៣១ សីហា ២០២១

សារធាតុសំណ ត្រូវបានបន្ថែមទៅក្នុងប្រេងសាំងនៅដើមទសវត្សរ៍ឆ្នាំ១៩២០ ដើម្បីធ្វើឱ្យដំណើរការម៉ាស៊ីនប្រសើរឡើង។ ឥន្ធនៈដែលមានជាតិពុលខ្ពស់ បានបំពុលខ្យល់ ដី និងទឹក ថែមទាំងបង្កឱ្យមានជំងឺបេះដូង មហារីក ដាច់សរសៃឈាមខួរក្បាល និងប៉ះពាល់ដល់ការអភិវឌ្ឍខួរក្បាលរបស់កុមារ។ អគ្គលេខាធិការអង្គការសហប្រជាជាតិ លោក António Guterres ចាត់ទុកការលុបបំបាត់ទាំងស្រុងនៃប្រេងសាំងផ្ទុកសារធាតុសំណនេះថាជា ភាពជោគជ័យលក្ខណៈអន្តរជាតិមួយ ខណៈវាបានការពារការស្លាប់មុនអាយុរបស់មនុស្សជាតិជាងមួយលាននាក់ជារៀងរាល់ឆ្នាំ ព្រមទាំងកាត់បន្ថយអ្នកជំងឺបេះដូង ជំងឺដាច់សរសៃឈាមខួរក្បាល និងមហារីក ហើយនិងការពារកុមារផងដែរ។ ប្រភព៖ BBC

📸-រាជបណ្ឌិត្យសភាកម្ពុជា

១. សហគមន៍កែច្នៃចង្កឹះសង្កែ និងសហគមន៍ឆែបលិចនៃខេត្តព្រះវិហារ បានបណ្ដុះកូនទ្រាំងជាង ២ពាន់ដើម លើផ្ទៃដី ១០ហិកតា ក្នុងបំណងអភិរក្សទ្រាំង ជួយការពារដី និងព្រៃក្នុងសហគមន៍ – ថ្មីៗ ២. ក្រសួងកសិកម្ម ចាប់ផ្ដើមបើកយុទ្ធនាការចាក់វ៉ាក់សាំងបង្ការជំងឺដុំពកលើស្បែកគោ និងក្របី ដែលបានឆ្លងក្នុងបណ្ដាខេត្តមួយចំនួននៅកម្ពុជា និងរាតត្បាតលើសត្វគោក្របីជាង ៣ម៉ឺនក្បាល – ភ្នំពេញបុស្តិ៍ ៣. ៧ខែ ឆ្នាំ២០២១ កម្ពុជានាំចេញទៅកាន់ថៃ មានតម្លៃ ៥៦៩លានដុល្លារ ធ្លាក់ចុះ ៣២% ខណៈការនាំចូលពីថៃ មានទឹកប្រាក់រហូតដល់ ៤ប៊ីលានដុល្លារ កើនឡើង ១% – ភ្នំពេញប៉ុស្តិ៍ ៤. ក្នុងជំនួបរវាងរដ្ឋមន្ត្រីការបរទេសចិន Wang Yi និងរដ្ឋមន្រ្តីការបរទេសអាមេរិក Antony Blinken លោក វ៉ាង យី ប្រាប់អាមេរិកថា សហគមន៍អន្តរជាតិគួរតែចូលរួមជាមួយមេដឹកនាំតាលីបង់ថ្មីនៅអាហ្វហ្កានីស្ថាន និងផ្តល់ការណែនាំជាវិជ្ជមានពួកគេក្នុងការដឹកនាំប្រទេស – CNA ៥. វៀតណាមព្រួយបារម្ភអំពីការផ្គត់ផ្គង់កាហ្វេលើពិភពលោក ខណៈមជ្ឈមណ្ឌលនាំចេញនៃក្រុងហូជីមិញ បានបន្តស្ថិតក្រោមការរឹតបន្តឹងការធ្វើដំណើរដ៏តឹងតែង…

