១. គ្រោះថ្នាក់ចរាចរណ៍ ៨ករណី ស្លាប់ ៦នាក់ និងរបួសធ្ងន់ស្រាល ៩នាក់។ ២. បទល្មើសព្រហ្មទណ្ឌ ១៣ករណី ឃាត់ខ្លួនជនសង្ស័យ ១៧នាក់។ ៣. គ្រឿងញៀន ១២ករណី ឃាត់ខ្លួនជនសង្ស័យ ២៣នាក់។ ៤. កូវីដ ២៦៥ករណី និងជាសះស្បើយ ៤៩៩នាក់។ អ្នកឆ្លងសរុប ១១៦ ១៤០នាក់ អ្នកជាសះស្បើយ ១១០ ១៥៤នាក់ អ្នកស្លាប់ ២ ៦១០នាក់ ៥. បទល្មើសនឹងវិធានការសុខាភិបាលសរុប ១១ករណី។ ឃាត់ខ្លួនអប់រំ និងពិន័យសរុប ១៥នាក់ ឃាត់រថយន្ដ ១គ្រឿង ពិន័យជាប្រាក់ ៧ ៨០០ ០០០រៀល ចេញផ្សាយ ១២:១៥ ថ្ងៃទី១៥ តុលា ២០២១

រកឃើញករណីឆ្លងថ្មី ២៦៥នាក់ ជាសះស្បើយ ៤៩៩នាក់ ស្លាប់ ២៦នាក់ គិតត្រឹមថ្ងៃទី១៥ តុលា ២០២១ ចំនួនអ្នកឆ្លងសរុប៖ ១១៦.១៤០នាក់ ចំនួនអ្នកជាសះស្បើយ៖ ១១០.១៥៤នាក់ ចំនួនអ្នកស្លាប់សរុប៖ ២.៦១០នាក់

ប្រភព៖ Royal du Cambodge

នៅថ្ងៃនេះ ប្រជារាស្រ្តទូទាំងប្រទេស ព្រមទាំងមន្ត្រីរាជការ កងកម្លាំងប្រដាប់អាវុធគ្រប់ជាន់ថ្នាក់ សូមសម្តែងនូវការគោរពដឹងគុណដ៏ខ្ពង់ខ្ពស់បំផុតថ្វាយចំពោះ ព្រះបរមរតនកោដ្ឋ ដែលព្រះអង្គបានលះបង់ និងបូជាព្រះកាយពលដ៏ធំធេងបំផុតចំពោះជាតិមាតុភូមិកម្ពុជា។ ប្រភព៖ SPM

១. គម្រោងប្រព័ន្ធដឹកជញ្ជូនត្រជាក់សូឡា Cold Chain Logistic System ដែលផ្តួចផ្តើមឡើងដោយ USAID នឹងជួយលើកកម្ពស់ប្រសិទ្ធភាពផលិតកម្មបន្លែ ផ្លែឈើ ត្រី សាច់ឱ្យកាន់តែល្អប្រសើរ – AMS Economy ២. អាជ្ញាធរ ប្រចាំ ខេត្ត រតនគិរី សៀមរាប បាត់ដំបង និងកំពង់ចាម បាន រកឃើញ ស្ថានីយ / ដេប៉ូ ប្រេងឥន្ធនៈ ចំនួន ១៧ទីតាំង បន្ថែមទៀត មិន អនុលោមតាម ច្បាប់ ខណៈ ផលិតផល ធ្វើ ពី ទឹកដោះគោ និង នំ ជាង ២តោន ត្រូវបាន ដកហូត – ភ្នំពេញបុស្តិ៍ ៣. ៩ខែ ឆ្នាំ២០២១នេះ អគ្គនាយកដ្ឋានពន្ធដារ ប្រមូលចំណូលពន្ធសម្រាប់ថវិកាជាតិបាន ២ ១១១លានដុល្លារ…

