តាកែវ៖លោក លីវ សំណាង ប្រធានមន្ទីរអភិវឌ្ឍន៍ជនបទខេត្តតាកែវ បានឱ្យដឹងថា ឯកឧត្តម ងួន ដាញ៉ិល រដ្ឋលេខាធិការក្រសួង​អភិវឌ្ឍន៍​ជន តំណាងឯកឧត្តម ឆាយ ឫទ្ធិសែន រដ្ឋមន្រ្តីក្រសួងអភិវឌ្ឍន៍ជនបទ កាលពីថ្ងៃទី២៥ ខែតុលា បានដឹកនាំ​ក្រុមការងារ​គណ:កម្មការអន្តរ ក្រសួងរួមមាន ក្រសួងអភិវឌ្ឍន៍ជនបទ ក្រសួងសេដ្ឋកិច្ច និងហិរញ្ញវត្ថុ និងមន្ត្រីពាក់ព័ន្ធ អញ្ជើញពិនិត្យ​ផ្លូវ១៨ខ្សែក្នុងខេត្តតាកែវ។ ក្រោយពីបានចុះត្រួតពិនិត្យ និងវាយតម្លៃផ្លូវចំនួន១៨ខ្សែ លើការងារ ផ្លូវក្រាលក្រួសស​និងការងារចាក់ដីល្បាយ​ក្រួស១៤ខ្សែ​,​គម្រោងថែទាំ ផ្លូក្រាលកៅស៊ូ (DBST)ចំនួន៤ខ្សែ រួចមកដោយផ្អែកទៅលើ​លក្ខណៈបច្ចេកទេស សោភណភាព និងគុណភាព ផ្លូវក្រាលកៅស៊ូ (DBST) ក៏ដូចជាការចាក់ដីក្រាលក្រួសស ដីល្បាយភ្នំ គណៈកម្មការ អន្តរក្រសួង បានសម្រេចឯកភាព​ទទួល​យកសម្រាប់ការអនុវត្ត ការងារស្ថាបនាផ្លូវនេះ៕ដោយ៖ តាកែវ

(រាជធានីភ្នំពេញ)៖ នាយឧត្ដមសេនីយ៍ ម៉ៅ សុផាន់ អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក បានចែក​អាវរងាជាអំណោយដ៏ថ្លៃថ្លារបស់សម្ដេចតេជោ ហ៊ុន សែន និង​សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចែកជូនកងកម្លាំងឈរជើងនៅ​យោធភូមិភាគពិសេស នាព្រឹកថ្ងៃទី២៦ ខែតុលា ឆ្នាំ២០២៤ នៅទីបញ្ជាដ្ឋានយោធភូមិភាគពិសេស។ នាយឧត្ដមសេនីយ៍ ម៉ៅ សុផាន់ បានពាំនាំនូវការផ្តាំផ្ញើសាកសួរសុខទុក្ខ និងសេចក្តីនឹករលឹកពីសំណាក់ សម្តេចអគ្គមហាសេនាបតីតេជោ ហ៊ុន សែន និង សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិត ព្រមទាំង ឯកឧត្តម នាយឧត្តមសេនីយ៍ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និង ឯកឧត្តម នាយឧត្តមសេនីយ៍ អគ្គមេបញ្ជាការ នៃកងយោធពលខេមរភូមិន្ទ ជូនចំពោះមេបញ្ជាការគ្រប់លំដាប់ថ្នាក់ នាយទាហាន នាយទាហានរង និងពលទាហានទាំងអស់ ក្នុងមនោសញ្ចេតនា ស្រលាញ់រាប់អានយ៉ាងជ្រាលជ្រៅជាទីបំផុត។…

