កំពង់ធំ៖លោកឧត្តមសេនីយ៍ទោ ហេង សុផល ស្នងការនគរបាល​ខេត្តកំពង់ធំ បានដឹកនាំកិច្ចប្រជុំដើម្បីបូកសរុបលទ្ធផលការងារ​ប្រចាំខែតុលា និងដាក់ចេញទិសដៅការងារសម្រាប់ខែវិច្ឆិកា​នៅសាលប្រជុំស្នងការដ្ឋាននគរបាលខេត្តកំពង់ធំ។ ក្នុងកិច្ចប្រជុំនេះដែរ លោកស្នងការនគរបាលខេត្តបានកំណត់​នូវទិស​ដៅបន្តទៀតដោយត្រូវយកចិត្តទុកដាក់លើ​ការងារបង្ការ​សន្តិសុខ និងកិច្ចការក្នុងការទប់ស្កាត់បទល្មើសប្រចាំថ្ងៃ។ទប់ស្កាត់ល្បែងស៊ីសង ការលួចឆក់ ក្មេងទំនើង និងបទល្មើសផ្សេងៗ។គ្រប់គ្រង និងការ​ពារ​ពីអាវុធជាតិផ្ទុះ និងគ្រោះថ្នាក់ដោយភ្លើងឆេះជាដើម ។ លោក ហួត សារ៉ាវុធ នាយការិយាល័យសរុបផែនការបានបញ្ជាក់ថា ចាប់ពីខែកញ្ញា រហូតដល់ខែតុលាករណីបទល្មើសបានថយចុះ និងស្ថានភាពសន្តិសុខសាធារណៈមានភាពស្ងប់ស្ងាត់៕ដោយ៖​ប៊ុន​រដ្ឋា

ស្ទឹងត្រែង៖បន្ទាប់ពីដំណើរការរយៈពេលពីរថ្ងៃរួចមក កាលពីថ្ងៃទី១ ខែវិច្ឆិកា ឆ្នាំ២០២៤ វេទិកាថ្នាក់ខេត្តស្តីពីកំណែទម្រង់វិមជ្ឈការ និង​វិសហមជ្ឈការ ដើម្បីសម្រេចបានចក្ខុវិស័យកម្ពុជាឆ្នាំ២០៥០ រៀបចំដោយរដ្ឋបាលខេត្តស្ទឹង​ត្រែង ត្រូវបានបិទបញ្ចប់ ក្រោមអធិបតីភាព ឯកឧត្តម ឈាង ឡាក់ ប្រធានក្រុមប្រឹក្សាខេត្ត និងឯកឧត្តម សរ សុពុត្រា អភិបាលខេត្តស្ទឹងត្រែង។ សូមជម្រាបថា ក្នុងវេទិកាដ៏មានសារៈសំខាន់នេះ មានការធ្វើបទអន្ត​រាគមន៍ពីអាជ្ញាធរឃុំ សង្កាត់ចំនួនបី ក្រុងមួយ ស្រុកចំនួនបី មន្ទីរ អង្គភាពចំនួនប្រាំបួន និងអង្គការដៃគូរអភិវឌ្ឍន៍ចំនួនបី។តាមរយៈ​បទអន្តរាគមន៍ និងការផ្លាស់មតិយោបល់ ទេវិកាបានរក​បញ្ហាប្រឈម ,មានសំណើរ និងបានកំណត់អំពីដំណោះស្រាយ ។ ឯកឧត្តមអភិបាលខេត្ត សរ សុពុត្រា បានគូសបញ្ជាក់ថា ការរៀបចំ​វេទិកាថ្នាក់ខេត្តនាពេលនេះ នឹងរួមចំណែកជាមួយរាជរដ្ឋា​ភិបាល​ដើម្បីធានាថា ដំណើរការកំណែទម្រង់នេះបានបោះជំហានទៅ​មុខប្រកបដោយវិជ្ជមាន និងមានការចូលរួមការ​គាំទ្រ និង​ការទទួលខុសត្រូវប្រកបដោយភាពម្ចាស់ការ ក្នុងការរួមគ្នា​រៀបចំនិងពង្រឹងអភិបាលកិច្ចនៅ​មូលដ្ឋាន កាន់តែមានភាពធន រឹងមាំ មានសមត្ថភាព លទ្ធភាពសមស្របក្នុងការផ្តល់សេវាសាធារណៈ និងការអភិវឌ្ឍមូលដ្ឋាន៕ដោយ៖ ដេង ម៉ាវិន

