រដ្ឋមន្រ្តីការបរទេសម៉ាឡេស៊ី លោក Saifuddin Abdullah ជារដ្ឋមន្រ្តីតែមួយរូបគត់ដែលស្លៀកសម្លៀកបំពាក់ខុសគេ “អាវបាទីក និងស្បែកជើងប៉ាតតា” ពេលចូលប្រជុំ។ អាវបាទីក ជាអាវប្រពៃណីរបស់ម៉ាឡេស៊ីដែលគេបានចេញគោលនយោបាយមួយលើកទឹកចិត្តឱ្យមន្រ្តីរដ្ឋាភិបាលរបស់ខ្លួនពាក់អាវបាទីក (Batik) រៀងរាល់ថ្ងៃព្រហស្បតិ៍ ដើម្បីជំរុញផលិតផលសិប្បកម្មក្នុងស្រុករបស់គេ។ យ៉ាងណាក៏ដោយ រដ្ឋមន្រ្តីម៉ាឡេស៊ីរូបនេះបានសរសេរល្អពីកិច្ចប្រជុំនៅភ្នំពេញលើបណ្តាញសង្គមរបស់លោក បន្ទាប់ពីប្រជុំចប់ ខុសពីខ្លឹមសារដែលលោកធ្លាប់ថ្លែងមុនមកដល់ភ្នំពេញ។ ដកស្រង់ពីរឿងក្រៅឆាក៖ កិច្ចប្រជុំអាស៊ានមានអ្វីប្លែក? https://www.facebook.com/109417220955491/posts/417916573438886/?d=n ✍🏽- ពុយ គា

តាំងពីមួយឆ្នាំមុនម្លេះ កម្ពុជាបានត្រៀមបញ្ជីការងារដែលត្រូវធ្វើ និងត្រូវរែកពន់។ ក្រោយទទូលតួនាទីជាប្រធានអាស៊ានបាន៧ថ្ងៃ លោកនាយករដ្ឋមន្រ្តី ហ៊ុន សែន ក៏បានធ្វើដំណើរទៅកាន់ប្រទេសភូមា ជាបេសកកម្ម “បើកបំពង់លូដែលស្ទះក្រោយពីទឹកលែងហូរអស់ជាច្រើនខែ”។ យ៉ាងណាក៏ដោយ កម្ពុជាពុំអាចគេចចេញពីបញ្ហាធំៗនិងបញ្ហាប្រឈមនៅឡើយទេនោះគឺ៖ ជំងឺរាតត្បាតកូវីដ១៩ ឥទ្ធិពលភូមិសាស្រ្តនយោបាយនៃគូប្រជែងរបស់មហាអំណាចពីរ (ចិន និងអាមេរិក) វិបត្តិតភាគនៅភូមា ជម្លោះតជំនាន់នៅសមុទ្រចិនខាងត្បូង និងចុងក្រោយបញ្ហាប្រឈមផ្ទៃក្នុងរបស់អាស៊ានខ្លួនឯង។ របៀបវារៈទាំងអស់នេះនឹងធ្វើឱ្យកៅអីប្រធានអាស៊ានរវល់រហូត។ សម្រាប់លោកនាយករដ្ឋមន្ត្រី ហ៊ុន សែន ជោគជ័យធំនៃប្រធានអាស៊ានរបស់លោកប្រហែលនឹងត្រូវបានកំណត់ដោយបញ្ហាធំៗមួយចំនួន៖ បើមានវឌ្ឍនភាពវិជ្ជមាននៃវិបត្តិនៅភូមា ការចរចាក្រមប្រតិបត្តិ (CoC) នៅសមុទ្រចិនខាងត្បូងត្រូវបានបញ្ចប់ និងការវិវត្តជាវិជ្ជមាននៃទស្សនវិស័យអាស៊ានសម្រាប់ឥណ្ឌូប៉ាស៊ីហ្វិក (ASEAN Outlook on Indo-Pacific)។ ដកស្រង់ពីរឿងក្រៅឆាក៖ កិច្ចប្រជុំអាស៊ានមានអ្វីប្លែក? ✍🏽- ពុយ គា

