ព្រុចសែល៖ ការសិក្សាមួយបានចេញផ្សាយនាពេលថ្មីៗនេះថា សីតុណ្ហភាពខ្ពស់ដែលអ្នកវិទ្យាសាស្ត្រនិយាយថា កំពុងកាន់តែអាក្រក់ដោយសារការបំភាយកាបូន ដែលជំរុញដោយសកម្មភាពមនុស្ស បានបណ្តាលឲ្យមនុស្សជិត ៥០.០០០នាក់ស្លាប់នៅអឺរ៉ុបកាលពីឆ្នាំ ២០២៣។ ការសិក្សាផ្នែកសុខភាពសកលរបស់វិទ្យាស្ថាន Barcelona បានប៉ាន់ប្រមាណថា មនុស្ស ៤៧.៦៩០នាក់បានស្លាប់ ដោយសាររលកកំដៅ ក្នុងកំឡុងឆ្នាំ ២០២៣ ជាឆ្នាំក្តៅបំផុតទីពីររបស់អឺរ៉ុបនៅក្នុងកំណត់ត្រា។ ក្នុងមួយទសវត្សរ៍កន្លងទៅនេះ មានតែឆ្នាំ ២០២២ប៉ុណ្ណោះ ដែលមានមនុស្សស្លាប់ច្រើនជាងគេ ដោយរបាយការណ៍ប្រចាំឆ្នាំបានរកឃើញថា មានជនរងគ្រោះបាត់បង់ជីវិតដោយសាររលកកម្ដៅក្តៅខ្លាំងជាង ៦០.០០០០នាក់។ នៅក្នុងទិនានុប្បវត្តិ Nature Medicine ការសិក្សានេះបានយកតាមកំណត់ត្រាសីតុណ្ហភាព និងការស្លាប់មកពីប្រទេសចំនួន៣៥ នៅទូទាំងទ្វីបអ៊ឺរ៉ុប។ តាមរយៈការសិក្សានេះ មនុស្សវ័យចំណាស់គឺប្រឈមនឹងហានិភ័យខ្ពស់បំផុត តួយ៉ាង ប្រទេសនៅអឺរ៉ុបខាងត្បូងបានទទួលរងផលប៉ះពាល់ខ្លាំងជាងគេដោយសាររលកកំដៅ។ បារតវាស់សីតុណ្ហភាពបានឡើងដល់ ៤៤អង្សាសេ នៅថ្ងៃទី១៨ ខែកក្កដា នៅស៊ីស៊ីលី ។ របាយការណ៍ដដែលបានដាស់តឿនថា តួលេខនេះ គឺជាការប៉ាន់ប្រមាណ ដោយបន្ថែមថា ខ្លួនមានទំនុកចិត្ត ៩៥ភាគរយថា អត្រាមរណៈគឺស្ថិតនៅចន្លោះពី ២៨.៨៥៣នាក និង ៦៦.៥២៥។ ប៉ុន្តែរបាយការណ៍នេះក៏បានរកឃើញផងដែរថា ការស្លាប់ដោយសាររលកកំដៅ នឹងកើនឡើង ៨០ភាគរយ ប្រសិនបើមិនមែនផែនការសកម្មភាពរបស់រដ្ឋាភិបាលអឺរ៉ុបក្នុងសតវត្សទី២…

តេហេរ៉ង់៖ ប្រទេសអ៊ីរ៉ង់ កាលពីថ្ងៃអង្គារ បានទាត់ចោលការអំពាវនាវរបស់មេដឹកនាំលោកខាងលិច ឱ្យខ្លួនបោះបង់ចោលការគំរាមសងសឹកអ៊ីស្រាអែល ចំពោះការសម្លាប់មេដឹកនាំនយោបាយរបស់ក្រុមហាម៉ាស លោល Ismail Haniyeh នៅទីក្រុងតេហេរ៉ង់ កាលពីចុងខែមុន។ អ្នកនាំពាក្យក្រសួងការបរទេសអ៊ីរ៉ង់ លោក Nasser Kanani បាននិយាយថា សេចក្តីប្រកាសរបស់បារាំង អាល្លឺម៉ង់ និងអង់គ្លេស ដែលមិនជំទាស់នឹងឧក្រិដ្ឋកម្មអន្តរជាតិនៃរបប អ៊ីស្រាអែល បានស្នើសុំឱ្យអ៊ីរ៉ង់បោះបង់ចោលការសងសឹកប្រទេស ដែលបានរំលោភលើអធិបតេយ្យភាព និងបូរណភាពទឹកដីរបស់ខ្លួន។ លោក Kanani បន្ថែមថា សំណើបែបនេះ ខ្វះតក្កវិជ្ជានយោបាយ នៅចំពោះមុខគោលការណ៍ និងវិធាននៃច្បាប់អន្តរជាតិ ហើយបង្កើតជាការគាំទ្រជាសាធារណៈ និងជាក់ស្តែងដល់អ៊ីស្រាអែល។ អ៊ីរ៉ង់ និងសម្ព័ន្ធមិត្តរបស់ខ្លួន បានស្តីបន្ទោសអ៊ីស្រាអែល ចំពោះការសម្លាប់លោក Haniyeh ខណៈដែលគាត់បានទៅបំពេញទស្សនកិច្ចនៅទីក្រុងតេហេរ៉ង់ កាលពីថ្ងៃទី៣១ ខែកក្កដា ដើម្បីចូលរួមពិធីស្បថចូលកាន់តំណែងប្រធានាធិបតីអ៊ីរ៉ង់ លោក Masoud Pezeshkian។ បច្ចុប្បន្ន អ្នកការទូតលោកខាងលិចបានព្យាយាមបញ្ចៀសការផ្ទុះសង្គ្រាមធំមួយនៅមជ្ឈិមបូព៌ា ចំពេលមានភាពតានតឹងកើនឡើងខ្ពស់រួចទៅហើយ ដោយសារសង្គ្រាមអ៊ីស្រាអែល និងក្រុមហាម៉ាសនៅហ្គាហ្សា៕ ប្រភព៖ AFP ប្រែសម្រួលដោយ៖ ឈឹម ទីណា