សៀមរាប៖សាលាបឋមសិក្សាបន្ទាយឈើ នៃភូមិបន្ទាយឈើ សង្កាត់​ទឹកវិល ក្រុងសៀមរាប បានប្រារព្ធពិធីបើកបវេសន​កាលឆ្នាំ​សិក្សាថ្មី ២០២៤-២០២៥ ដោយផ្សាភ្ជាប់ជាមួយការចែករង្វាន់ដល់សិស្សពូកែ​ប្រចាំសាលាផងដែរ។ ក្នុងពិធីដែលប្រារព្ធកាលពីថ្ងៃទី១ ខែវិច្ឆិកា មានការនិមន្តចូលរួមពីព្រះ​សនសត្ថា តង់ តន ព្រះបាឡាត់​គណខេត្ត​និងជាព្រះគ្រូ​ចៅអធិការវត្ត​ព្រះព្រហ្មរ័ត្ន និងព្រះសច្ចានុបាល នឿម វុទ្ធី ព្រះចៅអធិការវត្តស្វាយ​រមៀត និងជាប្រធានកិត្តិយស​គណៈកម្មការ​គ្រប់គ្រងសាលា។ ក្នុងពិធីមានការសារលិខិតសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រ​កម្ពុជាសម្រាប់ថ្ងៃបើក​បវេសន​កាលថ្មី ថ្ងៃទី១ ។សារបានរំលេចពៅគោលដៅអប់រំក្នុងការកសាង​មូលធនមនុស្ស ប្រកបដោយចំណេះដឹង និងសុខភាពល្អ ។ចំណែក ព្រះសច្ចានុបាល នឿម វុទ្ធី បានផ្តល់នូវសម្ភារសិក្សា និងថវិកា ៨លានរៀលទៅសិស្សនិងគ្រូបង្រៀន ៥០០នាក់ ដើម្បីជាការលើកទឹកចិត្ត៕ដោយ៖​ប៊ុន​រដ្ឋា

(ភ្នំពេញ)៖ ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល ព្រឹកថ្ងៃទី២ ខែវិច្ឆិកា ឆ្នាំ២០២៤ បានអញ្ជើញបើកសន្និសីទប្រចាំឆ្នាំលើកទី៣ របស់សមាគមបច្ចេកវិទ្យា ទឹកនោមផ្អែម និងក្រពេញកម្ពុជា ក្រោមប្រធានបទ «នវានុវត្តន៍ក្នុងការព្យាបាលជំងឺទឹកនោមផ្អែម និងជំងឺក្រពេញទីរ៉ូអ៊ីត»។ សន្និសីទនាពេលនេះ បានបង្កើតជាវេទិកាដ៏មានសារៈសំខាន់មួយ ដែលបានចូលរួមពិគ្រោះ ពិភាក្សា ផ្លាស់ប្តូរមតិយោបល់ និងចែករំលែកឱ្យគ្នាទៅវិញទៅមកនូវចំណេះដឹង សំដៅស្វែងយល់ឱ្យកាន់តែច្បាស់ និងស៊ីជម្រៅពីសកម្មភាពអនុវត្តវេជ្ជសាស្ត្រថ្មីៗ និងបច្ចេកវិទ្យាឌីជីថលក្នុងវិស័យសុខាភិបាល ដែលមន្ត្រីសុខាភិបាលគ្រប់រូប ត្រូវមានមូលដ្ឋានចំណេះដឹងសម្រាប់ធ្វើបច្ចុប្បន្នភាពក្នុងពេលបំពេញភារកិច្ចរបស់ខ្លួន និងអាចចាប់យកឱកាស និងបទពិសោធន៍ល្អៗ ដើម្បីបំពេញការងារឱ្យកាន់តែមានប្រសិទ្ធភាព មានទំនួលខុសត្រូវ និងប្រកបដោយមនសិការវិជ្ជាជីវៈ។ ឯកឧត្តមសាស្ត្រាចារ្យរដ្ឋមន្រ្តី បានណែនាំដល់ថ្នាក់ដឹកនាំក្រសួងសុខាភិបាល ថ្នាក់ដឹកនាំសមាជិក សមាជិកា សមាគមន៍បច្ចេកវិទ្យាជំងឺទឹកនោមផ្អែម នៅក្នុងរាជធានីភ្នំពេញ និងនៅកម្ពុជា សូមបន្តកិច្ចសហការ និងគាំទ្របន្ថែមទៀត ក្នុងការអភិវឌ្ឍអប់រំ ការបណ្តុះបណ្តាលនៅក្នុងវិស័យសុខាភិបាល។ ឯកឧត្តមសាស្រ្តាចារ្យ គាំទ្រគ្រប់សមាគមន៍ទាំងឡាយ ដែលមានអ្នកជំនាញ ពាក់ព័ន្ធក្នុងវិស័យរបស់ខ្លួន ដោយត្រូវអញ្ជើញចូលរួម ដើម្បីជាការផ្តល់តម្លៃដល់ស្ថាប័ន និងការឈានដល់ការចែករំលែកនូវបទពិសោធន៍ដល់អង្គពិធីផងដែរ ។ ពិធីនេះរៀបចំឡើងនៅសណ្ឋាគារសុខាភ្នំពេញ រយៈពេល ១ថ្ងៃពេញ ក៏មានការអញ្ជើញចូលរួមពីឯកឧត្តម លោកជំទាវ…

