-
មេប៉ូលិសថៃ ទាមទាររបាយការណ៍សុខភាពរបស់លោក ថាក់ស៊ីន ពីមន្ទីរពេទ្យ
ថៃ៖អគ្គស្នងការនគរបាលជាតិថៃ លោក តូសាក់ សុកវិមល់(Torsak Sukvimol) កាលពីថ្ងៃទី១៧ ខែតុលា បានទាមទារឱ្យមន្ទីរពេទ្យទូទៅប៉ូលីស (PGH) ក្រុងបាងកក បញ្ជូនរបាយការណ៍ស្តីពីការព្យាបាលអតីតនាយករដ្ឋមន្ត្រីថៃ លោក ថាក់ស៊ីន ស៊ីណាវ៉ាត្រា ដែលសម្រាកព្យាបាលជំងឺរបស់លោកក្រៅពន្ធនាគារ។ នេះបើតាមការចុះផ្សាយរបស់កាសែតបាងកកប៉ុស្តិ៍។ ការទាមទារនេះ ធ្វើឡើងបន្ទាប់ពីផ្ទុះការរិះគន់កាលពីសប្ដាហ៍មុន ចំពោះរូបថតមួយសន្លឹក ដែលគេចែកចាយលើបណ្ដាញសង្គម បង្ហាញពីលោក ថាក់ស៊ីន ដែលស្ថិតនៅក្នុងសម្លៀកបំពាក់អ្នកជំងឺពាក់ម៉ាស់ និងនៅលើគ្រែពេទ្យត្រូវបានគេអូសយកទៅធ្វើការស្កេនកុំព្យូទ័រ(CT)និងស្កែនរូបភាពអនុភាពម៉ាញេទិក(MRI)។ អ្នករិះគន់លើកឡើងថា លោក ថាក់ស៊ីន ជាអ្នកទោសដែលទទួលបានឯកសិទ្ធិ និងការព្យាបាលពិសេស។ មានការចោទប្រកាន់ថែមទៀតថា រូបថតនេះត្រូវបានគេរៀបចំថត និងចែកចាយដោយចេតនា ដែលក្រុមអ្នករិះគន់បាននិយាយថា ក្នុងគោលបំណងផ្តល់ចំណាប់អារម្មណ៍ថា លោក ថាក់ស៊ីន នៅតែឈឺធ្ងន់ ហើយត្រូវការការព្យាបាលបន្ថែមទៀតនៅមន្ទីរពេទ្យក្រៅពន្ធនាគារ ខណៈពេលសម្រាកព្យាបាលនៅមន្ទីរពេទ្យក្រៅពន្ធនាគាររបស់លោក ថាក់ស៊ីន រយៈពេល ៩០ ថ្ងៃ ត្រូវផុតកំណត់នាថ្ងៃសុក្រនេះ។ ជុំវិញបញ្ហានេះផងដែរ លោក តូសាក់ បាននិយាយទទួលស្គាល់កាលពីថ្ងៃអង្គារថា លោកបានដឹងតិចតួចពីបញ្ហាចូលមន្ទីរពេទ្យរបស់លោក ថាក់ស៊ីន ដោយសារតែលោកទើបតែត្រូវបានតែងតាំងជាអគ្គស្នងការនគរបាលជាតិថ្មីៗនេះ។ គួរបញ្ជាក់ថា លោក ថាក់ស៊ីន…
-
លោក ស៊ី ព្រមានប្រឆាំងនឹងការកាត់ផ្ដាច់ពីចិន ហើយលើកសរសើរពីគំនិតផ្ដួចផ្ដើមខ្សែក្រវាត់ និងផ្លូវ
