ធនាគារអាមេរិក (BofA) ដែលជាធនាគារផ្តល់ប្រាក់កម្ចីអាមេរិកធំជាងគេទី ២ បានបង្កើនប្រាក់ចំណូលនៅត្រីមាសទី៣ របស់ខ្លួនដោយបង្កើនការប្រាក់នៃផលប័ត្របំណុល។ កំណើននៃការប្រាក់កើនឡើងជាង ៧៧% ក្នុងរយៈពេល១ឆ្នាំកន្លងមក ដែលបច្ចុប្បន្នកំណើននេះបានកើនឡើងស្ទើរតែស្មើនឹងទឹកប្រាក់ ៩៧០ប៊ីលានដុល្លារ។ ចំណែកឯធនាគារ JPMorgan Chase ដែលជាធនាគារធំជាងគេរបស់អាមេរិក ធ្វើប្រតិបត្តិការលើផលប័ត្រមូលបត្រវិនិយោគក្នុងទំហំតូច ហើយមានទំនោរដាក់ប្រាក់បញ្ញើនៅធនាគារកណ្តាលអាមេរិកជាជាងខ្ជះខ្ជាយលុយកាក់លើមូលបត្ររបស់រដ្ឋាភិបាលដែលមានតម្លៃខ្ពស់ និងមូលបត្រភ្នាក់ងារ។ បញ្ហាប្រឈមសម្រាប់ធនាគារអាមេរិក គឺការលំបាកក្នុងការប្រើប្រាស់ប្រាក់បញ្ញើទាំងអស់ដែលប្រមូលបាននៅលើតារាងតុល្យការរបស់ខ្លួន ដោយសារការដាក់ចេញនូវកម្មវិធីបន្ធូរបន្ថយបរិមាណក្នុងកំឡុងពេលមានវិបត្តិសុខភាព។ កំណើនប្រាក់កម្ចីក៏មានភាពយឺតយ៉ាវ ដោយសារក្រុមហ៊ុនមើលឃើញភាពងាយស្រួលក្នុងទីផ្សារមូលបត្របំណុល ហើយអ្នកប្រើប្រាស់ជ្រើសរើសសងបំណុលតាមកាតឥណទាន ជាជាងប្រាក់សុទ្ធ។ ប្រភព៖ FT

អាមេរិក ចិន និងរុស្ស៊ី ចូលរួមប្រមាណ ៤០% នៃការបញ្ចេញឧស្ម័ន CO2 ដែលប្រមូលបានពីសកម្មភាពមនុស្ស នេះបើតាមការវិភាគចេញផ្សាយកាលពីដើមខែស្ដីពីការបំភាយកាបូនឌីអុកស៊ីត (CO2) សរុបចាប់តាំងពីឆ្នាំ ១៨៥០ របស់កម្មវិធី Carbon Brief។ ប្រេស៊ីល និងឥណ្ឌូនេស៊ីទទួលខុសត្រូវ ៨,៦% ដោយសារការកាប់បំផ្លាញព្រៃឈើ។ បន្ទាប់គឺអាល្លឺម៉ង់ដែលស្ថិតនៅក្នុងបញ្ជីកំពូលទាំង ១០ រួមជាមួយឥណ្ឌា អង់គ្លេស ជប៉ុន និងកាណាដា។ ត្រឹមចុងឆ្នាំ២០២១ អាមេរិកនឹងបញ្ចេញឧស្ម័ន CO2 ២០,៣% នៃចំនួនសរុបពិភពលោក ដែលជាចំណែកធំបំផុត និងត្រូវបានផ្សាភ្ជាប់ជាមួយនឹងការកើនឡើងកំដៅប្រហែល ០.២ អង្សាសេ។ ចិនរួមចំណែក ១១,៤% និងការកើនឡើងកំដៅប្រហែល ០,១ អង្សាសេ។ បរិមាណ CO2 របស់ចិនកើនឡើងជាង ៣ដងចាប់តាំងពីឆ្នាំ ២០០០ ដែលមានការប្រើប្រាស់ធ្យូងថ្ម។ ការរួមចំណែកជាប្រវត្តិសាស្ត្រពីការប្រើប្រាស់ដី និងព្រៃឈើ រួមចំណែក ១/៣ នៃចំនួនបំភាយឧស្ម័នសរុប ហើយ ២/៣ ទៀតគឺបានមកពីឥន្ធនៈហ្វូស៊ីល និងការផលិតស៊ីម៉ងត៍។ ចំពោះកិច្ចពិភាក្សាស្តីពីអាកាសធាតុ…