(តាកែវ)៖ ឯកឧត្តមបណ្ឌិត ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនា​គមន៍ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តតាកែវ នៅព្រឹកថ្ងៃទី​២៦ ខែតុលា ឆ្នាំ២០២៤ បានអញ្ជើញប្រកាសតែងតាំងសមាសភាពក្រុម​ការងាររាជ​រដ្ឋាភិបាលចុះមូលដ្ឋានស្រុកទ្រាំង ដែល ឯកឧត្តម សុខ ផេង និង ឯកឧត្តម សុខ ពុទ្ធិវុធ ជាសហប្រធានក្រុមការងារ។ ឯកឧត្តមបណ្ឌិត ជា វ៉ាន់ដេត ថ្លែងថា ក្នុងរយៈពេល ១ឆ្នាំហើយ រាជរដ្ឋាភិបាល​អាណត្តិទី៧ នៃរដ្ឋសភា ដឹកនាំដោយសម្តេចមហាបវរធិបតី ហ៊ុន ម៉ាណែត បានធ្វើឱ្យ​ប្រទេសកម្ពុជាយើង មានការរីកចម្រើនច្រើន ។ គោលដៅរបស់​រាជរដ្ឋាភិបាល នីតិកាលទី៧នេះ គឺបន្តអ្វីដែលរដ្ឋាភិបាលចាស់​បានបន្សល់ទុក ហើយនឹងធ្វើឲ្យកាន់តែប្រសើរឡើងថែមទៀត ។ ឧទាហរណ៍៖ លើការងារអប់រំ ៖ ការ ប្រឡងសញ្ញាបត្រមធ្យមសិក្សាទុតិយភូមិ គឺអ្នកចេះគឺជាប់។ សម្តេចបវរធិបតី បានធ្វើការកែទម្រង់ចាប់ពីបឋមសិក្សា ដោយបានចាប់ផ្តើម​ជ្រើសរើស​សាលាបឋមសិក្សាចំនួន ៤២សាលានៅទូទាំងប្រទេស។ ដោយ​ធ្វើការ​កែទម្រង់ឥរិយាបទរបស់កូនសិស្ស កែទម្រង់របៀបរបបគ្រប់គ្រងនៅ​ក្នុង​សាលា កែទម្រង់ឥរិយាបទ និងវិធីសាស្ត្រនៃការបង្រៀនរបស់លោកគ្រូ អ្នកគ្រូ ។…

កំពង់ឆ្នាំង៖មន្ទីរព័ត៌មានខេត្តកំពង់ឆ្នាំងបានប្រជុំផ្សព្វផ្សាយ និង ចែកសៀវភៅធម្មនុញ្ញវិជ្ជាជីវៈសារព័ត៌មានដល់អ្នកសារព័ត៌មាន ក្នុងខេត្តកំពង់ឆ្នាំងកាលពីថ្ងៃទី២៥ ខែតុលា ឆ្នាំ២០២៤។ លោក ហ៊ឹង ចូច អនុប្រធានមន្ទីរព័ត៌មាន​ខេត្ត តំណាងលោកឈាង វណ្ណៈ ប្រធានមន្ទីរព័ត៌មានខេត្តកំពង់ឆ្នាំងស្តីទីបាន​ប្រាប់​ទៅអ្នក សារព័ត៌មានគ្រប់ទម្រង់ដែលចូលរួមថា ធម្មនុញ្ញនេះ បានដើរតួនាទី យ៉ាងសកម្មក្នុងការលើកកម្ពស់គុណ​តម្លៃវិជ្ជា ជីវៈសារព័ត៌មាន នៅកម្ពុជា ធានាការផលិត និងផ្សព្វផ្សាយ នូវព័ត៌មានពិត មានគុណភាព និងសុវត្ថិភាពជូនប្រជាពលរដ្ឋ ។ធម្មនុញ្ញវិជ្ជាជីវៈ សារព័ត៌មាន