(ភ្នំពេញ)៖ ក្រសួងអប់រំ យុវជន និងកីឡា បានរៀបចំសន្និសីទសារព័ត៌មានប្រកាសពីការរៀបចំការប្រកួតកីឡាសិស្សបឋមសិក្សាថ្នាក់ជាតិ ឆ្នាំ២០២៣ ដោយមាន ១០ប្រភេទកីឡាស្មើនឹង៥១វិញ្ញាសា ក្នុងនោះបង្កើន២ប្រភេទកីឡា ។ ឯកឧត្តម សុខ សប្បាយណា អនុរដ្ឋលេខាធិការ ក្រសួងអប់រំបានបង្ហាញគោលបំណងចម្បងៗចំនួន៤ រួមមាន៖ ១-បំផុសសកម្មភាពអប់រំកាយ និងកីឡា ក្នុងគ្រឹះស្ថានសិក្សា នៅតាមរាជធានី ខេត្ត។ ២-ជួយឲ្យសិស្សានុសិស្សមានសុខុមាលភាពល្អ កាយសម្បទាមាំមួន ឆន្ទៈមោះមុត អំណត់ព្យាយាម វិន័យ ស្មារតីក្រុម គំនិតច្នៃប្រឌិត និងតស៊ូស្វិតស្វាញសំដៅដណ្ដើមបានលទ្ធផលល្អប្រសើរលើការប្រកួត ទទួលបានលទ្ធផលការសិក្សាល្អ និងជីវភាពរស់នៅសុខដុមរមនា។ ៣-លើកទឹកចិត្តដល់អ្នកលេងកីឡា និងអ្នកដែលមានឧបនិស្ស័យ ដើម្បីជ្រើសរើសបានជាកីឡាករ កីឡាកាវិនីថ្នាលល្អៗចូលក្នុងក្រុមជម្រើសជាតិ ចូលរួមក្នុងការហ្វឹកហាត់ត្រៀមលក្ខណៈចូលរួមការ ប្រកួតនៅលើឆាកជាតិ និងអន្តរជាតិនានា។ ៤-បង្កលក្ខណៈឲ្យសិស្សជួបជុំគ្នា ស្គាល់គ្នា ចងមិត្តភាព សាមគ្គីភាព ដើម្បីចេះរួមរស់ជាមួយគ្នានៅក្នុង សង្គមជៀសឆ្ងាយពីគ្រឿងញៀន ព្រមទាំងអំពើអបាយមុខផ្សេងៗ។ លោក ហួត សេងទ្រី ប្រធាននាយកដ្ឋានគ្រប់គ្រង និងរៀបចំព្រឹត្តិការណ៍កីឡាបញ្ជាក់ថា ព្រឹត្តិការណ៍នេះត្រូវបានក្រសួងធ្វើកំណែទម្រង់ទៅជាការប្រកួតទម្រង់ហ្គេម ៣លើកមកហើយ ដើម្បីពង្រឹងគុណភាព និងការរៀបចំឲ្យកាន់ល្អប្រសើរបន្ថែមទៀត សម្រាប់បណ្តុះធនធានមនុស្ស…

កែប៖ ពិធីបើកទិវាកីឡាអាស៊ាន(ASEAN Sports Day) ប្រចាំឆ្នាំ២០២៣ ត្រូវបានរៀបចំឡើងនៅឆ្នេរលេងទឹកខេត្តកែប នាព្រឹកថ្ងៃទី៨ ខែសីហា ឆ្នាំ២០២៣នេះ ក្រោមអធិបតីភាពឯកឧត្តមបណ្ឌិត សោម ពិសិដ្ឋ អភិបាលខេត្តកែប និងលោកជំទាវ ឯកឧត្តម ប៊ូ ជុំសេរី អនុវដ្ឋលេខាធិការនៃក្រសួងអប់រំ យុវជន និងកីឡា រួមទាំងគណៈប្រតិភូកីឡាជាច្រើនរួមទៀត។ ថ្លែងនាឱកាសនោះ ឯកឧត្តម ប៊ូ ជុំសេរី អនុវដ្ឋលេខាធិការនៃក្រសួងអប់រំ យុវជន និងកីឡា មានប្រសាសន៍ថា