ហ្ស៊េរុយសាឡិម៖ អ៊ីស្រាអែលបានវាយលុកគោលដៅរបស់ក្រុមហាម៉ាស នៅតំបន់ហ្គាហ្សាស្ទ្រីប អស់រយៈពេលប្រាំថ្ងៃជាប់គ្នា ចាប់តាំងពីការវាយប្រហារដ៏ខ្លាំងក្លារបស់ពួកសកម្មប្រយុទ្ធ ហើយចំនួនអ្នកស្លាប់បានកើនឡើងដល់រាប់ពាន់នាក់ ដោយក្នុងនោះ នាយករដ្ឋមន្ត្រីអ៊ីស្រាអែល Benjamin Netanyahu បានប្តេជ្ញាថា នឹងមានការបំផ្លិចបំផ្លាញទាំងស្រុង ទៅលើក្រុមសកម្មប្រយុទ្ធ។ លោក នាយករដ្ឋមន្ត្រីអ៊ីស្រាអែល ដែលជាមេដឹកនាំស្តាំនិយមជើងចាស់រូបនេះបាននិយាយថា សមាជិកក្រុមហាម៉ាស់ទាំងអស់គឺជា «មនុស្សត្រូវសម្លាប់» ដោយលោកបានប្រដូចពួកគេទៅនឹងក្រុមរដ្ឋឥស្លាម ហើយបានសន្យាថា «យើងនឹងកម្ទេចពួកគេ ហើយបំផ្លាញពួកគេ ដូចដែលពិភពលោកបានបំផ្លាញក្រុម រដ្ឋឥស្លាម»។ នៅមុននេះ លោក នាយករដ្ឋមន្ត្រីអ៊ីស្រាអែល Netanyahu ទើបបានដោះស្រាយ វិវាទនយោបាយរបស់លោក ជាបណ្ដោះអាសន្ន និងបង្កើតរដ្ឋាភិបាលគ្រាអាសន្ន រួមទាំង អតីតរដ្ឋមន្ត្រីការពារជាតិ Benny Gantz កណ្តាលនិយម សម្រាប់រយៈពេលនៃវិបត្តិសង្គ្រាមនេះ។ ការវាយប្រហារដ៏គួរឱ្យភ្ញាក់ផ្អើល កាលពីថ្ងៃសៅរ៍ ចុងសប្តាហ៍ ដែលជាការអាក្រក់បំផុតក្នុងប្រវត្តិសាស្ត្រ ៧៥ ឆ្នាំរបស់អ៊ីស្រាអែល បានធ្វើឱ្យមនុស្សសរុបចំនួន ១២០០ នាក់ត្រូវបានសម្លាប់ ជាការវាយលុករបស់ពួកសកម្មប្រយុទ្ធអ៊ីស្លាម នេះបើយោងតាមកងកម្លាំងអ៊ីស្រាអែល ដោយពួកគេអះអាងទៀតថា អ្នកស្លាប់ភាគច្រើន គឺជាជនស៊ីវិល។ រីឯ មន្ត្រីនៅតំបន់ហ្គាហ្សាបានរាយការណ៍ថា មនុស្សជាង…

ហ្សាកាតា៖ ប្រធានាធិបតីឥណ្ឌូណេស៊ី លោក ចូកូ វីដូដូ បានថ្លែងថា «ការលើកឡើងដែលថាតំបន់ប៉ាឡេស្ទីន ជារបស់អ៊ីស្រាអែល» គឺជាដើមហេតុនៃជម្លោះផ្ទុះអាវុធ ដូច្នេះ ត្រូវតែដោះស្រាយ ហើយលោកប្រធានាធិបតីប្រកាសថ្កោលទោសចំពោះ «ការកាន់កាប់របស់អ៊ីស្រាអែល» នៅប៉ាឡេស្ទីន។ លោកប្រធានាធិបតីឥណ្ឌូណេស៊ី ចូកូ វីដូដូ បានសង្កត់ធ្ងន់ថា «ឫសគល់នៃជម្លោះ គឺការកាន់កាប់ទឹកដីប៉ាឡេស្ទីន ដោយក្រុមអ៊ីស្រាអែល ដូច្នេះ ត្រូវតែដោះស្រាយ ភ្លាមៗ ទៅតាមដែនកំណត់ ដែលបានព្រមព្រៀង ដោយអង្គការសហប្រជាជាតិ»។ ការលើកឡើងរបស់លោកប្រធានាធិបតី ចូកូ វីដូដូ បានធ្វើឡើង ក្នុងពេលដែលក្រុមអ្នកគាំទ្រប៉ាឡេស្ទីនជាច្រើន នៅក្នុងប្រទេសឥណ្ឌូណេស៊ី បានប្រមូលផ្តុំគ្នា ក្នុងរដ្ឋធានីហ្សាកាតា ក្នុងគោលដៅ អំពាវនាវឲ្យមានសន្តិភាព នៅតំបន់ហ្កាហ្សាផងដែរ។ ប្រធានាធិបតីឥណ្ឌូណេស៊ី ក៏បានជំរុញឱ្យបញ្ឈប់ជាបន្ទាន់ ចំពោះសង្គ្រាមរវាងអ៊ីស្រាអែល និងប៉ាឡេស្ទីន ដែលសំដៅលើក្រុមហាម៉ាស់ ដើម្បីជៀសវាងការកើនឡើងនូវចំនួនអ្នកស្លាប់ និងការខូចខាតទ្រព្យសម្បត្តិ កាន់តែធ្ងន់ធ្ងរ។ ជនជាតិឥណ្ឌូណេស៊ី ចំនួន៤៥ នាក់កំពុងមានវត្តមាន នៅប៉ាឡេស្ទីន ក្នុងនោះ ១០ នាក់ស្ថិតនៅក្នុងតំបន់ ហ្គាហ្សាស្ទ្រីប ដែលជាចំណុចកណ្តាល…