាប់ ជា ជម្រើស ជាតិទូកហ្វឹកហាត់ត្រៀមការប្រកួតលក្ខណៈអន្តរជាតិ លើប្រភេទកីឡាទូកនាគ ទូក កានូ ទូកកាយ៉ាក់ និងទូករ៉ូអ៊ីង។ លោក គង់ សុភាព អគ្គលេខាធិការរង សហព័ន្ធកីឡាទូកកានូ និងរ៉ូអ៊ីងកម្ពុជា បានឲ្យដឹងថា កីឡាករកីឡាការិនីជម្រើសជាតិ ២៦រូប ដែលបានប្រកាសជាផ្លូវការ បន្ទាប់ពីធ្វើតេសសម្រិត សម្រាំង តាមការណែនាំរបស់ថ្នាក់ដឹកនាំ នឹង ធ្វើការប្រមូលផ្តុំហ្វឹកហាត់ចាប់ពីថ្ងៃទី២២ ខែ មេសា ដល់ថ្ងៃទី១៥ ខែវិច្ឆិកា ឆ្នាំ២០២៤។ លោក គង់ សុភាព បានគូសបញ្ជាក់ថា ការហ្វឹកហាត់របស់ក្រុមជម្រើសជាតិទូក ក្រោមការ ឧបត្ថម្ភពីក្រសួងអប់រំយុវជននិងកីឡានេះ នឹងធ្វើការហ្វឹកហាត់នៅទីរួមខេត្តស្វាយរៀង នៃទី លានទន្លេវៃគោដែលជាទីលានថ្មីរបស់សហព័ន្ធកីឡាទូកកានូ…

(ភ្នំពេញ)៖ ក្លិបបាល់ទាត់វ័យចាស់ប៉េងហ៊ួត ដឹកនាំដោយ ឯកឧត្តម ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរស៊ីវិល ជាប្រធានក្លិប បានបង្កើតប្រកួតបាល់ទាត់រដូវកាលថ្មី ដើម្បីអបអរសាទរពិធីបុណ្យចូលឆ្នាំថ្មីប្រពៃណីជាតិ នាព្រឹកថ្ងៃទី៣១ ខែ មីនា ឆ្នាំ២០២៤ នៅទីលានបាល់ទាត់ បុរីប៉េងហ៊ួត បឹងស្នោ ខណ្ឌ ច្បារអំពៅ រាជធានីភ្នំពេញ ។ ក្នុងជំនួបបើករដូវកាលថ្មីនៃក្រុមបាល់ទាត់វ័យចាស់ប៉េងហ៊ួត ដែលមានកីឡាករបាល់ទាត់វ័យចាស់ចាប់ពី១៩៦០.១៩៧០.និង១៩៨០នេះ។ ការប្រកួតបានបែងចែកជាពីរក្រុម គឺក្រុមឯកសណ្ឋានព័ណ៌ស្វាយ និងក្រុមឯកសណ្ឋានព័ណ៌ប្រផេះ ។ ជាលទ្ធផលការប្រកួត៩០នាទីបញ្ចប់ដោយគ្រប់បាល់ ៥ទល់២ ក្រុមវ័យចាស់ឯកសណ្ឋានព័ណ៌ស្វាយជាក្រុមដែលទទួលបានជ័យជម្នះ។ លោក សោម សារ៉ន អតីតកីឡាករបាល់ទាត់ក្រុមជម្រើសជាតិ ជាសមាជិកក្លិបបាល់ទាត់វ័យចាស់ប៉េងហ៊ួតអាយុ៧២ឆ្នាំ បានគូសបញ្ជាក់ថា ការប្រកួតបាល់ទាត់ដែលធ្វើឡើងនៅថ្ងៃទី៣១ ខែមីនា ឆ្នាំ២០២៤ គឺជាគំនិតផ្តួចផ្តើម របស់ឯកឧត្តម ម៉ៅ ហាវណ្ណាល់ ដែលជាប្រធានក្លិប ដើម្បីបើករដូវកាលថ្មី និងដើម្បីអបអរសាទរពិធីបុណ្យចូលឆ្នាំថ្មីប្រពៃណីជាតិខ្មែររបស់យើង។ អតីតកីឡាករជម្រើសជាតិបាល់ទាល់រូបនេះ បានអះអាងថា ការបង្កើតព្រឹត្តិការណ៍បាល់ទាត់វ័យចាស់នេះឡើង បានបង្កលក្ខណៈឲ្យអតីតកីឡាករបាល់ទាត់ចាស់ៗបានជួបជុំគ្នា លេងកីឡាបាល់ទាត់លឹកអនុស្សារវីយ៍ ហើយ វាក៏បានចូលរួមលើកកម្ពស់ដល់សុខភាពផងដែរ ។ គួររំលឹកថា…

(ភ្នំពេញ)៖ លោក ជិន សំអន គ្រូបង្រៀននៃវិទ្យាស្ថានជាតិអប់រំកាយ និងកីឡា និងជាគ្រូ ឧទ្ទេសទទួលបានបទពិសោធន៍ពីប្រទេសជប៉ុន តាមរយៈអង្គការក្រៅរដ្ឋាភិបាល បេះដូង មាស ដែលជាវាគ្មិន ធ្វើបទបង្ហាញក្នុងសិក្ខាសាលា វគ្គបំប៉នគ្រូឧទ្ទេស បានលើកឡើងថា វគ្គបំប៉នគ្រូឧទ្ទេសដែលបានរៀបចំដោយ អង្គការ ក្រៅរដ្ឋាភិបាលបេះដូងមាសនេះ ពិតជា មានសារៈសំខាន់ខ្លាំងណាស់ ដែលនឹងជួយពង្រឹង សមត្ថភាពដល់ការស្រាវជ្រាវរបស់ លោកគ្រូអ្នកគ្រូនៃវិទ្យាស្ថានជាតិអប់រំកាយ និងកីឡា ។ លោកបានបន្ដថា លោកគ្រូ អ្នកគ្រូ ដែលជាសិក្ខាកាមទាំងអស់ក្នុងអាជីពជាគ្រូបង្រៀនការ ស្រាវជ្រាវសម្រាប់ពួកគាត់មានភាពចាំបាច់ខ្លាំងណាស់ ព្រោះវាជាការពង្រឹងសមត្ថភាព ដើម្បីបង្កើនចំណេះដឹងលោកគ្រូអ្នកគ្រូ សម្រាប់ចែករំលែកទៅកាន់គរុនិស្សិត ដែលនឹង ក្លាយជាគ្រូអប់រំនៅទូទាំងប្រទេស ។ ដូច្នោះហើយ ការបំប៉នចំណេះដឹងលើការ ស្រាវជ្រាវ សម្រាប់គ្រូៗ នៅវិទ្យាស្ថានជាតិអប់រំកាយ និងកីឡានេះ គឺបានជួយលើកកម្ពស់វិស័យ អប់រំ កាយ នៅកម្ពុជាកាន់តែខ្លាំងក្លា។ លោក នីស៊ីយ៉ាម៉ា ណាអូគិ អគ្គលេខាធិការអង្គការក្រៅរដ្ឋាភិបាលបេះដូងមាសប្រចាំ ប្រទេស ជប៉ុន បានគូសបញ្ជាក់ថា សិក្ខាសាលារយៈពេលមួយថ្ងៃពេញនេះ វាគឺជាផ្នែកមួយ…