ភ្នំពេញ ÷ ចូលរួមពិព័រណ៍ផលិតផលក្នុងស្រុកនាដំណាច់ឆ្នាំទាំងអស់គ្នា! សហគ្រិនខ្មែរនិងផ្សារទំនើបអ៉ីអនសូមប្រកាសអំពីកិច្ចសហការជាថ្មីម្តងទៀតតាមរយៈពិព័រណ៍ផលិតផលក្នុងស្រុកដែលនឹងដំណើរការពីថ្ងៃទី២ ដល់ថ្ងៃទី១៥ ខែធ្នូ ឆ្នាំ២០២៤ នៅផ្សារទំនើបអ៉ីអនភ្នំពេញ ផ្សារទំនើបអ៉ីអនសែនសុខស៊ីធី និង ផ្សារទំនើបអ៉ីអនមានជ័យ។ ដោយទទួលបានភាពជោគជ័យពីកម្មវិធីមុនៗ ពិព័រណ៍ដែលមានរយៈពេលពីរសប្តាហ៍នេះមានគោលបំណងជួយលើកកម្ពស់ផលិតផលក្នុងស្រុក លើកកម្ពស់ជីវភាពរបស់ប្រជាកសិករក្នុងស្រុក និងបើកឱកាសទីផ្សារថ្មីៗសម្រាប់ផលិតផលក្នុងស្រុកទាំងនៅក្នុងតំបន់និងនៅក្រៅតំបន់។ នេះគឺជាលើកទី៨ហើយដែលសហគ្រិនខ្មែរ និងផ្សារទំនើបអ៉ីអនបានសហការគ្នា ដើម្បីផ្សព្វផ្សាយផលិតផល និងសហគ្រាសធុនតូចនិងមធ្យមក្នុងស្រុកដែលស្របទៅតាមគោលនយោបាយរបស់រាជរដ្ឋាភិបាលកម្ពុជា ក្នុងការលើកកម្ពស់ផលិតផលក្នុងស្រុកនៅលើទីផ្សារឲ្យកាន់តែទូលំទូលាយ។ ពាក្យស្លោកនៃពិព័រណ៍នេះ គឺ«គាំទ្រផលិតផលខ្មែរ ថែសេដ្ឋកិច្ចជាតិ»។ ឯកឧត្តមបណ្ឌិត ឈៀង វណ្ណមុនិណ្ឌ ប្រតិភូរាជរដ្ឋាភិបាល និងជានាយកប្រតិបត្តិនៃសហគ្រិនខ្មែរ មានប្រសាសន៍ថា៖ “សហគ្រិនខ្មែរពិតជាមានមោទនភាព នៅពេលដែលបានឃើញពីកំណើនអតិថិជនក្នុងការគាំទ្រផលិតផលក្នុងស្រុក។ ភាពជាដៃគូរបស់យើងជាមួយអ៉ីអនពង្រឹងការកសាងប្រព័ន្ធអេកូឡូសុីក្នុងការជំរុញការលក់ ក៏ដូចជាគាំទ្រដល់សហគ្រាសធុនតូចនិងមធ្យមផងដែរ។ ពិព័រណ៍ផលិតផលក្នុងស្រុកនេះ គឺស្របទៅតាមបេសកកម្មរបស់យើងក្នុងការផ្សព្វផ្សាយផលិតផល និងអាជីវកម្មក្នុងស្រុកនៅក្នុងផ្សារទំនើប និងកន្លែងផ្សេងៗទៀត។ នេះជាការប្តេជ្ញាចិត្តរបស់រាជរដ្ឋាភិបាលកម្ពុជាក្នុងការផ្សារភ្ជាប់សហគ្រាសធុនតូច និងមធ្យមក្នុងស្រុកទៅកាន់ឱកាសទីផ្សារធំៗបន្ថែមទៀត។ លោក ស៊ិន ពិសី អគ្គនាយក ក្រុមហ៊ុន អ៉ីអន (ខេមបូឌា) មានប្រសាសន៌ថា៖ “គិតចាប់តាំងពីឆ្នាំ២០២១មក នេះជាលើកទី៨ហើយ ដែលផ្សារទំនើបអ៉ីអន បានសហការណ៌ជាមួយសហគ្រិនខ្មែរ ក្នុងការរៀបចំពិព័រណ៍ផលិតផលក្នុងស្រុកនេះ នៅក្នុងផ្សារទំនើបអ៉ីអន ទាំង៣សាខារបស់យើង ដោយមានការគាំទ្រយ៉ាងពេញលេញពីសហគ្រិនខ្មែរ…

(ភ្នំពេញ)៖ រាជរដ្ឋាភិបាល មានទិសដៅធ្វើយ៉ាងណាលើកទឹកចិត្តសិស្ស មករៀន រៀនឱ្យចប់ រៀនឱ្យចេះ និងរៀនឱ្យមានការងារធ្វើ ។ កត្តាទាំងអស់នេះ គ្រូមានសមត្ថភាពនិងសិល្បៈនៃការបង្រៀន ឱ្យឆាប់យល់ពីការសិក្សានេះ ។ ការលើកឡើងរបស់ ឯកឧត្តម ហេង សួរ រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ ក្នុងពេលផ្តល់កិច្ចសម្ភាសន៍ដល់អ្នកសារព័ត៌មាននៅព្រឹកថ្ងៃទី៤ ខែធ្នូ ឆ្នាំ២០២៤ នៅក្នុងពិធីបិទវគ្គវិក្រិតការទូទាំងប្រទេស «វិធីសាស្រ្តបង្រៀននិងការប្រើប្រាស់ម៉ូឌុលតាមជំនាញ» លើកទី២ ដើម្បីគាំទ្រដល់ កម្មវិធីបណ្តុះបណ្តាលជំនាញវិជ្ជាជីវៈ បច្ចេកទេស កម្រិតសញ្ញាបត្របច្ចេកទេស និងវិជ្ជាជីវៈ១ សម្រាប់យុវជនមកពីគ្រួសារក្រីក្រ និងគ្រួសារងាយរងហានិភ័យ នៅសាលប្រជុំធំអាគារអង្គរវត្ត នៃវិទ្យាស្ថានបណ្តុះបណ្តាលបច្ចេកទេស។ ឯកឧត្តម រដ្ឋមន្រ្តី បន្ថែមថា វគ្គវិក្រិតការនេះត្រូវបានបើកវគ្គបណ្តុះបណ្តាលម្តងរួចមកហើយ កាលពីឆ្នាំ២០២៣ កន្លងទៅដល់សិក្ខាកាមជាគ្រូបណ្តុះបណ្តាលជំនាញចំនួន ២៤៥នាក់ ។ ឯកឧត្តម រដ្ឋមន្រ្តី ក៏បានជំរុញ និងដល់លោកគ្រូ អ្នកគ្រូ ជាអ្នកបណ្តុះបណ្តាលជំនាញ ត្រូវខិតខំពង្រឹងសមត្ថភាពខ្លួនបន្ថែម ពីលើចំដឹងដែលក្រសួងបានបណ្តុះបណ្តាល និងត្រូវខិតខំស្វ័យសិក្សាចំណេះជំនាញ បច្ចេកទេសថ្មីៗ តាមប្រភពផ្សេងៗ ដើម្បីងាយស្រួល ក្នុងការពន្យល់ បង្ហាត់…

បន្ទាយមានជ័យ៖ក្នុងពិធីប្រកាសតែងតាំងអភិបាលរង និងប្រធាន​រដ្ឋបាល ស្រុកអូរជ្រៅ និងក្រុង សិរីសោភ័ណកាលពីថ្ងៃទី ៣ ខែធ្នូ ឆ្នាំ២០២៤ ឯកឧត្តម អ៊ុំ រាត្រី អភិបាលខេត្តបន្ទាយមានជ័យបាន​ដាស់តឿនដល់ អាជ្ញាធរស្រុក ក្រុង ត្រូវបន្តជួយ ផ្សព្វផ្សាយ ដល់ប្រជា​កសិករឱ្យចេះជ្រើសរើសពូជស្រូវដែលមានទីផ្សារល្អក្នុងការនាំចេញ ។ ឯកឧត្តម អ៊ុំ រាត្រី មានប្រសាសន៍ថា កម្ពុជាមានពូជស្រូវជាច្រើន​ប្រភេទ តែមានប្រភេទ​ខ្លះទីផ្សារចង្អៀត គឺលក់បានតែក្នុងស្រុក និងមានតម្លៃទាប ។​ប៉ុន្តែ​ប្រភេទស្រូវមួយចំនួនមានតម្លៃខ្ពស់ ហើយមានទីផ្សារទាំង​ក្នុងប្រទេស និងនាំចេញទៅទីផ្សារក្រៅ​ប្រទេស។ឯកឧត្តមបន្តថា ប្រមុខរាជរដ្ឋាភិបាល តាមរយៈ ក្រសួងកសិកម្មបាន​យក​ចិត្តទុកដាក់បង្កើនការបន្សុទ្ធពូជស្រូវ​ល្អដែល​ឆ្លើយតបទីផ្សារ​នាំចេញស្រូវឬអង្ករ។ការងារនេះមានការចូលរួមពីមន្ត្រីកសិកម្ម រួមជាមួយសហគមន៍ និងសមាគម​ស្រូវអង្ករកម្ពុជា ។ ជាមួយនឹងការជំរុញឱ្យចិត្តទុកដាក់លើការជ្រើសរើសពូជមានតម្លៃនិងផលិតដោយក្រសួងកសិកម្ម ឯកឧត្តមអភិបាលខេត្តក៏បាន រំលឹក​ដល់​អាជ្ញាធរមូលដ្ឋានលើការគ្រប់គ្រងទឹកផងដែរ មានស្ទឹង និងអាងទឹករួម​ទាំង​​ប្រព័ន្ធធធារាសាស្ត្រជាដើម។ លោក កែវ តារា រស្មី អភិបាលស្រុកអូរជ្រៅ និងលោក ស្រេង សុផល អភិបាលក្រុងសិរីសោភ័ណបានលើកឡើងស្រដៀងៗគ្នាថា កសិករនៅ​មូលដ្ឋានរបស់លោក ភាគច្រើនធ្វើស្រូវប្រាំងពូជស្រូវមិនប្រកាន់រដូវ ព្រោះស្រូវវស្សាប្រឈមនឹងទឹកភ្លៀង​មិនគ្រប់​គ្រាន់។ផ្ទុយពីស្រូវប្រាំង កសិករមានប្រភពទឹកប្រើប្រាស់ធ្វើស្រែលើសផែនការ ។ សូមជម្រាបថា…