ទិដ្ឋាការថ្មីនេះ រដ្ឋមន្ត្រីក្រសួងកសិកម្ម David Littleproud បាននិយាយថា៖ “រដ្ឋាភិបាលអូស្ត្រាលីនឹងផ្តោតលើប្រទេសដែលមានកិច្ចព្រមព្រៀងទ្វេភាគីជាយូរមកហើយដូចជា ថៃ សិង្ហបុរី កូរ៉េខាងត្បូង ព្រមទាំងប្រទេសជាសមាជិកអាស៊ានផ្សេងទៀត”។ ទិដ្ឋាការនេះនឹងផ្តល់ជូនដល់កម្មករវិស័យកសិកម្ម, ជលផល និងព្រៃឈើ ដែលជាវិធីសាស្រ្តព្យាយាមផ្ដល់នូវដំណោះស្រាយរយៈពេលវែងចំពោះកង្វះកម្លាំងពលកម្មនៅក្នុងវិស័យកសិកម្មរបស់អូស្ត្រាលី។ វិធីសាស្ត្រនេះនឹងអនុញ្ញាតអោយពលករចំណាកស្រុកធ្វើការនៅអូស្ត្រាលីរយៈពេល ៣ ឆ្នាំដោយមានតម្រូវការវិលត្រឡប់ទៅ ប្រទេសកំណើតវិញរយៈពេល ៣ខែជារៀងរាល់ឆ្នាំ។ ប្រសិនបើជនចំណាកស្រុកដែលមកធ្វើការយល់ព្រមធ្វើការនៅក្នុងវិស័យ័ដែលបានអនុញ្ញាតលើសពីបីឆ្នាំ ពួកគេក៏អាចដាក់ពាក្យសុំស្នាក់ នៅអចិន្ត្រៃយ៍បានដែរ។ ទិដ្ឋការនេះក៏ធ្វើអោយមានការព្រួយបារម្ភនឹងការកេងកម្លាំងកម្មករដោយនិយោជិកអាចនឹងផ្តល់ប្រាក់ទាបជាងតម្លៃទីផ្សារដោយសារកំណើននៃជនចំណាកស្រុកមកកាន់អូស្ត្រាលី។ ប្រភព៖ SCMP

កងយោធាអាមេរិកបានបើកការវាយប្រហារតាមអាកាសកាលពីថ្ងៃទី២៩ សីហា ទៅលើរថយន្តផ្ទុកអ្នកបំផ្ទុះគ្រាប់បែកអត្តឃាតនៃក្រុមភេរវកម្ម ISIS-K នៅក្នុងទីប្រជុំជនភាគពាយព្យនៃអាកាសយានដ្ឋាន ដោយសង្ស័យថាគ្រោងនឹងធ្វើការបំផ្ទុះនៅអាកាសយានដ្ឋានក្រុងកាប៊ុល។ អ្នកនាំពាក្យអគ្គបញ្ជាការដ្ឋានមជ្ឈិមបូព៌ារបស់អាមេរិក លោក Bill Urban បាននិយាយថា ការវាយប្រហារនេះបានបង្កឱ្យមាន “ការផ្ទុះដ៏ធំជាលើកទីពីរ” ដែលជាសញ្ញាបង្ហាញថាមាន “បរិមាណសារធាតុផ្ទុះជាច្រើន” ក្នុងរថយន្តនោះ។ មានរបាយការណ៍ថា គ្រាប់បែកត្រូវបានបំពាក់លើរថយន្តនេះដោយផ្ទាល់ ប៉ុន្តែក្រោយពីសង្កេតឃើញការផ្ទុះមក បានបញ្ជាក់ថាគ្រាប់បែកគឺបំពាក់លើអ្នកបំផ្ទុះអត្តឃាតម្នាក់ ឬច្រើននាក់។ បច្ចុប្បន្ន កងកម្លាំងយោធាកំពុងធ្វើការវិនិច្ឆ័យថា ការវាយប្រហារនេះបានបង្កគ្រោះថ្នាក់ដល់ជនស៊ីវិលដែរឬទេ។ ការបំផ្ទុះគ្រាប់បែកនេះធ្វើឡើងខណៈពេលដែលអាមេរិកចាប់ផ្ដើមកាត់បន្ថយបេសកកម្មជម្លៀស ដែលបានជម្លៀសមនុស្សរាប់ម៉ឺននាក់ចេញពីអាកាសយានដ្ឋានកាប៊ុល។ យន្តហោះយោធាអាមេរិកនឹងបន្តយកជនភៀសខ្លួនរហូតពេលកំណត់បញ្ចប់បេសកកម្មនៅថ្ងៃទី៣១ សីហានេះ។ ប្រភព៖ Fox News