ភ្នំពេញ ៖ ក្រោយការប្រកួតបាល់ទាត់ជាលក្ខណៈមិត្តភាពសប្បុរសធម៌ដើម្បីរៃអង្គាសថវិកាសម្រាប់ជួយដល់មន្ទីរពេទ្យគន្ធបុប្ផា ក្រោមការដឹកនាំដោយផ្ទាល់ពីសម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាក្រកម្ពុជា បានបញ្ចប់ដោយជោគជ័យ ជាមួយនឹងការគាំទ្រយ៉ាងផុលផុសពីមហាជន ប្រធានសហព័ន្ធប្រដាល់គុនខ្មែរ និងលោក សុផាឆៃ វិរៈភុជុង ប្រធានសមាគមកីឡាបាល់ទាត់កងយោធពលខេមរភូមិន្ទ (Tiffy Army FC) បានរៀបចំអាហារសាមគ្គីជូនក្រុមបាល់ទាត់គុនខ្មែរអលស្តារ និងក្រុមតារាកម្ពុជាកាលពីល្ងាចថ្ងៃទី២ ខែឧសភា ឆ្នាំ២០២៤ ។ក្នុងឱកាសនោះ ឯកឧត្ដម ខូវ ឆាយ ប្រធានសហព័ន្ធប្រដាល់គុនខ្មែរ បានសម្ដែងនូវក្តីសប្បាយរីករាយជាខ្លាំង ដែលការប្រកួតសប្បុរសធម៌កាលពីថ្ងៃទី១ ឧសភា ២០២៤ នេះមានការគាំទ្រច្រើនពីមហាជន និងមានការចូលរួមទស្សនារាប់ម៉ឺននាក់ ហើយថវិកាដែលប្រមូលបានគឺយកទៅជួយជួយដល់មន្ទីរពេទ្យគន្ធបុប្ផា សម្រាប់យកទៅសង្គ្រោះជីវិតកុមារកម្ពុជាបានរាប់ម៉ឺន រាប់លាននាក់បន្តទៀត និងជួយការងារសប្បុរសធម៌ផ្សេងទៀតផងដែរ ។ចំណែកលោក សុផាឆៃ វិរៈភុជុង ប្រធានសមាគមកីឡាបាល់ទាត់Tiffy Army FC បានថ្លែងថា លោករីករាយចំពោះការប្រកួតសប្បុរសធម៌ដែលដឹកនាំដោយផ្ទាល់ពីសំណាក់ សម្ដេចតេជោ ហ៊ុន សែន ប្រធានព្រឹទ្ធសភានៃព្រះរាជាណាក្រកម្ពុជា ។ នេះជាក្ដីស្រមៃរបស់លោកពីមុនមក គឺចង់ឲ្យមានការប្រកួតបែបសប្បុរសធម៌ទាំងនេះកើតឡើង ឥលូវនេះបានសម្រេចផងដែរ ។ ការប្រកួតនេះបានបណ្ដុះទឹកចិត្តដល់យុវជន និងប្រជាពលរដ្ឋឲ្យយល់ពីតម្លៃនៃជីវិត…

(ភ្នំពេញ)៖ ក្រុមកីឡាករជម្រើសជាតិម៉ូតូទឹកកម្ពុជា ចូលរួមប្រកួតក្នុងព្រឹត្តិការណ៍ TOYOTA-WGP#1 WATER JET PRO TOUR 2024 ជុំទី២ ដឹកនាំដោយវីរៈ កីឡាករ សាលី អ៊ូម៉ើត ចាប់ផ្ដើមពីថ្ងៃទី០៣ ដល់ ទី០៥ ខែឧសភា ឆ្នាំ២០២៤ នៅខេត្ត រ៉ាក់យ៉ង ប្រទេសថៃ ។ លោក ទីន ហូសេន គ្រូបង្វឹកបានឱ្យដឹងថា ក្រុមជម្រើសជាតិម៉ូតុទឹកកម្ពុជា បានទៅដល់ខេត្តរ៉ាក់យ៉ងហើយ ក្នុងនោះកីឡាករ សាលី អ៊ូម៉ើត ត្រូវប្រកួតលើវិញ្ញាសា Pro-Am Runabout 1100 Open កីឡាករ មីន មូស្តាន ប្រកួតលើ៣វិញ្ញាសា Pro- Am Ski Grand Prix , Expert Ski Modifies និងវិញ្ញាសាទី៣ Amateur Ski 1100 4…

