មិនមានការវិនិយោគណាមួយ ដែលមិនរងផលប៉ះពាល់ក្នុងពេលវិបត្តិជម្ងឺរាតត្បាតកូវីដ១៩នៅក្នុងឆ្នាំ២០២០ នេះទេ ហើយការវិនិយោគលើវិស័យអាកាសចរណ៍សុីវិលត្រូវបានទទួលរងនូវឥទ្ធិពលយ៉ាងធ្ងន់ធ្ងរ បើធៀបនឹងវិស័យដទៃទៀត។ នេះជាការលើកឡើងរបស់ក្រុមហ៊ុនសម្បទាន អាកាសយានដ្ឋានអន្តរជាតិ (SCA) នៅក្នុងកិច្ចប្រជុំបូកសរុបលទ្ធផលការងារឆ្នាំ២០២០ និងលេីកទិសដៅការងារឆ្នាំ២០២១ លើការអភិវឌ្ឍអាកាសយានដ្ឋានអន្តរជាតិទាំង៣ (ភ្នំពេញ សៀមរាប និងព្រះសីហនុ) ធ្វើឡើងនៅថ្ងៃទី៨ កុម្ភៈ ក្រោមអធិបតី ឯកឧត្តម តឹករ៉េត សំរេច រដ្ឋមន្រ្តីប្រតិភូអមនាយករដ្ឋមន្រ្តី និងជាប្រធានគណៈកម្មការតាមដានការសាងសង់អាកាសយានដ្ឋានអន្តរជាតិនៅកម្ពុជា។ ទោះស្ថិតក្រោមកាលៈទេសៈណាក៏ដោយ ក្រុមហ៊ុនសម្បទាននៅតែធ្វើការប្តេជ្ញាចិត្តវិនិយោគបន្ថែមលេីអាកាសយានដ្ឋានអន្តរជាតិខេត្តព្រះសីហនុតាមផែនការដែលបានគ្រោងទុក ហើយសង្ឃឹមថា ក្រោយពីចរាចរវ៉ាក់សាំងការពារជម្ងឺរាតត្បាតសកលនេះបានច្រេីនហេីយ ការធ្វេីដំណេីរតាមផ្លូវអាកាសនឹងប្រសេីរឡេីងវិញឆាប់ៗនាពេលខាងមុខនេះ។

កាលពីថ្ងៃទី៥ កុម្ភៈ ២០២១ អាជ្ញាធរហែលស៊ីនគី ភាគអាគ្នេយ៍ប្រទេសហ្វាំងឡង់ សហការជាមួយការិយាល័យស៊ើបអង្កេតជាតិ បង្រ្កាបការដឹកជញ្ជូនគ្រឿងញៀនតាមរយៈការនាំចូលផ្កាស្រស់ ១៧ជើងប្រព្រឹត្តចន្លោះឆ្នាំ ២០១៨-២០២០ គិតជាទឹកប្រាក់សរុប ២៤លានដុល្លារអាមេរិក។ បុរសជនជាតិហូឡង់ពីរនាក់ ដែលមានអាយុ ៤៤ និង៤៧ឆ្នាំត្រូវបានគេសង្ស័យថាជាមេខ្លោងនៃប្រតិបត្តិការគ្រឿងញៀនទាំងនេះ ឯមនុស្សពាក់ព័ន្ធជាង ៥០នាក់ផ្សេងទៀតត្រូវបានដាក់ក្រោមការស៊ើបអង្កេត។ ជនសង្ស័យបានបង្កើតក្រុមហ៊ុននាំចូលផ្កា និងរុក្ខជាតិបៃតង ពីហូឡង់ ទៅហ្វាំងឡង់តាមរយៈកំពង់ផែវូសារី ស្ថិតនៅភាគខាងកើតរដ្ឋធានីហែលស៊ីនគី និងបន្តចែកចាយទៅប្រទេសស៊ុយអែត។ ប្រភព៖ Sputnik

ភោជនីយដ្ឋាន និងអាជីវកម្មដែលមិនគោរពតាមការណែនាំរបស់រដ្ឋាភិបាលត្រូវប្រឈមនឹងការផាកពិន័យពី ២០០.០០០យ៉េន ទៅ ៣០០.០០០យ៉េន ស្មើនឹង ២.៨៥០ ដុល្លារអាមេរិក។ ច្បាប់ថ្មីនេះធ្វើឱ្យជប៉ុនពិចារណាលុបចោលការដាក់ប្រទេសក្នុងគ្រាមានអាសន្នចំពោះខេត្តមួយចំនួនផងដែរ។ ក្នុងនាមជាពលរដ្ឋ មិនថាខ្មែរ ឬបរទេស ត្រូវអនុវត្តឱ្យបានត្រឹមត្រូវ និងគោរពតាមវិធានការការពារឱ្យបានខ្ជាប់ខ្ជួន ដើម្បីចូលរួមប្រយុទ្ធប្រឆាំងជម្ងឺរាតត្បាតសកលកូវីដ១៩ដ៏សាហាវនេះ។ កុំចាំទាល់តែមានការដាក់ប្រទេសក្នុងគ្រាមានអាសនុ្ន ឬការផាកពិន័យទើបចូលរួម។ ប្រភព៖ Nikkei Asia

