ស្ទឹងត្រែង៖ មន្ត្រីខណ្ឌរដ្ឋបាលជលផលស្ទឹងត្រែង ជាមួយកម្លាំងឆ្មាំ​ទន្លេ​អភិរក្ស​សត្វផ្សោតទាំងបួនប៉ុស្តិ៍ សហការជាមួយ​សហគមន៍នេសាទ​កោះជ្រឹម បានចុះល្បាតទប់ស្កាត់បទល្មើសជលផលក្នុងតំបន់គ្រប់គ្រង និងការពារសត្វផ្សោតទន្លេមេគង្គ ក្នុងតំបន់អន្លង់ត្បូងខ្លា អន្លង់កោះ​កូនសត្វ និងអន្លង់កោះសន្ទក់ស្ថិតក្នុងស្រុកសៀមបូកអស់រយៈ​ពេលបីថ្ងៃ។ សកម្មភាពរយៈពេលបីថ្ងៃគឺចាប់ពីថ្ងៃទី៤ ដល់ថ្ងៃទី៦ ខែធ្នូ ។ ជាលទ្ធផល សមត្ថកិច្ចបានបង្ក្រាប និងដកហូតមង ៣៨ត្បូង ក្រឡា ០៥-០៩-១២-១៦ និង១៧សង់ទីម៉ែត្រប្រវែង ២ ៨៨៥ម៉ែត្រ និងសន្ទូចរនង ១៧ខ្សែ មានប្រវែង ១. ៥២០ម៉ែត្រ ។សរុប ៤ ៤០៥ម៉ែត្រ ស្មើនឹង ១ ៩៩០ផ្លែសន្ទូចរនង។ ប្រភពដដែលបន្តថា កម្រិតទឹកចាប់ផ្ដើមស្រក ។ត្រីចាប់ផ្ដើមធ្វើដំណើរ​ចេញពីតំបន់ខ្សែទឹកខាងក្រោម មករកទីជម្រក និង​ចំណីក្នុងខេត្ត​ស្ទឹងត្រែងវិញ ដែលជាហេតុធ្វើឱ្យប្រជានេសាទនៅក្នុងតំបន់គ្រប់គ្រង និងការពារសត្វផ្សោតទន្លេមេគង្គ ចាប់​ផ្ដើមលួចនេសាទដោយ​ប្រើប្រាស់ឧបករណ៍ហាមឃាត់ ដែលធ្វើឱ្យ​មានហានិភ័យដល់​សត្វផ្សោត​ទន្លេមេគង្គ​ក្នុងខេត្ត​ស្ទឹងត្រែង។ មន្រ្តីខណ្ឌរដ្ឋបាលជលស្ទឹងត្រែង បានអំពាវនាវដល់ប្រជានេសាទ​ទាំងអស់ ឱ្យចូលរួមថែរក្សា និងការពារ​សត្វផ្សោត​ទាំង​អស់គ្នា ព្រោះសត្វផ្សោត ជាប្រភេទធនធានជលផលកំពុងរងគ្រោះថ្នាក់ មានតម្លៃជាសាកលលើពិភពលោក និងជារតនៈ​សម្បត្តិមានជីវិត​របស់ប្រទេសកម្ពុជាយើង៕ដោយ៖ឡុង សំបូរ

កំពង់ឆ្នាំង៖ គិតត្រឹមថ្ងៃទី៦ ខែធ្នូឆ្នាំ ២០២៤ ត្រូវនៅថ្ងៃទី ៦កើតខែ​មិគសិរ ត្រីប្រហុកនៅមិនទាន់ត្រូវនៅឡើយទេ ប៉ុន្តែត្រី​ធំៗបាន​ត្រូវបណ្ដើរៗ។ជាពិសេសនៅតំបន់ក្នុងទ្រូ ស្រុកបរិបូណ៌ ។នេះបើតាម​ការបញ្ជាក់របស់​មន្ត្រីរដ្ឋបាលជលផលកំពង់​ឆ្នាំង។ លោក លី ឡា នាយខណ្ឌរដ្ឋបាលជលផលកំពង់ឆ្នាំងបានឱ្យដឹងថា ផលត្រីឆ្នាំនេះអាចនឹងកើនឡើងជាង​ឆ្នាំ​កន្លងទៅ។ សម្រាប់ព្រឹកថ្ងៃ៦ កើតខែមិគសិរ ត្រូវនឹងថ្ងៃទី៦ ខែធ្នូនេះត្រីនៅតំបន់ឆ្នុកទ្រូបានត្រូវជា​បណ្ដើរៗហើយ។ ការ​នេសាទ​ដោយ​ការបណ្ដែត មងក្រឡា៥ហ៊ុន មានត្រូវត្រីច្រកែង ត្រីឆ្កោក និងត្រីក្អែក ។សម្រាប់ត្រីធ្វើប្រហុក