ប៉េកាំង៖ប្រធានាធិបតីចិន លោក ស៊ី ជីនភីង បានព្រមានប្រឆាំងនឹងការកាត់ផ្តាច់ពីប្រទេសចិន ពេលបើកវេទិកាគំនិតផ្តួចផ្តើមខ្សែក្រវាត់និងផ្លូវ (BRI) នៅទីក្រុងប៉េកាំងកាលពីថ្ងៃពុធ ដោយបានរិះគន់កិច្ចខិតខំប្រឹងប្រែងរបស់លោកខាងលិចក្នុងការកាត់បន្ថយការពឹងផ្អែកលើសេដ្ឋកិច្ចចិន ។នេះបើតាមការរាយការណ៍របស់ទីភ្នាក់ងារសារព័ត៌មានរ៉យទ័រ។ លោក ស៊ី ក៏បានលើកសរសើរផងដែរចំពោះផែនការដ៏ធំរបស់ខ្លួនមួយនេះ ដែលបានចាប់ផ្តើមកាលពី១ទសវត្សរ៍មុន ក្នុងបំណងកសាងហេដ្ឋារចនាសម្ព័ន្ធសកល និងបណ្តាញថាមពលតភ្ជាប់អាស៊ីជាមួយទ្វីបអាហ្រ្វិក និងអឺរ៉ុប តាមរយៈផ្លូវគោក និងផ្លូវសមុទ្រ ដោយនិយាយថា «សេចក្ដីព្រាងបានក្លាយទៅជាគម្រោងពិត»។ វេទិកា BRI មានការចូលរួមពីតំណាងប្រទេសជាង ១៣០ ដែលភាគច្រើនមកពីប្រទេសកំពុងអភិវឌ្ឍន៍ រួមទាំងប្រមុខរដ្ឋមួយចំនួន ក៏ដូចជា «មិត្តសម្លាញ់» របស់លោក ស៊ី គឺ ប្រធានាធិបតីរុស្ស៊ី លោក វ្ល៉ាឌីមៀរ ពូទីន។ លោក ស៊ី បានប្រាប់ប្រតិភូជាង ១ ០០០ នាក់ ដែលប្រមូលផ្តុំគ្នានៅក្នុងបន្ទប់សន្និសីទក្នុងមហាសាលប្រជាជនភាគខាងលិចនៃទីលានធានអានមេនថា ៖ «យើងប្រឆាំងនឹងការដាក់ទណ្ឌកម្មឯកតោភាគី ការបង្ខិតបង្ខំសេដ្ឋកិច្ច ការផ្តាច់ទំនាក់ទំនងបែងចែក និងការរំខាននៃសង្វាក់ផ្គត់ផ្គង់»។ មេដឹកនាំចិនដដែលបានជំរុញប្រឆាំងនឹងកិច្ចខិតខំប្រឹងប្រែងរបស់លោកខាងលិច ដើម្បីកាត់បន្ថយការពឹងផ្អែកលើសេដ្ឋកិច្ចចិនដោយនិយាយថា «ជីវិតរបស់យើងនឹងមិនប្រសើរជាងមុនទេ ហើយការអភិវឌ្ឍរបស់យើង ក៏នឹងមិនលឿនជាងនេះដែរ ប្រសិនបើយើងចាត់ទុកការអភិវឌ្ឍរបស់ប្រទេសដទៃ…
-
លោក Putin បង្ហាញពីឆន្ទៈរបស់រុស្ស៊ី ក្នុងការជំរុញឱ្យមានការបញ្ចប់សង្គ្រាមរវាងប៉ាឡេស្ទីន និងអ៉ីស្រាអែលតាមរយៈមធ្យោបាយនយោបាយ និងការទូត
-
ប្រធានាធិបតីរុស្ស៊ី លោក Putin ធ្វើដំណើរទៅប្រទេសចិន ដើម្បីចូលរួមក្នុងកិច្ចប្រជុំកំពូលនៃវេទិកាខ្សែក្រវ៉ាត់ និងផ្លូវលើកទី៣ ដែលនឹងពិភាក្សាអំពីបញ្ហាសង្រ្គាមអ៉ីស្រាអែល និងក្រុមហាម៉ាស់
-
ប្រធានាធិបតីចិន Xi Jinping ប្រកាសសកម្មភាពចំនួន ៨ ដែលប្រទេសចិនគាំទ្រក្នុងការរួមគ្នាកសាង “ខ្សែក្រវាត់និងផ្លូវ” ប្រកបដោយគុណភាពខ្ពស់គឺ៖