អាស៊ានបានសម្រេចថានឹងមិនអញ្ជើញប្រមុខយោធាមីយ៉ាន់ម៉ា លោក Min Aung Hlaing សម្រាប់កិច្ចប្រជុំកំពូល និងកិច្ចប្រជុំពាក់ព័ន្ធនានារបស់ខ្លួន ដែលប្រព្រឹត្តិទៅនៅថ្ងៃទី២៦-២៨ តុលាខាងមុខនេះទេ។ ការសម្រេចចិត្តនេះធ្វើឡើងបន្ទាប់ពីមានការប្រជុំអាស៊ានថ្នាក់រដ្ឋមន្ត្រីការបរទេសកាលពីថ្ងៃទី១៥ តុលាកន្លងទៅ។ អ្នកការទូតជាន់ខ្ពស់របស់ប្រទេសអាស៊ានមួយរូបប្រចាំការនៅរាជធានីបាងកកថា នេះជាទណ្ឌកម្មរបស់មាគ៌ាអាស៊ានទៅលើសមាជិកគ្រួសារណាដែលមិនស្ដាប់បង្គាប់។ ការសម្រេចចិត្តមួយនេះជារឿងកម្រមួយរបស់អាស៊ាន ដែលកន្លងមកស្ថាប័នអន្ដរជាតិមួយនេះច្រើនតែប្រកាន់យកគោលការណ៍មិនជ្រៀតជ្រែកចូលកិច្ចការផ្ទៃក្នុងរបស់រដ្ឋជាសមាជិករបស់ខ្លួន។ ដោយមើលឃើញថា ភាគីនានាដែលរួមមានទាំងភាគីរដ្ឋាភិបាលយោធា និងភាគីរដ្ឋាភិបាលរួបរួមជាតិ (NUG) បានបញ្ចេញយោបល់ប្រជែងគ្នាពីភាពស្របច្បាប់ក្នុងការដឹកនាំមីយ៉ាន់ម៉ា អង្គប្រជុំទាំងមូលក៏សម្រេចថានឹងអញ្ជើញ “តំណាងមិនមែនមកពីជួរថ្នាក់ដឹកនាំនយោបាយ” ឱ្យអង្គុយលើកៅអីតំណាងមីយ៉ាន់ម៉ាសម្រាប់កិច្ចប្រជុំកំពូលអាស៊ានខាងមុខនេះ។ យ៉ាងណាមិញ ក្រុមអ្នកជំនាញនៅតែចោទជាសំណួរនានាទៅកាន់អាស៊ាន ជាពិសេសគឺនរណាដែលសាកសមជា “តំណាងមិនមែនមកពីជួរថ្នាក់ដឹកនាំនយោបាយ” មកពីមីយ៉ាន់ម៉ា។ ប្រភព៖ Asia Nikkei

