ផ្លូវពីឃុំថ្មដា ខេត្តពោធិសាត់ ទៅខេត្តកោះកុង បានឈូសឆាយហើយ។ សម្រាប់រថយន្តទូទៅអាចធ្វើដំណើរទៅមកបានទាំងអស់ មិនថាប៉ុងមួយ ឬប៉ុងពីរទេ។ ប្រភព៖ មរតកកម្ពុជា

១. គ្រឿងលម្អសួនច្បារ៖ លូតលាស់បានសូម្បីតែកន្លែងដែលខ្វះទឹក២. ក្លិនក្រអូបប្រហើរ៖ បង្កើនភាពស្រស់ស្រាយ និងបន្ធូរអារម្មណ៍តានតឹង៣. ជួយបង្កើនគុណភាពដី៖ ឬសរបស់វាជួយរក្សាដីមិនឱ្យសឹក និងរក្សាសំណើមដី៤. បំប៉នដីដែលខូច៖ ស្លឹកគ្រៃដុះលឿន បង្កើតជាសារធាតុចិញ្ចឹម ដូចជាប៉ូតាស្យូម ធ្វើឱ្យដីមានជីជាតិ៥. របងខណ្ឌព្រំដែន៖ មិនឱ្យរុក្ខជាតិដ៏ទៃដូចជាស្មៅដុះផ្ដេសផ្ដាស។៦. កម្ចាត់សត្វល្អិតមួយចំនួន៖ ជួយការពារមូស រុយ និងសត្វល្អិតដទៃ៧. គ្រឿងចម្អិនម្ហូប៖ ជាគ្រឿងផ្សំចម្បងក្នុងការចម្អិនម្ហូបនៅអាស៊ី និងអាចដាំជាទឹកតែ។ ស្លឹកចាស់ៗ ប្រើជាគ្រឿងលម្អម្ហូប។៨. ឱសថធម្មជាតិ៖ ទឹកចម្រាញ់ពីស្លឹកគ្រៃ ព្យាបាលជម្ងឺប្រព័ន្ធរំលាយអាហារ និងគ្រុនក្ដៅសម្រាប់កុមារ។ រីឯប្រេងចម្រាញ់ពីស្លឹកគ្រៃ អាចព្យាបាលស្រែង ដំបៅ និងកាត់បន្ថយការឈឺសន្លាក់។៩. គ្រឿងសម្អាតគេហដ្ឋានបែបធម្មជាតិ៖ ជាតិប្រេងរបស់ស្លឹកគ្រៃ អាចកម្ចាត់បាក់តេរីបាន ឬសម្អាតផ្នែកផ្សេងៗនៃគេហដ្ឋាន។១០. ផលិតផលថែសម្រស់ធម្មជាតិ៖ ស្លឹកគ្រៃ អាចផ្សំជាគ្រឿងថែសម្រស់ និងផលិតផលសម្អាតស្បែក ដូចជាសាប៊ូដុសខ្លួនជាដើម។ ប្រភព៖ Rural Sprout

នៅថ្ងៃទី៤ មករា ២០២១ កម្ពុជានាំយកអំណោយរួមមានម៉ាសចំនួនជាង២លាន និងបរិក្ខារពេទ្យចំនួន ១២មុខទៀតជូនរដ្ឋាភិបាល និងប្រជាជននេប៉ាល់ ដោយបានដឹកជញ្ជូនតាមយន្តហោះពិសេស ក្រោមការដឹកនាំ លោក អ៊ុច បូររិទ្ធ រដ្ឋមន្រ្តីប្រតិភូអមនាយករដ្ឋមន្រ្តី តំណាងសម្តេចតេជោនាយករដ្ឋមន្រ្តី។ នេប៉ាល់ ជាប្រទេសទី៤ ដែលកម្ពុជាបានផ្តល់ជំនួយម៉ាស់ និងបរិក្ខារសម្រាប់ប្រយុទ្ធប្រឆាំងជំងឺកូវីដ១៩។ ឆ្នាំ២០២០ រាជរដ្ឋាភិបាលកម្ពុជាបានផ្តល់នូវអំណោយជាម៉ាស និងបរិក្ខារពេទ្យជូនដល់ឡាវ មីយ៉ាន់ម៉ា និងទីម័រឡេស្ត។ ជំនួយបរិក្ខារពេទ្យដែលរាជរដ្ឋាភិបាលកម្ពុជាផ្តល់ជូនដល់បណ្តាប្រទេសជាមិត្ត ជាការបង្ហាញឱ្យឃើញនូវកាយវិការមនុស្សធម៌របស់កម្ពុជា និងជាស្មារតីចូលរួមដ៏មុតមាំមួយរបស់កម្ពុជាក្នុងការប្រយុទ្ធប្រឆាំងនឹងជំងឺកូវីដ១៩ជាសកល៕ 📸 Fresh News

