“អ្នកទាំងអស់គ្នាដែលកំពុងអាន comment នេះសូមជួយយើងផង។ ខ្ញុំមកពីប្រទេសមីយ៉ាន់ម៉ាហើយយើងមានបញ្ហាសំខាន់។ យោធារបស់ប្រទេសយើងបានទម្លាក់រដ្ឋាភិបាល និងគ្រប់គ្រងគ្រប់ប្រព័ន្ធទំនាក់ទំនងទាំងអស់។ មេដឹកនាំរបស់យើងមួយចំនួនក៏ត្រូវបានចាប់ខ្លួនដែរ។ សូមជួយយើងផង!” ដោយ Nwe Hnin Khaing។ “ទ័ពភូមាធ្វើរដ្ឋប្រហារជោគជ័យហើយ។ ពួកគេនឹងកាន់អំណាច ១ឆ្នាំ។ សូមមិត្តអន្តរជាតិជួយយើងផង អ៉ីនធើណេតយើងនឹងត្រូវកាត់ផ្តាច់ឆាប់ៗ!” ដោយ Phoo Phoo។ នៅលើលោកនេះ គ្មានប្រទេសណាគាំទ្ររដ្ឋប្រហារទេ ហេតុនេះហើយបានជារាជរដ្ឋាភិបាលកម្ពុជាអនុវត្តច្បាប់យ៉ាងតឹងរ៉ឹងលើគណបក្សនយោបាយ ស្ថាប័ន និងបុគ្គលណាដែលប៉ុនប៉ងធ្វើរដ្ឋប្រហារផ្តួលរំលំរដ្ឋាភិបាលស្របច្បាប់ដែលកើតចេញពីការបោះឆ្នោតត្រឹមត្រូវ។ ក្នុងនាមពលរដ្ឋខ្មែរ យើងពិតជាមិនចង់ឃើញយុវជនខ្មែរទៅអំពាវនាវរកបរទេសឱ្យមកស្រោចស្រង់ជាតិនោះឡើយ។ យើងប្រឆាំងដាច់ខាតរដ្ឋប្រហារ! ខ្មែរឆ្អែតនឹងសង្រ្គាមហើយ។ យើងត្រូវការពេលវេលានៅជាមួយមនុស្សដែលយើងស្រលាញ់ និងឱកាសធ្វើការងាររកប្រាក់ចំណូលដើម្បីគ្រួសារ និងកសាងជាតិមាតុភូមិក្រោមដំបូលសន្តិភាព។ ប្រភព៖ Worldwide Burmese Students

សាខាធនាគារភាគច្រើនបិទខណៈម៉ាស៊ីនដកលុយជាច្រើនលែងដំណើរការបន្ទាប់ពីខ្សែទូរស័ព្ទ និងសេវាអ៉ីនធឺណេតនៅទូទាំងប្រទេសត្រូវបានកាត់ផ្តាច់ភ្លាមៗមុនការប្រកាសអាសន្ន។ ហ្វូងមនុស្សបានបង្កើតជាផ្សារដាក់លក់តម្រូវការបឋមដូចជាអង្ករ ប្រេងឆា ថ្នាំពេទ្យ ហើយបានលក់អស់ភ្លាមៗ។ ខណៈពេលថ្លៃទំនិញនៅមានស្ថិរភាព អ្នកវិភាគរំពឹងថានឹងមានការកាត់ផ្តាច់ការផ្គត់ផ្គង់ ហើយតម្លៃនឹងមានការប្រែប្រួលឆាប់ៗ។ ដោយសារគ្មានអ៉ីនធើណេត ក្រុមហ៊ុនបច្ចេកវិទ្យាដូចជា Grab និង Foodpanda ក៏មិនអាចដំណើរការបានដែរ។ ព្រឹត្តិការណ៍ដែលកំពុងកើតនៅភូមាថ្ងៃនេះជាមេរៀនដ៏មានតម្លៃសំរាប់កម្ពុជា។ មនុស្សភាគច្រើនតែងមើលរំលងតម្លៃសន្តិភាព និងស្ថិរភាពនយោបាយ។ ទាល់តែបាត់បង់ទើបស្តាយ។ តើមាននរណាចង់ទៅបោះទុនវិនិយោគ ឬទស្សនាភូមាក្នុងគ្រាមានអាសន្ន? ដូចនេះ បើកម្ពុជាមានសន្តិភាព និងស្ថិរភាពហើយ គួរយើងពួតដៃគ្នាថែរក្សាឱ្យបានគង់វង្សដើម្បីជាប្រយោជន៍យូរអង្វែងសំរាប់កូនៗ និងចៅៗយើង។ 📷 The Myanmar Times

