មូស្គូ៖ ប្រធានាធិបតីនៃប្រទេសរុស្ស៊ី លោក វ្ល៉ាឌីមៀ ពូទីន បានប្តេជ្ញាប្រគល់ជ័យជម្នះ ដល់ប្រជាជនរុស្ស៊ី ក្នុងពិធីស្បថចូលកាន់តំណែង សម្រាប់អាណត្តិទី៥ របស់លោក នៅឯវិមានក្រឹមឡាំង ទីក្រុងមូស្គូ កាលពីថ្ងៃអង្គារ។ លោក ពូទីន មានប្រសាសន៍ថា «យើងជាប្រជាជាតិមួយ រួបរួមគ្នា និងអស្ចារ្យ ហើយរួមគ្នា យើងនឹងជម្នះរាល់ឧបសគ្គទាំងអស់ យើងដឹងអ្វីគ្រប់យ៉ាង ដែលយើងបានគ្រោងទុក»។ ប្រមុខវិមានក្រឹមឡាំង អាយុ ៧១ឆ្នាំ រូបនេះ ទទួលបានអាណត្តិថ្មី ជាប្រធានាធិបតីរុស្ស៊ី រយៈពេល ៦ឆ្នាំ បន្ទាប់ពីបានឈ្នះការបោះឆ្នោត ដោយគ្មានបក្សប្រឆាំងដ៏មានឥទ្ធិពល កាលពីខែមីនា។ បើតាមទីភ្នាក់ងារសារព័ត៌មាន Tass លោក ពូទីន បានសង្កត់ធ្ងន់ថា អាទិភាពចម្បងរបស់ប្រទេសរុស្ស៊ី ក្នុងអាណត្តិថ្មី គឺ ធានាកំណើនសេដ្ឋកិច្ចប្រជាជនប្រកបដោយនិរន្តរភាព, ថែរក្សាប្រពៃណីអរិយធម៌របស់ប្រទេស និងបន្តការអភិវឌ្ឍន៍ក្នុងភាពជាដៃគូ ជាមួយបណ្តាប្រទេសភាគច្រើន នៃពិភពលោក៕ ប្រភពពី AFP ប្រែសម្រួល៖ សារ៉ាត

តម្លៃដូងនៅប្រទេសវៀតណាមបានកើនឡើងបួនដង ក្នុងពេលអាកាសធាតុក្តៅខ្លាំង នាប៉ុន្មានខែមកនេះ ក្នុងនោះ ដូងស្រស់មួយផ្លែ បានកើនតម្លៃដល់ទៅ ជាង៥០សេនដុល្លារ។ នេះបើតាមកាសែត VNexpress។ លោក Nguyen Dinh Tung នាយកប្រតិបត្តិនៃក្រុមហ៊ុននាំចេញផ្លែឈើ Vina T&T បាននិយាយ នៅក្នុងសន្និសីទសារព័ត៌មាន កាលពីសប្តាហ៍មុនថា តម្លៃដូងកើនឡើងយ៉ាងឆាប់រហ័ស ក្នុងនោះ អ្នកលក់បាននិយាយថា ពួកគេលក់បានរាប់ពាន់ដូង ជាប្រចាំថ្ងៃ ហើយអ្នកទិញពិបាករកទិញ ទៀតផង ដោយសារតែការផ្គត់ផ្គង់មិនទាន់តម្រូវការ។ លោកបានបន្ថែមថា ជាមួយនឹងសីតុណ្ហភាពកើនឡើងដល់ ៤០អង្សាសេ តម្រូវការទឹកដូងស្រស់ មានការកើនឡើងច្រើន។ អាជ្ញាធរខេត្ត Ben Tre ស្ថិតក្នុងតំបន់ដីសណ្ដទន្លេមេគង្គ ដែលជាទីតាំងមានផ្លែដាំដូងធំជាងគេមួយ ក្នុងប្រទេសវៀតណាម បានប្រាប់ថា តម្លៃដូងបានឡើងថ្លៃ ស្ទើរតែរាល់ថ្ងៃ ជាហេតុនាំឱ្យកសិករទទួលបានប្រាក់ចំណេញច្រើន។ ក្រុមហ៊ុនលក់រាយ Saigon Co.op បានឃើញតម្រូវការទឹកដូងកើនឡើង ៥០% ចាប់ពីខែមីនាមក។ យ៉ាងណាមិញ កាសែត VNexpress បានចេញផ្សាយថា ដូងវៀតណាមដែលគ្រោងនឹងត្រូវនាំចេញទៅប្រទេសចិន ក្នុងពេលឆាប់ៗនេះ ក៏បានជំរុញឱ្យតម្លៃដូង…