ក៏ដើម្បីតម្រង់ទិសអ្នកសារព័ត៌មាន ពង្រឹង វិស័យ សារព័ត៌មាននៅកម្ពុជាឱ្យកាន់តែមានភាពល្អប្រសើរ ធានា​ជំនឿទុកចិត្តរបស់ប្រជាពលរដ្ឋ ក្នុងសង្គមមកលើប្រព័ន្ធផ្សព្វផ្សាយ នៅកម្ពុជា ។ លោក ហ៊ឹង ចូច អធិប្បាយថាខ្លឹមសារសំខាន់ៗ ក្នុងសៀវភៅ ធម្មនុញ្ញវិជ្ជាជីវៈសារព័ត៌មានបានពន្យល់ច្បាស់ពីសិទ្ធិ និងករណីយ​កិច្ចអ្វីដែលអ្នកសារព័ត៌មាន ត្រូវធ្វើ និងមិនត្រូវធ្វើ ព្រមទាំងការរៀប រាប់ពីទិដ្ឋភាពទាក់ទង នឹងសិទ្ធិទទួលខុសត្រូវនានា ដែលស្ថិតក្នុង ក្របខ័ណ្ឌនៃច្បាប់ លិខិតបទដ្ឋានគតិយុត្ត ជាធរមានរបស់ព្រះរាជាណា ចក្រកម្ពុជា ។ តាមរយៈព្រឹត្តិការណ៍នេះលោកអនុប្រធានមន្ទីរព័ត៌មានលើកទឹកចិត្តដល់​អ្នកសារព័ត៌មាន ក្នុងខេត្តកំពង់ឆ្នាំងត្រូវបន្តចូល​រួមផ្សព្វ​ផ្សាយ ព័ត៌មានល្អៗដែលបម្រើដល់ចំណេះដឹង…

(កំពង់ចាម)៖ កម្ពុជា បានខិតខំពង្រឹង និងដាក់ចេញការកែទម្រង់កម្មវិធីអប់រំ ជាបន្តបន្ទាប់ ខណៈគ្រប់ប្រទេសទាំងអស់ ទាំងប្រទេសមហាអំណាច កំណែទម្រង់វិស័យអប់រំ នៅតែធ្វើជាបន្តបន្ទាប់ដូចគ្នា ។ នេះជាការគូសបញ្ជាក់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងពិធីសម្ពោធសមិទ្ធផលនានា នៃគម្រោងជំនួយប្រទេសចិន កែលម្អបរិស្ថាន សាលារៀន និងការផ្គត់ផ្គង់សម្ភារៈ បរិក្ខារអប់រំនៅកម្ពុជា នៅវិទ្យាល័យ ហ៊ុនសែន ពាមជីកង ស្រុកកងមាស ខេត្តកំពង់ចាម នាព្រឹកថ្ងៃទី ២៦ ខែតុលា ឆ្នាំ២០២៤ ។ ក្នុងឱកាសនេះ សម្តេចធិបតី ហ៊ុន ម៉ាណែត បានថ្លែងអំណរគុណ ទៅដល់ក្រសួងអប់រំ យុវជន និងកីឡា ដែលប៉ុន្មានឆ្នាំ និងប៉ុន្មានអាណត្តិមកនេះ បានខិតខំពង្រឹង ក្នុងការរៀបចំកម្មវិធីសិក្សា ដែលបានត្រៀមលក្ខណៈគ្រប់គ្រាន់ ដោយសារតែការរៀនសូត្រ មិនអាចរៀនតែមួយថ្ងៃបានទេ ។ សម្តេចធិបតី នាយករដ្ឋមន្ត្រី បានគូសបញ្ជាក់ថា “ក្រសួងអប់រំ ដែលដាក់ចេញកែទម្រង់កម្មវិធីអប់រំរបស់យើង ជាបន្តបន្ទាប់ ហើយចុងក្រោយនេះ ក្រោមការដឹកនាំរបស់ឯឧត្តម…