១. បង្កើតបណ្តាញតភ្ជាប់គ្នាក្នុងគ្រប់ជ្រុងជ្រោយនៃ “ខ្សែក្រវាត់និងផ្លូវ” ២. គាំទ្រការកសាងសេដ្ឋកិច្ចពិភពលោកបែបបើកទូលាយ ៣. ធ្វើកិច្ចសហប្រតិបត្តិការជាក់ស្តែង ៤. ជំរុញការអភិវឌ្ឍបៃតង ៥. ជំរុញការច្នៃប្រឌិតថ្មីខាងបច្ចេកវិទ្យា ៦. គាំទ្រការផ្លាស់ប្តូររវាងប្រជាជននិងប្រជាជន ៧. កសាងមាគ៌ាស្អាតស្អំគ្មានភាពពុករលួយ ៨. ធ្វើឱ្យមានសុក្រឹតភាពនូវយន្តការសហប្រតិបត្តិការអន្តរជាតិនៃ “ខ្សែក្រវាត់និងផ្លូវ” 📷 CCFR #ams1minute
-
អ៊ីរ៉ង់ព្រមានពី «ចំណាត់ការទុកជាមុន» ប្រឆាំងនឹងអ៊ីស្រាអែល
តេហេរ៉ង់៖ ប្រទេសអ៊ីរ៉ង់បានព្រមានកាលពីថ្ងៃចន្ទ អំពីលទ្ធភាពនៃ «ចំណាត់ការទុកជាមុន» ប្រឆាំងនឹងអ៊ីស្រាអែលក្នុងរយៈពេល «ប៉ុន្មានម៉ោងខាងមុខ» ខណៈអ៊ីស្រាអែលត្រៀមខ្លួនដើម្បីចូលវាយលុកដោយផ្ទាល់នៅតំបន់ហ្គា ហ្សា។ នេះបើតាមការរាយការណ៍របស់ទីភ្នាក់ងារសារព័ត៌មាន AFP។ ការលើកឡើងបែបនេះ ធ្វើឡើងបន្ទាប់ពីទីក្រុងតេហេរ៉ង់បានព្រមានម្តងហើយម្តងទៀតថា ការលុកលុយដោយផ្ទាល់នៅលើតំបន់ហ្គាហ្សា នឹងរងការឆ្លើយតបពីកងប្រដាប់អាវុធតស៊ូផ្សេងៗទៀត ដែលការណ៍នេះជំរុញឱ្យមានការភ័យខ្លាចថា ជម្លោះអ៊ីស្រាអែល និងហាម៉ាស់នឹងរីករាលដាលក្នុងតំបន់។ រដ្ឋមន្ត្រីការបរទេសអ៊ីរ៉ង់លោក Hossein Amir-Abdollahian បាននិយាយនៅក្នុងការផ្សាយផ្ទាល់មួយទៅកាន់ទូរទស្សន៍រដ្ឋអ៊ីរ៉ង់ថា ៖ «លទ្ធភាពនៃចំណាត់ការទុកជាមុនដោយទ័ពតស៊ូ រំពឹងទុកថា នឹងធ្វើឡើងក្នុងរយៈពេលប៉ុន្មានម៉ោងខាងមុខនេះ»។ លោកមិនបានបញ្ជាក់ព័ត៌មានលម្អិតស្ដីពីចំណាត់ការបែបណានោះទេ។ នៅព្រឹកថ្ងៃចន្ទទី១៦ ខែតុលាផងដែរ មន្ត្រីការទូត និងប្រធានាធិបតីកំពូលរបស់អ៊ីរ៉ង់ លោក Ebrahim Raisi បាននិយាយថា វាអស់ពេលវេលាក្នុងការឈានទៅរកដំណោះស្រាយនយោបាយហើយ និងបានព្រមានប្រឆាំងនឹងការរាលដាលនៃសង្រ្គាមអ៊ីស្រាអែល-ក្រុមហាម៉ាស់ ទៅកាន់ក្រុមកងទ័ពប្រដាប់អាវុធផ្សេងទៀត។ លោក Amir-Abdollahian