(ភ្នំពេញ)៖ លោក George TAN នាយកបច្ចេកទេសអន្តរជាតិ ដែលជាជនជាតិម៉ាឡេស៊ីបានអញ្ជើញចុះមកត្រួតពិនិត្យមើលបច្ចេកទេសទីលានប្រកួត និងការហ្វឹកហាត់របស់អត្តពលិកមានពិការភាពកម្ពុជា ដើម្បីត្រៀមធ្វើម្ចាស់ផ្ទះការប្រកួតកីឡាប៉ារ៉ាប៊ូលីងជើងឯកកម្ពុជាលក្ខណៈបើកទូលាយ ឆ្នាំ២០២៤ (Cambodia Open Para Bowling Championships 2024)ដែលគ្រោងរៀបចំពីថ្ងៃទី២១-២៧ ខែមិថុនា ឆ្នាំ២០២៤ នៅទីលានប្រូប៊ូលស្ព័រ នៃខាលែនឌែលម៉ល (Probowl Bowling Centre, Khalande Mall) ស្ថិតនៅសង្កាត់បឹងកក់ ខណ្ឌទួលគោក រាជធានីភ្នំពេញ។ លោក ឆាយ កៀក អគ្គលេខាធិការ សហព័ន្ធកីឡាប៊ូលីងកម្ពុជា បានគូសបញ្ជាក់ នៅក្នុងឱកាសដែលនាយកបច្ចេកទេសចុះជួបសំណេះសំណាល និងត្រួតពិនិត្យបច្ចេកទេស កាលពីល្ងាចថ្ងៃទី១៦ ខែឧសភា ឆ្នាំ២០២៤ថា លោក George TAN បានអញ្ជើញមកកម្ពុជា ២-៣ដងហើយ រួមទាំងលើកនេះ ដោយលោកបានពិនិត្យមើលទីលានប្រកួតផង និងការអភិវឌ្ឍកីឡាករ-កីឡាការិនីមានពិការភាពកម្ពុជាផង។ លោកថា នាយកបច្ចេកទេសអន្តរជាតិ លោក George TAN បានបង្ហាញពីការភ្ញាក់ផ្អើលចំពោះអត្តពលិកកម្ពុជាប្រមាណ២០នាក់ ដែលទើបនឹងចាប់ផ្តើមហ្វឹកហាត់បានរយៈពេល២ខែកន្លងមកនេះ មានលក្ខណៈល្អប្រសើរច្រើន ដើម្បីជំរុញការរៀបចំឱ្យស្របតាមស្ដង់ដា…

(ភ្នំពេញ)៖ ការប្រកួតកីឡាបាល់ទាត់យុវជនក្រោមអាយុ ១៨ឆ្នាំជ្រើសរើសជើងឯករាជធានីភ្នំពេញ ដែលដំណើរការប្រកួតអស់រយៈពេល៧ថ្ងៃ ចាប់ពីថ្ងៃទី១៣ ដល់ថ្ងៃទី១៧ ខែ ឧសភា ឆ្នាំ២០២៤ បានបញ្ចប់ការប្រកួតហើយ ដោយសមាគមកីឡាបាល់ទាត់វិទ្យាល័យឬស្សីកែវ ដណ្តើមបានជ័យលាភីលេខ១ គ្រងដំណែងជើងឯករាជធានីភ្នំពេញប្រចាំឆ្នាំ២០២៤ ដោយយកឈ្នះសមាគមវិទ្យាល័យជាស៊ីមសាមគ្គីនៅវគ្គផ្តាច់ព្រ័ត្រ នាព្រឹកថ្ងៃទី១៧ ខែ ឧសភា នៅទីលានបាល់ទាត់វិទ្យាល័យបឹងត្របែក។ លោក ស្រេង