-
ថ្ងៃទី២៧ មករា កម្ពុជាសម្ពោធដាក់ឱ្យប្រើប្រាស់ស្ថានីយ៍ផលិតថាមពលអគ្គិសនីដើរដោយពន្លឺព្រះអាទិត្យនៅមជ្ឈមណ្ឌលស្រាវជ្រាវ និងអភិរក្សកេសរកូល សុខ អានភ្នំគូលែន ខេត្តសៀមរាប
រដ្ឋមន្រ្តីបរិស្ថាន សាយ សំអាល់ បានថ្លែងថា៖ “ស្ថានីយផលិតថាមពលពីពន្លឺព្រះអាទិត្យនេះ គឺជាមជ្ឈមណ្ឌលទី១ នៅកម្ពុជា ដែលជួយដល់មជ្ឈមណ្ឌលស្រាវជ្រាវ កំណត់អត្តសញ្ញាណ និងរក្សានូវពូជកេសរកូលព្រៃ រុក្ខជាតិ និងសត្វក្នុងស្រុក ដែលកំពុងរងគ្រោះថ្នាក់ ប្រភេទកម្រ និងប្រភេទជិតផុតពូជ។” “មជ្ឈមណ្ឌលកេសរកូល សុខ អាន ភ្នំគូលែន នឹងរួមចំណែកធ្វើពិពិធកម្មសេដ្ឋកិច្ចមូលដ្ឋាន ជាពិសេសទេសចរណ៍ផ្សារភ្ជាប់នឹងវប្បធម៌-ធម្មជាតិ និងជួយបង្កើនជម្រើសមុខរបរ ប្រភពចំណូលបន្ថែម សំដៅលើកកម្ពស់ជីវភាពពលរដ្ឋមូលដ្ឋានថែមមួយកម្រិតទៀត។” លោកបន្ថែម។ ការប្រើប្រាស់ថាមពលស្អាត គឺជាចំណុចគម្រូដល់រមណីយដ្ឋានដទៃក្នុងខេត្តសៀមរាប និងខេត្តដទៃទៀតដែលមិនមានបណ្ដាញអគ្គិសនីជាតិ។ 📸 ក្រសួងបរិស្ថាន
-
បុណ្យមាឃបូជា
បុណ្យមាឃបូជា ប្រារព្ធឡើងដើម្បីរំលឹកដល់ថៃ្ងដែលព្រះសម្មាសម្ពុទ្ធទ្រង់ប្រកាសបង្កើតព្រះពុទ្ធសាសនាឡើងក្នុងលោក នៅប្រទេសឥណ្ឌា កាលពី ៥៨៨ ឆ្នាំមុនគ្រិស្តសករាជ នាថៃ្ងទី១៥កើត ខែមាឃ ក្រោយពីការត្រាស់ដឹងរបស់ព្រះអង្គចំនួន ៩ខែគត់។ ព្រះពុទ្ធសាសនារួមចំណែក យ៉ាង សំខាន់ក្នុងការពង្រឹងសណ្ដាប់ធ្នាប់ សុខសន្តិភាព ស្ថិរភាពសង្គម ការអភិវឌ្ឍលើគ្រប់វិស័យ និងថែរក្សាការពារ អត្តសញ្ញាណ ជាតិ 🙏🙏🙏
-
COVID-19 នៅកម្ពុជា មានករណីវិជ្ជមានថ្មី ១ករណី និងជាសះស្បើយ ៥នាក់ (៤នាក់ ពលករមកពីប្រទេសថៃ)
គិតត្រឹមព្រឹកថ្ងៃទី ២៨ មករា ២០២១ ចំនួនអ្នកឆ្លងសរុប៖ ៤៦១នាក់ ចំនួនពលករមកពីប្រទេសថៃសរុប៖ ៨៤នាក់ ចំនួនអ្នកជាសះស្បើយ៖ ៤២៨នាក់
-
ព័ត៌មានសំខាន់ៗថ្ងៃ ២៧ មករា ២០២១
១. ត្រូវនិយាយថាទេចំពោះគ្រឿងញៀន! ២៧ មករា៖បង្ក្រាប១៥ករណី ឃាត់ខ្លួន៣៧នាក់ – រស្មីកម្ពុជា ២. កម្ពុជាស្នើថៃអ៊ែវ៉េដាក់លក់ផលិតផលខ្មែរលើយន្តហោះ – ភ្នំពេញបុស្តិ៍ ៣. ជំរឿន ២០១៩៖ កម្លាំងពលកម្មក្នុងវិស័យកសិកម្មកម្ពុជាធ្លាក់ចុះ តែវិស័យកម្មន្តសាល និងសំណង់កើនឡើង – ថ្មីៗ ៤. ក្រសួងសេដ្ឋកិច្ច៖ វិស័យកសិកម្ម និងកសិឧស្សាហកម្មអាចជួយឱ្យសេដ្ឋកិច្ចកម្ពុជាងើបឡើងវិញលឿន – RFI ៥. ជប៉ុនសាងសង់អគារទីទួលសុវត្ថិភាព សម្រាប់ជួយប្រជាជនខ្មែររងគ្រោះពីមហន្តរាយធម្មជាតិ – Swift News ៦. TikTok ប្រកាសកាត់បន្ថយបុគ្គលិក និងគ្រោងដកខ្លួនពីឥណ្ឌា ក្រោយរដ្ឋាភិបាលប្រកាសហាមឃាត់កម្មវិធីនេះជាអចិន្ត្រៃយ៍ – FN ៧. COVAX អាចនឹងផ្តល់វ៉ាក់សាំង ១៥០លានដូសក្នុងត្រីមាសទី១ ឆ្នាំ២០២១ – ថ្មីៗ
-
កម្ពុជាអរគុណជប៉ុនដែលតែងតែជួយគាំទ្រក្នុងការស្តារ និងការអភិវឌ្ឍសេដ្ឋកិច្ចកម្ពុជា
