កំពង់ធំ៖តាមការស្នើសុំរបស់គណៈកម្មការអាចារ្យ និងពុទ្ធបរិស័ទ​នៃជើងវត្តក្រសាំងមានជ័យ នៅឃុំសានគរ ស្រុកកំពង់ស្វាយ ខេត្តកំពង់ធំ ឧត្តមសេនីយ៍ទោ សោម ស៊ុន មេបញ្ជាការតំបន់​ប្រតិបត្តិការសឹករងកំពង់ធំ និងសហការីបានដឹកស៊ីម៉ងត៍ចំនួន ២ តោន ទៅប្រគេនដល់ព្រះសង្ឃ និងជូនគណៈកម្មការអាចារ្យវត្ត ដើម្បីចូលរួមក្នុងការកសាងផ្លូវបេតុង និងកសាងសមិទ្ធផល​ផ្សេងៗក្នុងវត្ត។ ក្នុងឱកាសនេះព្រះតេជគណ បូ សារីម ចៅអធិការវត្តក្រសាំងមានជ័យ បានថ្លែងអំណរគុណជ្រាលជ្រៅចំពោះឧត្តមសេនីយ៍ទោ សោម ស៊ុន និងលោកជំទាវ ព្រមទាំងសហការីទាំងអស់ដែលបានឧបត្ថម្ភគាំទ្រ​វត្តក្រសាំងមានជ័យ៕ដោយ៖​ប៊ុន​រដ្ឋា

កំពង់ធំៈគណបក្សប្រជាជនកម្ពុជាខេត្តកំពង់ធំ កាលពីចុងសប្ដាហ៍នេះបានរៀបចំពិធីសំណេះសំណាលជាមួយសមាជិកថ្មីចំនួន ៤១៤ នាក់ ។ ឯកឧត្តម នួន ផារ័ត្ន ប្រធានគណបក្សប្រជាជនកម្ពុជាខេត្តកំពង់ធំ បានថ្លែងក្នុងពិធីនេះថា គណបក្សប្រជាជនកម្ពុជា គឺជាគណបក្សរបស់ប្រជាជន ដើម្បីប្រជាជន។ទីណាមានការលំបាក ទីនោះគ្រប់ពេលវេលាតែងតែមានមន្ត្រីគណបក្សប្រជាជនកម្ពុជាចុះទៅជួយប្រជាពលរដ្ឋ៕ ដោយ ៈប៊ុន រដ្ឋា

កំពង់ធំ៖ ឯកឧត្តម អ៊ុត សំអន រដ្ឋលេខាធិការក្រសួងមហាផ្ទៃ ឯកឧត្តម នួន ផារ័ត្ន អភិបាលខេត្តកំពង់ធំ បានអញ្ជើញជាអធិបតីក្នុងកិច្ចប្រជុំផ្សព្វផ្សាយផែនការយុទ្ធសាស្ត្រ ស្ដីពីការអនុវត្តគោលនយោបាយ “ភូមិ ឃុំ-សង្កាត់ មានសុវត្ថិភាព” ឆ្នាំ ២០២៤-២០២៨ របស់ក្រសួងមហាផ្ទៃ នៅសាលប្រជុំសាលាខេត្ត។ ក្នុងកិច្ចប្រជុំនៅថ្ងៃទី២៨ ខែតុលាមលោកឧត្តមសេនីយ៍ទោ ហេង សុផល ស្នងការនគរបាលខេត្ត បានធ្វើរបាយការណ៍បូកសរុបលទ្ធផលនៃការអនុវត្តគោលនយោបាយ “ភូមិ ឃុំ-សង្កាត់ មានសុវត្ថិភាព” រយៈពេល ៩ ខែ ឆ្នាំ ២០២៤។ចំណែកឯកឧត្តម នួន ផារ័ត្ន អភិបាលខេត្តកំពង់ធំបញ្ជាក់ក្នុងឳកាសនេះថា កម្លាំងប្រជាការពារមិនអាចខ្វះបានក្នុងការសហការជាមួយកម្លាំងនគរបាលមូលដ្ឋាន ដើម្បីអនុវត្តគោលនយោបាយភូមិឃុំ-សង្កាត់មានសុវត្ថិភាព។ ឯកឧត្តម អ៊ុត សំអន បានប្រាប់កិច្ចប្រជុំថា គោលនយោបាយ “ភូមិ ឃុំ-សង្កាត់ មានសុវត្ថិភាព” ពីឆ្នាំ ២០២៤ ដល់ ២០២៨ គឺជាជំហានយុទ្ធសាស្ត្រដែលក្រសួងមហាផ្ទៃត្រូវអនុវត្តក្នុងរយៈពេល ៥ ឆ្នាំខាងមុខ ដើម្បីឆ្លើយតបទៅនឹងការអភិវឌ្ឍសង្គម និងសេដ្ឋកិច្ចនៅមូលដ្ឋាន។ឯកឧត្តមបានបញ្ជាក់ថា ផែនការយុទ្ធសាស្ត្ររួមមាន៖…

