១. បន្តពង្រឹងភាពជាដៃគូរដ្ឋ-ឯកជនក្នុងការចូលរួមដល់យុទ្ធនាការទប់ស្កាត់ការឆ្លងជំងឺកូវីដ១៩ ពិសេសត្រូវផ្តល់សេវាកម្មប្រកបដោយសុវត្ថិភាព។ ២.សហគ្រិន/និយោជក គួរគិតគូរអំពីគំរូអាជីវកម្មប្រភេទថ្មី ជាមួយដំណោះស្រាយឌីជីថល តាមរយៈការប្រើប្រាស់បច្ចេកវិទ្យាជាជំនួយ។ ៣. គ្រប់អាជ្ញាធរមូលដ្ឋានទាំងអស់ចូលរួមក្នុងការអនុវត្តវិធានសុវត្ថិភាពទេសចរណ៍ឱ្យបានកាន់តែសកម្មស្របតាមយុទ្ធនាការ “ទីក្រុងស្អាត៖ ទីក្រុងអនុវត្តវិធានសុវត្ថិភាពឆ្នើម” សំដៅប្រយុទ្ធប្រឆាំងនឹងជំងឺឆ្លងកូវីដ១៩។ ៤. ប្រជាពលរដ្ឋត្រូវបន្សំខ្លួនក្នុងទម្លាប់ថ្មី និង វិធានការបង្ការទប់ស្កាត់ គោរពតាមវិធានសុវត្ថិភាពនានារបស់ក្រសួង សុខាភិបាលឱ្យបានខ្ជាប់ខ្លួន។ ប្រភព៖ ក្រសួងទេសចរណ៍

កម្ពុជា-ហ្វីលីពីន ឯកភាពគ្នាជំរុញកិច្ចចរចាដើម្បីឈានដល់ការបញ្ចប់លើសេចក្តីព្រាងនៃកិច្ចព្រមព្រៀងស្តីពីការជៀសវាងការយកពន្ធត្រួតគ្នា (Agreement on the Avoidance of Double Taxation) ឱ្យបានឆាប់ ក្នុងគោលបំណងពង្រីកទំហំពាណិជ្ជកម្ម និងវិនិយោគបន្ថែមទៀត។ កម្ពុជាជំរុញវិនិយោគិនហ្វីលីពីនមកវិនិយោគទុនលើឃ្លាំងស្តុកទុកស្រូវអង្ករ និងម៉ាស៊ីនកិនស្រូវដើម្បីនាំអង្ករទៅហ្វីលីពីន។ លើវិស័យអាកាសចរណ៍ ក្រោយវិបត្តិជំងឺកូវីដ១៩បានធូរស្រាល ជើងហោះហើរផ្ទាល់រវាងប្រទេសទាំងពីរនឹងត្រូវពិចារណាឱ្យបើកដំណើរការឡើង វិញដើម្បីជំរុញវិស័យទេសចរណ៍ និងវិនិយោគនៃប្រទេសទាំងពីរ។ ប្រភព៖ ការបរទេស

ករណីឆ្លងសហគមន៍ ៣៨នាក់ អ្នកដំណើរពីបរទេស ០២នាក់ គិតត្រឹមព្រឹកថ្ងៃទី២៤ កុម្ភៈ ២០២១ ចំនួនអ្នកឆ្លងសរុប៖ ៦៣៣នាក់ ព្រឹត្តិការណ៍សហគមន៍ ២០កុម្ភៈ៖ ១៣៧នាក់ ចំនួនអ្នកជាសះស្បើយ៖ ៤៧៦នាក់

១. អាជ្ញាធរខេត្តព្រៃវែងរកឃើញមនុស្ស ៤១នាក់ពាក់ព័ន្ធជាមួយមន្ត្រីនគរបាលជាតិម្នាក់ដែលឆ្លងកូវីដ១៩ – FN ២. ក្រសួងកសិកម្មថាតម្លៃស្វាយនៅក្រៅប្រទេសកំពុងធ្លាក់ចុះដល់មួយគីឡូ ជាង ១ដុល្លារប៉ុណ្ណោះ‍ – រស្មីកម្ពុជា ៣. នាយិកាវិទ្យាស្ថានប៉ាស្ទ័រ៖ មេរោគកូរ៉ូណា ដែលពិនិត្យឃើញនៅក្នុងសត្វប្រចៀវ មិនមែនជាមេរោគកូវីដ១៩សព្វថ្ងៃនេះទេ – RFI ៤. ក្រមហ៊ុន Facebook នឹងចាប់ផ្តើមពិភាក្សាឡើងវិញ ស្តីអំពីច្បាប់ប្រព័ន្ធផ្សព្វផ្សាយនៅអូស្ត្រាលី – ភ្នំពេញបុស្តិ៍ ៥. រដ្ឋមន្ត្រីការបរទេសអុឺរ៉ុប ឯកភាពគ្នាដាក់ទណ្ឌកម្មមន្ត្រីរុស្សីជុំវិញការឃុំខ្លួនលោក Navalny – ថ្មីៗ