ទិវាកីឡាអាស៊ាន (ASEAN Sports Day) ប្រចាំឆ្នាំ២០២៣នេះរៀបចំធ្វើឡើង ស្របតាមផែនការ៥ឆ្នាំរបស់បណ្តាប្រទេសជាសមាជិកអាស៊ាន ដើម្បីគាំទ្រយុទ្ធនាការចលនា “ប្រជាជនម្នាក់លេងកីឡាមួយប្រភេទយ៉ាងតិចប្រចាំជីវិត”លើប្រភេទកីឡាជិះកង់ចម្ងាយ ១៥គីឡូម៉ែត្រ រត់ចម្ងាយ ៥គីឡូម៉ែត្រ និងហាត់ប្រាណតាមចង្វាក់ភ្លេង ដែលមានអ្នកចូលរួមប្រមាណ ១,២៩៤នាក់ ក្រោមកិច្ចសហការរៀបចំដោយរដ្ឋបាលខេត្ត និងក្រសួងអប់រំ យុវជន និងកីឡា ដែល មានអគ្គនាយកដ្ឋានកីឡាជាសេនាធិការនាពេលនេះ។ ឯកឧត្តមបន្តថា ក្នុងឆ្នាំនេះយើងសម្រេចយកខេត្តកែប រៀបចំនូវពិធីនេះក្នុងចំណោមខេត្តទេសចរណ៍ដទៃៗទៀត ក្នុងគោលបំណងជំរុញការងារបច្ចេកទេសកីឡាមួយផ្នែក ហើយមួយផ្នែកទៀតដើម្បីចូលរួមចំណែកក្នុងការអភិវឌ្ឍន៍វិស័យទេសចរណ៍ក្នុងខេត្ត ដើម្បីធ្វើយ៉ាងណាអោយខេត្ត…

(ខេត្តសៀមរាប)៖ នៅព្រឹកថ្ងៃទី០៦ ខែសីហា ឆ្នាំ២០២៣នេះ នៅ មុខប្រាសាទអង្គរវត្ត គណ:កម្មាធិការជាតិអូឡាំពិកកម្ពុជា បានរៀបចំការរត់ប្រណាំងម៉ារ៉ាតុង ដែលមានអត្តពលិកជាតិ និងអន្តរជាតិ ចំនួន ២,៥១១នាក់ មកពី៤៥ប្រទេស បានចូលរួម។ ក្នុងព្រឹត្តិការណ៍កីឡាទេសចរណ៍ ម៉ារ៉ាតុងចក្រភពខ្មែរលើកទី៨ នៅក្នុងតំបន់រមណីយដ្ឋានអង្គរ ដែលរៀបចំដោយក្រសួងទេសចរណ៍ សហការជាមួយគណ:កម្មាធិការជាតិអូឡាំពិកកម្ពុជា និងអាជ្ញាធរខេត្តសៀមរាប ។ អញ្ជើញបើកព្រឹត្តិការណ៍នាពេលនោះ ឯកឧត្តម បណ្ឌិត ថោង ខុន រដ្ឋមន្ត្រីក្រសួងទេសចរណ៍ និងជាប្រធានគណ:កម្មាធិការជាតិអូឡាំពិកកម្ពុជា លើកឡើងថា ព្រឹត្តិការណ៍ម៉ារ៉ាតុងចក្រភពខ្មែរលើកទី៨នេះ ជាព្រឹត្តិការណ៍កីឡា ដំបូងបន្ទាប់ពីកីឡាស៊ីហ្គេម ដែលកម្ពុជាទើបតែទទួលធ្វើជាម្ចាស់ផ្ទះ ហើយ ក៏បន្ទាប់ពីការបោះឆ្នោតថ្នាក់ជាតិនីតិកាលទី៧ផងដែរ។ ទាំងនេះ បានបង្ហាញឱ្យឃើញថា ប្រទេសកម្ពុជាមានសុខសន្តិភាព និងស្ថិរភាព តាមរយ:ការចូលរួមយ៉ាងសប្បាយរីករាយរបស់ប្រជាពលរដ្ឋ និងភ្ញៀវទេសចរអន្តរជាតិ ក្នុងព្រឹត្តិការណ៍កីឡាទេសចរណ៍នេះ។ ឯកឧត្តមបណ្ឌិត ថោង ខុន មានប្រសាសន៍ថា