កំពង់ចាម​៖ ឯកឧត្ដម​ អ៊ុន​ ចាន់ដា​ អភិបាលខេត្តកំពង់ចាមបានអំពាវ​នាវដល់មាតាបិតា អាណាព្យាបាលគ្រប់រូបសូមនាំកូន ចៅ ដែល​គ្រប់​អាយុចូលរៀន មកចុះឈ្មោះចូលរៀនឱ្យបានគ្រប់ៗគ្នា។ឯកឧត្តមថ្លែង​បែបនេះ​ក្នុងពិធីបើកបវេសនកាលថ្មីឆ្នាំ​សិក្សា​២០២៤-២០២៥ និងទិវាដឹងគុណគ្រូបង្រៀន នៅវិទ្យាល័យព្រះសីហនុ ក្រុងកំពង់ចាម​ កាលពីព្រឹកថ្ងៃទី​២៨​ ខែតុលា​ ឆ្នាំ​២០២៤​ ។ ក្នុងពិធីបើកបវេសនកាលថ្មីឆ្នាំ​សិក្សា​២០២៤-២០២៥ក្រៅពីការអំពាវ​នាវដល់មាតាបិតា អាណាព្យាបាលឱ្យនាំកូនចៅ មកចុះ​ឈ្មោះចូលរៀន ,​ឯកឧត្ដម​ អ៊ុន​ ចាន់ដា​ អភិបាលខេត្តកំពង់ចាម​ បានជំរុញដល់​មន្ទីរអប់រំ​ និងគ្រឹះស្ថានសិក្សាគ្រប់កម្រិត ត្រូវខិតខំ​ពង្រីក​សក្ដានុពលរបស់ខ្លួន ទាំងខាងផ្នែកហេដ្ឋារចនាសម្ព័ន្ធរូបវ័ន្ត ទាំងសេវាបង្រៀន ដើម្បីឱ្ស​សាលា​រៀនក្លាយទៅជា​សាលា​កុមារ​មេត្រី កម្រិតអភិវឌ្ឍន៍ ។ជា​សាលារៀនជំនាន់ថ្មី និងជាសាលារៀនគំរូ ប្រកបដោយប្រសិទ្ធភាព និងគុណភាព។​ ឯកឧត្ដម​អភិបាលខេត្តកំពង់ចាម​ក៏បានសំណូមពរដល់លោកគ្រូ អ្នកគ្រូ ទាំងអស់ត្រូវបំពេញតួនាទីជាបុគ្គលនាំមុខ ,ជាឪពុកម្ដាយទី២ ជា​មគ្គុទ្ទេសក៍  ជាអ្នកស្រាវជ្រាវ ជាទីប្រឹក្សា និងជាអ្នកច្នៃប្រឌិត ។ចំពោះ​ក្មួយៗសិស្សានុសិស្សទាំងអស់សូមបន្តខិតខំរៀនសូត្រ និងធ្វើ ”អំពើល្អ” ដើម្បីការរីកចម្រើននៅក្នុងគ្រួសារ ក្នុងសង្គម និងប្រទេសជាតិ ។ជាពិសេសត្រូវនៅឱ្យឆ្ងាយពីគ្រឿងញៀន និងការប្រព្រឹត្តអំពើ​អបាយ​មុខផ្សេងៗ​៕ដោយ៖លី ពៅ

