📸 SPM

គិតត្រឹមព្រឹកថ្ងៃទី ១០ កុម្ភៈ ២០២១ ចំនួនអ្នកឆ្លងសរុប៖ ៤៧៨នាក់ ចំនួនពលករមកពីប្រទេសថៃសរុប៖ ៨៨នាក់ ចំនួនអ្នកជាសះស្បើយ៖ ៤៥៧នាក់

១. អ្នកនាំពាក្យក្រសួងបរិស្ថាន៖ ក្រុមអង្គការសង្គមស៊ីវិលដែលអួតថាខ្លួនស្រលាញ់យុត្តិធម៌ គួរទទួលស្គាល់ការពិត ហើយកុំការពារជនមិនគោរពច្បាប់ – FN ២. ‍បណ្ឌិត ឆេង គឹមឡុង៖ កត្តាស្ថិរភាពធ្វើឱ្យកម្ពុជាអាចមានភាពទាក់ទាញមួយចំនួនដល់ក្រុមហ៊ុនដែលគ្រោង នឹងវិនិយោគនៅភូមា – RFI ៣. អ្នកនាំចេញទំនិញពីកម្ពុជាទៅទីផ្សារអន្ដរជាតិ បារម្ភកាន់តែខ្លាំងការកើនឡើងតម្លៃដឹកជញ្ជូន – ភ្នំពេញប៉ុស្ដិ៍ ៤. វត្ថុបុរាណ ៤ទម្រង់ ត្រូវបានពលរដ្ឋប្រគល់ឱ្យអាជ្ញាធរជាតិអប្សរា – ថ្មីៗ ៥. កម្ពុជាល្អជាងគេក្នុងចំណោមប្រទេសដែលបញ្ជូនពលករ អំឡុងពេលជម្ងឺរាតត្បាតកូវីដ ១៩ – Swift News ៦. នាវាដឹកយន្ដហោះពីរគ្រឿងរបស់អាមេរិកធ្វើសមយុទ្ធនៅសមុទ្រចិនខាងត្បូង ធ្វើឱ្យចិនថ្កោលទោសចំពោះការបំផ្លាញសន្ដិភាព និងស្ថិរភាពក្នុងតំបន់ – Swift News ៧. យោធាមីយ៉ាន់ម៉ា ដាក់ចេញច្បាប់អាជ្ញាសឹក ប្រឈមមុខនឹងបាតុកម្មដ៏ក្ដៅគគុក – FN

សារមន្ទីរវាយនភណ្ឌប្រពៃណីអាស៊ីស្ថិតនៅតាមបណ្តោយផ្លូវសម្តេចវិបុលបញ្ញា សុខ អាន ក្រុងសៀមរាប បានបើកឱ្យដំណើរការក្នុងឆ្នាំ២០១៤ ក្រោមកិច្ចសហប្រតិបត្តិការទន្លេមេគង្គ-ទន្លេគង្គា គឺប្រទេសកម្ពុជា ឥណ្ឌា ឡាវ មីយ៉ាន់ម៉ា ថៃ និងវៀតណាម។ គោលបំណងនៃការកសាងសារមន្ទីរនេះគឺដើម្បីថែរក្សាប្រពៃណីនៃការផលិតវាយនភណ្ឌ ក៏ដូចជាបង្ហាញពីទំនាក់ទំនងរវាងអរិយធម៌ វប្បធម៌ និងពាណិជ្ជកម្មរបស់ប្រទេសជាសមាជិក។ សារមន្ទីរបើកឱ្យសាធារណជនចូលទស្សនាពីថ្ងៃពុធ ដល់ថ្ងៃចន្ទ ចាប់ពីម៉ោង៨:៣០ព្រឹក ដល់ម៉ោង៤:០០ ល្ងាច មិនគិតថ្លៃចំពោះព្រះសង្ឃ ដូនជី និងកុមារក្រោមអាយុ១២ឆ្នាំ។ សារមន្ទីរក៏មានមគ្គុទ្ទេសក៍ជំនាញនៅចាំពន្យល់ បកស្រាយជូនភ្ញៀវជាតិ និងអន្តរជាតិទាំងអស់ដោយឥតគិតថ្លៃផងដែរ។ ប្រភព៖ អាជ្ញាធរជាតិអប្សរា

តើទង្វើគាំទ្រនេះនឹងលើកទឹកចិត្តឱ្យអ្នកប្រព្រឹត្តខុសបន្តចេះតែប្រព្រឹត្តបែបនេះ ឬយ៉ាងណា? 🤔