លោក Anthony Fauci អ្នកជំនាញកំពូលឯកទេសជំងឺឆ្លងរបស់អាមេរិកបានថ្លែងកាលពីថ្ងៃចន្ទថា “ការហែកហួរគ្នាដោយនយោបាយនៅអាមេរិកបានរួមចំណែកដល់ចំនួនអ្នកស្លាប់ដ៏គួរឱ្យភ្ញាក់ផ្អើល។” “នៅអាមេរិក ការពាក់ម៉ាស់ជាសេចក្តីថ្លែងការណ៍នយោបាយជាជាងវិធានការសុខភាពសាធារណៈ” លោកបន្ត។ ប្រភព៖ DW

ទីតាំងមួយចំនួនត្រូវបានបិទជាបណ្ដោះអាសន្ន ហើយបញ្ជូនមនុស្សទាំងអស់ទៅពិនិត្យសំណាក និងធ្វើចត្តាឡីស័ករយៈពេល១៤ថ្ងៃ តាមការកំណត់របស់ក្រសួងសុខាភិបាល។ 📷 FN

អត្ថន័យរបស់ពណ៌ក្រោយការស្កេន QR Code កំណត់ដោយអនុគណៈកម្មការអន្តរក្រសួងប្រយុទ្ធនឹងជំងឺកូវីដ-១៩ វិធីសាស្ត្រ ស្កេន QR Code ដោយប្រើស្មាតហ្វូន វិធីសាស្រ្ត ស្កេនជំនួសបុគ្គលមិនមានទូរសព្ទស្កេន QR Code 📷 ក្រសួងប្រៃសនីយ៍ និងទូរគមនាគមន៍

សូត្រផលិតចេញពីដង្កូវនាងមានឈ្មោះថា “Bombryx Mori”។ ដង្កូវនាងទាំងនោះស៊ីស្លឹកមនជាចំណី។ ក្នុងពេល៤៥ថ្ងៃ ដង្កូវនាងនឹងពេញវ័យ ហើយចាប់ផ្ដើមខ្ជាក់សរសៃសូត្រ និងរុំជាសំបុកដង្កូវនាង។ សំបុកទាំងនេះ ត្រូវបានយកទៅស្ងោរហើយវេញជាសរសៃសូត្រដែលក្រាស់ល្មមសំរាប់ត្បាញធ្វើជាសម្លៀកបំពាក់ និងវត្ថុប្រើប្រាស់ផ្សេងៗ។ ប្រភព៖ Business Insider

១. គ្រោះថ្នាក់ចរាចរណ៍៖ សរុប ១១ករណី ស្លាប់ ៤នាក់ និងរបួសធ្ងន់ស្រាល ១៦នាក់។ ២. បទល្មើសព្រហ្មទណ្ឌ៖ សរុប ១២ករណី ឃាត់ខ្លួនជនសង្ស័យ ១៤នាក់។ ៣. គ្រឿងញៀន៖ បង្ក្រាប ១៤ករណី ឃាត់ខ្លួនជនសង្ស័យ ៣០នាក់។

៣ការពារ+៣កុំ+វ៉ាក់សំាង = កងការពារផ្ទាល់ខ្លួនដ៏រឹងមាំ ទប់ស្កាត់ការឆ្លងរាតត្បាតក្នុងសហគមន៍ ជំរុញការឈានទៅរស់នៅធម្មតាតាមគន្លងថ្មី ជំរុញឱ្យដំណើរការឡើងវិញរបររកស៊ីរបស់ពលរដ្ឋខ្មែរ ធានាប្រាក់ចំណូលគ្រួសារ និងលើកស្ទួយសេដ្ឋកិច្ចជាតិ!