អរគុណសន្តិភាព! គ្មានសន្តិភាពគឺគ្មានអ្វីៗទាំងអស់! 📸 គឹម បញ្ញារ័តន៍, ទឹកធ្លាក់ឆាយយោង, អារ៉ែង កោះកុង

គិតត្រឹមព្រឹកថ្ងៃទី២៥ ធ្នូ ២០២០ ចំនួនអ្នកឆ្លងសរុប៖ ៣៦៣នាក់ ចំនួនអ្នកឆ្លងក្នុងសហគមន៍៖ ៤១នាក់ ចំនួនអ្នកជាសះស្បើយ៖ ៣៥៤នាក់

១. រដ្ឋបន្តអនុគ្រោះពន្ធដល់វិស័យទេសចរណ៍ និងឧបត្ថម្ភប្រាក់ដល់ជនក្រីក្រ និងកម្មកររោងចក្រ – ថ្មីៗ ២. ការសាងសង់អាកាសយានដ្ឋានអន្តរជាតិសៀមរាប នឹងសម្រេចឲ្យបាន ៦៧% ត្រឹមដំណាច់ឆ្នាំ ២០២១ – ភ្នំពេញបុស្តិ៍ ៣. ប្រើគ្រឿងញៀន គឺបំផ្លាញខ្លួនឯង ក្រុមគ្រួសារ និងសង្គមជាតិ! ២៤ ខែធ្នូ៖ បង្ក្រាប១២ករណី ឃាត់ខ្លួន៣៦នាក់ – Fresh News ៤. គ្មានការប្រគុំតន្ត្រី ការរៀបចំស្តង់លក់ផលិតផលនាឱកាសបុណ្យណូអែល និងចូលឆ្នាំសកលឡើយ – ថ្មីៗ ៥. រាជរដ្ឋាភិបាលកម្ពុជា សម្រេចបន្តលើកលែងពន្ធប្រថាប់ត្រា សម្រាប់អ្នកទិញផ្ទះតម្លៃក្រោម៧ម៉ឺនដុល្លារ រហូតដល់ដំណាច់ឆ្នាំ២០២១ – Fresh News ៦. អង់គ្លេស បិទជើងហោះហើរ មកពីអាហ្វ្រិកខាងត្បូង ក្រោយរកឃើញកូវីដ-១៩ ទម្រង់ថ្មីទី២ – Fresh News ៧. រុស្សីដាក់បម្រាមមន្ត្រីអាល្លឺម៉ង់ នុងសហភាពអឺរ៉ុបមួយចំនួន មិនឲ្យចូលប្រទេសខ្លួន – ភ្នំពេញបុស្តិ៍

ស្ថានទូតកម្ពុជា សូមធ្វើការថ្កោលទោស និងចាត់ទុកជាអំពើ អគុណធម៌ និងអមនុស្សធម៌ចំពោះការចុះផ្សាយព័ត៌មានមួយចំនួនផ្ទុយពីការពិត វាយប្រហារមកលើស្ថានទូតកម្ពុជាដោយគ្មានភស្តុតាងត្រឹមត្រូវ ចង់គេងចំណេញនយោបាយពីការស្លាប់។ ស្ថានទូតបានជួយសម្របសម្រួលឯកសារ ចាត់ចែងតាមនីតិវិធីក្នុងការរៀបចំពិធីបូជាសព និងសហការជាមួយការិយាល័យមេធាវីក្រុមអ្នកច្បាប់ ក្នុងការប្តឹងទាមទារគ្រប់ករណីទាំងអស់ ដើម្បីរកយុត្តិធម៌ឱ្យមានតម្លាភាពជូនទៅដល់ក្រុមគ្រួសារជនរងគ្រោះ។ ប្រភព៖ Fresh News