យុវតី ជី នីកូ អាយុ១៥ឆ្នាំ ជាសិស្សសាលាអន្តរជាតិ Northbridge បានផ្តួចផ្តើមគំនិតជាមួយមិត្តភក្តិក្នុងការរត់ចម្ងាយ ១០០គីឡូម៉ែត្រពីខេត្តព្រៃវែងមកកាន់ ខេត្តកណ្តាល ដើម្បីបំផុសស្មារតីយល់ដឹងជា សាធារណៈពីបញ្ហាពិការបញ្ញា (អូទិស៊ីម) ដែលកើតមាននៅលើកុមារកម្ពុជា។ ចូល រួម បរិច្ចាគ ជាមួយ កញ្ញា តាមរយៈ ABA៖ 009 992 021 (Chy Nikko and Sor Sothearom) ប្រភព៖ ក្រសួងអប់រំ

ប្រភព៖ ក្រសួងបរិស្ថាន

📸 បរាណាចារ្យ

ប្រភព៖ Bloomberg

ល្អាងទ្វារប្រាំបី ភ្នំបាក់ ស្ថិតនៅក្រុងសិរីសោភ័ណ ខេត្តបន្ទាយមានជ័យ ជាល្អាងធំ និងពិសេសជាងគេ។ ឈ្មោះទ្វារប្រាំបីព្រោះថា គេអាចចេញ និងចូលល្អាងនេះ តាមច្រកចំនួនប្រាំបី។ ក្នុងល្អាងមាន អាសនៈដម្កល់ព្រះពុទ្ធរូប ព្រះចង្កូមកែវ អាងទឹក និងផ្តិលទឹកប្រកបដោយរចនាបថអស្ចារ្យ។ មានគេនិយាយថា ព្រះបរមរតនៈកោដ្ឋ បានធ្លាប់ភៀសព្រះកាយព្រះអង្គមកគង់ប្រថាប់នៅទីនេះសម័យប្រល័យពូជសាសន៍ តែព័ត៌មាននេះទាមទារឱ្យមានការសិក្សា និងស្រាវជ្រាវបន្ថែម។ ដោយឡែក មានវត្តភ្នំបាក់ខាងក្រោមមួយទៀតដែលកសាង និងគោរពប្រណិបត្តិ ដោយជនជាតិឡាវ។ ប្រភព៖ បេតិកភណ្ឌប្រចាំថ្ងៃ

គិតត្រឹមព្រឹកថ្ងៃទី ០៤ មករា ២០២១ ចំនួនអ្នកឆ្លងសរុប៖ ៣៨២នាក់ ចំនួនអ្នកជាសះស្បើយ៖ ៣៦២នាក់

១. ព្រឹត្តិការណ៍រត់ប្រណាំងពាក់កណ្តាលម៉ារ៉ាតុនអន្តរជាតិ នឹងប្រព្រឹត្តទៅនៅដើមឆ្នាំ ២០២១ – ថ្មីៗ ២. រាជរដ្ឋាភិបាលសម្រេចសាងសង់ព្រលានយន្តហោះកម្រិតតំបន់នៅខេត្តមណ្ឌលគិរី – Fresh News ៣. ២០២០ CMAC កម្ទេចមីនជិត ៤ម៉ឺនគ្រាប់ និងដាក់ផែនការរកឃើញ ៤ម៉ឺនគ្រាប់ទៀតនៅឆ្នាំថ្មី – ថ្មីៗ ៤. ថ្ងៃទី២ មករា កម្ពុជាទទួលបានភ្ញៀវជាង ១៧ម៉ឺននាក់ – Fresh News ៥. លោក វេង សាខុន៖ ដោយសារកូវីដ១៩ ការនាំចេញផលិតផលកសិកម្មរបស់កម្ពុជាមានការកើនឡើង – RFI ៦. កិច្ចព្រមព្រៀងវិនិយោគធំមួយដែលទើបសម្រេចបានរវាងចិន-អឺរ៉ុប កំពុងគំរាមកំហែងដល់ទំនាក់ទំនងរវាងអឺរ៉ុប-អាមេរិក – Fresh News ៧. ឥណ្ឌាអនុញ្ញាតឱ្យប្រើវ៉ាក់សាំងកូវីដ១៩របស់ក្រុមហ៊ុនអង់គ្លេស AstraZeneca និងវ៉ាក់សាំងមួយទៀតដែលអភិវឌ្ឍក្នុងស្រុកផ្ទាល់ – Fresh News