ប្រភព៖ រដ្ឋបាលខេត្តកំពង់ចាម

ថ្ងៃទី១១ មីនា ត្រូវបានកំណត់យកជាថ្ងៃទិវាជាតិអំណាននៃព្រះរាជាណាចក្រកម្ពុជា ដើម្បីបណ្ដុះទម្លាប់អាន ជំរុញវប្បធម៌អាន លើកកម្ពស់សមត្ថភាពអាន និងការតែងនិពន្ធសំដៅរួមចំណែកការពារ និងពង្រឹងវប្បធម៌ខ្មែរ។ ការប្រារព្ធទិវាជាតិអំណាននាថ្ងៃនេះ ក៏ដើម្បីរំលឹកដល់ថ្ងៃប្រសូតរបស់សម្ដេចព្រះមហាសុមេធាធិបតី ជួន ណាត (ជោតញ្ញាណោ) សម្ដេចព្រះសង្ឃរាជថ្នាក់ទី១ នៃគណៈមហានិកាយនៃព្រះរាជាណាចក្រកម្ពុជា ដែលទ្រង់ប្រសូតនៅថ្ងៃទី១១ មីនា ១៨៨៣។

វណ្ណកម្មសរុបមានចំនួន ៣១ស្នាដៃ ផ្តោតលើ៖ ទស្សនវិជ្ជា ប្រវត្តិសាស្ត្រ អក្សរសិល្ប៍ខ្មែរ ច្បាប់ សេដ្ឋកិច្ច ការទូត និងអប់រំ។ ប្រភព៖ ក្រសួងអប់រំ

វ៉ាក់សាំងជាអ្នកដាស់ប្រព័ន្ធភាពស៊ាំដែលដើរតួនាទីបង្កើតកងការពារប្រឆាំងមេរោគជូនអ្នកមុនពេលមេរោគវិវត្តទៅជាជំងឺធ្ងន់ធ្ងរ។ 🎥 អង្គការសុខភាពពិភពលោក

គិតត្រឹមព្រឹកថ្ងៃទី១១ មីនា ២០២១ – ចំនួនអ្នកឆ្លងសរុប៖ ១១៦៣នាក់ – ព្រឹត្តិការណ៍សហគមន៍ ២០កុម្ភៈ៖ ៦៥២នាក់ – ចំនួនអ្នកជាសះស្បើយ៖ ៥៩៧នាក់

ប្រភព៖ ក្រសួងអប់រំ

នាព្រឹកថ្ងៃទី១០ មីនា សម្តេចតេជោ ហ៊ុន សែន, នាយករដ្ឋមន្ត្រីឡាវ ថងលុន ស៊ីសុលីត និងនាយករដ្ឋមន្ត្រីវៀតណាម ង្វៀន សួនហ្វុក  បានជួបប្រជុំគ្នាតាមប្រព័ន្ធវីដេអូ។ ភាគីទាំងបីបាន៖ ១. ឯកភាពគ្នាក្នុងការចាក់វ៉ាក់សាំងកូវីដ១៩ ទៅវិញទៅមកដោយមិនគិតថ្លៃដល់មន្រ្តីការទូត និងសិស្សនិស្សិតកម្ពុជា ឡាវ និងវៀតណាម ដែលកំពុងស្នាក់នៅក្នុងប្រទេសនីមួយៗ។ ២. ពិចារណាអំពីការដំណើរការឡើងវិញនូវការហោះហើរអន្តរជាតិរវាងកម្ពុជា ឡាវ និងវៀតណាម ដើម្បីជំរុញពាណិជ្ជកម្ម និងការវិនិយោគ។ ៣. ពន្លឿនការអនុវត្តផែនការការតភ្ជាប់សេដ្ឋកិច្ច CLV ផ្តោតលើកិច្ចសហប្រតិបត្តិការក្នុងការកៀរគរធនធានពីដៃគូអភិវឌ្ឍន៍ ដើម្បីស្ថាបនាផ្លូវល្បឿនលឿនហាណូយ-វៀងចន្ទន៍ ផ្លូវរថភ្លើង វៀងចន្ទន៍-វង្សអាន និងផ្លូវរថភ្លើងភ្នំពេញ-ហូជីមិញ។ ប្រភព៖ ការបរទេស

១. ការចរចាកិច្ចព្រមព្រៀងជាមួយ សហភាពសេដ្ឋកិច្ចអាស៊ី-អ៊ឺរ៉ុប កំពុងមានពន្លឺបណ្តើរៗ – ភ្នំពេញបុស្តិ៍ ២. អាជ្ញាធររាជធានី-ខេត្ត នឹងមិនប្រើយន្តការច្បាប់ណាមួយទេ ខណៈកូវីដ១៩នៅអាចគ្រប់គ្រងបាន- RFI ៣. រយៈពេល ៣ថ្ងៃរដ្ឋបាលខេត្តសៀមរាបដឹកពលករមកពីថៃជាង ៧០០នាក់ – ថ្មីៗ ៤. ទ្រព្យសម្បត្តិលោក Elon Musk កើនឡើងថែម ២៥ពាន់លានដុល្លារទៀតនៅថ្ងៃនេះ នាំឲ្យទ្រព្យសម្បត្តិសរុបរបស់លោក ជិតវ៉ាដាច់លោក Jeff Bezos – FN ៥. ចិន និង រុស្ស៊ី សហការគ្នាបង្កើតស្ថានីយ៍អវកាសលើឋានព្រះចន្ទ – រស្មីកម្ពុជា

១. បញ្ជាឱ្យយកសណ្ឋាគារ ២ទៀតដែលមានចំនួន ២០០បន្ទប់ ឬលើសពីនេះដើម្បីដាក់អ្នកជម្ងឺកូវីដ១៩ ២. ស្នើឱ្យមានការបញ្ចេញគ្រូពេទ្យពីកងទ័ព ៣០០នាក់មកជួយគ្រូពេទ្យស៊ីវិល ៣. ពេទ្យ ២កន្លែងនៅក្នុងទីក្រុងភ្នំពេញត្រូវប្រគល់ឱ្យកងទ័ពគ្រប់គ្រងតែម្តងដោយប្រើប្រាស់វេជ្ជបណ្ឌិត និងក្រុមគ្រូពេទ្យកងទ័ព ក្រោមការដឹកនាំរបស់មេបញ្ជាការកងទ័ពជើងគោក ៤. ស្នើឱ្យក្រសួងសុខាភិបាលរៀបចំបំពាក់សម្ភារៈសុខាភិបាលដល់គ្រូពេទ្យកងទ័ព ៥. ក្រសួងសេដ្ឋកិច្ចរៀបចំរបបឧបត្ថម្ភបន្ថែមពីលើបៀវត្សជូនដល់គ្រូពេទ្យកងទ័ព ដូចអ្វីដែលគ្រូពេទ្យស៊ីវិលទទួលបាន

រដ្ឋមន្រ្តីការពារជាតិ រដ្ឋមន្រ្តីសុខាភិបាល និងរដ្ឋមន្រ្តីសេដ្ឋកិច្ចត្រូវសហការធ្វើកិច្ចការនេះ។