កីឡានៅមកនូវសន្តិភាព សាមគ្គីភាពដល់ប្រជាជាតិ លើពិភពលោកទាំងមូល ជាពិសេសប្រទេសកម្ពុជា។ ឯកឧត្តមរដ្ឋមន្ត្រី លើកឡើង ការរៀបចំព្រឹត្តិការណ៍ម៉ារ៉ាតុងចក្រភពខ្មែរនៅឆ្នាំ២០២៣នេះ នឹងជំរុញដល់ការធ្វើពិធីកម្មកីឡាទេសចរណ៍ដទៃទៀត ដើម្បីទាក់ទាញភ្ញៀវទេសចរមកកាន់ប្រទេសកម្ពុជា…

(ភ្នំពេញ)៖ ការប្រកួតកីឡាទូកប្រពៃណីខ្នាតអន្តរជាតិជ្រើសរើសជើងឯកថ្នាក់ជាតិ ពានរង្វាន់សម្តេចក្រឡាហោម ស ខេង លើកទី១០ឆ្នាំ២០២៣ ដែលគ្រោងរៀបចំនៅថ្ងៃទី១០ ដល់១២ ខែ សីហា ឆ្នាំ២០២៣ នៅក្នុងក្រុងបាត់ដំបង ខេត្តបាត់បង បានលើកពេលទៅប្រកួតចាប់ពីទី២៩ ដល់៣១ ខែ ធ្នូ ឆ្នាំ២០២៣វិញ។ នេះបើយោងតាមការបញ្ជាក់ប្រាប់ពីសំណាក់ ឯកឧត្តម បណ្ឌិត មាស សារិន អនុប្រធានអចិន្រៃ្តយ៍ សហព័ន្ធកីឡាទូកកានូ និងរ៉ូអ៊ីងកម្ពុជា បន្ទាប់ពីបញ្ចប់កិច្ចប្រជុំរវាង សហព័ន្ធនិងរដ្ឋបាលខេត្តបាត់ដំបង កាលពីពេលថ្មីៗនេះ។ ឯកឧត្តម បណ្ឌិត មាស សារិន បានបញ្ជាក់ថា មូលហេតុដែលយើងសម្រេចពន្យាពេលប្រកួត លើកទៅកាន់ ចុងខែធ្នូ ឆ្នាំ២០២៣ ដោយសារតែខែសីហានេះ រដ្ឋបាលខេត្តបាត់ដំបងកំពុងដំណើរការជួសជុលហេដ្ឋារចនាសម្ព័ន្ធតាមបណ្តោយដងស្ទឹងសង្កែ និងជួសជុលប្រព័ន្ធលូរំដោះទឹកស្អុយពុំទាន់រួចរាល់ ហេតុនេះហើយ រដ្ឋបាលខេត្តបាត់ដំបងស្នើសុំពន្យាពេលក្នុងការរៀបចំព្រឹត្តិការណ៍ប្រកួតខាងលើ។ ដោយវគ្គបណ្តុះបណ្តាលគ្រូបង្វឹកថ្នាក់ជាតិគ្រោងរៀបចំចាប់ពីថ្ងៃទី៤ ដល់ ៩ ខែសីហា លើកទៅរៀបចំធ្វើចាប់ពីថ្ងៃទី២៣ដល់ថ្ងៃទី២៨ ខែធ្នូ និងការប្រកួតដែលគ្រោងរៀបចំពីថ្ងៃទី១០ ដល់១២ ខែ សីហា លើកទៅប្រកួតពីថ្ងៃទី២៩ដល់ថ្ងៃទី៣១ ខែធ្នូ…

(ភ្នំពេញ)៖ កញ្ញា ចក់ នុត គ្រូបង្វឹកកីឡាបាល់ទាត់ស្រ្តីរបស់អង្គការផ្កាយសមុទ្រកម្ពុជា ត្រូវបាន Global Common Goal Community and Beyond អញ្ជើញទៅចូលរួមក្នុងកម្មវិធី Festival23 នៅ FIFA Women’s World Cup 2023 នៅទីក្រុងស៊ីដនី ប្រទេសអូស្ត្រាលី។ ថ្លែងក្នុងប្រាប់អ្នកព័ត៌មាន នាឱកាសជូនដំណើរ លោក យ៉ិន សាមឌី