ព្យុងយ៉ាង៖ ទីភ្នាក់ងារសារព័ត៌មានកណ្តាលកូរ៉េខាងជើង ហៅកាត់ KCNA កាលពីថ្ងៃពុធ បានបង្ហាញពីរូបភាពមេដឹកនាំកូរ៉េខាងជើង លោក គីម ជុងអ៊ុន ជិះទូកកៅស៊ូ ពិនិត្យមើលទីតាំងខូចខាត ដោយសារទឹកជំនន់ នៅតំបន់ Sinuiju ក្នុងខេត្ត North Pyongan បន្ទាប់ពីមានភ្លៀងធ្លាក់ខ្លាំង កាលពីពេលថ្មីៗនេះ ។ រូបភាពក៏បានបង្ហាញពី លោក គីម ដឹកនាំកិច្ចប្រជុំបន្ទាន់មួយ នៅក្នុងរថភ្លើងពិសេស ដើម្បីពិភាក្សាអំពីស្ថានការណ៍ ទឹកជំនន់ ទៀតផង។ ប្រភពបន្តថា កាលពីថ្ងៃចន្ទថា កូរ៉េខាងជើងបានដាក់ពង្រាយឧទ្ធម្ភាគចក្រយោធា ដើម្បីនាំមនុស្សរាប់ពាន់នាក់ ដែលជាប់គាំង នៅក្នុងតំបន់រងគ្រោះ ទៅកាន់ទីសុវត្ថិភាព។ កូរ៉េខាងជើងកំពុងបន្តទទួលរងនូវជំនន់ទឹកភ្លៀងខ្លាំង បំបែកកំណត់ត្រា ដែលមិនធ្លាប់មាន ពីមុនមក។ រដ្ឋបាលឧតុនិយមរបស់កូរ៉េខាងត្បូង បាននិយាយថា វាជាកំណត់ត្រាខ្ពស់បំផុត នៅកូរ៉េខាងជើង ក្នុងរយៈពេល ២៩ឆ្នាំ។ គ្រោះមហន្តរាយធម្មជាតិមានឥទ្ធិពល កាន់តែខ្លាំង ទៅលើភាគខាងជើង ដាច់ស្រយាល និងក្រីក្រ ដោយសារតែហេដ្ឋារចនាសម្ព័ន្ធមិនល្អ រួមជាមួយនឹងកាប់បំផ្លាញព្រៃឈើ។ ក្រសួងបរិស្ថានរបស់កូរ៉េខាងត្បូង បាននិយាយ កាលពីដើមខែកក្កដាថា…

តូក្យូ៖ មនុស្សម្នាក់បានស្លាប់ និង១៤០នាក់ទៀតកំពុងព្យាបាលនៅមន្ទីរពេទ្យក្រោយពីពួកគេបាន បរិភោគអន្ទង់អាំង ឬ ជប៉ុនហៅថា Unagi។ ហេតុការណ៍នេះបានកើតឡើង កាលពីសប្តាហ៍មុន នៅក្នុងហាង Keikyu ក្នុងទីក្រុង Yokohama ដោយពួកគេបានទិញអាហារប្រអប់ថ្ងៃត្រង់ ដែលមានអន្ទង់អាំង ដែលគេផ្សំគ្រឿងជាលក្ខណៈ អាហារបែបប្រពៃណីរបស់ជប៉ុន។ ម្ចាស់ហាងឈ្មោះ Shinji Kaneko កាលពីថ្ងៃចន្ទ បានសុំទោស និង ចូលរួមរំលែកទុក្ខ ក្រោយកើតហេតុ ហើយប្រកាសទទួលខុសត្រូវ ថា ខ្លួនពិតជាចម្អិននិងលក់អាហារទាំងនេះ។ យ៉ាងណាមិញ កម្រិតទោស នៃទទួលខុសត្រូវ មិនត្រូវបានបង្ហើបឲ្យដឹង នៅឡើយទេ។ មន្ត្រីសុខាភិបាលបានរកឃើញបាក់តេរីមួយប្រភេទ ហៅថា Staphylococcus Aureus នៅក្នុងអាហារនេះ។ អន្ទង់ជប៉ុន ជាអាហារពេញនិយម នៅក្នុងប្រទេសជប៉ុន និងតាមបណ្តា ប្រទេសជាច្រើននៅអាស៊ី ជាពិសេសអន្ទង់អាំងលាយជាមួយ ទឹកស៊ីអ៊ីវ និង ស្រាអង្ករ Mirin។ ក្នុងមួយឆ្នាំជនជាតិជប៉ុនបរិភោគអន្ទង់ប្រមាណ ១២ម៉ឺនតោន ដែលភាគច្រើនជាអន្ទង់ចិញ្ចឹមក្នុងស្រុក និងមួយចំនួនទៀតនាំចូលពីប្រទេសចិន តៃវ៉ាន់ កូរ៉េខាងត្បូង និងម៉ាឡេស៊ី។…