កាលពីថ្ងៃទី៣១ មករា ២០២១ ប៉ូលីសរុស្សីបានឃុំខ្លូនអ្នកតវ៉ាជាង ៥.០០០នាក់ទូទាំងប្រទេស ដែលទាមទារឱ្យដោះលែង មេដឹកនាំបក្សប្រឆាំងរបស់រុស្ស៊ី Navalny ដែលត្រូវបានចាប់ខ្លួនកាលពីថ្ងៃទី១៧ មករា ដោយសារការចោទប្រកាន់របស់ Navalny ចំពោះប្រធានាធិបតីរុស្សី Putin ថាបានបញ្ជាឱ្យធ្វើឃាតរូបលោក ។ ប៉ូលីសបានបិទផ្លូវធ្វើដំណើរនៅជិតវិមានក្រឹមលាំង និងបិទស្ថានីយ៍រថភ្លើងក្រោមដី ព្រមទាំងដាក់ពង្រាយប៉ូលីសជាច្រើននាក់ក្នុងទីក្រុងមូស្គូ។ ពាក់ព័ន្ធនឹងបញ្ហានេះ អាមេរិក និងអង់គ្លេស បានថ្កោលទោសរុស្សី ដោយឱ្យរុស្សីដោះលែងក្រុមអ្នកតវ៉ាដោយសន្ដិវិធី។ មន្ដ្រីការទូតរុស្សីបានលើកឡើងពីការលូកដៃគាំទ្រអ្នកតវ៉ាប្រឆាំងរុស្ស៊ី ក្រោមរូបភាពប្រជាធិបតេយ្យ។ រុស្ស៊ីថានេះជាផ្នែកមួយក្នុងយុទ្ធសាស្ដ្រអាមេរិកទប់ទល់ឥទ្ធិពលរុស្សីតែប៉ុណ្ណោះ៕ ប្រភព៖ Reuters

ប្រភព៖ FN

ប្រយ័ត្នអត់បានអាំងប៉ាវ!

កម្ពុជាអាចគ្រប់គ្រងជម្ងឺកូវីដ១៩ប្រកបដោយប្រសិទ្ធភាព មិនមែនពឹងលើសំណាងទេ គឺពឹងលើភាពជាអ្នកដឹកនាំ និងទំនួលខុសត្រូវខ្ពស់របស់រាជរដ្ឋាភិបាល និងកិច្ចសហប្រតិបត្តិការល្អរវាងរដ្ឋ និងពលរដ្ឋ។ 📸 SPM

១. គ្រោះថ្នាក់ចរាចរណ៍៖ សរុប ៨ករណី ស្លាប់ ៣នាក់ និងរបួស ១០នាក់។ ២. បទល្មើសព្រហ្មទណ្ឌ៖ សរុប ៨ករណី ឃាត់ខ្លួនជនសង្ស័យ ៣៨នាក់។ ៣. គ្រឿងញៀន៖ បង្ក្រាប ១២ករណី ឃាត់ខ្លួនជនសង្ស័យ ២២នាក់។

យោធាភូមាប្រកាសដាក់ប្រទេសក្នុងគ្រាមានអាសន្ន ១ឆ្នាំ ខណៈកងទ័ពជាច្រើនត្រូវបានដាក់ពង្រាយនៅតាមដងផ្លូវក្នុងរដ្ឋធានីណៃពិដោរ។ ប្រព័ន្ធផ្សព្វផ្សាយ ទាំងទូរទស្សន៍ជាតិ MRTV សេវាទូរស័ព្ទ និងអ៊ីនធើណេតត្រូវបានកាត់ផ្តាច់ក្នុងទីក្រុងធំៗដូចជាយ៉ាងហ្គនជាដើម។ គណបក្សលោកស្រីស៊ូជី ជាអ្នកទទួលបានជ័យជម្នះភ្លូកទឹកភ្លូកដីលើការបោះឆ្នោតសកលកាលពីថ្ងៃទី០៨ វិច្ឆិកា ២០២០។ គណៈកម្មាធិការជាតិរៀបចំការបោះឆ្នោតភូមា បាននិយាយថាការបោះឆ្នោតប្រព្រឹត្តទៅដោយតម្លាភាព និងយុត្តិធម៌។ ប៉ុន្តែយោធាបានចោទថាការបោះឆ្នោតនេះត្រូវបានលួចបន្លំ។ រដ្ឋធម្មនុញ្ញភូមារក្សាអាសនៈ ២៥ ភាគរយនៅក្នុងសភាសម្រាប់យោធា និងអនុញ្ញាតឱ្យយោធាគ្រប់គ្រងក្រសួងសំខាន់ៗចំនួន ៣ នៅក្នុងរដ្ឋបាលរបស់លោកស្រីស៊ូជី។ ប្រភព៖ CNA