📷 Firmin André Salles 

នៅថ្ងៃទី១២ មីនា ព្រះបាទនរោត្តម សីហមុនី និងសម្តេចព្រះមហាក្សត្រី នរោត្តម មុនីនាថ សីហនុ បានសព្វព្រះរាជហឫទ័យប្រោសព្រះរាជទានវិភាគទាននូវព្រះរាជទ្រព្យផ្ទាល់ចំនួន ៤០ម៉ឺនដុល្លារអាមេរិកជូនដល់ រាជរដ្ឋាភិបាលកម្ពុជា ដើម្បីប្រយុទ្ធប្រឆាំងជំងឺកូវីដ១៩។ នេះជាលើកទី៤ហើយ។ សរុបទាំង ៤លើក មានចំនួន ៣.៧ លានដុល្លារអាមេរិក។ ប្រភព៖ Royal du Cambodge

១. ចាក់វ៉ាក់សាំងហើយ តើនៅឆ្លងកូវីដ១៩ទេ? 🦠៖ ឆ្លងក្នុងកម្រិតទាប។  ២. ចាក់វ៉ាក់សាំងហើយអាចចម្លងមេរោគទៅអ្នកដទៃទេ? 🦠៖ អាចចម្លងទៅអ្នកដទៃក្នុងកម្រិតទាប ព្រោះវ៉ាក់សាំងជួយកាត់បន្ថយបរិមាណមេរោគដែលបញ្ចេញតាមផ្លូវដង្ហើម។ ចាក់វ៉ាក់សាំងហើយ គប្បីត្រូវបន្ដពាក់ម៉ាស់ និងរក្សាគម្លាត។ ៣. វ៉ាក់សាំងការពារកូវីដ១៩បម្លែងខ្លួនថ្មីទេ? 💉៖ ជួយក្នុងកម្រិតមួយ ទោះមិនបានទាំងស្រុងក៏ដោយ។ វ៉ាក់សាំងពិតជាកាត់បន្ថយអាត្រាឆ្លង អត្រាឈឺធ្ងន់ធ្ងរ និងអត្រាស្លាប់ដោយសារកូវីដ១៩។ ប្រភព៖ World Economic Forum

របាយការណ៍នៅថ្ងៃទី១១ មីនា ឃើញមាន៖ ១. គ្រោះថ្នាក់ចរាចរណ៍៖ ៧ករណី ស្លាប់ ៦នាក់ និងរបួសធ្ងន់ស្រាល ៣នាក់។ ២. បទល្មើសព្រហ្មទណ្ឌ៖ ១២ករណី ឃាត់ខ្លួនជនសង្ស័យ ៤៥នាក់។ ៣. គ្រឿងញៀន៖ ១៤ករណី ឃាត់ខ្លួនជនសង្ស័យ ៨០នាក់។  ៤. កូវីដ៖ ៦២ករណី (ករណីសហគមន៍ ៦០នាក់) និងជាសះស្បើយ ២២នាក់។ – អ្នកឆ្លងសរុប៖ ១២២៥ នាក់ – អ្នកជាសះស្បើយ៖ ៦១៩ នាក់ – អ្នកកំពុងព្យាបាល៖ ៦០៤ នាក់ ចេញផ្សាយម៉ោង ១២៖១៥ ថ្ងៃទី១២ មីនា ២០២១

កម្ពុជាប្រកាសចាក់វ៉ាក់សាំងប្រឆាំងជំងឺកូវីដ១៩ ជូនបុគ្គលិកបរទេសនៃអង្គការក្រៅរដ្ឋាភិបាលបរទេសនៅកម្ពុជា និងក្រុមគ្រួសាររបស់ពួកគេ ដោយឥតគិតថ្លៃ និងឈរលើគោលការណ៍ស្ម័គ្រចិត្ត។ ពួកគេអាចជ្រើសរើសរវាង Sinopharm និង AstraZeneca។ ប្រភព៖ កំណត់ទូតរបស់ក្រសួងការបរទេសស្ដីពីផែនការចាក់វ៉ាក់សាំងប្រឆាំងជំងឺកូវីដ១៩

ព្យាករណ៍ករណីវិជ្ជមានដោយប្រើគណិតវិទ្យា “ម៉ូឌែល SIR with Time Delay”។ ប៉ារ៉ាម៉ែត្រក្នុងការគណនាផ្អែកលើទិន្នន័យដែលប្រកាសដោយក្រសួងសុខាភិបាលនៅចន្លោះថ្ងៃ១០-២៤ កុម្ភៈ ២០២១ (𝛼=0.075, 𝛽=0.01 ថេរ )។ Time Delay ត្រូវបានកំណត់ដោយ 14 គឺរយៈពេលសម្ងំនៃវីរុស។ លទ្ធផលបង្ហាញក្នុងករណីដែលប៉ារ៉ាម៉ែត្រតាងអត្រាឆ្លង 𝛼 និង អត្រាជាសះស្បើយ 𝛽 ត្រូវបានកំណត់ដោយតម្លៃថេរ។ តម្លៃថេរទីនេះមានន័យថា ការមិនផ្លាស់ប្តូរឥរិយាបថក្នុងការការពារខ្លួនរបស់ពលរដ្ឋដូចសព្វថ្ងៃនេះ។  ក្នុងករណីខាងលើ ចំនួនករណីឆ្លងសរុបអាចនឹងកើនដល់ប្រមាណ ១.៥០០ ករណីនៅសប្តាហ៍ក្រោយ និង ឈានទៅដល់ ២.០០០ករណី នៅដំណាច់ខែមីនា។ ផ្ទុយទៅវិញ បើសិនជាកាត់បន្ថយបម្លាស់ទីមនុស្ស និងការប្រាស្រ័យទាក់ទងបាន ៥០% នៃស្ថានភាពបច្ចុប្បន្នបានត្រឹមសប្តាហ៍ក្រោយ និង ៧៥% នៃស្ថានភាពបច្ចុប្បន្នក្នុង ២សប្តាហ៍បន្ទាប់ នោះករណីឆ្លងនឹងចាប់ផ្តើមថយចុះនៅដើមខែមេសា ហើយកម្ពុជាអាចបិទបញ្ចប់ព្រឹត្តិការណ៍សហគមន៍២០កុម្ភៈត្រឹមចុងខែមេសា។ ដោយ៖ លឹម ម៉េងសាយ ជើងឯកគណិតវិទ្យាថ្នាក់ទី១២ ទូទាំងប្រទេស ២០១៥

គិតត្រឹមព្រឹកថ្ងៃទី១២ មីនា ២០២១ – ចំនួនអ្នកឆ្លងសរុប៖ ១២២៥នាក់ – ព្រឹត្តិការណ៍សហគមន៍ ២០កុម្ភៈ៖ ៧១២នាក់ – ចំនួនអ្នកជាសះស្បើយ៖ ៦១៩នាក់

📷 TYDA