ភ្នំពេញ៖ដូចកាលពីចុងសប្តាហ៍មុនៗ​ដែរ នៅថ្ងៃ​សៅរ៍ទី២៦ ខែតុលា ឆ្នាំ២០២៤នេះប្រជាពលរដ្ឋចំនួន២០០នាក់បានធ្វើ​ដំណើរ​ប្រកបដោយទឹកមុខរំភើបនិង​សប្បាយរីករាយ​តាមរថយន្តចំនួន១៣​គ្រឿង ចេញពីរាជធានីភ្នំពេញនៅម៉ោង៥ព្រឹក ដើម្បីឆ្ពោះទៅកាន់តំបន់​ក្រវាត់ព្រំដែននៅប៉ែកឦសាន​នៃប្រទេសកម្ពុជា ក្នុងភូមិសាស្ត្រខេត្ត​ត្បូងឃ្មុំ ខេត្តក្រចេះ និងខេត្តមណ្ឌលគិរី។នេះជាការបញ្ជាក់របស់​ឯកឧត្តម ទេព អស្នារិទ្ធ អនុរដ្ឋលេខាធិការ និងជាមន្រ្តី​អ្នក​នាំពាក្យ​ក្រសួងព័ត៌មាន។ អ្នកនាំពាក្យបានបញ្ជាក់ថា ដំណើរទស្សនកិច្ចពលរដ្ឋបាន​អញ្ជើញទៅដល់ទីតាំងទី១នៅវេលាម៉ោងប្រមាណ៨៖១៥នាទីព្រឹក គឺទីតាំងភូមិអភិវឌ្ឍន៍អន្លង់ជ្រៃ ក្នុងស្រុកពញាក្រែក ខេត្តត្បូងឃ្មុំ ដើម្បីពិនិត្យស្ថានភាពភូមិសាស្ត្រពិតជាក់ស្តែង ទីតាំងបង្គោល​ព្រំដែនរវាងកម្ពុជា-វៀតណាមនៅក្នុងតំបន់ភូមិសាស្ត្រនេះ។ លើសពីនេះទៀត ប្រជាពលរដ្ឋបានមើលឃើញដោយផ្ទាល់នូវ​ស្ថានភាពពិតនៃជីវភាពរស់នៅល្អប្រសើររបស់ប្រជាជនក្នុងសហគមន៍មូលដ្ឋាន ការរីកចម្រើនផ្នែកសង្គម-សេដ្ឋកិច្ច ព្រមទាំង​វិស័យហេដ្ឋារចនាសម្ព័ន្ធដែលមានការអភិវឌ្ឍជាក់ស្តែងយ៉ាងច្រើន និងមានការវិវត្តឈានឡើងជាបន្តបន្ទាប់។ ឯកឧត្តម ទេព អស្នារិទ្ធ បានបន្ថែមថា ក្រោយពីបានចុះពិនិត្យនិងបាន​ទទួលព័ត៌មានពីស្ថានភាពពិតក្នុងតំបន់ភូមិសាស្ត្រខាងលើរួច ក្រុមទស្សនកិច្ចបានបន្តដំណើរទៅកាន់ទីតាំងសំខាន់ៗផ្សេងៗទៀតដូចដែលបានគ្រោងទុក ក្នុងភូមិសាស្ត្រខេត្តក្រចេះ និងខេត្តមណ្ឌល​គិរីជាបន្តបន្ទាប់។ ដំណើរទស្សនកិច្ចនឹងត្រលប់មកកាន់រាជធានីភ្នំពេញ​វិញនាល្ងាចនៃសៅរ៍ដដែលនេះ។ នេះជាដំណើរទស្សនកិច្ចលើកទី៧ហើយ រាប់ចាប់តាំងពីដំណើរ​លើកទី១ ដែលបានប្រព្រឹត្តទៅកាលពីដើមខែកញ្ញា (៧កញ្ញា)​ឆ្នាំ២០២៤កន្លងទៅ ដោយមានអ្នកចូលរួមសរុបចំនួន១.