ប្រធានកម្មវិធីបាល់ទាត់អង្គការផ្កាយសមុទ្របានបញ្ជាក់ថា កញ្ញា ចក់ នុត ត្រូវបានអញ្ជើញដោយ Global Common Goal Community and Beyond ដែលជាអង្គការដៃគូរបស់អង្គការផ្កាយសមុទ្រ បានផ្តល់ឱកាសឲ្យអង្គការជ្រើសរើសគ្រូបង្វឹកវ័យក្មេងដែលមានសមត្ថភាពផ្នែកបាល់ទាត់ចូលរួមក្នុងកម្មវិធី Festival23 នៅ FIFA Women’s World Cup 2023 នៅទីក្រុងស៊ីដនី ប្រទេសអូស្ត្រាលី ជាមួយគ្រូបង្វឹកវ័យក្មេងប្រមាណជា៦៥នាក់មកពី៣២ប្រទេសនៅលើពិភពលោក។ ប្រធានកម្មវិធីបាល់ទាត់អង្គការផ្កាយសមុទ្រ លោក យ៉ិន សាមឌី បានគូសបញ្ជាក់ថា…

កីឡាករគុនខ្មែរជើងចាស់ មឿន សុហូច រំពឹងថា ការប្តូរមកកាន់ក្លិបថ្មីនឹងធ្វើឲ្យកេរ្តិ៍ឈ្មោះល្បីដូចព្រុំ សំណាង។ កីឡាករគុនខ្មែរជើងចាស់ មឿន សុខហូច បានចាកចេញពីក្លិបនាយកដ្ឋានអង្គរក្ស ដោយប្តូរមកកាន់ក្លឹបថ្មី គឺក្លឹប ប្រដាល់មហិទ្ធិឬទ្ធមេសរថ្ងក គុនខ្មែរ ដែលជាក្លិបប្រដាល់គុនខ្មែរទើបតែបង្កើត ក្រោមចំណុះមជ្ឈមណ្ឌលកីឡាកងយោធពលខេមរៈភូមិន្ទ។ការផ្លាស់ប្តូរមកកាន់ទ្រនំថ្មីនេះ កីឡាករ មឿន សុខហួច អះអាងថា រូបគេកំពុងហ្វឹកហាត់បង្កើតសមភាព ដើម្បីត្រៀមឡើងសង្វៀនប៉ះកីឡាករជើងខ្លាំងថៃនៅថ្ងៃទី១៩ ខែ សីហា ឆ្នាំ២០២៣។ មឿន សុខហូច រំពឹងជឿជាក់ថា ក្លឹបថ្មីនេះនឹងជួយឲ្យកេរ្តិ៍ឈ្មោះរបស់គេ ដែលធ្លាប់តែល្បីសុះសាយកាលពីជាង៣ឆ្នាំមុននឹងត្រឡប់មកល្បីម្តងទៀតដូចកីឡាករគុនខ្មែរជើងចាស់ព្រុំ សំណាង ដែលជាកីឡាកររួមក្លិប ដ្បិត ការហ្វឹកហាត់ក្រោមការបង្ហាត់បង្ហាញដោយផ្ទាល់ពីលោក ប៉ឺត ខាំ អតីតកីឡាករគុនខ្មែរកំពូលស្នៀត។ កីឡាករគុនខ្មែរ មឿន សុខ ហូច មានដើមកំណើតចេញពីភូមិមហាលាភ ឃុំ ដើមរការ ស្រុកកោះសុទិន ខេត្ត កំពង់ចាម បានចូលប្រឡូកក្នុងអាជីពប្រដាល់គុនខ្មែរក្នុងឆ្នាំ២០០៤ ក្លិបដែលគេរួមរស់ដំបូងគឺក្លឹបCAMBOX ក្លឹបទី២ ក្លឹបប្រដាល់គុនខ្មែរពុទ្ធសិរីវង្ស ក្លឹបទី៣ ក្លិបនាយកដ្ឋានអង្គរក្ស និងក្លឹបថ្មីកំពុងបង្កើតការហ្វឹកហាត់ក្លឹបប្រដាល់មហិទ្ធិឬទ្ធមេសរថ្ងក គុនខ្មែរ៕អត្ថបទៈ…