គិតត្រឹមព្រឹកថ្ងៃទី ០៦ កុម្ភៈ ២០២១ ចំនួនអ្នកឆ្លងសរុប៖ ៤៧២នាក់ ចំនួនពលករមកពីប្រទេសថៃសរុប៖ ៨៧នាក់ ចំនួនអ្នកជាសះស្បើយ៖ ៤៥៣នាក់

១. អតីតបក្សប្រឆាំងចាត់ទុករដ្ឋប្រហារនៅភូមាថាដូចករណីនៅកម្ពុជាដែលមានការរំលាយគណបក្សសង្គ្រោះជាតិ – RFI ២. ‍ទេសចរណ៍ក្នុងស្រុកងាកមកប្រើសេវាកម្មមគ្គទេសក៍នាកំឡុងវិបត្តិកូវីដ១៩ – ថ្មីៗ ៣. សហភាពអ៉ឺរ៉ុបសម្ដែងការគាំទ្រដល់កម្ពុជា សម្រាប់ការរៀបចំយន្ដការដោះស្រាយវិវាទក្រៅប្រព័ន្ធតុលាការ – FN ៤. ក្រុមប្រឹក្សាអភិវឌ្ឍន៍កម្ពុជា អនុម័តគម្រោងវិនិយោគចំនួន ៨ តម្លៃជិត ១០០លានដុល្លារ – Swift News ៥. ក្រសួងសុខាភិបាល នឹងប្រកាសគេហទំព័រថ្មីមួយ ដើម្បីផ្ដល់ភាពងាយស្រួលដល់ប្រជាពលរដ្ឋ ក្នុងការចុះឈ្មោះចាក់វ៉ាក់សាំងកូវីដ១៩ – FN ៦. លោកបាុយដិន៖ អាមេរិកសុខចិត្តសហការជាមួយចិន បើសិនជាទទួលបានផលប្រយោជន៍ – Swift News ៧. តម្លៃមាសធ្លាក់ចុះ ស្របពេលសេដ្ឋកិច្ចអាមេរិកស្ថិតក្នុងភាពវិជ្ជមានច្រើន – ភ្នំពេញប៉ុស្ដិ៍

ក្រសួងសុខាភិបាលប្រកាសពីការលុបចោលកម្មវិធីចាក់វ៉ាក់សាំងគ្រោងធ្វើនៅថ្ងៃទី១០ កុម្ភៈ ២០២១។ រីឯការទទួលវ៉ាក់សាំងកូវីដ១៩ ដែលដឹកជញ្ជូនមកពីសាធារណរដ្ឋប្រជាមានិតចិន គឺនៅទទួលដដែល នារសៀលថ្ងៃទី០៧ កុម្ភៈ ២០២១ នៅព្រលានយន្តហោះអន្តរជាតិភ្នំពេញ។

គម្រោងចាក់វ៉ាក់សាំងដែលគ្រោងនៅថ្ងៃទី១០ កុម្ភៈ នៅមន្ទីរពេទ្យកាល់ម៉ែតនឹងត្រូវលុបចោល ដោយសារមានការបញ្ជាក់ថា វ៉ាក់សាំងសុីណូហ្វាម (Sinopharm) ចាក់បានតែមនុស្សមានអាយុពី១៨-៥៩ឆ្នាំតែប៉ុណ្ណោះ រីឯ សម្តេចតេជោ និងមន្ត្រីជាន់ខ្ពស់ផ្សេងៗសុទ្ធតែមានអាយុលើស ៦០ឆ្នាំ។ ប្រភព៖ SPM

គិតត្រឹមព្រឹកថ្ងៃទី ០៥ កុម្ភៈ ២០២១ ចំនួនអ្នកឆ្លងសរុប៖ ២២.៦៤៤នាក់ ជាសះស្បើយ៖ ១៥.៣៣១នាក់ ចំនួនអ្នកស្លាប់៖ ៧៩នាក់ នៅកម្ពុជាមិនទាន់មាននរណាម្នាក់ស្លាប់ទេ។ ហើយការគ្រប់គ្រងស្ថានការណ៍បានជោគជ័យមិនមែនសាមញ្ញពេកទេ។ សម្តេចតេជោ ហ៊ុន សែន បានថ្លែងថា៖ “ការប្រយុទ្ធលើសមរភូមិកូវីដមិនស្ថិតលើប្រទេសអ្នកមាន ឬអ្នកក្រនោះទេ តែស្ថិតលើអភិបាលកិច្ចល្អ” “ខ្ញុំធ្លាប់ធ្វើទាហាន មិនភ័យខ្លាចជាមួយសមរភូមិសង្គ្រាមដោយគ្រាប់កាំភ្លើង តែភ័យញ័រដៃជើងជាមួយសមរភូមិប្រយុទ្ធជាមួយជំងឺកូវីដ១៩”។

ប្រភព៖ UYFC

១. គ្រោះថ្នាក់ចរាចរណ៍៖ សរុប ៨ករណី មិនមានអ្នកស្លាប់ តែមានរបួសធ្ងន់ស្រាល ១៦នាក់។ ២. បទល្មើសព្រហ្មទណ្ឌ៖ សរុប ១៦ករណី ឃាត់ខ្លួនជនសង្ស័យ ២៤នាក់។ ៣. គ្រឿងញៀន៖ បង្ក្រាប ១២ករណី ឃាត់ខ្លួនជនសង្ស័យ ៤៥នាក់។

📸 សុខ សុភាព

៥ កុម្ភៈ ជាខួបមួយឆ្នាំនៃដំណើរទស្សនកិច្ចរបស់មេដឹកនាំកម្ពុជាទៅកាន់សាធារណរដ្ឋប្រជាមានិតចិន (៥ កុម្ភៈ ២០២០ -៥កុម្ភៈ ២០២១) ដែលជាទស្សនកិច្ចមានអត្ថន័យដ៍ជ្រាលជ្រៅនៃចំណងមិត្តភាព សាមគ្គីភាពក្នុងដំណាក់កាលចិនកំពុងផ្ទុះឡើងនៃជម្ងឺកូរ៉ូណា ក្រោយមកហៅថាកូវីដ១៩។ វាក៏ជាថ្ងៃដែលលេចចេញនូវពាក្យ “ស្រឡាញ់គ្នាក្នុងគ្រាក្រ ស្គាល់មិត្តល្អក្នុងគ្រាលំបាក”។ ៧ កុម្ភៈ វ៉ាក់សាំងដែលជាជំនួយរបស់ចិនចំនួន៦០ម៉ឺនដូសនឹងដឹកមកដល់កម្ពុជា។ ១០ កុម្ភៈ សម្តេចតេជោនឹងចាក់វ៉ាក់សាំងនៅមន្ទីរពេទ្យកាល់ម៉ែតមុនគេដោយមានការផ្សាយផ្ទាល់ និងមានសន្និសីទសារព័ត៌មាន។ ប្រភព៖ SPM