ភ្នំពេញ៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃ​ព្រះរាជាណាចក្រកម្ពុជានៅថ្ងៃទី១៧ ខែកញ្ញា ឆ្នាំ២០២៤បានចេញនូវសារលិខិតអបអរក្នុងឱកាសខួប១ឆ្នាំ នៃការចុះរមណីយ​ដ្ឋានប្រាសាទកោះកេរ ក្នុងបញ្ជីបេតិកភណ្ឌពិភពលោកថ្ងៃទី១៧ កញ្ញា ២០២៣-១៧ កញ្ញា ២០២២៤។។ “រមណីយដ្ឋាន​​​ប្រាសាទកោះកេរ” របស់កម្ពុជាត្រូវបានចុះក្នុងបញ្ជី​បេតិកភណ្ឌពិភពលោក កាលពីថ្ងៃទី១៧ ខែកញ្ញា ឆ្នាំ​២០២៣ កន្លងទៅតាមរយៈសេចក្តីសម្រេចលេខ 45 COM 8B.8 នៅក្នុង​សម័យប្រជុំលើកទី៤៥ របស់គណៈកម្មាធិការ​បេតិក​ភណ្ឌ​ពិភព​លោក នាទីក្រុងរីយ៉ាដ ប្រទេសអារ៉ាប៊ីសាអូឌីត។ សារលិខិតរបស់សម្ដេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា​បានបញ្ជាក់ថា មហាសមិទ្ធផលដ៏ប្រសើរថ្លៃថ្លានេះ បានបង្ហាញ​ពីកិត្យានុ​ភាពវប្បធម៌ដ៏ខ្ពស់ត្រដែតរបស់ជាតិយើង ក្នុង ឆាកអន្តរជាតិ ដែលកើតចេញពីការខិតខំប្រឹងប្រែងប្រកបដោយ​វីរភាព​ជាប់មិនដាច់ និងឥតរាថយរបស់រាជរដ្ឋាភិបាល កម្ពុជា ក្រោមម្លប់នៃសន្តិភាព ដែល​ជា​​សមិទ្ធផលនៃនយោបាយឈ្នះឈ្នះរបស់​សម្តេចអគ្គមហា​សេនាបតី​តេជោ ហ៊ុន សែន ក្នុងការបង្រួបបង្រួមជាតិ និងនាំមកជូន​ប្រជាជនកម្ពុជា​នូវភាពសុខដុមរមនា​សម្រាប់​ជាមូលដ្ឋាន ក្នុងការកសាង​ម​​និងអភិវឌ្ឍប្រទេសជាតិលើគ្រប់វិស័យ រួមទាំងការ​អភិរក្ស អភិវឌ្ឍនូវសម្បត្តិ បេតិកភណ្ឌវប្បធម៌ ទំនៀមទម្លាប់ និងប្រពៃណី​ជាតិខ្មែរ ដែលជាកេរដំណែលដ៏ឧត្តុង្គឧត្តម​ពុំអាចកាត់​ថ្លៃបានរបស់បុព្វបុរសយើង បន្សល់ទុកជូនអ្នក​ជំនាន់ក្រោយ។ សម្ដេចធិបតីនាយករដ្ឋមន្រ្តីបន្តថា ខ្ញុំក៏សូមយកឱកាសនេះ ធ្វើការកោតសរសើរដោយស្មោះ និងមូលវិចារដ៏ថ្លៃថ្លា…