បរទេស៖ ប្រធានាធិបតីអ៊ីរ៉ង់ លោក Masoud Pezeshkian បាននិយាយ កាលពីថ្ងៃអាទិត្យថា អ៊ីរ៉ង់មិនស្វែងរកការធ្វើសង្រ្គាម ជាមួយអ៊ីស្រាអែលទេ ប៉ុន្តែ បានត្រៀមខ្លួនជាស្រេចដើម្បីផ្តល់ «ការឆ្លើយតបដ៏សមស្រប» ចំពោះការវាយប្រហារ លើទីតាំងយោធាអ៊ីរ៉ង់ កាលពីថ្ងៃសៅរ៍។ លោក Pezeshkian បានប្រាប់កិច្ចប្រជុំគណៈរដ្ឋមន្ត្រីថា «យើងមិនចង់ធ្វើសង្គ្រាមទេ ប៉ុន្តែយើងនឹងការពារសិទ្ធិរបស់ប្រទេស និងប្រទេសយើង» ដោយបន្ថែមថា អ៊ីរ៉ង់ «នឹងផ្តល់ការឆ្លើយតបសមស្របទៅនឹងការឈ្លានពានរបស់របប Zionist» ដែលលោកចង់សំដៅលើអ៊ីស្រាអែលនោះ។ ប្រធានាធិបតីអ៊ីរ៉ង់រូបនេះបាននិយាយថា «ប្រសិនបើការឈ្លានពាននៃរបប Zionist និងឧក្រិដ្ឋកម្មរបស់វា នៅតែបន្ត ភាពតានតឹង នឹងរីករាលដាល» ។ លោក Pezeshkian បានបន្ថែមថា «សហរដ្ឋអាមេរិកបានសន្យាថា នឹងបញ្ចប់សង្រ្គាម ជាថ្នូរនឹងការអត់ធ្មត់របស់យើង ប៉ុន្តែពួកគេមិនបានរក្សាការសន្យារបស់ពួកគេទេ»។ ការវាយប្រហាររបស់អ៊ីស្រាអែល កាលពីថ្ងៃសៅរ៍ គឺជាការសងសឹកចំពោះការវាយប្រហារ កាលពីថ្ងៃទី ១ ខែតុលា បង្កឡើងដោយអ៊ីរ៉ង់ ដោយពេលនោះ ទីក្រុងតេអេរ៉ង់បានបាញ់កាំជ្រួចប្រហែល ២០០ គ្រាប់ ទៅកាន់អ៊ីស្រាអែល ទោះបីជាភាគច្រើន ត្រូវបានស្ទាក់ចាប់…

បរទេស៖ នៅវាលខ្សាច់សាហារ៉ា ភាគអាគ្នេយ៍ នៃប្រទេសម៉ារ៉ុក ភ្លៀងធ្លាក់ដ៏កម្របានធ្វើឱ្យបឹង និងស្រះ ដែលធ្លាប់តែរីងស្ងួត បានផ្តល់ជីវិតសម្រាប់សត្វ និងរុក្ខជាតិឡើងវិញ នាពេលថ្មីៗនេះ ដោយអ្នកស្រុក និងអ្នកទេសចរ សរសើរថា «ជាអំណោយពីឋានសួគ៌»។ មគ្គុទ្ទេសក៍ទេសចរណ៍ ក្នុងស្រុក លោក Youssef Ait Chiga ដែលឈរនៅមាត់ច្រាំងនៃបឹង Yasmina បាននិយាយថា «យើងមានភាពរីករាយ និងសុភមង្គល» ។ រីឯ លោក Khalid Skandouli ជាមគ្គុទ្ទេសក៍ទេសចរណ៍ម្នាក់ទៀត បាននិយាយថា ភ្លៀងបានទាក់ទាញអ្នកទស្សនា មកកាន់តែច្រើន ទៅកាន់តំបន់ទេសចរណ៍ ជាពិសេស គឺចង់ឃើញការបំប្លែងដ៏ចម្លែកនេះ។ អ្នកទេសចរបារាំង និងជាភ្ញៀវប្រចាំតំបន់ អ្នកស្រី Laetitia Chevallier បាននិយាយថា ទឹកភ្លៀងបានបង្ហាញពី «ពរជ័យពីលើមេឃ»។ អ្នកស្រីបានបន្តថា «វាលខ្សាច់បានក្លាយជាពណ៌បៃតង ម្ដងទៀត សត្វមានអាហារម្ដងទៀត ហើយដើមរុក្ខជាតិ បានរស់ឡើងវិញ»។ អ្នកស្រុកបានប្រាប់ថា ស្តុកទឹកទាំងនេះបានរីងស្ងួត រយៈពេលជិត២០ឆ្នាំមកហើយ។ កាលពីឆ្នាំមុន…