រដ្ឋបាលរាជធានីភ្នំពេញ សម្រេចការបន្តដាក់ចេញនូវវិធានការរដ្ឋបាល ផ្អាកជាបណ្តោះអាសន្ន ចំពោះសកម្មភាពការងារ មុខរបរ ឬ អាជីវកម្មដែលមានហានិភ័យខ្ពស់នៃការឆ្លងរាលដាលជំងឺកូវីដ១៩ និងការជួបជុំ ឬ ការប្រមូលផ្ដុំមនុស្សជាលក្ខណៈឯកជន រយៈពេល១៤ថ្ងៃ គិតចាប់ពីថ្ងៃទី១៥-២៨ តុលា ២០២១

ល្បឿននៃកំណើនតម្លៃទំនិញប្រើប្រាស់របស់អាមេរិកកើនឡើងខ្ពស់នៅក្នុងខែកញ្ញា។ សម្ពាធអតិផរណាបានបង្កើនតម្លៃអាហារ និងថាមពល ក្នុងកំឡុងពេលដែលមានការរឹតបន្តឹងខ្សែសង្វាក់ផ្គត់ផ្គង់។ តាមទិន្នន័យរបស់ការិយាល័យស្ថិតិការងារ សន្ទស្សន៍ថ្លៃទំនិញប្រើប្រាស់ (CPI) កើនឡើង ៥,៤% នៅក្នុងខែកញ្ញាបើធៀបនឹងឆ្នាំមុន ដែលទិន្នន័យនេះខ្ពស់ជាងការព្យាករណ៍ចំនួន ០,១%។ អ្នកសេដ្ឋកិច្ច និងអ្នកតាក់តែងគោលនយោបាយជជែកវែកញែកគ្នាអំពីវិសាលភាពនៃការតម្លើងថ្លៃទំនិញប្រើប្រាស់នឹងបន្ដផ្លាស់ប្តូរ ហើយអាចរាលដាលលើសពីវិស័យដូចជារថយន្ត និងការធ្វើដំណើរឬយ៉ាងណា។ ខណៈដែលប្រធានធនាគារកណ្តាលលោក Jay Powell ប្រកាន់ទស្សនៈរបស់លោកថា សម្ពាធអតិផរណានឹងថយចុះតាមពេលវេលា លោកក៏បានទទួលស្គាល់ថា ភាពធ្ងន់ធ្ងរនៃការជាប់គាំងខ្សែសង្វាក់ផ្គត់ផ្គង់ដែលធ្វើឱ្យសម្ពាធតម្លៃបន្តកើនឡើង បានធ្វើឱ្យធនាគារកណ្តាលអាមេរិកភ្ញាក់ផ្អើល។ ប្រភព៖ FT

ប្រធានាធិបតីរុស្សីលោក Vladimir Putin បានថ្លែងថា ប្រទេសរបស់លោកមិនបានប្រើប្រាស់ការនាំចេញឧស្ម័នធម្មជាតិជាអាវុធប្រឆាំងសហភាពអឺរ៉ុបទេ ហើយលោកត្រៀមខ្លួនក្នុងការជួយសហភាពអឺរ៉ុបក្នុងវិបត្តិថាមពលរបស់ពួកគេ។ ការចោទប្រកាន់ថា រុស្សីកំពុងរារាំងការផ្គត់ផ្គង់ទៅអឺរ៉ុបគឺជា “ការរអ៊ូរទាំដែលជំរុញដោយនយោបាយ” ហើយគ្មានអំណះអំណាងដែលគាំទ្រគំនិតថារុស្ស៊ីបានប្រើប្រាស់ថាមពលជាអាវុធមួយប្រភេទនោះឡើយ។ ផ្ទុយទៅវិញ រុស្ស៊ីកំពុងពង្រីកការផ្គត់ផ្គង់ទៅអឺរ៉ុប។ លោកបានដាក់កំហុសវិបត្តិថាមពលនេះទៅលើអឺរ៉ុបផ្ទាល់ ដោយសារពួកគេមិនបានបំពេញបន្ថែមស្ដុកឧស្ម័នបម្រុងកាលពីរដូវក្ដៅ ដែលនាំឱ្យមានកង្វះនៅរដូវត្រជាក់ ហើយធ្វើឱ្យតម្លៃកើនឡើង។ ប្រភព៖ CNBC