ប្រភព៖ ក្រសួងសុខាភិបាល

ប្រទេសអភិវឌ្ឍន៍ជាច្រើនបាន និងកំពុងស្រាវជ្រាវ និងដាក់ទុនលើការផលិតផ្កាយរណប ដើម្បីទាញយកផលប្រយោជន៍ពីលំហអាកាស។ ចំណែកឯប្រទេសកំពុងអភិវឌ្ឍដូចជាកម្ពុជា ពុំទាន់មានភាពជឿនលឿនលើផ្នែកនេះនៅឡើយ។ បច្ចុប្បន្ន វៀតណាម ថៃ ហ្វីលីពីន និងប្រទេសក្នុងអាស៊ីដទៃទៀត បានងាកទៅរក ការវិនិយោគលើបច្ចេកវិទ្យាផ្កាយរណបខ្នាតតូច ដែលមានឈ្មោះថា “Nano Satellite”។ វាមានទម្ងន់តិចជាង ១០០គីឡូក្រាម ចំណាយតិច ងាយស្រួលក្នុងការផលិត និងប្រើប្រាស់ពេលខ្លីក្នុងការផលិត។ នេះក៏ជាឱកាសពិសេសសម្រាប់វិនិយោគិនក្នុងស្រុកបង្កើតជំនួញទាក់ទងនឹងការផលិតផ្កាយរណបនេះ ដើម្បីកៀរគរវិនិយោគិនមកស្រុកយើងបន្ថែមទៀត។ ផ្កាយរណប មិនត្រឹមជួយដល់ការព្យាករណ៍អាកាសធាតុប៉ុណ្ណោះទេ ថែមទាំងមានប្រយោជន៍សំខាន់ក្នុងប្រព័ន្ធទំនាក់ទំនង និងផ្សព្វផ្សាយ និងអាចជាឧបករណ៍ទាញយករូបភាពទិន្នផលកសិកម្ម។ កម្ពុជាត្រូវការធនធានមនុស្ស និងអ្នកស្រាវជ្រាវឱ្យបានច្រើនដើម្បីផ្តល់ជាធាតុចូលដ៏សំខាន់សំរាប់ការអភិវឌ្ឍកម្ពុជាក្នុងបរិបទឧស្សាហកម្ម ៤.០៕ ចុចទីនេះដើម្បីសិក្សាបន្ថែម

១. គ្រោះថ្នាក់ចរាចរណ៍៖ សរុប ១៤ករណី ស្លាប់ ៩នាក់ និងរបួសធ្ងន់ស្រាល ២៩នាក់។ ២. បទល្មើសព្រហ្មទណ្ឌ៖ សរុប ១៦ករណី ឃាត់ខ្លួនជនសង្ស័យ ៣១នាក់។ ៣. គ្រឿងញៀន៖ បង្ក្រាប ៦ករណី ឃាត់ខ្លួនជនសង្ស័យ ១៣នាក់។

ការចូលរួមយ៉ាងសកម្មពីប្រជាសហគមន៍ និងកិច្ចសហការល្អរវាងរដ្ឋ និងប្រជាពលរដ្ឋ ជាកត្តាសំខាន់រួមចំណែកដល់ការអភិរក្សជីវៈចម្រុះ និងធនធានធម្មជាតិនៅកម្ពុជាឱ្យទទួលបានជោគជ័យ។ ដោយឡែក ក្រុមទុច្ចរិតមួយចំនួន ដែលជ្រកក្រោមស្លាកសមាគម និងអង្គការមិនមែនរដ្ឋាភិបាលមិនបានចុះបញ្ជីនៅក្រសួងមហាផ្ទៃតាមច្បាប់ទេ តែបានធ្វើសកម្មភាពផ្សេងៗក្នុងតំបន់ការពារធម្មជាតិដោយគ្មានច្បាប់អនុញ្ញាត។ តាមរយៈការបង្កើតរូបភាព និងរបាយការណ៍មិនពិត ពួកគេមិនខ្វល់ពីការបំពានច្បាប់ និងការបំផ្លាញកិត្តិនាមកម្ពុជាទេ ដរាបណារូបភាព និងរបាយការណ៍ដែលគេក្លែងនោះ អាចឱ្យពួកគេរកលុយបានពីម្ចាស់ជំនួយ។ ការអនុវត្តច្បាប់ចំពោះក្រុមដែលប្រព្រឹត្តផ្ទុយពីច្បាប់ គឺជាចំណាត់ការដ៏ត្រឹមត្រូវ។ យើងគាំទ្រឱ្យអាជ្ញាធរចាត់វិធានការតឹងរ៉ឹងបន្ថែមទៀតប្រឆាំងជនដែលបំពានច្បាប់ និងជនអាត្មានិយមទុច្ចរិតដែលបំផ្លាញផលប្រយោជន៍ប្រទេសដើម្បីតែផលប្រយោជន៍ផ្ទាល់ខ្លួន និងបក្សពួក។