សេង ប្រធានការិយាល័យកីឡានៃមន្ទីរអបរំយុវជននិងកីឡារាជធានីភ្នំពេញ បានឱ្យដឹងថា ការប្រកួតនេះមានរយៈពេល៧ថ្ងៃ ដោយមានសមាគមវិទ្យាល័យចូលរួមចំនួនមានដូចជា ក្រុមវិទ្យាល័យ ឫស្សីកែវ វិទ្យាល័យជាស៊ីមសាមគ្គី, ទ្យាល័យជាស៊ីមជ្រោយចង្វារ និងវិទ្យាល័យសុវណ្ណភូមិសាខាស្ទឹងមានជ័យ។ហើយការប្រកួតនេះ បានរៀបចំឡើងដោយមន្ទីរអប់រំយុវជននិងកីឡារាជធានីភ្នំពេញ ដើម្បីចំរាញ់ជ្រើសរើសយុវជនឆ្នើមវិទ្យាល័យត្រៀមជើងឯកទូទាំងប្រទេសដែលរៀបចំដោយក្រសួងអប់រំយុវជននិងកីឡានាពេលខាងមុខ។ លោក អ៊ុក ចន្ថា អនុប្រធានមន្ទីរអប់រំយុវជន និងកីឡារាជធានីភ្នំពេញ បានលើកឡើងថា ការហាត់ និងលេងកីឡា ជាកត្តាចាំបាច់ ដែលនាំមកនូវការស្គាល់ យល់គ្នា និងស្រឡាញ់ចូលចិត្តគ្នាទៅវិញទៅមក ធ្វើឱ្យសង្គមជាតិយើងមានការឯកភាព និងសាមគ្គីភាពដ៏រឹងមាំ ក្នុងការកសាង និងការពារជាតិយើងចាប់ពីយុវជនតទៅ។ ជាមួយគ្នានេះ ក៏ដើម្បីចូលរួមអភិវឌ្ឍវិស័យកីឡា ស្របតាមមុំមួយនៃយុទ្ធសាស្ត្របញ្ចកោណរបស់រាជរដ្ឋាភិបាល ដែលកំពុងឈានឆ្ពោះទៅរកកម្រិតមួយឱ្យស្រប និងការវិវត្តន៍ និងរីកចម្រើនរបស់ប្រទេសជាតិ។ ទន្ទឹមគ្នានេះដែរ…

(ភ្នំពេញ)៖ មន្ទីរអប់រំ យុវជន និងកីឡាខេត្តកណ្តាលបានប្រកាសពីការរៀបចំការ ប្រកួត កីឡាសិស្សមធ្យមសិក្សា ជ្រើសរើសជើងឯកខេត្តកណ្តាល ប្រចាំឆ្នាំ ២០២៣ -២០២៤ រយៈពេល៧ថ្ងៃ ពីថ្ងៃទី១៧-២៣ ខែឧសភា ២០២៤ នៅក្រុងតាខ្មៅ ដោយ ធ្វើការ ប្រ កួតលើ៥ប្រភេទកីឡា។ នេះបើយោងតាមការបញ្ជាក់ ពីលោក ពៅ វណ្ណា ប្រធាន ការិយា ល័យ កីឡា នៃមន្ទីរអប់រំ យុវជននិងកីឡាខេត្តកណ្តាល បញ្ជាក់ ក្រោយ បញ្ចប់ ការចាប់ ឆ្នោតនាព្រឹកនេះ ។ លោក ពៅ វណ្ណា ប្រធានការិយាល័យអប់រំកាយ និងកីឡាបានបញ្ជាក់ថា ការប្រកួតកីឡា សិស្សសិស្សមធ្យមសិក្សាជ្រើសរើសជើងឯកខេត្តកណ្តាល ប្រចាំឆ្នាំ ២០២៣-២០២៤ គឺជាការប្រកួតមួយដើម្បីជ្រើសរើសកីឡាករ-កីឡាការិនីនៃប្រភេទកីឡាទាំង៥ សម្រាប់ ត្រៀម ចូលរួមការប្រកួតកីឡាសិស្សសិស្សមធ្យមសិក្សាជ្រើសរើសជើងឯកទូទំាងប្រទេស នាពេលខាងមុខ។លោកបានបន្តថា ព្រឹត្តិការណ៍នេះចាប់ពីថ្ងៃទី១៧ ដល់ថ្ងៃទី២៣ ខែ ឧសភា ឆ្នាំ២០២ យើងដាក់ឱ្យប្រកួតនូវកីឡាចំនួន៥ប្រភេទ…

(ភ្នំពេញ)៖ ក្នុងឱកាសបើកវគ្គបណ្តុះបណ្តាលគ្រូបង្វឹក និងអាជ្ញាកណ្តាលកីឡាទាញព្រ័ត្រថ្នាក់ជាតិ លើកទី២ ឆ្នាំ២០២៤ នៅព្រឹកថ្ងៃទី១៥ ខែឧសភានេះ នៅសាលមន្ទីរអប់រំ យុវជន និងកីឡាខេត្តកណ្តាល ឯកឧត្តម មាស សារិន ប្រធានសហព័ន្ធកីឡាទាញព្រ័ត្រកម្ពុជា បានជំរុញឱ្យអ្នកពាក់ព័ន្ធ រួមទាំងគ្រូបង្វឹក និងអាជ្ញាកណ្តាលកីឡាទាំងព្រ័ត្ររួមគ្នាប្រឹងប្រែងអភិរក្ស និងអភិវឌ្ឍជំនាញកីឡានេះឱ្យបានល្អប្រសើរ សម្តៅជំរុញដល់ការអភិវឌ្ឍកីឡាទាញព្រ័ត្រឱ្យកាន់តែរីកចម្រើន។ ប្រធានសហព័ន្ធកីឡាទាញព្រ័ត្រមានប្រសាសន៍គូសបញ្ជាក់ទៀតថា ក្នុងនាមជាអ្នកជំនាញទាញព្រ័ត្រត្រូវខិតខំអភិរក្ស និងអភិវឌ្ឍល្បែងទាញព្រ័ត្រ ដែលត្រូវបានចុះក្នុងបញ្ជីបេតិកភណ្ឌអរូបីនៃមនុស្សជាតិរបស់អង្គការយូណេស្កូ ខណៈកីឡាទាញព្រ័ត្រ ដែលត្រូវបានអភិវឌ្ឍតាមបែបទំនើបនេះក៏ឯកឧត្តមប្រធានសហព័ន្ធជំរុញឱ្យសិក្ខាកាមប្រឹងប្រែងដុសខាត់ជំនាញឱ្យបានល្អ តាមរយៈពង្រីកចំណេះដឹងយកទៅបណ្តុះបណ្តាលដល់កីឡាករ កីឡាការិនីឱ្យមានជំនាញច្បាស់លាស់។ ឯកឧត្តម ក៏បានលើកទឹកចិត្តដល់គ្រូបង្វឹក និងអាជ្ញាកណ្តាល ដែលជាសិក្ខាកាមចូលរួមក្នុងវគ្គបណ្តុះបណ្តាលថ្នាក់ជាតិនេះត្រូវខិតខំក្រេបជញ្ជាក់ចំណេះដឹង ក្រោមការចែករំលែកពីគ្រូឧទ្ទេសប្រចាំវគ្គឱ្យបានហ្មត់ចត់ ដើម្បីយកចំណេះជំនាញនេះទៅអភិវឌ្ឍសមត្ថភាពឱ្យកាន់តែរឹងមាំបន្ថែមទៀត។ លោក ពៅ វណ្ណា ប្រធានការិយាល័យកីឡាខេត្តកណ្តាលនៃមន្ទីរអប់រំ យុវជន និងកីឡាបានបង្ហាញក្តីរីករាយ ដែលទទួលបានកិច្ចសហការរៀបចំវគ្គបណ្តុះបណ្តាលនៅខេត្តកណ្តាល ជាពិសេសគ្រូបង្វឹក និងអាជ្ញាកណ្តាលរបស់ខេត្តកណ្តាលក៏បានចូលរួមក្រេបជញ្ជក់ចំណេះដឹងក្នុងវគ្គនេះផងដែរ។ លោកក៏បានជំរុញឱ្យសិក្ខាកាមចូលរួមក្នុងវគ្គនេះគប្បីយកចិត្តទុកដាក់ និងត្រងត្រាប់ក្រេបជញ្ជក់ចំណេះដឹងពីគ្រូឧទ្ទេសឱ្យបានខ្ជាប់ខ្ជួន ដើម្បីពង្រឹងដល់ការពង្រឹងសមត្ថភាពរបស់ខ្លួន ដើម្បីអភិវឌ្ឍឱ្យាកាន់តែប្រសើរផងដែរ។ សូមបញ្ជាក់ថា វគ្គបណ្តុះបណ្តាលគ្រូបង្វឹក និងអាជ្ញាកណ្តាលកីឡាទាញព្រ័ត្រថ្នាក់ជាតិ លើកទី២ ឆ្នាំ២០២៤ បានដំណើរពីថ្ងៃទី១៣ នឹងបញ្ចប់នៅថ្ងៃទី១៧ ខែឧសភា នៅសាលមន្ទីរអប់រំ…

(ភ្នំពេញ)៖ អាជ្ញាកណ្តាលកីឡាវាយកូនគោកម្ពុជា ៤រូប អះអាងថា បានបញ្ចប់វគ្គសិក្ខាសាលាការគ្រប់គ្រងការប្រកួត និងនិងអាជ្ញាកណ្តាលកីឡាវាយកូនគោលកម្រិត៣ ដែលចូលរួមចាប់ពីថ្ងៃទី៩ ដល់ថ្ងៃទី១១ ខែឧសភា ឆ្នាំ២០២៤ នៅប្រទេសម៉ាឡេស៊ីដោយជោគជ័យ ។ លោក សួន វិសាល អាជ្ញាកណ្តាលកីឡាវាយកូនគោលមួយរូប ដែលបានទៅចូលរួម បានគូសបញ្ជាក់ថា វគ្គសិក្ខាសាលានេះមានសិក្ខាមចូលរួមសរុប ៦៥រូប មាន ៧ប្រទេសដូចជា៖ កម្ពុជា វៀតណាម មីយ៉ាន់ម៉ា តៃវ៉ាន់ ប៉ាគីស្ថាន ហ្វីលីពីន និងម៉ាឡេស៊ីម្ចាស់ផ្ទះ។ សម្រាប់គ្រូឧទ្ទេសដែលជាគ្រូបង្គោលមកពីអង់គ្លេស កូរ៉េខាងត្បូង ម៉ាឡេស៊ី ឥណ្ឌូនេស៊ី និង ភីលីពីន។ លោក សួន វិសាល អាជ្ញាកណ្តាលកីឡាវាយកូនគោលកម្ពុជា បានបញ្ជាក់ថា សិក្ខាសាលរយៈពេល៣ថ្ងៃនេះ អាជ្ញាលកណ្តាលកម្ពុជាយើង បានសិក្សាយ៉ាងយកចិត្តទុកដាក់ទៅលើមេរៀន ជាច្រើនមានដូចជា៖សម្រាប់ថ្ងៃទី៩ ថ្ងៃដំបូង ១. សិល្បៈនៃការធ្វើជាអាជ្ញាកណ្តាលកីឡាវាយកូនគោល ២. ការជជែកពិភាក្សាករណីសិក្សាតាមវីដេអូឃ្លីប (ទិដ្ឋភាពជាក់ស្តែងដែលអាជ្ញាកណ្តាលនឹងជួបប្រទះក្នុងពេលប្រកួត) ៣. ការអនុវត្តផ្ទាល់ទាក់ទងនឹង ឧបសគ្គមិនអាចរំកិលបានបណ្តោះអាសន្ន (ហៅជាភាសាអង់គ្លេសថា TIOs)៤.…