៣១១ នាក់។ដំណើរទស្សនកិច្ចប៉ែកឦសានទាំង៧លើក​ដែលមានក្រសួងព័ត៌មាន​ជាអ្នកសម្របសម្រួល​បានជូនប្រជាពលរដ្ឋទៅមើលស្ថានភាព ទីតាំងបង្គោលព្រំដែន និងការគ្រប់គ្រងក្នុងតំបន់តាមបណ្តោយក្រវាត់​ព្រំដែន ក្នុងខេត្តត្បូងឃ្មុំ ក្រចេះ មណ្ឌលគិរី ស្ទឹងត្រែង និងរតនគិរី។ សូមបញ្ជាក់ជូនថាសន្ទុះនៃការចូលរួមរបស់ប្រជាពលរដ្ឋបានបន្តកើនឡើង ហើយបើផ្អែកតាមបច្ចុប្បន្នភាពនៃ​ចំនួនអ្នកចុះឈ្មោះ ដែលក្រុម​ការងាររៀបចំដំណើរទស្សនកិច្ចបានបូកសរុបមកទល់ពេលនេះ មានអ្នកបានឈ្មោះចំនួនប្រមាណ ៣.៥០០នាក់ ហើយ។ មានប្រជាពលរដ្ឋកម្ពុជាច្រើនឡើងមកពីគ្រប់មជ្ឈដ្ឋានបានបន្តចុះឈ្មោះតាមប្រព័ន្ធអនឡាញ ដោយបានបំពេញព័ត៌មានងាយៗ…

ភ្នំពេញ៖ក្រសួងទេសចរណ៍កម្ពុជា និងគ្រប់ភាគីពាក់ព័ន្ធ បានរួមគ្នាធ្វើ​ការពិភាក្សាលើសេចក្តីព្រាងស្តីពីស្តង់ដា “ភូមិទេសចរណ៍គំរូ” ដែល​នេះជាការធ្វើពិពិធកម្ម ផលិតផលទេសចរណ៍ ជំរុញការផ្សព្វផ្សាយ និងការទាក់ទាញភ្ញៀវទេសចរដ៏មានប្រសិទ្ធភាព។ ថ្លែងក្នុងសិក្ខាសាលាពិគ្រោះយោបល់គោលការណ៍ណែនាំស្តីពីសេចក្តីព្រាងស្តង់ដា “ភូមិទេសចរណ៍គំរូ” នាព្រឹកថ្ងៃទី២៤ ខែតុលា ឆ្នាំ២០២៤ នៅខេត្តសៀមរាបឯកឧត្តម ជុក ជំនោរ អគ្គនាយកដ្ឋានអភិវឌ្ឍន៍ទេស​ចរណ៍ និងសហប្រតិបត្តិការអន្តរជាតិ បានគូសរំលេចថា ការ​រៀបចំ​​ឱ្យ​មានស្តង់ដា “ភូមិទេសចរណ៍គំរូ” គឺជាកត្តាដ៏សំខាន់ក្នុងការរួមចំណែក​ធ្វើ​ពិពិធកម្ម ផលិតផលទេសចរណ៍ ជំរុញការផ្សព្វផ្សាយ និងការទាក់​ទាញភ្ញៀវទេសចរដ៏មានប្រសិទ្ធភាព ពិសេសរួមចំណែកដល់ការជំរុញ និងអភិវឌ្ឍតំបន់ជនបទ ឱ្យប្រែក្លាយជាគោលដៅទេសចរណ៍​ដ៏មាន​ភាពទាក់ទាញ ស្របតាមយុទ្ធសាស្ត្រពិពិធកម្ម ផលិតផលទេស​ចរណ៍របស់រាជរដ្ឋា​ភិបាល​កម្ពុជា និងជំរុញការតភ្ជាប់ ទៅកាន់តំបន់​ជនបទផងដែរ។ ការរៀបចំនូវសេចក្តីព្រាងស្តង់ដា “ភូមិទេសចរណ៍គំរូ” នេះ ឯកឧត្តម ជុក ជំនោរ បានប្រាប់ថាធ្វើឡើងក្រោមគំនិតផ្តួចផ្តើមចំនួន២ គឺទី១.​យោងតាមអង្គការទេសចរណ៍សហប្រជាជាតិ (UN Tourism) និងទី២.