ដដែលបាននិយាយនៅថ្ងៃចន្ទទៀតថា ៖ «មេដឹកនាំក្រុមតស៊ូនឹងមិនអនុញ្ញាតឱ្យអ៊ីស្រាអែលធ្វើអ្វីគ្រប់យ៉ាងតាមតែចិត្តរបស់ខ្លួននៅក្នុងតំបន់ហ្គាហ្សានោះទេ។លោកបន្ថែមថា៖ «ប្រសិនបើយើងមិនការពារហ្គាហ្សានៅថ្ងៃនេះទេ ថ្ងៃស្អែកយើងត្រូវតែការពារប្រឆាំងនឹងការទម្លាក់គ្រាប់បែកលើមន្ទីរពេទ្យកុមារក្នុងប្រទេសរបស់យើង»។ គួររំឭកថា អ៊ីស្រាអែលបានប្រកាសសង្រ្គាមលើក្រុមហាម៉ាស់របស់ប៉ាឡេស្ទីនមួយថ្ងៃបន្ទាប់ពីក្រុមសកម្មប្រយុទ្ធមួយនេះទម្លុះព្រំដែនយោធាពីហ្គាហ្សា បើកការវាយប្រហារលើអ៊ីស្រាអែលកាលពីថ្ងៃទី ៧ ខែតុលា ហើយបានសម្លាប់មនុស្សជាង ១ ៤០០ នាក់…
-
ប្រធានផ្នែកជំនួយ៖ ជម្លោះនៅស៊ូដង់សម្លាប់មនុស្សជាង ៩ ០០០ នាក់ ក្នុងរយៈពេលប្រាំមួយខែ
អ.ស.ប៖ប្រធានផ្នែកមនុស្សធម៌របស់អង្គការសហប្រជាជាតិ(អ.ស.ប)បាននិយាយកាលពីដើមសប្ដាហ៍នេះថា សង្គ្រាមរយៈពេលប្រាំមួយខែរវាងយោធាស៊ូដង់ និងក្រុមប្រដាប់អាវុធដ៏មានឥទ្ធិពលរបស់ប្រទេសនេះ បានសម្លាប់មនុស្សដល់ទៅ ៩ ០០០ នាក់ ហើយបង្កើតជាការភ័យខ្លាចផ្នែកមនុស្សធម៌ដ៏អាក្រក់បំផុតមួយក្នុងប្រវត្តិសាស្ត្រសម័យថ្មីនេះ។ នេះបើតាមការចុះផ្សាយរបស់ទីភ្នាក់ងារសារព័ត៌មាន AP។ លោកអគ្គលេខាធិការរងអ.ស.ប Martin Griffiths បាននិយាយក្នុងសេចក្តីថ្លែងការណ៍មួយ ដើម្បីប្រារព្ធខួប៦ខែនៃសង្គ្រាមកាលពីថ្ងៃអាទិត្យថា ៖ «អស់រយៈពេលប្រាំមួយខែជនស៊ីវិលមិនបានស្រាកស្រាន្តពីការបង្ហូរឈាម និងការភ័យខ្លាចឡើយ។ លោកបន្តថា៖ «របាយការណ៍ដ៏គួរឲ្យរន្ធត់ពីការរំលោភសេពសន្ថវៈ និងអំពើហិង្សាផ្លូវភេទ នៅតែបន្តកើតមាន»។ គួរបញ្ជាក់ថា ប្រទេសស៊ូដង់បានធ្លាក់ចូលទៅក្នុងភាពចលាចលចាប់តាំងពីពាក់កណ្តាលខែមេសា នៅពេលដែលភាពតានតឹងរវាងក្រុមយោធា និងកងកម្លាំងគាំទ្ររហ័សដែលជាទាហានប៉ារ៉ារបស់ប្រទេស បានផ្ទុះទៅជាសង្គ្រាមដោយបើកចំហ។ ការប្រយុទ្ធគ្នាដំបូងបានផ្តោតលើទីក្រុងខាទុំ ដែលជារដ្ឋធានី ប៉ុន្តែក្រោយមកបានរីករាលដាលយ៉ាងឆាប់រហ័ស