ក្នុងចំណោមរដ្ឋមន្ដ្រីទាំងនោះ រួមមាន រដ្ឋមន្ត្រីក្រសួងរតនាគារអាមេរិកលោកស្រី Janet Yellen ប្រធានក្រុមប្រឹក្សាភិបាលធនាគារកណ្ដាលអាមេរិកលោក Jerome Powell និងប្រធានធនាគារកណ្ដាលអឺរ៉ុបលោកស្រី Christine Lagarde។ កាលពីដើមខែនេះ លោកស្រី Yellen បាននិយាយថា លោកស្រីបានប្រាប់ឥណ្ឌូនេស៊ី ដែលជាប្រធាន G20 ថាលោកស្រីនឹងមិនចូលរួមសម័យប្រជុំណាមួយដែលមានការចូលរួមដោយរុស្ស៊ី។ ខណៈពេលដែលប្រធានាធិបតីអាមេរិកលោក Joe Biden និយាយថារុស្ស៊ីមិនគួរបន្តជាសមាជិក G20 ទៀតទេ ការបណ្ដេញក្រុងម៉ូស្គូនឹងត្រូវការការគាំទ្រពីសមាជិកទាំងអស់។ ប្រភព៖ CNN

តាមទិន្នន័យចុងក្រោយ មានភូមិទូទាំងប្រទេសចំនួន ៩៧% និងមានលំនៅឋានជាង ៨៤% មានអគ្គិសនីប្រើប្រាស់ លើកលែងតែលំនៅឋានក្នុងតំបន់ព្រៃភ្នំដែលពិបាកទៅដល់។ ឆ្នាំ២០២១ កម្ពុជាផលិតថាមពលអគ្គិសនីដោយខ្លួនឯងបានជិត ៤ពាន់មេហ្កាវ៉ាត់ និងនាំចូលពីប្រទេសជិតខាងដូចជា ថៃ ឡាវ និងវៀតណាម ជាង១ពាន់មេហ្កាវ៉ាត់ ។ នៅពេលគម្រោងរោងចក្រអគ្គិសនីធំៗនៅកម្ពុជាបញ្ចប់ការសាងសង់ យើងនឹងមានថាមពលអគ្គិសនីលើសពីអ្វីតម្រូវការ។ 📷 Cambodia Development Projects

ស្អែកសម្តេចតេជោនឹងដឹកនាំគណៈប្រតិភូជាន់ខ្ពស់ទៅចូលរួមក្នុងកិច្ចប្រជុំកំពូលលើកទី៤ ស្តីពី “បញ្ហាទឹកនៅតំបន់អាស៊ី-ប៉ាស៊ីហ្វិក” ក្រោមមូលបទ “ទឹកសំរាប់ការអភិវឌ្ឍប្រកបដោយចីរភាព៖ ឧត្តមានុវត្តន៍ និងអ្នកបន្តវេនជំនាន់ក្រោយ” នៅប្រទេសជប៉ុន

បន្ទាប់ពីប្រទេសមហាអំណាចលោកខាងលិច ដូចជាអង់គ្លេស និងអាមេរិកបានឈប់ទិញប្រេងពីរុស្ស៊ី ដោយសារតែសង្គ្រាមនៅអ៊ុយក្រែន តម្លៃប្រេងឆៅ Urals នៅអឺរ៉ុបបានធ្លាក់ចុះពី ១១១ដុល្លារទៅ ៧៨ដុល្លារ ក្នុងមួយបារ៉ែល។ ការណ៍នេះបានផ្តល់ឱកាសដល់ប្រទេសផ្សេងទៀត ក្នុងការចរចាទិញប្រេងពីរុស្ស៊ីក្នុងតម្លៃថោកជាងមុន។ ទីក្រុងមូស្គូ ក៏កំពុងផ្តល់ប្រេងបន្ថែមទៀតទៅកាន់ប្រទេសឥណ្ឌា ដោយមានការបញ្ចុះតម្លៃរហូតដល់ ៣៥ដុល្លារក្នុងមួយបារ៉ែលផងដែរ។ ក្នុងចំណោម នាវាដឹកប្រេងរុស្ស៊ី ៣៨០គ្រឿង ១១៥គ្រឿងបានធ្វើដំណើរទៅកាន់ប្រទេសក្នុងអាស៊ី ដូចជា ចិន កូរ៉េខាងត្បូង ឥណ្ឌា ជប៉ុន និងម៉ាឡេស៊ី។ បើធៀបទៅនឹងឆ្នាំមុន ការដឹកជញ្ជូនប្រេងទៅឥណ្ឌា បានកើនឡើង ៨ដង ខណៈដែលការដឹកជញ្ជូនទៅកាន់ចិនកើនឡើង ៣៣%។ ប្រភព៖ Asia Nikkei