ជាវត្តចំណាស់មានអាយុប្រហែល ១៣៤ឆ្នាំហើយ។ នៅរដូវវស្សាអាចមើលឃើញប្រាសាទមួយដែលផុសនៅកណ្ដាលផ្ទៃទឹកព័ទ្ធដោយព្រៃ។ នៅទីនោះ អាចមើលឃើញ ភូមិបាក់ព្រា និងភូមិកោះជីវាំង ស្រុកឯកភ្នំ ខេត្តបាត់ដំបង។ ប្រភព៖ ទៅលេងបាត់ដំបង

ការចូលរួមរបស់អាជ្ញាធរមូលដ្ឋាន៖ រៀបចំឱ្យមានយន្តការគ្រប់គ្រង, ទីតាំងទុកដាក់សំរាមឱ្យត្រឹមត្រូវ, ធុងសំរាម និង បង្គន់សាធារណៈ, ផ្សព្វផ្សាយដល់ប្រជាពលរដ្ឋមូលដ្ឋានឱ្យទុកដាក់សំរាមឱ្យបានត្រឹមត្រូវ ហើយ បំផុសឱ្យប្រជាពលរដ្ឋដាំដើមឈើ ដាំសួនបន្លែ និងដាំផ្កាលម្អតាមផ្ទះ។ ការចូលរួមរបស់ប្រជាពលរដ្ឋ៖ ទុកដាក់ និងបែងចែកសំរាមឱ្យបានត្រឹមត្រូវ, ប្រើប្រាស់ឡើងវិញ ឬយកទៅកែច្នៃជាដើម, ដាំផ្កា បន្លែ ឬដើមឈើហូបផ្លែនៅជុំវិញផ្ទះ និងចូលរួមជាមួយអាជ្ញាធរមូលដ្ឋានក្នុងការសម្អាតបរិស្ថានតាមទីសាធារណៈ។ រស់នៅស្អាត មានសុខុមាលភាពល្អ មិនចំណាយថវិកាលើការព្យាបាលជម្ងឺ ទាក់ទាញអ្នកទេសចរ និងបង្កើនប្រាក់ចំណូល។ 📷 បញ្ចនាថ

កម្ពុជាធ្លាប់បានធ្វើជាម្ចាស់ផ្ទះនៃកិច្ចប្រជុំធំៗ ដូចជាវេទិកាសេដ្ឋកិច្ចពិភពលោក WEF ឆ្នាំ២០១៧ ហើយពេលខាងមុខនេះ កម្ពុជានឹងធ្វើជាម្ចាស់ផ្ទះកិច្ចប្រជុំកំពូលអាស៊ី-អឺរ៉ុប លើកទី១៣ ASEM13 និង ASEP11 ដែលនឹងមានការចូលរួមពីថ្នាក់ដឹកនាំកំពូលពី ៥៣ប្រទេស។ 📷 ហ៊ុន ម៉ានី

ទឹកដោះអូដ្ឋមានតម្លៃ ៣០ដុល្លារក្នុងមួយលីត្រ ថ្លៃជាងទឹកដោះគោធម្មតាជិត ៣០ដង ដោយសារវាសំបូរដោយជាតិកាល់ស្យូមនិងប៉ូតាស្យូម និងមានវីតាមីន C ដប់ដងច្រើនជាងទឹកដោះគោធម្មតា។ ក្នុងមួយឆ្នាំ គេយកទឹកដោះអូដ្ឋបានតែប្រមាណ ៣លានលីត្រប៉ុណ្ណោះ ខណៈទឹកដោះគោបាន ៦០០លានលីត្រ។ ទឹកដោះអូដ្ឋអាចផលិតជាឈីស ទឹកដោះជូរ និងទឹកដោះស្រស់។ ប្រភព៖ Business Insider

១. គ្រោះថ្នាក់ចរាចរណ៍៖ សរុប ៧ករណី ស្លាប់ ៤នាក់ និងរបួសធ្ងន់ស្រាល ៩នាក់។ ២. បទល្មើសព្រហ្មទណ្ឌ៖ សរុប ១៤ករណី ឃាត់ខ្លួនជនសង្ស័យ ២១នាក់។ ៣. គ្រឿងញៀន៖ បង្ក្រាប ១៩ករណី ឃាត់ខ្លួនជនសង្ស័យ ៥៥នាក់។

ការបង្កើតច្រកទ្វារអ៊ីនធឺណិតជាតិមានគោលបំណងបង្កើនប្រសិទ្ធភាពនៃការប្រមូលចំណូលជាតិ ផ្អែកលើគោលការណ៍ប្រកួតប្រជែងស្មើភាព និងតម្លាភាពរវាងរដ្ឋនិងប្រតិបត្តិករ ព្រមទាំងជួយទប់ស្កាត់នូវការលួចតភ្ជាប់បណ្តាញឆ្លងដែនខុសច្បាប់ ការគំរាមកំហែងតាមអ៊ីនធឺណិត និងបទល្មើសឆបោកតាមប្រព័ន្ធអនឡាញជាដើម។ មិនមានបទប្បញ្ញត្តិណាមួយ ក្នុងអនុក្រឹត្យចែងអំពីការចាប់យកទិន្នន័យអ្នកប្រើប្រាស់ និងការរឹតត្បិតសេរីភាពនៃការបញ្ចេញមតិឡើយ។ កម្ពុជានឹងរៀបចំសេចក្តីព្រាងច្បាប់ស្តីពីការការពារទិន្នន័យឯកជន (Personal Data Protection Law) បន្ទាប់ពីសេចក្តីព្រាងច្បាប់ស្តីពីសន្តិសុខបច្ចេកវិទ្យាគមនាគមន៍និងព័ត៌មាន (Cybersecurity Law) ត្រូវបានបញ្ចប់ក្នុងពេលឆាប់ៗខាងមុខ។

