-
ការបរិច្ចាគក្នុងការទិញវ៉ាក់សាំងប្រឆាំងកូវីដ១៩មិនមែនជាការរៃអង្គាសរបស់រដ្ឋាភិបាលនោះទេ តែជាការបរិច្ចាគដោយសប្បុរសរបស់ព្រះមហាក្សត្រ និងជនរួមជាតិ
សម្តេចតេជោនាយករដ្ឋមន្ត្រី៖ “ការបរិច្ចាគក្នុងការទិញវ៉ាក់សាំងប្រឆាំងកូវីដ១៩មិនមែនជាការរៃអង្គាសរបស់រដ្ឋាភិបាលនោះទេ តែជាការបរិច្ចាគដោយសប្បុរសរបស់ព្រះមហាក្សត្រ និងជនរួមជាតិ ដែលជាចលនាជាតិដ៏ខ្លាំងក្លាដែលត្រូវបានប្រសិទ្ធិនាមថាជា ខឿនការពារសុខភាពប្រជាជន”។ 🎥 SPM Page
-
អ្នកនាំពាក្យអាជ្ញាធរជាតិអប្សរា បញ្ជាក់ថាការចាប់ស្វាកាចៗមួយចំនួននៅបរិវេណប្រសាទបាយ័ន គឺដើម្បីយកទៅព្រលែងនៅក្នុងព្រៃក្រៅឧទ្យានអង្គរ ដើម្បីបញ្ចៀសគ្រោះថ្នាក់ជាយថាហេតុណាមួយដល់ភ្ញៀវទេសចរ
លោក ឡុង កុសល អ្នកនាំពាក្យអាជ្ញាធរជាតិអប្សរា បញ្ជាក់ថាការចាប់ស្វាកាចៗមួយចំនួននៅបរិវេណប្រសាទបាយ័ន គឺដើម្បីយកទៅព្រលែងនៅក្នុងព្រៃក្រៅឧទ្យានអង្គរ ដើម្បីបញ្ចៀសគ្រោះថ្នាក់ជាយថាហេតុណាមួយដល់ភ្ញៀវទេសចរ។ ដោយឡែកក្រុមមនុស្សមួយចំនួនតូច បានមកតវ៉ានិងផ្សព្វផ្សាយថាស្វាបានស្លាប់ តែការពិតគ្រាន់តែត្រូវថ្នាំសន្លប់ដើម្បីងាយស្រួលក្នុងការចាប់នោះទេ។ ពួកគេជាក្រុមដែលរកលុយតាម YouTube ដែលកេងប្រវ័ញ្ចរូបភាពនៃសត្វស្វា តាមរយៈការឱ្យចំណី ហើយថតជាវីដេអូបង្ហោះ ដែលការធ្វើបែបនេះ បណ្តាលឱ្យសត្វស្វាទាំងនោះស៊ាំទៅនឹងមនុស្ស ហើយប្រែក្លាយពីសត្វព្រៃមកជាសត្វចិញ្ចឹម។ ស្វាទាំងនោះចាប់ផ្តើមស្វែងរកចំណីនៅក្នុងតំបន់ប្រាសាទ និងដណ្តើមចំណីពីមនុស្ស បង្កការរំខាន របួសដល់ភ្ញៀវទេសចរទៀតផង។ ស្វាក៏បានបង្កហានិភ័យដល់ប្រាសាទដូចជា រុញឱ្យជ្រុះថ្មប្រាសាទ និងធ្វើឱ្យខូចខាតនូវផ្ទាំងបដាព័ត៌មានផ្សេងៗ។ ប្រភព៖ AKP
-
ថ្នាក់ដឹកនាំ និងមន្រ្តីរាជការក្រសួងបរិស្ថានទាំងអស់ អបអរសាទរ និងជូនពរសម្ដេចតេជោ ចំពោះសមិទ្ធផលប្រវត្តិសាស្ត្រថ្មី នៃនយោបាយឈ្នះឈ្នះ ទទួលបានតំណក់ប្រេងលើកដំបូងនៅកម្ពុជា
ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន ក្នុងនាមថ្នាក់ដឹកនាំ និងមន្រ្តីរាជការនៃក្រសួងបរិស្ថានទាំងអស់ នៅថ្ងៃអង្គារ ទី២៩ ខែធ្នូ ឆ្នាំ ២០២០ បានសម្តែងនូវសេចក្តីសោមនស្សរីករាយឥតឧបមាចំពោះសមិទ្ធផលជាប្រវត្តិសាស្រ្តថ្មីមួយទៀត នៃនយោបាយឈ្នះ-ឈ្នះ ដែលកម្ពុជាទទួលបានដំណក់ប្រេងដំបូងនៅថ្ងៃទី២៩ ខែធ្នូ ឆ្នាំ២០២០ ស្របពេលដែលប្រជាជនកម្ពុជាចូលរួមអបអរសាទរ ខួបលើកទី២២ នៃការអនុវត្តនយោបាយឈ្នះ-ឈ្នះ ប្រកបដោយគតិបណ្ឌិតរបស់សម្តេចតេជោ នាយករដ្ឋមន្រ្តី ក្នុងការនាំមកនូវការបង្រួបបង្រួមជាតិ ផ្សះផ្សារជាតិ ឯកភាពជាតិ ឯកភាពទឹកដី ស្ថិរភាព នយោបាយ និងសន្តិភាពពេញលេញ ដែលជាមូលដ្ឋានគ្រឹះដ៏រឹងមាំនៃការអភិវឌ្ឍលើគ្រប់វិស័យ និងសុខដុមរមនា ក្នុងសង្គមជាតិ ដែលមិនធ្លាប់មានក្នុងប្រវត្តិសាស្រ្ត រយៈពេលជាង៥០០ឆ្នាំចុងក្រោយរបស់កម្ពុជា។ ឯកឧត្តមរដ្ឋមន្រ្តីក្រសួងបរិស្ថាន បានលើកឡើងថា ភាពជោគជ័យដែលកម្ពុជាទទួលបាននៅថ្ងៃនេះ មិនត្រឹមតែជានិមិត្តរូបនៃវឌ្ឍនភាពនិងមោទនភាពជាតិរបស់កម្ពុជាប៉ុណ្ណោះទេ ប៉ុន្តែថែមទាំងជាពរជ័យសម្រាប់ប្រជាជន និងជាចលករជំរុញបន្ថែមឱ្យកម្ពុជា សម្រេចបានចក្ខុវិស័យឆ្នាំ២០៥០ ជាប្រទេសមានចំណូលខ្ពស់ និងធានានិរន្តរភាពនៃការអភិវឌ្ឍ។ ជាមួយគ្នានេះ ថ្នាក់ដឹកនាំ និងមន្រ្តីរាជការក្រសួងបរិស្ថានទាំងអស់គ្នាសូមយកឱកាសនេះ សម្តែងនូវមនោសញ្ចេតនាគោរពដឹងគុណដ៏ជ្រាលជ្រៅ និងសូមប្រែក្លាយការដឹងគុណនេះមកជាការប្តេជ្ញាចិត្តរួមគ្នាថែរក្សា ការពារសមិទ្ធផល និងមរតកដ៏មានតម្លៃរបស់សង្គមជាតិ និងមាតុភូមិកម្ពុជាឱ្យបានគង់វង្សសម្រាប់ប្រជាជនខ្មែរគ្រប់ៗជំនាន់។ ជាថ្មីម្ដងទៀត ឯកឧត្តម សាយ សំអាល់ មានប្រសាសន៍ថា…
-