យោងទៅតាមគោលនយោបាយទេសចរណ៍ជាតិ​ក្នុងការ​អភិវឌ្ឍ​នូវកសិទេសចរណ៍ នៅតាមតំបន់ជនបទចូលរួមក្នុងការធ្វើ​ឱ្យប្រសើរឡើងនូវជីវភាពរបស់ប្រជាពលរដ្ឋនៅ​តាម​មូលដ្ឋាន ដែលជាគោលដៅយុទ្ធសាស្រ្តនៅក្នុង “ផែនទីចង្អុលផ្លូវ” របស់​រាជរដ្ឋាភិបាលស្តីពីផែនការស្តារ និងលើកស្ទួយវិស័យ​ទេសចរណ៍​កម្ពុជាក្នុង និងក្រោយវិបត្តិជំងឺកូវីដ-១៩។ បើតាមឯកឧត្តម ជុក ជំនោរ ដោយមានការយកចិត្តទុកដាក់​ខ្ពស់ពីរាជរដ្ឋាបាលកម្ពុជា វិស័យទេសចរណ៍មានការរីកចម្រើនគួរ​ជាទីមោទនៈ ដោយទទួលបានកំណើនវិជ្ជមានជារៀងរាល់ឆ្នាំនៅ​មុនការរីករាលដាលនៃជំងឺកូវីដ-១៩…

សៀមរាប ÷ គណៈកម្មាធិការសេដ្ឋកិច្ច និង ធុរកិច្ចឌីជីថល នាថ្ងៃទី២៥ ខែតុលា ឆ្នាំ២០២៤ រៀបចំសិក្ខាសាលាផ្សព្វផ្សាយស្តីពី “ការលើកកម្ពស់ចំណេះដឹង ជំនាញ និង ការចាប់យកឌីជីថលនៅកម្ពុជា” ក្រោមការឧបត្ថម្ភពីមូលនិធិនៃការកសាងសមត្ថភាព និង ការស្រាវជ្រាវ និង ការអភិវឌ្ឍលើវិស័យទូរគមនាគមន៍ និង បច្ចេកវិទ្យាគមនាគមន៍ និង ព័ត៌មាន (មូលនិធិ ស.អ.) នៃក្រសួងប្រៃសណីយ៍ និង ទូរគមនាគមន៍។ សិក្ខាសាលាផ្សព្វផ្សាយនេះ រៀបចំឡើងនៅសណ្ឋាគារ រូយ៉ាល់អង្គររីសត ខេត្តសៀមរាប ក្រោមអធិបតីភាពរបស់ លោកជំទាវ ផល ម៉ារីណា អគ្គលេខាធិការរង នៃអគ្គលេខាធិការដ្ឋានគណៈកម្មាធិការសេដ្ឋកិច្ច និង ធុរកិច្ចឌីជីថល និង ជាតំណាងឯកឧត្តមបណ្ឌិត គង់ ម៉ារី រដ្ឋលេខាធិការនៃ ក្រសួងសេដ្ឋកិច្ច និង ហិរញ្ញវត្ថុ និង ជាអគ្គលេខាធិការនៃអគ្គលេខាធិការដ្ឋានគណៈកម្មាធិការសេដ្ឋកិច្ច និង ធុរកិច្ចឌីជីថល ព្រមទាំងមានការចូលរួមពីតំណាងសមាគម វិស័យឯកជន សាកល- វិទ្យាល័យ…

(ភ្នំពេញ)៖បើយើងប្រៀបធៀបប្រទេសដែលមានស្វាយចន្ទីច្រើនជាងគេ​គឺប្រទេ​ស​កូឌីវ័រ ដែលមានផ្ទៃដីដាំដុះជាង១លានហិកតា លេខ២ឥណ្ឌា និងកម្ពុជាស្ថិតនៅលើ​លំដាប់​លេខ៣ ប៉ុន្តែបើនិយាយពីរស់ជាតិគ្រាប់ និងពិសេសសម្រស់គឺគ្រាប់​ស្វាយ​ចន្ទីរបស់យើងល្អលើសគេ ឬអាចនិយាយបានថាល្អឯកលើសគេតែម្តង។នេះជាការ​ថ្លែងបញ្ជាក់ពីសំណាក់ ឯកឧត្តម តូច ប៊ុនហូរ រដ្ឋលេខាធិការក្រសួងកសិកម្ម