ជាក់ស្ដែង ស្ត្រីសម្អាតផ្ទះឈ្មោះ Saleha បានលក់កូនស្រីអាយុ៣ឆ្នាំ ទៅឱ្យម្ចាស់បំណុល ដើម្បីដោះស្រាយបំណុលចំនួន ៥៥០ ដុល្លារ។ យោងតាមកម្មវិធីអភិវឌ្ឍរបស់អង្គការសហប្រជាជាតិ (UDNP) បន្ទាប់ពីការចូលកាន់អំណាចរបស់ក្រុមតាលីបង់ អាហ្វហ្កានីស្ថានកំពុងឈានទៅរក “ភាពក្រីក្រសកល” ដែលអត្រាភាពក្រីក្រនឹងកើនដល់ ៩៧-៩៨% ក្នុងរយៈពេលខាងមុខ។ កត្តាដ៏ធំមួយនោះដែលជំរុញឱ្យស្ថានភាពក្រីក្រនៃប្រទេសអាហ្វហ្កានីស្ថានកាន់តែដុនដាបនោះ គឺការសម្រេចរបស់រដ្ឋាភិបាលអាមេរិកក្នុងបង្កកទ្រព្យបម្រុងរបស់ធនាគារកណ្ដាលអាហ្វហ្កានីស្ថានប្រមាណ ១០ ពាន់លានដុល្លារ ក្នុងបំណងដាក់កំណត់លើធនធានរបស់តាលីបង់ ប៉ុន្តែក្រុមអ្នករិះគន់បាននិយាយថា ការសម្រេចចិត្តនេះចុងក្រោយនឹងប៉ះពាល់ដល់ប្រជាជនអាហ្វហ្កានីស្ថានដោយផ្ទាល់។ ប្រភព៖ Yahoo News

រាជបណ្ឌិត្យសភាកម្ពុជា ឯកឧត្តមបណ្ឌិតសភាចារ្យ សុខ ទូច វិទ្យាស្ថានទំនាក់ទំនងអន្តរជាតិនៃកម្ពុជា ប្រភព៖ Kin Phea

ភូមិសាស្រ្តស្រុកកោះញែក ខេត្តមណ្ឌលគិរី ទឹកភ្លៀងបានបង្កឱ្យទន្លេស្រែពក និងអូរច្បារ បានហក់ឡើងហៀរលើមាត់ច្រាំងដោយអន្លើៗ ឯតំបន់ទំនាបមួយចំនួនរួមទាំងក្នុងភូមិសាស្រ្តស្រុកកែវសីមា មានទឹកហៀរតាមមាត់អូរឆ្លូង។ ១៧ តុលា ២០២១ ប្រភព៖ ក្រសួងធនធានទឹក និងឧតុនិយម

ផ្លែចេកពងមាន់ អាចធ្វើជាឱសថក្នុងការព្យាបាលរោគដូចជាជម្ងឺទល់លាមក រលាកក្រពះ រលាកពោះវៀន ក្អួតចង្អោរ ខ្វះឈាម ធាត់ ជម្ងឺធ្លាក់ទឹកចិត្ត ជម្ងឺបេះដូង និងជម្ងឺផ្សេងៗមួយចំនួនទៀត ព្រមទាំងជួយបង្កើនសំណើម នៅលើស្បែក។ សំបករបស់វា អាចជួយបន្សាបការឈឺចាប់ រោល ឬហើម ពេលមានសត្វល្អិតទិច ឬ ខាំ។ ដើមរបស់វាផ្តល់ផលប្រយោជន៍ជាច្រើនទៀត។ ប្រភព៖ Neth Pheaktra

📸 Solo Landscapes

១. គ្រោះថ្នាក់ចរាចរណ៍ ៤ករណី ស្លាប់ ៤នាក់ និងរបួស ៤នាក់។ ២. បទល្មើសព្រហ្មទណ្ឌ ១៣ករណី ឃាត់ខ្លួនជនសង្ស័យ ១៦នាក់។ ៣. គ្រឿងញៀន ១៧ករណី ឃាត់ខ្លួនជនសង្ស័យ ៣៨នាក់។ ៤. កូវីដ ២៥៨ករណី និងជាសះស្បើយ ៤០៥នាក់។ អ្នកឆ្លងសរុប ១១៦ ៦៦៥នាក់ អ្នកជាសះស្បើយ ១១០ ៨៧០នាក់ អ្នកស្លាប់ ២ ៦៥៨នាក់ ចេញផ្សាយ ១២:១៥ ថ្ងៃទី១៧ តុលា ២០២១