៧ កក្កដា ២០២១

ថ្មីៗនេះវត្តមានសត្វកែះត្រូវបានឃើញនៅក្នុងតំបន់ការពារធម្មជាតិកម្ពុជា ដែលនេះគឺជាការផ្តល់នូវទិន្នន័យមួយយ៉ាងសំខាន់សម្រាប់ការអភិរក្សជីវៈចម្រុះនៅកម្ពុជា។ សត្វកែះ មានសម្បុរខ្មៅប្រផេះ និងរោមវែងស្តើងដងខ្លួនខ្លី ហើយជើងទាំង ៤របស់វាវែង។ ផ្នែកខាងលើដងខ្លួនសម្បុរខ្មៅ និងផ្នែកក្រោមនៃជើងចាប់ពីក្បាលជង្គង់ចុះមានពណ៌ចម្រុះ ហើយវាមានស្នែងដូចសត្វពពែ ដុះកោងទៅក្រោយបន្តិច និងមានគន្លាក់ៗជារង្វង់នៅផ្នែកគល់។ សត្វកែះចូលចិត្តរស់នៅតំបន់ព្រៃភ្នំ ជ្រលង ផ្ទាំងថ្មខ្ពស់ៗដែលមាគម្របព្រៃ និងមានស្រទាប់រុក្ខជាតិថ្នាក់ក្រោមច្រើន។ វាចូលចិត្តស៊ីស្លឹករុក្ខជាតិ និងល្បះគ្រប់ប្រភេទ។ សត្វកែះចូលចិត្តយករូងភ្នំរាក់ៗធ្វើជាទីជម្រករបស់វា ហើយគេអាចសម្គាល់វត្តមានវាដោយសារគំនរលាមក។ ៧ កក្កដា ២០២១ 📷-ក្រសួងបរិស្ថាន

ទស្សនាវីដេអូ

៧ កក្កដា ២០២១

Bagram ជាមូលដ្ឋានទ័ពអាកាសធំបំផុតរបស់អាហ្វហ្គានីស្ថាន ត្រូវបានទ័ពអាមេរិកប្រគល់ឱ្យកងកំលាំងការពារជាតិអាហ្វហ្គានីស្ថានវិញ បន្ទាប់ពីធ្វើសង្រ្គាមជាង ២០ឆ្នាំនៅទីនោះ។ ទស្សនាវីដេអូទាំងស្រុង 🎥 Crux

លោក John Gunther Dean អតីតឯកអគ្គរដ្ឋទូតអាមេរិកប្រចាំកម្ពុជាចុងក្រោយគេមុនកម្ពុជាធ្លាក់ចូលក្នុងអ្នករបបពិឃាដ ប៉ុល ពត បានហៅថ្ងៃ ១២ មេសា ១៩៧៥ ថាជាថ្ងៃដែលអាមេរិកបានបោះបង់កម្ពុជា និងប្រគល់ទៅឱ្យពេជ្ឈឃាដ។ លោកមានការព្រួយបារម្ភថាប្រទេសអាហ្គានីស្ថានអាចស្ថិតនៅក្នុងស្ថានភាពស្រដៀងគ្នានឹងកម្ពុជា បន្ទាប់ពីអាមេរិកដកកងទ័ពចេញ។ សរសេរនៅក្នុងសារព័ត៌មាន Nikkei Asia លោក Denis D Gray បាននិយាយថា តាលីបង់ប្រហែលជាមិនមានភាពសាហាវឃោរឃៅដូចខ្មែរក្រហមកុម្មុយនិស្តកម្ពុជាជ្រុលនិយមនោះទេ ប៉ុន្តែអ្នកអាចវាយតម្លៃពីកំណត់ត្រារបស់ពួកគេក្នុងអំឡុងពេលកាន់អំណាច ៥ឆ្នាំ (១៩៩៦-២០០១)៖ ការគាបសង្កត់លើស្ត្រី លក់មនុស្សជាច្រើនឱ្យទៅជាទាសភាពផ្លូវភេទ ការបំផ្លិចបំផ្លាញប្រពៃណីវប្បធម៌ និងការអប់រំ ការប្រហារជីវិត និងការសម្លាប់រង្គាលដែលមានលក្ខណៈជាប្រព័ន្ធ។ ជិតពីរទសវត្សមកនេះ សហរដ្ឋអាមេរិករួមជាមួយកម្លាំងបរទេសផ្សេងទៀតបានសំរេចដកកងទ័ពរបស់ខ្លួនចេញពីអាហ្វហ្គានីស្ថានទាំងស្រុងហើយមនុស្សជាច្រើនជឿជាក់ថាពួកតាលីបង់កំពុងឆ្ពោះទៅរកជ័យជំនះក្នុងជម្លោះ ២០ឆ្នាំ។ លោក Bob Mulholland អតីតយុទ្ធជនប្រយុទ្ធនៅសង្គ្រាមវៀតណាម និងជាសមាជិកជាន់ខ្ពស់នៃគណបក្សប្រជាធិបតេយ្យបាននិយាយថា “មានតែកូនក្មេងបៀមដៃទេដែលមិនដឹងថាពួកតាលីបង់នឹងក្លាយជាអ្នកគ្រប់គ្រងរដ្ឋាភិបាលនៅឆ្នាំនេះ ឬឆ្នាំក្រោយ” ។ អ្នកជំនាញម្នាក់ទៀតគឺលោក Michael D Eiland បានថ្លែងថា “ការដកទ័ពចេញពីអាហ្វហ្គានីស្ថានអាចមើលឃើញថាជាភាពចាំបាច់ខាងយុទ្ធសាស្ត្រ និងនយោបាយ។ តែវាក៏ជាផ្នែកមួយនៃគុណធម៌ដែរ ព្រោះយើងគិតគូដល់អ្នកដែលនៅជាមួយយើង (ទ័ពអាមេរិក)។ យុទ្ធសាស្រ្តរបស់យើងគឺលួងលោម…

៧ កក្កដា ២០២១

១. គ្រោះថ្នាក់ចរាចរណ៍ ៤ករណី ស្លាប់ ៣នាក់ និងរបួសធ្ងន់ស្រាល ២នាក់។ ២. បទល្មើសព្រហ្មទណ្ឌ ១២ករណី ឃាត់ខ្លួនជនសង្ស័យ ១៦នាក់។ ៣. គ្រឿងញៀន ៥ករណី ឃាត់ខ្លួនជនសង្ស័យ ១០នាក់។ ៤. កូវីដ ៩៨១ករណី និងជាសះស្បើយ ៩៣៤នាក់។ អ្នកឆ្លងសរុប ៥៧.១០៣នាក់ អ្នកជាសះស្បើយ ៤៨.៩៧៤នាក់ អ្នកស្លាប់ ៧៩៨នាក់ ចេញផ្សាយ ១២:១៥ ថ្ងៃទី០៧ កក្កដា ២០២១

រកឃើញករណីឆ្លងថ្មី ៩៨១នាក់ ជាសះស្បើយ ៩៣២នាក់ ស្លាប់ ១៩នាក់ គិតត្រឹមថ្ងៃទី៧ កក្កដា ២០២១ ចំនួនអ្នកឆ្លងសរុប៖ ៥៧១០៣នាក់ ចំនួនអ្នកជាសះស្បើយ៖ ៤៨៩៧៤នាក់ ចំនួនអ្នកស្លាប់សរុប៖ ៧៩៨នាក់