កំពត៖ថ្នាក់ដឹកនាំខេត្ត ព្រះសង្ឃ មន្ត្រីរាជការ កងកម្លាំងប្រដាប់​អាវុធ​គ្រប់ប្រភេទ ប្រជារាស្ត្រខេត្តកំពតនៅថ្ងៃទី២៨ ខែតុលា ឆ្នាំ ២០២៤ បានរៀបចំពិធីបុណ្យខួបលើកទី២០ នៃការយាងគ្រងព្រះបរម សិរី​រាជសម្បត្តិ របស់ ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ក្រោមអធិបតីភាពឯកឧត្តម តាក ហាប់ ប្រធានក្រុមប្រឹក្សាខេត្ត និងឯកឧត្តម ម៉ៅ ធនិន អភិបាល​ខេត្តកំពត ។ ពិធីនេះមានការអានលិខិតថ្វាយព្រះពរមានខ្លឹមសារសំខាន់ៗថាយើងខ្ញុំទាំងអស់គ្នា សូមលំឱនកាយវាចាចិត្ត ក្រាបបង្គំថ្វាយ​នូវព្រះ​សព្ទ​សាធុ​ការពរជ័យ បវរសួស្តី សិរីមង្គល វិបុលសុខមហាប្រសើរ គ្រប់ប្រការ ថ្វាយចំពោះព្រះករុណា ជាអម្ចាស់ជីវិតលើត្បូង ជាទីគោរពសក្ការៈ​ដ៏ខ្ពង់ខ្ពស់បំផុត និងសូមសម្តែង ថ្វាយនូវកតញ្ញូកតវេទិតាធម៌​យ៉ាង​ជ្រាលជ្រៅបំផុត ចំពោះព្រះរាជហឫទ័យ និងព្រះរាជសកម្ម​ភាព​ប្រកបដោយ ព្រះគុណធម៌ ព្រះមនុស្សធម៌ របស់ព្រះអង្គក្នុង​វិស័យ​សង្គមកិច្ច សុខុម សុខុមាលភាព អប់រំ​សិក្សាធិការ ព្រះពុទ្ធ​សាសនា ហេដ្ឋារចនាសម្ព័ន្ធ និងជីវភាពរស់នៅរបស់ប្រជារាស្ត្រ ដែលជា​ព្រះរាជសកម្មភាពយ៉ាង​ធំធេងក្នុង​ការដោះស្រាយ ទុក្ខ​លំបាក​របស់ប្រជារាស្ត្រ ការកាត់បន្ថយភាពក្រីក្រ និងការស្តារ​អភិវឌ្ឍ​ប្រទេសជាតិឱ្យមានសន្ទុះរីកចម្រើន ជឿនលឿន ថ្កុំថ្កើង រុងរឿង​យ៉ាងឆាប់រហ័សលើគ្រប់វិស័យ…

(ភ្នំពេញ)៖ នាព្រឹកថ្ងៃចន្ទទី២៨ ខែតុលា ឆ្នាំ២០២៤ ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល អញ្ជើញជាចូលរួមក្នុងពិធីបរិច្ចាគឈាមរបស់ថ្នាក់ដឹកនាំ មន្រ្តីរាជការ និងបុគ្គលិក មន្ទីរពេទ្យជាតិ តេជោសន្តិភាព ក្រោមប្រធានបទ «រួមគ្នាបរិច្ចាគឈាម សង្រ្គោះជីវិតក្រោមម្លម់សន្តិភាព» ក្នុងឱកាសអបអរសាទរអនុស្សាវរីយ៍ ១ឆ្នាំ នៃការបើកដំណើរការមន្ទីរពេទ្យជាតិ តេជោសន្តិភាព ។ ក្នុងឱកាសអបអរសាទរខួប១ឆ្នាំនេះ នៃការបើកដំណើរការមន្ទីរពេទ្យ ឯកឧត្តសាស្រ្តាចារ្យរដ្ឋមន្រ្តី សូមថ្លែងនូវការកោតសរសើរដល់ ក្រុមប្រឹក្សាភិបាល ថ្នាក់ដឹកនាំមន្ទីរពេទ្យ ចំពោះការខិតខំបម្រើសេវាសុខាភិបាលជូនប្រជាពលរដ្ឋគ្រប់រូប ប្រកបដោយគុណភាព ប្រសិទ្ធភាព ស័ក្តិសិទ្ធភាព សុវត្ថិភាព សមធម៌ និងក្រមសីលធម៌វិជ្ជាជីវៈ ស្របនឹងការយកចិត្ដទុកដាក់របស់រាជរដ្ឋាភិបាល ក្រោមការដឹកនាំដ៏ឈ្លាសវៃរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី កម្ពុជា ។ ទន្ទឹមនឹងការបម្រើសេវាសុខាភិបាលជាគ្រូពេទ្យ ឯកឧត្តមសាស្រ្តាចារ្យ សូមលើកទឹកចិត្តឱ្យបុគ្គលិក មន្ដ្រីរាជការ នៃមន្ទីរពេទ្យជាតិ តេជោសន្ដិភាព ចូលរួមបរិច្ចាគឈាមឱ្យបានទៀងទាត់ ដែលសកម្មភាពនេះបង្ហាញពីសាមគ្គីភាព និងចូលរួមការងារសង្គម ដើម្បីប្រទេសជាតិ និងជាការរួមចំណែកយ៉ាងសំខាន់ក្នុងការជួយសង្គ្រោះជីវិតជនរងគ្រោះ ដែលកំពុងសម្រាកព្យាបាលនៅតាមមន្ទីរពេទ្យនានា ក៏ជាសកម្មភាពមនុស្សធម៌ផងដែរ…