ជប៉ុន គឺជាដៃគូយុទ្ធសាស្រ្ត និងជាដៃគូសហប្រត្តិការទ្វេភាគីធំជាងគេមួយដែលបានផ្តល់ហិរញ្ញប្បទានដល់កម្ពុជា។ ការផ្តល់ហិរញ្ញប្បទានគឺចំគោលដៅលើគ្រប់វិស័យ រួមមាន៖ សុខាភិបាល អប់រំ កសិកម្ម ហេដ្ឋារចនាសម្ព័ន្ធផ្លូវជាតិ ស្ពាន ប្រព័ន្ធធារាសាស្រ្ត បណ្តាញថាមពលអគ្គិសនី កំពង់ផែស្វយ័ត និងការផ្គត់ផ្គង់ទឹកស្អាតជាដើម។ ក្នុងឆ្នាំ ២០២០ កន្លងមក រដ្ឋាភិបាលជប៉ុនបានផ្តល់ឥណទានសម្បទាន មានទឹកប្រាក់ចំនួន ២៥ប៊ីលានយ៉េនជប៉ុន (ត្រូវជាប្រមាណ ២៣៨លានដុល្លារអាមេរិក)។ ប្រភព៖ ក្រសួងសេដ្ឋកិច្ច
-
ទិដ្ឋភាពមាត់ច្រាំងដងទន្លេបាសាក់ក្នុងរាជធានីភ្នំពេញ ឆ្នាំ១៨៦៦
📸 Phin Chantha
-
អនុក្រឹត្យស្តីពីការបង្កើតតំបន់បេតិកភណ្ឌធម្មជាតិ ភ្នំព្រះគុហារហ្លួង ទំហំ ២៥ហិចតា ស្ថិតក្នុងស្រុកបន្ទាយមាស ខេត្តកំពត
អនុក្រឹត្យនេះមានគោលបំណងការពារ តួនាទី ផ្នែក ប្រព័ន្ធ អេកូឡូស៊ី សម្រាប់ជាប្រយោជន៍របស់មនុស្សគ្រប់ជំនាន់, កម្រិតដល់ការប្រើប្រាស់ ធនធាន ជីវៈ ចម្រុះ ធនធានធម្មជាតិ ធនធាន វប្បធម៌ និង មុខងារ នៃតំបន់នេះ, ការពារសោភ័ណភាព ទេសភាព ធម្មជាតិ និង តម្លៃធម្មជាតិ ក្នុងតំបន់សម្រាប់បម្រើដល់ ការកម្សាន្ត ការទស្សនា ការអប់រំ ការសិក្សាស្រាវជ្រាវវិទ្យាសាស្រ្ត និង ជំនឿ ដែលគ្រប់សកម្មភាពទាំងនេះ ពុំបង្កការគំរាមកំហែង ដល់បរិស្ថានធម្មជាតិ និង វប្បធម៌ នៅក្នុងមូលដ្ឋាន។ សព្វថ្ងៃ សហគមន៍មូលដ្ឋានមានគំនិតធ្វើរ៉កដឹកជីអាចម៍ប្រចៀវពីលើភ្នំមកក្រោម និងយាមការពារសត្វប្រចៀវ។
-
នារដូវប្រាំង ចាប់ពីព្រលឹមរហូតដល់ថ្ងៃរៀបលិច សត្វក្រៀល ទាំងហ្វូង ចុះស៊ីចំណីក្នុងបឹងនៃតំបន់ការពារទេសភាពអន្លង់ព្រីង ក្នុងស្រុកកំពង់ត្រាច ខេត្តកំពត
ក្រៀលគឺសត្វកម្រមួយនៅលើពិភពលោក ដែលត្រូវរួមគ្នាការពារ និងអភិរក្ស។ 📸 ទប៉ែន វីរៈវិទូ
-
របាយការណ៍គ្រោះថ្នាក់ចរាចរណ៍ បទល្មើសព្រហ្មទណ្ឌ និងគ្រឿងញៀន ថ្ងៃទី២៦ មករា ២០២១
១. គ្រោះថ្នាក់ចរាចរណ៍៖ សរុប ៩ករណី ស្លាប់ ៤នាក់ និងរបួសធ្ងន់ស្រាល ១៧នាក់។ ២. បទល្មើសព្រហ្មទណ្ឌ៖ សរុប ១១ករណី ឃាត់ខ្លួនជនសង្ស័យ ១៤នាក់។ ៣. គ្រឿងញៀន៖ បង្ក្រាប ១៤ករណី ឃាត់ខ្លួនជនសង្ស័យ ៣៦នាក់។
-
ក្រោមការដឹកនាំរបស់សម្តេចតេជោសែន
យុវជនឥឡូវលែងស្តាប់សម្លេងកាំភ្លើង គ្រាប់ផ្ទុះ និងបទចម្រៀងបដិវត្តន៍ទៀតហើយ គេស្តាប់សម្លេងភ្លេង និងចម្រៀងតាក់តែងដោយយុវជនខ្លួនឯង (original song)។ យុវជនឥឡូវលែងរត់គេចគ្រាប់ទៀតហើយ គេរត់ដើម្បីមនុស្សធម៌ រៃអង្គាសថវិការជូនមន្ទីរពេទ្យកុមារ រត់រើសសំរាមដើម្បីបរិស្ថាន និងដើម្បីកិច្ចការសង្គមផ្សេងទៀត។ យុវជនឥឡូវលែងចូលព្រៃដើម្បីតស៊ូទៀតហើយ គេចូលព្រៃដើម្បីមើលព្រៃ និងសត្វ។