ឯកឧត្តម សាយ សំអាល់ ដឹកនាំកិច្ចប្រជុំនៅរដ្ឋបាលខេត្តព្រះសីហនុ ដើម្បីពិនិត្យ និងដោះស្រាយបញ្ហាដីធ្លីនៅក្នុងតំបន់ឧទ្យានជាតិព្រះសីហនុរាម
នៅរសៀលថ្ងៃទី២៩ ខែធ្នូ ឆ្នាំ ២០២០ ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន បានដឹកនាំកិច្ចប្រជុំនៅរដ្ឋបាលខេត្តព្រះសីហនុ ដើម្បីពិនិត្យនិងដោះស្រាយបញ្ហាដីធ្លីនៅក្នុងតំបន់ឧទ្យានជាតិព្រះសីហនុរាមដោយមានការចូលរួមពីឯកឧត្តម គួច ចំរើន អភិបាលនៃគណៈអភិបាលខេត្តព្រះសីហនុ អាជ្ញាធរ មន្ត្រីជំនាញ និងអ្នកពាក់ព័ន្ធ។ បន្ទាប់ពីមានការពិភាក្សាគ្នាដោយឈរលើមូលដ្ឋានច្បាប់ និងឯកសារពាក់ព័ន្ធនានា បញ្ហាដីធ្លីចំនួន ៨ ករណីនៅក្នុងតំបន់ឧទ្យានជាតិព្រះសីហនុរាម ត្រូវបានដោះស្រាយដោយជោគជ័យក្នុងស្មារតីរក្សាការពារបាននូវដីរបស់ឧទ្យានជាតិ និងទប់ស្កាត់មិនឱ្យមានការទន្ទ្រានកាន់កាប់ដីរដ្ឋដោយខុសច្បាប់៕ ដោយ / គ្រី សម្បត្តិ
-
COVID-19 នៅកម្ពុជា មានករណីជាសះស្បើយ ១នាក់ (សហគមន៍)
គិតត្រឹមព្រឹកថ្ងៃទី៣០ ធ្នូ ២០២០ ចំនួនអ្នកឆ្លងសរុប៖ ៣៦៤នាក់ ចំនួនអ្នកឆ្លងក្នុងសហគមន៍៖ ៤១នាក់ ចំនួនអ្នកជាសះស្បើយ៖ ៣៦១នាក់
-
ព័ត៌មានសំខាន់ៗថ្ងៃ ២៩ ធ្នូ ២០២០
១. UN៖ កម្ពុជាអាចរកចំណូល ៩៣៣លានដុល្លាររយៈពេល ១៥ឆ្នាំខាងមុខ បើដំឡើងពន្ធថ្នាំជក់ ៧៥ភាគរយ – ថ្មីៗ ២. ប្រើគ្រឿងញៀន គឺបំផ្លាញខ្លួនឯង ក្រុមគ្រួសារ និងសង្គមជាតិ! ២៩ ខែធ្នូ៖ បង្ក្រាប២២ករណី ឃាត់ខ្លួន៤៦នាក់ – Fresh News ៣. រដ្ឋាភិបាលបិទបញ្ចប់ព្រឹត្តិការណ៍ ២៨វិច្ឆិកា ហើយបញ្ចូលក្របខណ្ឌពេទ្យ ៣.០០០នាក់ទៀត – ថ្មីៗ ៤. សម្ដេចតេជោ ហ៊ុន សែន៖ ថវិកាបានពីការលក់ប្រេងរបស់កម្ពុជា នឹងប្រើប្រាស់ក្នុងវិស័យអាទិភាព២ គឺអប់រំ និងសុខាភិបាល – Fresh News ៥. បណ្ឌិត ឆេង គីមឡុង៖ ការបូមប្រេងបានដោយខ្លួនឯងរបស់កម្ពុជានឹងអាចទាញទម្លាក់តម្លៃប្រេងលក់នៅក្នុងស្រុក – RFI ៦. សហភាពអឺរ៉ុបគាំទ្រកតិកាសញ្ញាវិនិយោគជាមួយចិន ខណៈសហរដ្ឋអាមេរិកបង្ហាញក្ដីកង្វល់ – Fresh News ៧. បង់ក្លាដែល ចាប់ផ្តើមផ្លាស់ប្តូរទីតាំងជនជាតិរ៉ូហ៊ីងយ៉ា…