នៅមិនទាន់ត្រូវនៅឡើយទេ តែអាចត្រូវនឹងចុងខ្នើត ឬខ្នើតខែបុស្ស ខែក្រោយ ។ លោក លី ឡា បានបន្តថា តាមធម្មតាត្រីចេញពីតំបន់បឹងទន្លេសាបមក​តាមដៃទន្លេ។កន្លែងដែលត្រូវមុនគេគឺដើមដៃ ហើយ​បន្ទាប់មកបាន​ត្រូវតំបន់ឆ្ងាយៗ ដូចជា មកដល់កំពង់ឆ្នាំង និងទៅខាងឃុំសែប ស្រុកកំពង់ត្រឡាច ហើយបន្តទៅ​ដល់ស្រុក​ពញាឮ  ខេត្តកណ្ដាល និងទន្លេក្នុងភូមិសាស្រ្តរាជធានីភ្នំពេញ។ ជាមួយគ្នានេះលោកក៏បានអំពាវនាវដល់ ប្រជាពលរដ្ឋដែលមានបំ​ណងធ្វើត្រីប្រឡាក់ ផ្អក អាចនឹងទៅទិញត្រីបាន​នៅ​តំបន់ឆ្នុក​ទ្រូ តែសម្រាប់ត្រីប្រហុកត្រូវរង់ចាំនៅចុងខ្នើតខែនេះឬអាចខ្នើតនៅខែក្រោយ។ នៅផ្សារលើខេត្តកំពង់ឆ្នាំងតម្លៃត្រីឆ្កោកប្រភេទមួយក្បាលទម្ងន់មួយគីឡូតម្លៃ ១៣.០០០ រៀល,ត្រីឆ្កោកមួយ​ក្បាលទម្ងន់​ជាង២គីឡូ​ក្រាម​ឡើង​ទៅតម្លៃ៣ម៉ឺនរៀលក្នុងមួយគីឡូក្រាម,ត្រីច្រកែងធំមួយ​គីឡូក្រាម​មួយម៉ឺនរៀល, ត្រីច្រកែងតូចថ្លៃ ៧.០០០រៀលក្នុងមួយ​គីឡូក្រាម ៕ដោយ៖សុខ គឹម…

ស្វាយរៀង៖មជ្ឈមណ្ឌលការងារនៃសាកលវិទ្យាល័យស្វាយរៀង សហការជាមួយគម្រោងអភិវឌ្ឍន៍កម្លាំងពលកម្មតាម ប្រព័ន្ធ​ឌីជីថល​( Digital Workforce Development (DWD)) បានរៀបចំពិព័រណ៍​ការងារដែល​ផ្តល់​ឱកាសការងារពិតប្រាកដ​ដល់និស្សិត អតីតនិស្សិត​ ការបណ្តុះបណ្តាលជំនាញការងារ ការដាក់​ពាក្យភ្លាម សម្ភាសន៍ភ្លាម។ ឯកឧត្តមបណ្ឌិត សោម រតនា អនុរដ្ឋលេខាធិការ ក្រសួងអប់រំ យុវជន និងកីឡា និងជាប្រធានក្រុមប្រឹក្សា​ភិបាលនៃ​សាកល​វិទ្យាល័យស្វាយ​រៀងបានបញ្ជាក់ថា ពិព័រណ៍ការងារនេះពិតជាកម្មវិធីសំខាន់ សម្រាប់ គូសវាស​ផ្លូវមួយល្អសម្រាប់​និស្សិត​គ្រប់រូបជ្រើសរើសការងារ និងទទួល​បានចំណេះដឹងផ្សេងៗទាក់ទងនឹងទទួលបានឱកាសការងារ។ បន្ថែមលើសពីនេះឯកឧត្តមបណ្ឌិត សោម រតនា បានលើកទឹកចិត្តដល់​សិស្ស និស្សិតគួរតែជ្រើសរើស​ជំនាញ​ពាក់ព័ន្ធ​នឹង​មុខវិជ្ជា STEM ឬមុខវិជ្ជាវិទ្យាសាស្រ្ត និង បច្ចេកវិទ្យា ដើម្បីត្រៀមខ្លួនក្នុងវិស័យការងារ​នាពេលអនាគត។ ជឯកឧត្តម សោម រតនា ក្នុងនាមជាក្រសួងអប់រំ យុវជន និងកីឡា បានលើកទឹកចិត្តឱ្យមានការរៀបចំកម្មវិធីនេះឱបានច្រើន នៅតាម​សាកលវិទ្យាល័យ។ សូមបញ្ជាក់ថា ពិព័រណ៍ការងារនេះ មានការចូលរួមរោងចក្រនិង​ធនាគារចំនួន ១១ ចូលរួមដូចជា ធនាគារ​សហ​ពាណិជ្ជ ក.អ ធនាគារកាណាឌីយ៉ា ធនាគារវឌ្ឍនៈ ធនាគារហ្វីលីប គ្រឹះស្ថាន​ហិរញ្ញវត្ថុអេអឹមខេ រោងចក្រខាតថាយអឺ រោងចក្រអ៊ីលីត…

បន្ទាយមានជ័យ៖នៅទីបញ្ជាការដ្ឋានកងរាជអាវុធហត្ថខេត្តបន្ទាយ​មាន​ជ័យបានរៀបចំពិធីជូនដំណើរយោធិននៃ​កងរាជ​អាវុធ​ហត្ថខេត្តបន្ទាយ​មានជ័យដែលទើបជ្រើសរើសថ្មីជាប់ជាស្ថាពរទៅហ្វឹកហ្វឺននៅមជ្ឈមណ្ឌលហ្វឹកហ្វឺន ភ្នំជុំសែនរីករាយ ស្ថិតក្នុងភូមិសាស្រ្តខេត្តកំពង់ឆ្នាំងកាល​ពីព្រឹកថ្ងៃទី៦ ខែធ្នូ ឆ្នាំ២០២៤។ ក្នុងពិធីជូនដំណើរនេះឧត្តមសេនីយ៍ត្រី បោន ប៊ិន បានផ្តាំផ្ញើដល់ប្អូនៗ​បានប្រឡងជាប់ជាយោធិននៃកងរាជអាវុធហត្ថ ពេល​ដែលចូលទៅ​សាលា​ហ្វឹកហ្វឺន ត្រូវខិតខំប្រឹងប្រែង រៀនសូត្រគ្រប់មុខវិជ្ជាឱ្យបាន​ល្អប្រសើរ ដើម្បីក្លាយខ្លួន​ជាទំពាំងស្នង​ឬស្សីនាពេលអនាគត ។ត្រូវស្មោះត្រង់ដាច់ខាតចំពោះជាតិ សាសនា ព្រះមហាក្សត្រ។ ចំណែកឯកឧត្ដម អ៊ុំ រាត្រី  អភិបាលខេត្តបានកោតសរសើរ វាយតម្លៃខ្ពស់ចំពោះកម្លាំងកងរាជអាវុធហត្ថខេត្ត ជានិច្ចជា​កាល​តែងតែយកចិត្តទុកដាក់ អនុវត្តការងារតាមតួនាទីភារកិច្ចរបស់ខ្លួន​ទាំងយប់ទាំងថ្ងៃ,ទាំងពេល​ភ្លៀង​ពុំខ្លាចនឿយ​ហត់​ក្នុង​ការការពារ​សន្តិសុខ សុវត្ថិភាពជូនប្រជាពលរដ្ឋក្នុងខេត្តបន្ទាយមាន​ជ័យ​សម្រេចបាន​លទ្ធផលជាទីមោទនៈ។ឯកឧត្តម​អភិ​បាលខេត្តបាន​ឧបត្ថម្ភថវិកាចំនួន១០លានរៀលសម្រាប់ផ្គត់ផ្គងក្នុងហ្វឹកហ្វឺនដល់យោធិននៃកងរាជអាវុធហត្ថ ទាំង៤២​រូប៕ដោយ៖ឃិន គន្ធា

ស្វាយរៀង៖លោក យន់ រស្មី ត្រូវបាន​ប្រកាសចូលកាន់តំណែងជា​ប្រធាន​មន្ទីរសាធារណការ និងដឹកជញ្ជូន ខេត្តស្វាយរៀង ជំនួស លោក នួន លីហួន ដែលទទួលបានការជ្រើសតាំងជាសមាជិកក្រុមប្រឹក្សា​ខេត្ត។ពិធីបាន​ប្រព្រឹត្ត​​ទៅកាលពី​រសៀល​ថ្ងៃទី៥ ខែធ្នូ  ក្រោមអធិបតី​ភាព​ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹក​ជញ្ជូន ,ឯកឧត្តម ម៉ែន វិបុល ប្រធានក្រុមប្រឹក្សាខេត្ត ឯកឧត្តម ប៉េង ពោធិ៍សា អភិបាលខេត្តស្វាយរៀង។ ក្នុងនាមក្រុមប្រឹក្សាខេត្ត ឯកឧត្តម ប៉េង ពោធិ៍សា អភិបាលខេត្ត​បានសង្ឃឹមយ៉ាងមុតមាំចំពោះលោក