រុក្ខាប្រ​មាញ់ និងនេសាទ។ បញ្ជាក់ប្រាប់បណ្តាញសារព័ត៌មានក្រោយបញ្ចប់ក្នុងពិធីប្រកាសដាក់ឱ្យប្រើប្រាស់នូវឯកសារស្តីពីតំបន់ដាំដុះដំណាំស្វាយចន្ទីនៅកម្ពុជានាសណ្ឋានគារហ៊ីម៉ាវ៉ារី រាជធានីភ្នំ​ពេញ ឯកឧត្តម តូច ប៊ុនហូរ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ​បានឱ្យដឹងថា៖ដើម្បីក្លាយជាប្រទេសអធិរាជស្វាយចន្ទីយើងអាចប្រើរយៈ​ពេល៥ឆ្នាំ​ទៀត ហើយបើតាមរយៈលក្ខណៈពិសេសរបស់ស្វាយចន្ទីកម្ពុជានេះយើង​នឹងអាច​ជោគជ័យនាថ្ងៃខាងមុខ។ ឯកឧត្តមបានថ្លែងបញ្ជាក់ដែរថាបើក្រឡេកមើលសន្ទុះនៃការដាំ និងការវិនិយោគ​នៃការ​ដាំ​ស្វាយចន្ទីឃើញថាខ្លាំងក្លា និងបើពុំមានអ្វី​ប្រែប្រួលទេ​រយៈពេល២ទៅ៣ឆ្នាំ​ខាងមុខទៀតយើងនឹងអាចសម្រេចបាននូវគោលនយោបាយជាតិស្តីពី ស្វាយចន្ទី​ឆ្នាំ២០២២-២០២៧ ដែលក្នុងនេះនឹងធ្វើការកែច្នៃគ្រាប់ចន្ទីឱ្យបាន២០ភាគរយ​និងបច្ចុប្បន្នយើងមានការច្នៃក្នុងស្រុកតែជាង១០ភាគរយបន្តិចបន្តួច ។ សម្រាប់គ្រាប់​ស្វាយចន្ទីកម្ពុជាមានការនាំចេញទៅកាន់ប្រទេសជិតខាងមានសើម មានឆៅ និង​ស្ងួត ។​ ក្រៅពីនេះក៏មាននាំទៅកាន់ប្រទេសចិន និងឥណ្ឌាក៏មានទិញពីកម្ពុជាដែរបើ​ទោះបី​ឥណ្ឌាមានគ្រាប់ស្វាយចន្ទីជាប់លំដាប់ទី២ក៏ដោយ។ ឯកឧត្តម ងិន ឆាយ ប្រតិភូរាជរដ្ឋាភិបាលទទួលបន្ទុកជាអគ្គនាយក នៃអគ្គនាយក​ដ្ឋាន​កសិកម្មបានឱ្យដឹងថា៖ប្រទេសកម្ពុជាមានដីដែលសមស្របអាចដាំដុះដំណាំ​ស្វាយចន្ទី ប្រមាណជា ១.២៨លានហិកតាហើយមានប្រភេទពួជដែលផ្តល់​ទិន្នផល​ខ្ពស់ និង មានទំហំគ្រាប់ធំ (23) សមស្របតាមតម្រូវការទីផ្សារអន្តរជាតិ។ ឯកឧត្តមថ្លែងឱ្យដឹងដែរថា”តាមលទ្ធផលនៃការសិក្សាវាយតម្លៃបានបង្ហាញថា ក្នុងឆ្នាំ២០២៤ ផ្ទៃដីដាំដុះដំណាំស្វាយចន្ទីទូទាំង ប្រទេសកម្ពុជាមានប្រមាណ ៥៨០ ១១៧ ហិកតា ហើយដំណាំស្វាយចន្ទីដែលស្ថិតក្នុងក្រឡាផ្ទៃនេះជាដំណាំ ដែលមាន​អាយុកាលផ្តល់ផលល្អផងដែរ។ ការសិក្សាផលិតផែនទីនេះ​ត្រូវបានធ្វើឡើង​ក្នុង​កម្រិត​ខេត្ត…