-
តំណក់ និងដំណក់ មិនដូចគ្នាទេ
១. យើងទទួលបានតំណក់ប្រេងលើកដំបូងរបស់កម្ពុជានៅថ្ងៃទី ២៩ ធ្នូ ២០២០។ ២. ទឹកដក់តាមផ្លូវ៖ មានដំណក់ទឹកតាមផ្លូវ។ 📷 Buddhism for Education of Cambodia
-
សម្តេចតេជោនាយករដ្ឋមន្ត្រី៖ ពរជ័យតំណក់ប្រេងលើកដំបូងក៏ជាសមិទ្ធផល និងគុណសម្បត្តិមួយផ្នែកធំរបស់សម្តេចវិបុលបញ្ញា សុខ អាន ក្នុងការប្រឹងប្រែងចរចារតាំងពីចាប់ផ្តើមដំបូង
-
រាជរដ្ឋាភិបាលកម្ពុជា បានចាត់ទុក តំណក់ប្រេងជាលើកដំបូងក្នុងប្រវត្តិសាស្ត្រគឺជាពរជ័យសម្រាប់ប្រជាជន និងប្រទេសជាតិរបស់កម្ពុជាទាំងមូល
លោក មាស សុខសេនសាន អ្នកនាំពាក្យក្រសួងសេដ្ឋកិច្ចបានលើកឡើងថា ពរជ័យនេះនឹងក្លាយជាចំណែកមួយ ជួយរុញច្រានកំណើនសេដ្ឋកិច្ច តែការរុញច្រានបានក្នុងកម្រិតណានោះ គឺអាស្រ័យលើកត្តាចំនួនពីរ គឺបរិមាណនៃការផលិត និងតម្លៃប្រេងលើទីផ្សារ។ ការក្លាយខ្លួនជាប្រទេសផលិតប្រេងក្នុងចំណោមប្រទេសមួយចំនួនតូចលើពិភពលោក គឺជាមោទភាពរបស់ខ្មែរគ្រប់រូប ដែលបានទន្ទឹងរង់ចាំចាប់ពីឆ្នាំ១៩៩០មក ហើយការសម្រេចបាននូវសមិទ្ធផលជាប្រវត្តិសាស្ត្រថ្មីនេះ គឺកើតចេញពីនយោបាយឈ្នះ-ឈ្នះរបស់សម្តេចតេជោនាយករដ្ឋមន្ត្រី ដែលបានបញ្ចប់ទាំងស្រុងនិងនាំឱ្យកម្ពុជាមានការឯកភាពជាតិ ការឯកភាពទឹកដី ក្រោមដំបូលតែមួយ ដែលកម្ពុជាមិនធ្លាប់មានក្នុងរយៈពេលប៉ុន្មាន ៥០០ ឆ្នាំចុងក្រោយនេះ។ ប្រភព៖ Fresh News
-
ផ្លែផ្កានៃសន្តិភាព គឺឱកាសនៃការកសាង ស្ដារ និងអភិវឌ្ឍជាតិ
ការវិនិយោគលើហេដ្ឋារចនាសម្ព័ន្ធ ផ្លូវថ្នល់ ស្ពាន ជាផ្នែកមួយជំរុញឱ្យសេដ្ឋកិច្ចលូតលាស់ឆាប់រហ័ស។ កម្ពុជានឹងក្លាយជាប្រទេសមានចំណូលមធ្យមកម្រិតខ្ពស់នៅឆ្នាំ ២០៣០។ 🎥 គឹម បញ្ញារ័តន៍, ស្ពានព្រែកក្តាម