ភូមាជាបន្លាដ៏ស្អិត និងជាចំណងដ៏ក្រាស់មួយដែលបង្ខំឱ្យកម្ពុជាត្រូវសម្រេចចិត្តដកឬស្រាយចេញ។ សេចក្ដីព្រាងនៃសេចក្តីប្រកាសព័ត៌មានរបស់ប្រធានអាស៊ានពាក់ព័ន្ធទៅនឹងភូមាបានធ្វើឱ្យកម្ពុជាគិតច្រើន ម្ខាងជាគ្រួសារធំអាស៊ាន៩ ជាមួយសហគមន៍អន្តរជាតិ និងម្ខាងទៀតជាចំណងការទូតនិងបេសកកម្មប្រវត្តិសាស្រ្តរបស់កម្ពុជាក្នុងនាមប្រធានអាស៊ានដែលត្រូវធ្វើការមួយឆ្នាំពេញជាមួយ។ ភូមាមិនសប្បាយចិត្តសោះឡើយ នៅពេលដែលអាស៊ានគ្នាឯងព្រួតគ្នាសរសេរជាលាយលក្ខណ៍អក្សរឱ្យរបបយោធាភូមាដឹកនាំដោយលោក Ming Ang Hlaing គួរធ្វើនេះ គួរធ្វើនោះជាមួយប្រេសិតពិសេសរបស់ប្រធានអាស៊ានរហូតដល់ស្នើឱ្យកម្ពុជាលុបចោលស្ទើរទាំងអស់។ នេះហើយជាវគ្គមួយនៃបទចម្រៀង “ចាហួយ និងសង់ខ្យា យកនាងនេះ ចោលនាងនោះ ធ្វើម៉េចទៅចឹ?”។ ទីបំផុត កម្ពុជាដើរលើផ្លូវកណ្តាលមួយដោយសម្រេចចិត្តមិនលុបឡើយ គ្រាន់តែកែសម្រួលពាក្យពេចន៍ខ្លះ។ នេះហើយជាការទូតទន់ភ្លន់ និងឈ្លាសវៃមួយរបស់កម្ពុជានៅដើមឆ្នាំ២០២២។ https://www.facebook.com/109417220955491/posts/417914410105769/?d=n ✍🏽- ពុយ គា

ភ្ញៀវទេសចរជនជាតិអង់គ្លេសឈ្មោះ Dennis Tonwnson ឧបត្ថម្ភថវិកាចំនួន ៥០ដុល្លារដល់មន្ទីរពេទ្យបង្អែកខេត្តកោះកុង ដោយសង្កេតឃើញថាមន្ទីរពេទ្យនេះមានអ្នកជម្ងឺជាច្រើនត្រូវបានយកចិត្តទុកដាក់ប្រកបដោយភាពកក់ក្តៅ រួសរាយ រាក់ទាក់ ពីសំណាក់ក្រុមគ្រូពេទ្យ ហើយមានហេដ្ឋារចនាសម្ព័ន្ធ បរិស្ថាន និងអនាម័យស្អាត។ លោកបានផ្តិតរូបថតជាច្រើនសន្លឹកដើម្បីចែកជូនមិត្តភក្តិឱ្យស្គាល់ពីវឌ្ឍនភាពរបស់ប្រទេសកម្ពុជា។ ប្រភព៖ Layson Hay

២០ កុម្ភៈ ២០២២

សៀវភៅ “កំណប់រូបិយវត្ថុអង្គរបុរី” គឺជាការបោះពុម្ភផ្សាយដែលបង្ហាញពីរបកគំហើញ និងការបកស្រាយលើកាសមេដាយផលិតពីមាសរបស់ព្រះបាទ ព្រះស្រីឦសានវរ្ម័ន នាសម័យចេនឡា និងកាស “ព្រះអាទិត្យរះ” ផលិតពីប្រាក់ ដែលកាសទាំងឡាយនេះបានរកឃើញនៅក្នុងអំឡុងនៃការជួសជុលផ្លូវនៅ ស្រុកអង្គរបុរី អតីតរាជធានីរបស់អាណាចក្រហ្វូណន (បច្ចុប្បន្ន ខេត្តតាកែវ)។ ប្រភព៖ សារមន្ទីរព្រះស្រីឦសានវរ័្មន

⚽️🇰🇭 📷 TVK

✍🏽-ចិន្តកវី📷 Online

តោះជិះ គឺជាគំនិតផ្តួចផ្តើមរបស់យុវជនដែលមានគោលបំណងជំរុញវិស័យរថយន្តក្រុងដឹកជញ្ជូនសាធារណៈរាជធានីភ្នំពេញ និងការផ្សព្វផ្សាយឱ្យប្រជាពលរដ្ឋយល់ពីអត្ថប្រយោជន៍នៃការប្រើប្រាស់រថយន្តក្រុង។