ទៅកាន់តំបន់ផ្សេងទៀតនៅទូទាំងប្រទេស រួមទាំងតំបន់ Darfur ដែលរងការបំផ្លិចបំផ្លាញដោយសារជម្លោះរួចទៅហើយនោះ។ លោក Griffiths បាននិយាយថា ការប្រយុទ្ធគ្នាបានសម្លាប់មនុស្សដល់ទៅ ៩ ០០០ នាក់ ហើយបង្ខំឱ្យមនុស្សរាប់លាននាក់ឱ្យចាកចេញពីផ្ទះរបស់ពួកគេ ទាំងទៅកាន់តំបន់ដែលមានសុវត្ថិភាពក្នុងប្រទេសស៊ូដង់ និងប្រទេសជិតខាង។ យោងតាមទីភ្នាក់ងារអន្តោប្រវេសន៍របស់អង្គការសហប្រជាជាតិមនុស្សជាង ៤.៥ លាននាក់ត្រូវបានផ្លាស់ទី លំនៅនៅក្នុងប្រទេសស៊ូដង់ ខណៈជាង ១.២ លាននាក់ផ្សេងទៀត បានស្វែងរកការជ្រកកោននៅក្នុងប្រទេសជិតខាង។…
-
លោក ស៊ូណាក់ ថ្កោលទោសសកម្មភាពគាំទ្រប្រជាជនប៉ាឡេស្ទីនមួយចំនួននៅអង់គ្លេស ដែលប្រព្រឹត្តខុសច្បាប់
ឡុងដ៍៖ មេដឹកនាំអង់គ្លេស នៅថ្ងៃចន្ទទី១៦ ខែតុលានេះ បានថ្កោលទោសឧប្បត្តិហេតុមួយចំនួន ក្នុងអំឡុងការដើរក្បួនគាំទ្រប៉ាឡេស្ទីនក្នុងប្រទេសអង់គ្លេសកាលពីចុងសប្តាហ៍នេះ ដោយលោកបានចាត់ទុកថា ជារឿង “មិនអាចទទួលយកបាន” បន្ទាប់ពីប៉ូលីសបានធ្វើការចាប់ខ្លួនមនុស្សជាច្រើននាក់។ នាយករដ្ឋមន្រ្តីអង់គ្លេស លោក រីសស៊ី ស៊ូណាក់ បានព្រមានថា ការសរសើរក្រុមហាម៉ាស់ ដែលជាអង្គការភេរវករដែលត្រូវបានហាមឃាត់ក្នុងចក្រភពអង់គ្លេស អាចបណ្តាលឱ្យមានការកាត់ទោសជាប់ពន្ធនាគាររយៈពេលវែង។ លោក ស៊ូណាក់ បានប្រាប់ទូរទស្សន៍អង់គ្លេសថា ស្ថិតក្រោមច្បាប់ ការគាំទ្រ និងការលើកតម្កើងក្រុមហាម៉ាស់ គឺខុសច្បាប់ ហើយបទល្មើសទាំងនោះត្រូវផ្តន្ទាទោសដាក់ពន្ធនាគាររហូតដល់ ១៤ឆ្នាំ។ ការអត្ថាធិប្បាយបែបនេះរបស់លោក ស៊ូណាក់ ត្រូវបានធ្វើឡើងបន្ទាប់ពីកម្លាំងប៉ូលិសក្រុងឡុងដ៍បាននិយាយកាលពីល្ងាចថ្ងៃអាទិត្យទី១៥ ខែតុលានេះថា មនុស្ស ១៥នាក់ត្រូវបានចាប់ខ្លួន ក្នុងអំឡុងការដើរដង្ហែគាំទ្រប្រជាជនប៉ាឡេស្ទីនកាលពីថ្ងៃសៅរ៍ទី១៤ ខែតុលា នៅកណ្តាលរដ្ឋធានីនៃប្រទេសអង់គ្លេស។ ជាមួយគ្នានេះ បុរស ៣នាក់ត្រូវបានចោទប្រកាន់ពីបទប្រព្រឹត្តឧក្រិដ្ឋកម្ម រួមទាំងបុរសអាយុ ៦៨ឆ្នាំម្នាក់ដែលត្រូវបានគេសង្ស័យថា បានបញ្ចេញមតិរើសអើងជាតិសាសន៍។ ចំណែកមនុស្ស ២នាក់ទៀតត្រូវចោទប្រកាន់ពីបទកាន់កាប់កាំបិតខុសច្បាប់ និងមិនបានដោះរបាំងមុខ៕ ប្រភព៖ AFP ប្រែសម្រួលដោយ៖ ឈឹម ទីណា