(ភ្នំពេញ)៖ លោក ខេ ស៊ីបាណេត នាយកវិទ្យាស្ថានខេមអេដ ដែលជាគ្រឹះស្ថានឧត្តមសិក្សាត្រៀមបញ្ជូនកីឡាករកីឡាការិនីជាសិស្សិតចូលរួមក្នុងព្រឹត្តិការណ៍ការប្រកួតកីឡាឧត្តមសក្សានិងមធ្យមសិក្សាបច្ចេកទេសជ្រើសរើសជើងឯកថ្នាក់ជាតិឆ្នាំ២០២៤ ចាប់ដំណើរការជាផ្លូវការពីថ្ងៃទី១៨ដល់ថ្ងៃទី២៧ ខែ ឧសភា បានប្រកាសគាំទ្រទាំងស្រុងលើចំណាត់ការរបស់ក្រសួងអប់រំយុវជននិងកីឡា ដែលមិនអនុញ្ញាតកីឡាអាជីព និងសមាសភាពកីឡាករកីឡាការិនីជានិស្សិតដែលគ្មានប្រភពច្បាស់លាស់ចូលរួមក្នុងការប្រកួតកីឡាឧត្តមសិក្សានិងមធ្យមសិក្សាបច្ចេកទេសថ្នាក់ជាតិ។ លោកថា កាលណាការប្រកួតកីឡាឧត្តមសិក្សាមានកីឡាករកីឡាការិនីអាជីពចូលរួមប្រកួតប្រជែងជាមួយកីឡាករកីឡាការិនីជានិស្សិតដែលជាអ្នកកីឡាមិនមែនអាជីពនោះ ការប្រកួតប្រជែងមិនមានភាពសុក្រិតយុត្តិធម៌ឡើយ ហើយ ថែមទាំងធ្វើឱ្យនិស្សិតបាក់ទឹកចិត្តលែងចូលរួមប្រកួតប្រជែងសម្រាប់ការប្រកួតក្រោយៗទៀត។ នាយកវិទ្យាស្ថាន ខាងលើ បានគូសបញ្ជាក់ទៀតថា ការកំណត់លក្ខណ្ឌថ្មីរបស់ក្រសួងអប់រំយុវជន និងកីឡា ដែលមិនអនុញ្ញាតកីឡាករអាជីពចូលរួម ក្នុងការប្រកួតឧត្តមសិក្សានាពេលខាងមុខនេះ វានឹងជួយជំរុញលើកទឹកចិត្តឱ្យតាមបណ្តាសកលវិទ្យាល័យ និងវិទ្យាស្ថានដែលជាគ្រឹះស្ថានសិក្សាដាក់ពាក្យចូលរួមប្រកួតកាន់តែច្រើន ជាផ្នែកមួយបំផុសធ្វើឱ្យកីឡាក្នុងក្របខ័ណ្ឌនិស្សិតផុសផុលនិងអភិវឌ្ឍដូចបណ្តាលប្រទេសនៅក្នុងតំបន់ដែរ។ លោក ខេ ស៊ីបាណេត នាយកវិទ្យាខេមអេដ ដែលជាអ្នកសកម្មក្នុងការបញ្ជូននិស្សិតឱ្យចូលរួមការប្រកួតកីឡាឧត្តមសិក្សា បានគូសបញ្ជាក់បន្ថែមទៀតថា កីឡាគឺជាផ្នែកមួយដ៏សំខាន់ក្នុងការអប់រំ កីឡាបានបង្រៀនឱ្យនិស្សិតមានការប្រកួតប្រជែង មានបទពិសោធន៍ចេះធ្វើការជាក្រុម និងជួយឱ្យនិស្សិតចេះវាយតម្លៃអំពីខ្លួនឯង