ខ្លោងទ្វារទាំង ៥ នៃក្រុងអង្គរធំគឺ៖ ១)ខ្លោងទ្វារខាងត្បូង មានឈ្មោះថា ទន្លេអុំ៖ ប្រើប្រាស់សម្រាប់មនុស្សគ្រប់ស្រទាប់វណ្ណៈ សម្រាប់ចេញចូលគ្រប់ពេលវេលាក្នុងគោលបំណងកិច្ចការរដ្ឋបាល សាសនា និងរកស៊ីជួញដូរ។ ២)ខ្លោងទ្វារខាងជើង មានឈ្មោះថា ដីឆ្នាំង៖ ប្រើសម្រាប់ក្រុមបព្វជិតមកពីទីជិតឆ្ងាយដង្ហែរក្បួន ព្យុហយាត្រាចូលមករាជធានី ដើម្បីគាល់ព្រះមហាក្សត្រ ក្នុងគោលបំណងសូមសេចក្តីប្រទានទោស ប្រោសដល់អ្នកមានកំហុស។ ៣)ខ្លោងទ្វារខាងលិច មានឈ្មោះថា តាកាវ៖ ប្រើសម្រាប់ប្រហារជីវិតជនណាដែលប្រព្រឹត្តនូវបទល្មើសធ្ងន់ធ្ងរ។ ៤)ខ្លោងទ្វារទិសខាងកើតខ្លោងទ្វារខ្មោច៖ សម្រាប់ដង្ហែរសាកសពរបស់អ្នកដែលរស់នៅខាងក្នុងបរិវេណអង្គរធំ ដើម្បីយកទៅបូជា ឬចោលទៅក្នុងទឹកស្ទឹងនៅបរិវេណផ្នែកខាងក្រៅនៃទីក្រុង។ ៥) ខ្លោងទ្វារទិសខាងកើតខ្លោងទ្វារជ័យ៖ សម្រាប់ចេញចូលដោយព្រះមហាក្សត្រ និងកងទ័ពបន្ទាប់ពីបានទទួលនូវជោគជ័យលើខ្មាំងសត្រូវ។ ប្រភព៖ Press OCM

ខ្យាដំរីឈ្មោះ “Deathstalker” គឺជាសត្វមានពិសដ៏សាហាវ តែពិសរបស់វាមានតម្លៃដល់ទៅ ១៣០ដុល្លារ ក្នុង១តំណក់ ដែលមានទំហំតូចជាងគ្រាប់ស្ករទៅទៀត។ គេត្រូវប្រើឧបករណ៍ជំនួយដើម្បីចម្រាញ់យកពិសរបស់វា។ ខ្យាដំរីមួយក្បាលអាចចម្រាញ់បានតែ ២មីលីលីត្រប៉ុណ្ណោះ។ ពិសខ្យាដំរីនេះ មានម៉ូលេគុលសំខាន់ៗដែលបម្រើដល់វិស័យសុខាភិបាល។ ម៉ូលេគុល Chlorotoxin ជួយកំណត់ទីតាំងនៃដុំសាច់មហារីកក្នុងខួរក្បាល និងឆ្អឹងខ្នង។ ម៉ូលេគុល Scorpine ជួយកម្ចាត់វីរុសជម្ងឺគ្រុនចាញ់ និង Kaliotoxin អាចការពារជម្ងឺពុកឆ្អឹង។ ប្រភព៖ Business Insider

សេចក្ដីណែនាំអំពីវិធានការជុំទី៧បន្ថែមដើម្បីបន្តគ្រប់គ្រងផលប៉ះពាល់លើវិស័យសំខាន់ៗនៃសេដ្ឋកិច្ចដែលត្រូវបានរៀបចំឡើងរួមមាន៖ ១) វិធានការបន្តជួយវិស័យកាត់ដេរ-វាយនភណ្ឌ, ស្បែកជើង, វិស័យទេសចរណ៍៖ បន្តលើកលែងពន្ធប្រចាំខែគ្រប់ប្រភេទដែលបានចុះបញ្ជីសម្រាប់រយៈពេល៣ខែបន្ថែមទៀត, លើកលែងការបង់ភាគទាន និងពន្ធប៉ាតង់ និងពន្ធលើស្លាកយីហោ ២) វិធានការបន្តជួយវិស័យអាកាសចរណ៍៖ ការលើកលែងប់ពន្ធអប្បបរមា និង ពន្យារពេលបង់ប្រាក់ជំពាក់កម្រៃអាកាសចរស៊ីវិលរយៈពេល៣ខែបន្ថែមទៀត ៣) វិធានការបន្តជួយវិស័យរោងចក្រ និង សហគ្រាស ៤) ការទ្រទ្រង់កំណើន៖ លើកលែងពន្ធប្រថាប់ត្រាសម្រាប់អ្នកទិញផ្ទះដែលមានតម្លៃទាបជាង ឬស្មើប្រាំពីរម៉ឺនដុល្លារ ៥) បន្ធូរបន្ថយការអនុវត្តពន្ធកាត់ទុកលើការប្រាក់សម្រាប់អ្នកផ្ដល់កម្ចីក្នុងស្រុក និងក្រៅស្រុក (Withholding Tax)៖ ទម្លាក់អត្រាពន្ធកាត់ទុក ៦) បន្តកម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះ។ ប្រភព៖ Fresh News

គិតត្រឹមព្រឹកថ្ងៃទី២៤ ធ្នូ ២០២០ ចំនួនអ្នកឆ្លងសរុប៖ ៣៦៣នាក់ ចំនួនអ្នកឆ្លងក្នុងសហគមន៍៖ ៤១នាក់ ចំនួនអ្នកជាសះស្បើយ៖ ៣៥១នាក់