យន់ រស្មី ប្រធានមន្ទីរ​សាធារណការ និងដឹកជញ្ជូនថ្មីជាមន្ត្រីដែលធ្លាប់មានបទពិសោធន៍ និងជាអនុប្រធានមន្ទីររយៈពេល៧ឆ្នាំកន្លងមក នឹងបន្ត​ខិតខំប្រឹងប្រែងយកអស់សមត្ថភាព ចំណេះដឹង ជំនាញ និងបទពិសោធន៍បំពេញតួនាទីភារកិច្ចប្រកបដោយប្រសិទ្ធផល។ ក្នុងឱកាសនេះដែរឯកឧត្តម ប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូនបានចូលរួមអបអរសាទរ ឯកឧត្តម នួន លីហួន អតីតប្រធានមន្ទីរសាធារណការ និងដឹកជញ្ជូនខេត្តស្វាយរៀង ដែលទទួលបានការជ្រើសតាំងជា​សមាជិក​ក្រុមប្រឹក្សា​ខេត្តស្វាយរៀង​នីតិកាលទី៤ និងផ្តាំផ្ញើដល់ លោក យន់ រស្មី ប្រធានមន្ទីរ​សាធារណ​ការថ្មី…

(ភ្នំពេញ)៖ ព្រឹត្តិការណ៍បាល់ទាត់មិត្តភាព ដើម្បីអបអរសាទរ «ទិវាសន្តិភាពនៅកម្ពុជា» គ្រោងនឹងធ្វើឡើងនៅថ្ងៃទី២៩ ខែធ្នូ ឆ្នាំ២០២៤ខាងមុខនេះ នៅពហុកីឡាដ្ឋានមរតកតេជោ ដែលមានមហាជនចូលរួម ប្រមាណជិត៥ម៉ឺននាក់ ហើយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក៏នឹងអញ្ជើញជាអធិបតីដ៏ខ្ពង់ខ្ពស់ប្រគល់បាល់ ថតរូបអនុស្សាវរីយ៍និងសំណេះសំណាល ក្នុងព្រឹត្តិការណ៍នេះផងដែរ។ ដើម្បីអោយព្រឹត្តិការណ៍បាល់ទាត់មិត្តភាពនេះដំណើរការទៅដោយរលូននិងជោគជ័យ នារសៀលថ្ងៃទី០៦ធ្នូនេះ រដ្ឋបាលរាជធានីភ្នំពេញបានរៀបចំកិច្ចប្រជុំមួយជាមួយស្ថាប័នពាក់ព័ន្ធនៅសាលារាជធានីភ្នំពេញ ដោយមានការអញ្ជើញចូលរួមជាអធិបតីភាពពីឯកឧត្តមសន្តិបណ្ឌិត នេត សាវឿន ឧបនាយករដ្ឋមន្ត្រី ។ ឯកឧត្តម នាយឧត្តមសេនីយ៍ សៅ សុខា បានលើកឡើងថា ៖ ការរៀបចំព្រឹត្តិការណ៍បាល់ទាត់នេះ គឺដើម្បីអបអរសាទរខួប ២៦ឆ្នាំ ទិវាសន្តិភាពនៅកម្ពុជាដែលរកមកបានដោយ សម្តេចអគ្គមហាសេនាបតីតេជោ ហ៊ុន សែន ។ ឯកឧត្តម ឃួង ស្រេង អភិបាលរាជធានីភ្នំពេញ បានមានប្រសាសន៍លើកឡើងថា ៖ ព្រឹត្តិការណ៍បាល់ទាត់នេះ ចំពោះការផ្សព្វផ្សាយ ការតុបតែងត្រូវបានប្រគល់ជូនទូរទស្សន៍បាយ័នជាអ្នករៀបចំ។ ព្រឹត្តិការណ៍នេះ មានអ្នកចូលរួមទស្សនាប្រមាណជិត៥ម៉ឺននាក់ ដូច្នេះការរក្សាសន្តិសុខ សណ្តាប់ធ្នាប់ជារឿងសំខាន់បំផុត ដោយគ្រប់ស្ថាប័ន ត្រូវសហការគ្នាធ្វើអោយបានល្អបំផុតជាមួយនិងការទទួលខុសត្រូវរៀងៗខ្លួន។…