(ភ្នំពេញ)៖ លោក នូ ចំរើន អគ្គលេខាធិការ សហព័ន្ធកីឡាទោក្រយានកម្ពុជា បានថ្លែងលើកឡើងថា ព្រឹត្តិការណ៍ជិះកង់រៃអង្គាសថវិកាសប្បុរសធម៌ជួយដល់មន្ទីរពេទ្យកុមារអង្គរ ខេត្តសៀមរាប នឹងចាប់ផ្តើមពីថ្ងៃទី១ ដល់ថ្ងៃទី២ ខែ មិថុនា ឆ្នាំ២០២៤ ដោយសហព័ន្ធទទួលពាក្យអ្នកចូលរួមជិះមកពីគ្រប់ខេត្តក្រុងប្រមាណជា ៣០០នាក់ប៉ុណ្ណោះ ។ លោក អគ្គលេខាធិការ អះអាងថា អ្នកចូលរួមជិះក្នុង ១នាក់តម្រូវឱ្យបង់ថវិការចំនួន ២៥ដល្លារ ហើយ សហព័ន្ធនិងផ្តល់ជូនជាអាវយឺតនិងមេដាយជាវត្ថុអនុស្សាវរីយ៌ជាការលើកទឹកចិត្តដល់អ្នកចូលរួមទាំងអស់ផងដែរ។ សម្រាប់ព្រឹត្តិការណ៍ជិះកង់សប្បុរសធម៌នេះ ថវិកាដែលប្រមូលរៃអង្គាសបានពីអ្នកចូលរួមជិះកង់ទាំងអស់ មួយចំណែកយកមកទ្រទ្រង់សម្រាប់ការរៀបចំ និងមួយផ្នែកទៀត យកទៅជួយដល់មន្ទីរពេទ្យកុមារអង្គរដែលកំពុងខ្វះខាត។ ការរៀបចំព្រឹត្តិការណ៍ជិះកង់នេះដែរ ក្រៅពីរៃអង្គាសថវិកា វាក៏ជាផ្នែកមួយបំផុសស្មារតីចលនាកីឡាជិះកង់នៅកម្ពុជា និងចូលរួមក្នុងយុទ្ធនាការផ្សព្វផ្សាយឆ្នាំទស្សនាអង្គរជារួមចំណែកផ្សព្វផ្សាយសក្កានុពលទេសចរណ៍ខេត្តសៀមរាបទៅកាន់ឆាកជាតិនិងអន្តរជាតិ ។ លោក អគ្គលេខាធិការ នូ ចំរើន បានគូសបញ្ជាក់ទៀតថា សម្រាប់អ្នកចូលរួមជិះកង់ក្នុងព្រឹត្តិការណ៍ជិះកង់សប្បុរសធម៌រៃអង្គាសថវិកាជួយដល់មន្ទីរពេទ្យកុមារអង្គរនេះ នឹងចេញដំណើរនៅវេលាម៉ោង ៤ព្រឹកថ្ងៃទី១ ខែមិថុនា ឆ្នាំ២០២៤ ចំណុចរង្វង់មូលជ្រោយចង្វា តាមផ្លូវជាតិលេខ៦A និងទៅដល់ខេត្តសៀមរាប នៅថ្ងៃទី២ ខែមិថុនា វេលាម៉ោង ២កន្លះរសៀល ។ អ្នកជិះកង់ទាំងអស់មានការនាំមុខដោយក្បួនឡានសារ៉ែនបើកផ្លូវរបស់កងរាជអាវុធហត្ថ និងឈប់សម្រាកចំនួន…