អ៊ុយក្រែន ជាប្រទេសមួយដែលមានសក្តានុពលសេដ្ឋកិច្ចល្អជាងគេក្នុងចំណោមប្រទេសដែលបំបែកចេញពីសហភាពសូវៀតក្នុងសម័យនៅជារដ្ឋមួយនៃសហភាពសូវៀត អ៊ុយក្រែនជារដ្ឋមួយដែលមានឧស្សាហកម្មធំៗច្រើនជាងគេរួមទាំងរោងចក្រធ្វើយន្តហោះផងដែរ ក្រៅពីវិស័យឧស្សាហកម្មធនធ្ងន់ អ៊ុយក្រែនក៏សម្បូរធនធានមនុស្សមិនចាញ់រុស្សីប៉ុន្មានដែរ។ អ៊ុយក្រែនប្រៀបដូចបងទី២ បន្ទាប់ពីរុស្សីក្នុងចំណោមបងប្អូន ១៥នាក់ នៃគ្រួសារសហភាពសូវៀត។ អ៊ុយក្រែនមានព្រំប្រទល់ជាប់រុស្សីទាំងដែនទឹក និងដែនគោក ដូច្នេះហើយបានរុស្សីក្រសោបយកតំបន់គ្រីមៀ ដែលជាដែនទឹកដ៏សំខាន់របស់អ៊ុយក្រែនភ្លាមក្រោយអ៊ុយក្រែនងាកទៅរកអាមេរិក។ រឿងដែលរុស្សីកាន់តែភ័យព្រួយខ្លាំងគឺនៅពេលអ៊ុយក្រែនព្យាយាមចូល NATO គឺដូចឱ្យអាមេរិកដាក់កាំជ្រួចនៅមាត់ទ្វារផ្ទះរុស្សី។ ដូច្នេះទោះជាលះបង់តម្លៃណាក៏រុស្សីមិនបណ្តោយឱ្យអ៊ុយក្រែនក្លាយជាសមាជិក NATO ដែរ។ ✍🏽 Tara Om

បន្ទាប់ពីរុស្ស៊ីបើកការលុកលុយទ្រង់ទ្រាយធំនៅថ្ងៃទី១ ដែលបានសម្លាប់ជនជាតិអ៊ុយក្រែនអស់ជាង១០០នាក់និងរបួសជិត៤០០នាក់ផ្សេងទៀត ប្រធានាធិបតីអ៊ុយក្រែន លោក Volodymyr Zelensky បានថ្លែងថា “ប្រទេសរបស់លោកត្រូវបានទុកចោលម្នាក់ឯងឱ្យតតាំងប្រយុទ្ធជាមួយរុស្ស៊ី”។ លោកបានបន្ថែមថា “តើនរណាត្រៀមខ្លួនប្រយុទ្ធជាមួយយើង? ខ្ញុំមិនឃើញនរណាម្នាក់ទេ។ តើនរណាត្រៀមខ្លួនផ្តល់ការធានាដល់អ៊ុយក្រែនពីសមាជិកភាពណាតូ? មនុស្សគ្រប់គ្នាមានការភ័យខ្លាចអស់ហើយ” ។ លោក Zelensky បានបន្តថា “ក្រុមបំផ្លិចបំផ្លាញ” របស់រុស្ស៊ីបានចូលទៅក្នុងរដ្ឋធានី Kyiv ហើយខណៈរូបគាត់និងក្រុមគ្រួសារនៅតែស្ថិតក្នុងប្រទេសអ៊ុយក្រែនដដែលបើទោះបីជារុស្ស៊ីកំណត់គាត់ថាជា “គោលដៅទី ១របស់គេក៏ដោយ” ។ ✍🏼-ពុយ គា

មកទល់ម៉ោងនេះ ទាំងប្រទេសនៅអឺរ៉ុប និងអាមេរិកដែលមុនហ្នឹងអះអាងថាខ្លួននឹងការពារអ៊ុយក្រែននោះ បានត្រឹមស្រែកថ្កោលទោសរុស្ស៊ី និងដាក់ទណ្ឌកម្មសេដ្ឋកិច្ចប៉ុណ្ណោះ ខណៈភ្លើងសង្គ្រាមនៅអ៊ុយក្រែនចាប់ផ្តើមឆាបឆេះទៅហើយ។ អ្វីដែលកើតលើអ៊ុយក្រែនពេលនេះជាបទពិសោធន៍សម្រាប់ប្រទេសទន់ខ្សោយនានាដែលជឿនិងសង្ឃឹមខ្លាំងពេកតាមការសន្យាពីប្រទេសមហាអំណាច។ ✍🏽 Tara Om

អ្នកឆ្លងថ្មីប្រភេទអូមីក្រុង ៤៧៩នាក់ ជាសះស្បើយ ៥០៣នាក់ អ្នកស្លាប់ ១នាក់ ២៥ កុម្ភៈ ២០២២

១. ក្នុងឆ្នាំ២០២១ ទំហំពាណិជ្ជកម្មកម្ពុជា-ម៉ាឡេស៊ីមានទឹកប្រាក់ចំនួន ៥០១លានដុល្លារ កើនឡើងចំនួន១៣% បើធៀបនឹងឆ្នាំ២០២០ – AMS Central ២. ឆ្នាំ២០២១ កម្ពុជានាំចេញអង្ករទៅកាន់ទីផ្សារប្រទេសចិនគ្របដណ្តប់លើបរិមាណសរុប ៥០ភាគរយ នៃការនាំចេញទៅកាន់ទីផ្សារអន្តរជាតិ – AMS ៣. ឆ្នាំ២០២១ កម្ពុជាទទួលបានទុនវិនិយោគលើវិស័យថាមពលអគ្គិសនីសរុបចំនួន ១ ៦៦៩លានដុល្លារ – AMS Economy ៤. មេដឹកនាំពិភពលោកប្រតិកម្មនឹងការវាយប្រហាររបស់រុស្ស៊ីលើអ៊ុយក្រែន ខណៈមានសេចក្តីរាយការណ៍ថា មានមនុស្សស្លាប់ និងរបួសរាប់រយនាក់ – Times of Israel ៥. ចិនអំពាវនាវឲ្យគ្រប់ប្រទេសទាំងអស់ ការពារសន្តិសុខថាមពល ទោះបីស្ថានការណ៍នៅអ៊ុយក្រែន កំពុងក្តៅគគុក – Reuters

📷 Online

ប្រភព៖ CNN