-
ក្រុមប្រធានសម្ព័ន្ធអារ៉ាប់ទាមទារឱ្យបញ្ចប់ប្រតិបត្តិការយោធានៅហ្គាហ្សាជាបន្ទាន់
បាកដាដ៖ ប្រធានសម្ព័ន្ធអារ៉ាប់ នៅថ្ងៃចន្ទទី១៦ ខែតុលានេះ បានទាមទារឱ្យបញ្ចប់ប្រតិបត្តិការយោធានៅតំបន់ហ្គាហ្សាស្ទ្រីបជាបន្ទាន់ ហើយបានចោទប្រកាន់ថា ការឡោមព័ទ្ធតំបន់នេះ គឺប្រៀបដូចជាការដកហូតមនុស្សជាតិចេញពីប្រជាជនប៉ាឡេស្ទីន។ អគ្គលេខាធិការសម្ព័ន្ធអារ៉ាប់ លោក អះម៉ាត់ អាប៊ូ ហ្គេត បាននិយាយក្នុងអំឡុងកិច្ចប្រជុំថ្នាក់រដ្ឋមន្ត្រីយុត្តិធម៌អារ៉ាប់នៅទីក្រុងបាកដាដ ប្រទេសអ៊ីរ៉ាក់ យ៉ាងដូច្នេះថា យើងទាមទារឱ្យបញ្ចប់ប្រតិបត្តិការយោធាជាបន្ទាន់ និងបើកច្រករបៀងសុវត្ថិភាព ដើម្បីនាំយកជំនួយជួយដល់ប្រជាជននៅតំបន់ហ្គាហ្សា។ ប្រធានសម្ព័ន្ធអារ៉ាប់រូបនេះបានសង្កត់ធ្ងន់ទៀតថា ការឡោមព័ទ្ធតំបន់ហ្គាហ្សារបស់អ៊ីស្រាអែល ដែលបានកាត់ផ្តាច់ទឹក ស្បៀងអាហារ អគ្គិសនី និងប្រេងឥន្ធនៈ គឺប្រៀបដូចជាការដកហូតមនុស្សជាតិចេញពីប្រជាជនប៉ាឡេស្ទីន និងការត្រួសត្រាយផ្លូវដើម្បីលុបបំបាត់ជនជាតិដើមភាគតិច។ គួរបញ្ជាក់ថា អ៊ីស្រាអែលបានប្រកាសសង្រ្គាមលើក្រុមអ៊ីស្លាមប៉ាឡេស្ទីនហាម៉ាស់ មួយថ្ងៃបន្ទាប់ពីរលកនៃពួកសកម្មប្រយុទ្ធរបស់ខ្លួនបានទម្លុះព្រំដែនដ៏រឹងមាំរបស់ហ្គាហ្សាចូលវាយលុកទឹកដីរបស់អ៊ីស្រាអែល កាលពីថ្ងៃទី៧ ខែតុលា ដោយបានបាញ់ប្រហារ ចាក់ និងដុតសម្លាប់មនុស្សជាង ១,៤០០នាក់។ បន្ទាប់ពីការវាយប្រហារដ៏សាហាវបំផុតក្នុងប្រវត្តិសាស្ត្រនេះ អ៊ីស្រាអែលបានបញ្ចេញយុទ្ធនាការទម្លាក់គ្រាប់បែកឥតឈប់ឈរលើតំបន់ហ្គាហ្សាស្ទ្រីប ដោយបានបំផ្លិចបំផ្លាញហេដ្ឋារចនាសម្ព័ន្ធនានា និងបានសម្លាប់មនុស្សយ៉ាងហោចណាស់ ២,៧៥០នាក់៕ ប្រភព៖ AFP ប្រែសម្រួលដោយ៖ ឈឹម ទីណា