ដើម្បីឈានទៅជោគជ័នាពេលអនាគត។ ជាមួយគ្នានេះ លោក ខេ ស៊ី បាណេត បានអំពាវនាវឱ្យសកលវិទ្យាល័យ និងវិទ្យាស្ថានដាក់ពាក្យចូលរួមក្នុងការប្រកួតកីឡាឧត្តមសក្សានិងមធ្យមសិក្សាបច្ចេកទេសជ្រើសរើសជើងឯកថ្នាក់ជាតិឆ្នាំ២០២៤ដែលរៀបចំដោយក្រសួងអប់រំយុវជននិងកីឡាឱ្យបានច្រើន ដើម្បីផ្តល់ឱកាសឱ្យនិស្សិតបានចូលរួមប្រកួតប្រែងបញ្ចេញនូវសមត្ថភាពដែលជាឧបនិស្ស័យកីឡាដែលខ្លួនចូលចិត្ត។ គួរឱ្យដឹងដែរថា វិទ្យាស្ថានខេមអេដជាវិទ្យាស្ថានមួយដែលបង្កើតកីឡាបាល់ទាត់បាល់បោះជាស្រ្តីមុនគេ និងបច្ចុប្បន្នមានបណ្តុះមានកីឡាករកីឡាការិនីជានិស្សិតមានចំនួនជាង ១៥០នាក់ ៕ រូបភាព ៖ ជីម ភារ៉ាអត្ថបទ៖…

(ភ្នំពេញ)៖ លោក សរ ចាន់ដារ៉ា ជំនួយការគ្រូបង្វឹក កីឡាករជម្រើសជាតិ បានបញ្ជាក់ថា ការរៀបចំប្រកួតជារៀងរាល់៦សប្តាហ៍ម្តង សហព័ន្ធកម្ពុជាបង្ហាត់ជិះសេះ ផ្តោតលើគោលដៅធំ គឺចង់ពង្រឹងកីឡាជិះសេះនៅកម្ពុជាឲ្យឈានដល់ស្តង់ដាអន្តរជាតិមួយដែលគេទទួលស្គាល់ និងពង្រឹងសមត្ថភាពអត្តពលិក ដើម្បីត្រៀមការប្រកួតកម្រិតជាតិ និងអន្តរជាតិ រួមទាំងភ្ញៀវទេសចរណ៍ផងដែរ។ ការថ្លែងបញ្ជាក់ដូច្នេះធ្វើឡើងក្នុងបទសម្ភាសន៍ ក្រោយបញ្ចប់ការប្រកួតកីឡាជិះសេះ ទីលានកីឡាជិះសេះ Genius Resort កាលពីចុងសប្តាហ៍កន្លងទៅ។លោក សរ ចាន់ដារ៉ា បន្តថា សត្វសេះ ការរៀបចំប្រកួតជារៀងរាល់ ៦សប្តាហ៍ម្តងនេះ គឺផ្តោតលើគោលបំណងចម្បងសំខាន់ធំៗចំនួន២ ទី១-គឺវាស់ស្ទង់កម្រិតធនធានក្រុមកីឡាករជិះសេះរបស់សហព័ន្ធ និងទី២-ចូលរួមផ្សព្វផ្សាយកីឡាជិះសេះឲ្យដល់ប្រជាជនកាន់តែច្រើន។ ជាពិសេសរាល់ការប្រកួតសហព័ន្ធតែងតែអង្កេត និងស្វែងរកកីឡាករ-កីឡាការិនី ដែលមានសក្តានុពល និងមានចមណាប់អារម្មណ៍កីឡាជិះសេះ ត្រៀមហ្វឹកហាត់ឱ្យក្លាយជាធនធានល្អសម្រាប់សហព័ន្ធនាពេលអនាគត។ សូមរំឭកថា នេះជាលើកទី២ ក្នុងឆ្នាំ២០២៤ ដែលសហព័ន្ធកម្ពុជាបង្ហាត់ជិះសេះ បានរៀបចំការប្រកួត លើ២វិញ្ញាសារដាក់ឲ្យកីឡាករ-កីឡាការិនីប្រកួតប្រជែង គឺវិញ្ញាសា GYMKHANA និងវិញ្ញាសាSHOW JUMPING កម្រិត ៣០, ៥០-៦០, ៧០-៨០ និង១០០-១១០សង់ទីម៉ែត្រ។ គួរបញ្ជាក់ថា ការប្រកួតកីឡាជិះសេះ ផ្តោះរបង ឆ្នាំ២០២៤ សហព័ន្ធបង្ហាត់ជិះសេះកម្ពុជា…