(ភ្នំពេញ)៖ ឯកឧត្តម ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និង​សំណង់ បានផ្តល់ អនុសាសន៍សំខាន់ៗជាច្រើន និងសំណូមពរដល់​វិស័យ​ឯក​ជន ចូលរួមកសាង​​ហេដ្ឋារចនាសម្ព័ន្ធនានា និងជំរុញ​ខឿនសេដ្ឋកិច្ចជាតិកាន់​តែប្រ​សើរសុខុម។ គួរបញ្ជាក់ថាការថ្លែងបញ្ជាក់ពីសំណាក់ឯកឧត្តម ឧបនាយករដ្ឋមន្ត្រី រដ្ឋមន្ត្រីក្រសួង​រៀប​ចំ​ដែនដី នគរូបនីយកម្ម និងសំណង់បែបនេះធ្វើឡើងក្នុងពិធីពិសាអាហារ​ការងារនៅសណ្ឋាគារ Raffle Le Royal នាព្រឹកថ្ងៃទី១ ខែវិច្ឆិកា ឆ្នាំ២០២៤។ បើយោងតាមសេចក្តីប្រកាសព័ត៌មានរបស់វេទិការរាជរដ្ឋាភិបាល ផ្នែកឯកជន និង សភាពាណិជ្ជកម្មកម្ពុជាកាលពីថ្ងៃទី១ ខែ វិច្ឆិកាឆ្នាំ ២០២៤បានឱ្យដឹងថា អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានសម្របសម្រួលក្រុមការងារ ទាំង១៦ផ្នែកឯកជន តំណាងផ្នែកឯកជន បានដឹកនាំថ្នាក់ដឹក សមាជិកសមាជិកា នៃក្រុមការងារ ចំពោះកិច្ច និងសមាជិកសភាពាណិជ្ជកម្មកម្ពុជា ព្រមទាំង អ្នកឧកញ៉ា ឧកញ៉ា ឯកឧត្តម លោកជំទាវ ក្នុងសកម្មភាពពាណិជជ្ជកម្ម និងវិនិយោគលើ​វិស័យ​សំណង់ និងអចលនទ្រព្យ ចូលរួម ពិធីពិសាអាហារ សាមគ្គីការងារពេលព្រឹក ក្រោម​អធិប​តីភាព ឯកឧត្តម សាយ…

(ភ្នំពេញ)៖ នៅថ្ងៃទី០១ ខែវិច្ឆិកា ឆ្នាំ២០២៤ ឯកឧត្តមឧបនាយករដ្ឋមន្ត្រី សុខ ចិន្តា​សោភា រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ បានអនុញ្ញាតឱ្យ ឯកឧត្តម Derek YIP ឯកអគ្គរដ្ឋទូតវិសាមញ្ញ និងពេញសមត្ថភាព នៃប្រទេសអូស្ត្រា​លី ប្រចាំព្រះរាជាណាចក្រកម្ពុជា ចូលជួបសម្តែងការគួរសមនៅទីស្តីការក្រសួង។ ឯកឧត្តមឧបនាយករដ្ឋមន្ត្រី បានឆ្លុះបញ្ចាំងអំពីទំនាក់ទំនងដ៏រឹងមាំ និងយូរអង្វែងរវាង​ព្រះរាជាណាចក្រកម្ពុជា និងអូស្ត្រាលី ដោយភាគីទាំងពីរបានបញ្ជាក់ឡើងវិញ​នូវភាព​ជា​ដៃគូដ៏រឹងមាំ និងការប្តេជ្ញាចិត្តរួមគ្នាចំពោះការរីកចម្រើន និងកិច្ចសហប្រតិបត្តិការ​ទៅវិញ​ទៅមក ដែលបានកត់សម្គាល់ទំនាក់ទំនងទ្វេភាគី ចាប់តាំងពីការបង្កើត​ទំនាក់​ទំនងការទូត។ ឯកឧត្តមឧបនាយករដ្ឋមន្ត្រី ក៏បានសម្តែងការកោតសរសើរយ៉ាងជ្រាលជ្រៅចំពោះ​ការ​គាំទ្រដ៏យូរអង្វែងរបស់អូស្ត្រាលីសម្រាប់កម្ពុជា ដោយបានរំលេចពីតួនាទី ដ៏សំ​ខាន់ របស់ អូស្ត្រាលី ក្នុងនៅក្នុងវិស័យជាច្រើន ដូចជា ការកសាងសមត្ថភាព ការ​អភិវឌ្ឍសង្គម និងបរិវត្តកម្មឌីជីថលនៅកម្ពុជា។ ឯកឧត្តមឧបនាយករដ្ឋមន្ត្រីក៏បានចែករំលែក​អំពីយុទ្ធសាស្ត្របញ្ចកោណរបស់រាជ​រដ្ឋា​ភិបាល​កម្ពុជា ដែលជាក្របខណ្ឌដ៏សំខាន់ ក្នុងគោលដៅអភិវឌ្ឍន៍ជាតិផងដែរ។ ភាគីទាំងពីរបានប្តេជ្ញាចិត្តក្នុងការបន្តពង្រឹងកិច្ចសហប្រតិបត្តិការបន្ថែមទៀតលើវិស័យជាច្រើន ដើម្បីជំរុញភាពជាដៃគូដ៏រឹងមាំ សម្រាប់ផលប្រយោជន៍ទៅវិញទៅមក​នៃប្រទេសទាំងពីរ ៕ ដោយ/សួង ពិសិដ្ឋ