-
លោក អាន់វ៉ា៖ ម៉ាឡេស៊ីមិនយល់ស្របនឹងសម្ពាធលោកខាងលិច ឱ្យថ្កោលទោសក្រុមហាម៉ាស់នោះទេ
គូឡាឡាំពួ៖នាយករដ្ឋមន្ត្រីម៉ាឡេស៊ី លោក អាន់វ៉ា អ៊ីប្រាហ៊ីម បាននិយាយនៅថ្ងៃចន្ទថា ម៉ាឡេស៊ីមិនយល់ស្របជាមួយលោកខាងលិច ដែលដាក់សម្ពាធឱ្យខ្លួនចូលរួមថ្កោលទោសក្រុមសកម្មប្រយុទ្ធប៉ាឡេស្ទីននោះទេ ចំពេលដែលជម្លោះអ៊ីស្រាអែល-ហាម៉ាស់ បានសម្លាប់មនុស្សរាប់ពាន់នាក់ទាំងនៅហ្គាហ្សា និងអ៊ីស្រាអែល។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។ លោក អាន់វ៉ា បាននិយាយអះអាងដោយមិនបញ្ចេញព័ត៌មានលម្អិតថា បណ្តាប្រទេសលោកខាងលិច និងអឺរ៉ុប បានស្នើម្តងហើយម្តងទៀតឱ្យម៉ាឡេស៊ីថ្កោលទោសក្រុមហាម៉ាស់នៅក្នុងកិច្ចប្រជុំផ្សេងៗ។ លោក អាន់វ៉ា បានប្រាប់សភាម៉ាឡេស៊ីថា ៖ «ខ្ញុំបាននិយាយថា ក្នុងគោលនយោបាយរបស់យើង យើងមានទំនាក់ទំនងជាមួយក្រុមហាម៉ាស់ពីមុនមក ហើយនឹងបន្តគោលនយោបាយនេះទៅមុខទៀត»។ លោកបន្តថា ៖ «យើងមិនយល់ស្របនឹងអាកប្បកិរិយាដាក់សម្ពាធរបស់ពួកគេទេ ព្រោះក្រុមហាម៉ាស់ ក៏បានឈ្នះនៅហ្គាហ្សាដោយសេរីតាមរយៈការបោះឆ្នោត ហើយប្រជាជនហ្គាហ្សាបានជ្រើសរើសពួកគេឱ្យដឹកនាំ»។ គួរបញ្ជាក់ថា ប្រទេសម៉ាឡេស៊ី ដែលមានប្រជាជនភាគច្រើនកាន់សាសនាអ៊ិស្លាម ធ្លាប់ជាអ្នកគាំទ្រសំឡេងនៃបុព្វហេតុប៉ាឡេស្ទីន និងបានតស៊ូមតិសម្រាប់សេចក្ដីសម្រេចបង្កើតឱ្យមានរដ្ឋពីរ ក្នុងជម្លោះរវាងអ៊ីស្រាអែល និងប៉ាឡេស្ទីន។ ប្រទេសនេះ មិនមានទំនាក់ទំនងការទូតជាមួយអ៊ីស្រាអែលនោះទេ។ មេដឹកនាំក្រុមហាម៉ាស់ នាពេលកន្លងមក តែងតែធ្វើទស្សនកិច្ចនៅម៉ាឡេស៊ី និងជួបជាមួយនាយករដ្ឋមន្ត្រីរបស់ប្រទេសនេះ។ អតីតនាយករដ្ឋមន្ត្រីម៉ាឡេស៊ី លោក Najib Razak ក្នុងឆ្នាំ ២០១៣ បានរំលងវិធានការបិទខ្ទប់តំបន់ហ្គាហ្សាក្រោមវិធានការរបស់រដ្ឋអ៊ីស្រាអែល ដោយលោកបានឆ្លងកាត់ចូលទៅក្នុងទឹកដីរបស់ប៉ាឡេស្ទីនមួយនេះតាមព្រំដែនអេហ្ស៊ីប ក្រោយពីមានការអញ្ជើញពីក្រុមហាម៉ាស់៕ ប្រែសម្រួល៖ហួន…