៤ក ដើម្បីកាត់បន្ថយសំណល់ផ្លាស្ទិកគឺ៖ ១. កុំប្រើ២. កាត់បន្ថយ៣. ការប្រើប្រាស់ឡើងវិញ៤. កែច្នៃ កុំភ្លេចរំលឹកអ្នកដទៃឱ្យគោរពគោលការណ៍ ៤ក។ អ្នកអាចអនុវត្តជំហានងាយៗទាំងនេះ ដើម្បីចាប់ផ្តើមជីវិតដោយគ្មានការប្រើប្រាស់ប្លាស្ទិកដែលប្រើបានតែម្តង។ ទាំងអស់គ្នាដើម្បីដោះស្រាយបញ្ហាប្លាស្ទិកនៅកម្ពុជា! 📷 UNDP Cambodia

នេះជាបាតុកម្មធំជាងគេបង្អស់នៅភូមាចាប់តាំងពីការធ្វើបដិវត្តន៍ដែលដឹកនាំដោយព្រះសង្ឃកាលពីឆ្នាំ២០០៧ មក។ ស្ថានការណ៍ដ៏ក្តៅគគុកនៅភូមាអាចនឹងអូសបន្លាយយូរ ហើយការវិលត្រលប់ទៅរកភាពប្រក្រតីភាពវិញ មិនមែនជារឿងងាយស្រួលឡើយ។ ស្ថិរភាពនយោបាយ ជាកត្តាមិនអាចខ្វះបានក្នុងការធានាសុខសន្តិភាព ជីវភាពរស់នៅរបស់ប្រជាពលរដ្ឋ ការអភិវឌ្ឍសេដ្ឋកិច្ច-សង្គម និងដំណើរការលទ្ធិប្រជាធិបតេយ្យ។ បើបាត់បង់សុខសន្តិភាពហើយ កុំថាឡើយសិទ្ធិទទួលការអប់រំ សិទ្ធិបញ្ចេញមតិ សិទ្ធិរៀបការ សិទ្ធិប្រកបរបរចិញ្ចឹមជីវិត សូម្បីតែសិទ្ធិរស់រានមានជីវីតក៏គ្មានផង! 📷 VOA Khmer

📸 La Mo

គិតត្រឹមព្រឹកថ្ងៃទី ០៨ កុម្ភៈ ២០២១ ចំនួនអ្នកឆ្លងសរុប៖ ៤៧៤នាក់ ចំនួនពលករមកពីប្រទេសថៃសរុប៖ ៨៧នាក់ ចំនួនអ្នកជាសះស្បើយ៖ ៤៥៦នាក់

១. អាកាសយានដ្ឋានអន្តរជាតិសៀមរាប-អង្គរ គ្រោងបញ្ចប់សាងសង់ពាក់កណ្តាលខែមីនា ឆ្នាំ២០២៣ – កោះសន្តិភាព ២. សម្តេច ហ៊ុន សែន៖ ផែនការចាក់វ៉ាក់សាំងចិននៅក្នុងជួរកងទ័ព និងសុីវិល ដែលមានអាយុ ៥៩ឆ្នាំចុះក្រោម នៅតែអនុវត្ត – ថ្មីៗ ៣. គឹតត្រឹម ១ខែនៃឆ្នាំ២០២១ មនុស្សជិត ២ពាន់នាក់ ត្រូវឃាត់ខ្លួនពាក់ព័ន្ធនឹងករណីគ្រឿងញៀន – RFI ៤. គម្រោងអភិវឌ្ឍន៍ និងស្តារអូរប្រឡាយធម្មជាតិស្ថិតក្នុងខេត្តព្រះសីហនុ ប្រវែង ២៧ គីឡូម៉ែត្រសម្រេចបានជាង ៩៤ភាគរយ – រស្មីកម្ពុជា ៥. សហជីព៖ សុវត្ថិភាពចំណីអាហារ មិនទាន់ស្របទៅតាមស្តង់ដារ ខណៈក្រសួងរៀបចំពីសេចក្តីព្រាងច្បាប់ស្តីពីសុវត្ថិភាពចំណីអាហារ – RFI ៦. អ៉ឺរ៉ង់ទាមទារឱ្យអាមេរិកចូលកិច្ចព្រមព្រៀងនុយក្លេអ៊ែរត្រឹមថ្ងៃទី ២១ កុម្ភៈ – ថ្មីៗ ៧. ពលរដ្ឋមីយ៉ាន់ម៉ាធ្វើបាតុកម្មថ្ងៃទី ២ ប្រឆាំងរដ្ឋប្រហារយោធា – ថ្មីៗ