នាថ្ងៃទី១៨ កុម្ភៈ រដ្ឋមន្ត្រីការបរទេស ប្រាក់ សុខុន បានជួបសន្ទនាតាមទូរស័ព្ទជាមួយរដ្ឋមន្ត្រីការបរទេសឥណ្ឌា ចៃហ្សុនកា ដើម្បីពិភាក្សាអំពីថ្នាំបង្ការជំងឺកូវីដ-១៩ និងរួមគ្នាប្រយុទ្ធប្រឆាំងនឹងជំងឺនេះ។ ឯកឧត្តម ប្រាក់ សុខុន បានថ្លែងអំណរគុណដល់ ប្រទេសឥណ្ឌា ដែលបានអនុម័តផ្គត់ផ្គង់វ៉ាក់សាំងបង្ការជំងឺកូវីដ១៩ ចំនួន ១សែនដូស ដល់កម្ពុជា ហើយកម្ពុជាត្រូវការទិញវ៉ាក់សាំងបង្ការជំងឺកូវីដ-១៩ ចំនួន ៥លានដូស ដោយស្នើសុំឱ្យឥណ្ឌាផ្គត់ផ្គង់ដំណាក់កាលដំបូងចំនួន ១លានដូស។ កម្ពុជាសម្រេចទិញវ៉ាក់សាំងបង្ការជំងឺកូវីដ១៩ ពីឥណ្ឌាដោយសារកម្ពុជា និងឥណ្ឌាមានប្រវត្តិទំនាក់ទំនងយ៉ាងជិតស្និទ្ធ និងម្យ៉ាងទៀតដោយសារប្រជាជនកម្ពុជាជឿទុកចិត្តលើថ្នាំពេទ្យ និងសេវាសុខភាពរបស់ឥណ្ឌា។

គិតត្រឹមព្រឹកថ្ងៃទី ១៩ កុម្ភៈ ២០២១ ចំនួនអ្នកឆ្លងសរុប៖ ៤៨៤នាក់ ចំនួនពលករមកពីប្រទេសថៃសរុប៖ ៨៩នាក់ ចំនួនអ្នកជាសះស្បើយ៖ ៤៧០នាក់

១. ប្រេសិតពាណិជ្ជកម្មអង់គ្លេស ជំរុញអ្នកវិនិយោគមកស្វែងរកឱកាសវិនិយោគនៅកម្ពុជា – FN ២. ‍រដ្ឋមន្ដ្រីសេដ្ឋកិច្ច៖ វត្តមានវ៉ាក់សាំងកូវីដ១៩ នឹងបង្កើនលទ្ធភាពក្នុងការអភិវឌ្ឍសេដ្ឋកិច្ចកម្ពុជាឡើងវិញ – Swift News ៣. ការចូលរួមរបស់ស្រ្ដីនៅក្នុងពិភពឌីជីថលគឺជាកត្តាចាំបាច់ដើម្បីបង្កើតសេដ្ឋកិច្ច និងសង្គមឌីជីថល – រស្មីកម្ពុជា ៤. ក្នុងខែដំបូងឆ្នាំ ២០២១ ការនាំចេញជ័រកៅស៊ូរបស់កម្ពុជាមានតម្លៃប្រមាណ ៨៥លានដុល្លារ – AMS Economy ៥. អង្គការឃ្លាំមើលសិទ្ធិមនុស្ស (HRW) ថា “ច្រកទ្វារអុីនធឺណិតជាតិ” នឹងប៉ះពាល់លើសិទ្ធិសេរីភាពក្នុងការបញ្ចេញមតិ តែរដ្ឋាភិបាលកម្ពុជាបដិសេធ – RFI ៦. ក្រុមហ៊ុន Facebook បិទខ្លឹមសារព័ត៌មានរបស់អូស្រ្ដាលី ក្រោយប្រទេសនេះតម្រូវឱ្យក្រុមហ៊ុនបង់ប្រាក់ថ្លៃមាតិកាព័ត៌មាន – Swift News ៧. អ្នកវិភាគ៖ ភាពធ្វេសប្រហែសរបស់អាមេរិកជំរុញអាស៊ានងាកទៅរកចិន – ភ្នំពេញប៉ុស្ដិ៍

នៅថ្ងៃទី១៨ កុម្ភៈ ២០២១ សហភាពសហព័ន្ធយុវជនកម្ពុជារាជធានីភ្នំពេញ ក្រោមអធិបតីភាពឯកឧត្តម ឃុត ចាន់ដារ៉ា អនុប្រធាន ស.ស.យ.ក រាជធានីបានធ្វើពិធីអរគុណយុវជនស្ម័គ្រចិត្តដែលបានចូលរួមធ្វើជាអ្នកសង្កេតការណ៍ពិនិត្យបញ្ជីឈ្មោះ និងការចុះឈ្មោះបោះឆ្នោតកាលពីថ្ងៃទី១ កញ្ញា ដល់ ៣១ ធ្នូ ២០២០។ យុវជនស្ម័គ្រចិត្តបានចុះតាមការិយាល័យពិនិត្យ និងចុះឈ្មោះបោះឆ្នោតក្នុងសង្កាត់ទាំង១០៥ ទូទាំងរាជធានីភ្នំពេញ។ កាយវិការប្រកបដោយស្មារតីទទួលខុសត្រូវ បានក្លាយជាចលនាជំរុញការងារស្ម័គ្រចិត្ត និងការរួមគ្នាជាធ្លុងមួយកសាងលទ្ធិប្រជាធិបតេយ្យសេរីពហុបក្ស និងនីតិរដ្ឋនៅកម្ពុជាឱ្យកាន់តែរឹងមាំ។