(ភ្នំពេញ)៖ ឯកឧត្តម វ៉ាត់ ចំរើន រដ្ឋលេខាធិការ ក្រសួងអប់រំយុវជន និងកីឡា ជាអគ្គ លេខាធិការគណៈកម្មាធិការជាតិអូឡាំពិកកម្ពុជា បានថ្លែង ក្នុងពិធីបិទ គម្រោង សាមគ្គីអូឡាំពិក ស្តីពីការអភិវឌ្ឍប្រព័ន្ធកីឡាជាតិសម្រាប់កីឡាទោចក្រយាន នាល្ងាចថ្ងៃទី២៩ ខែ មេសា ឆ្នាំ២០២៤ថា ក្រោយពីបញ្ចប់ព្រឹត្តិការណ៍កីឡាស៊ីហ្គេម ដែលកម្ពុជាទទួលធ្វើជាម្ចាស់ផ្ទះ ផែនការអភិវឌ្ឍសហព័ន្ធកីឡាជាតិមានច្រើន ក្នុងនោះអ្វីដែលមានភាពចាំបាច់ជាងគេគឺការអភិវឌ្ឍធនធានមនុស្សក្នុងសហព័ន្ធកីឡាជាតិរបស់យើង។ពីព្រោះសហព័ន្ធកីឡាជាតិជាមូលរដ្ឋាននៃអភិវឌ្ឍជំនាញ។ ឯកឧត្តម រដ្ឋលេខាធិការ បានប្រសាសន៍ទៀតថា ចាប់ពីពេលនេះតទៅយើងគោរពតាម គោលការណ៍ កំណែ ទម្រង់របស់រាជរដ្ឋាភិបាលក៏ដូចជាក្រសួងអប់រំយុវជននិងកីឡា គណៈកម្មាធិការជាតិអូឡាំពិកកម្ពុជា ពង្រឹងសមត្ថភាពស្ថាប័ន គឺ សហព័ន្ធកីឡា ជាតិទាំងអស់ត្រូវតែធ្វើការពង្រឹងគុណភាព មានន័យថា សហព័ន្ធកីឡាជាតិត្រូវមាន ធនធានមនុស្សដែលមានវិជ្ជាជីវៈល្អយល់ដឹងពីជំនាញកីឡាច្បាស់លាស់ដើម្បីយើងឈានទៅរកការដឹកនាំកាន់តែមានកម្រិតបច្ចេកទេសខ្ពស់។ អញ្ចឹងវគ្គបណ្តុះបណ្តាលនេះ វាត្រូវនិងការចង់បានរបស់យើង ហើយអ្វីដែលយើងចង់បានគឺការវិឌ្ឍថ្មីៗជំនាញ កីឡាប្រណាំងកង់ ព្រោះនៅក្នុងការអភិវឌ្ឍកីឡាអន្តរជាតិមាននិន្នាការវិទ្យាសាស្រ្ត កីឡាកាន់តែរីកចំរើនឡើង និងកាន់តែផ្លាស់ប្តូរច្រើន ហើយបើយើងតាមមិនទាន់ទេ យើងមិនអាចប្រកួតប្រជែងជាមួយគេបានទេ។ អ៊ីចឹងការប្រកួតប្រជែងត្រូវទាមទាឱ្យយើងធ្វើទំនើបកម្មរៀងរាល់ពេល និងរៀង រាល់វេលាទើបអាចតាមគេទាន់។ ដូច្នោះ វគ្គបណ្តុះបណ្តាលនេះជាផ្នែកមួយជួយបង្កើន ចំណេះជំនាញដល់គ្រូៗយកទៅចែករំលែកទៅតាមក្លិបរាជធានីខេត្ត ដើម្បីផ្សព្វ ផ្សាយ និងបំផុសឱ្យមានកីឡាករកីឡាការិនីកាន់តែច្រើន…